НАТО амаӡаныҟәгаҩ хада: алианс Амшынеиқәаҿ аҟазаара еизҳауеит

13
(ирҿыцуп 10:03 31.10.2019)
Иенс Столтенберг иазгәеиҭеит НАТО азы Амшынеиқәа арегион аҵак ду аманы ишыҟоу. Уи ус шакәу шьақәнарӷәӷәоит Одесса амшынбаӷәазаҿы алианс аӷбақәа рыҟазаара.

АҞӘА, жьҭаара 31- Sputnik. НАТО амаӡаныҟәгаҩ хада Иенс Столтенберг алианс Амшынеиқәаҿ аҟазаара еизҳауеит ҳәа аҳәамҭа ҟаиҵеит, иагьазгәеиҭеит уи аҵакы аманы ишибо. Абри атәы аҩуеит RT.

Столтенберг иҳәеит Амшынеиқәа иаԥну атәылақәа хԥа: Румыниа, Болгариа, Ҭырқәтәыла —НАТО ишалахәу, Украинеи Қырҭтәылеи ракәзар алианс ишапартниорцәоу.

Столтенберг иҳәеит НАТО аӷбақәа ԥшьба Одесса абаӷәазаҿы рыҟазаара ишышьақәнарӷәӷәо арегион НАТО азы акыршаҵанакуа.

НАТО асаммит Уельс амҩаԥысраан, 2014 шықәса цәыббра 4-5 рзы, ирыдкылан адокументқәа Қырҭтәыла ацхырааразы. Абри ауснагӡатә пакетқәа ирҭагӡаны Қырҭтәыла лассы-лассы имҩаԥысуеит арратә ҽазыҟаҵарақәа.

Москва изныкымкәа иазгәарҭахьеит НАТО мрагылараҟа аҽырҭбаара шзыҟамло, арҭ аусқәа уаанӡатәи аусдкылақәа ишырҿагыло.

13

Урыстәыла АШәМ Ростовтәи аобласт аҿы атеракт аԥдырҟәҟәааит

8
(ирҿыцуп 14:31 13.07.2020)
Урыстәыла АШәМ адиректор Александр Бортников иқәгылара инақәыршәаны, аҵыхәтәантәи жәашықәса рыҩныҵҟа Урыстәыла 160 теракт рымҩаԥгара аԥырҟәҟәаан, 2019 шықәса рзы – 43.

АҞӘА, ԥхынгәы 13 - Sputnik. Урыстәыла Афедералтә Шәарҭадаратә маҵзура иаадырԥшит "Исламское государство" алахәылацәа ргәыԥ Ростовтәи аобласт аҿы ҳәа аанацҳауеит Урыстәыла АШәМ ауаажәларра рнырразы Ацентр.

"Дара аполициаа рықәлареи амедицинатәи аҵараҵаратәии усбарҭақәа рҿы атеррористтә акциақәеи рымҩаԥгара рҽаздырхион", - аҳәоит арелиз аҿы.

Аоперациа ҷыда мҩаԥган Азовтәи араион аҿы. Агәыԥ ахада иаанкылараан аҿагылара ҟаиҵеит автомат Калашников ала дхысуа, нас арԥжәагала иҽԥижәеит. Иара дҭахеит, егьырҭ ахәҩык аанкылоуп.

Иааныркылаз ргәаҭараан ирыдбалоуп автоматқәа, аџьаԥҳаны, ахалаҟаҵаратә рԥжәага, анаркотикқәа.

Атеракт, абџьар закәанда ахархәара, азинхьчаратә усбарҭақәа рҿагылара рзы ашьаус хацыркуп.

Урыстәыла АШәМ адиректор Александр Бортников иқәгылара инақәыршәаны, аҵыхәтәантәи жәашықәса рыҩныҵҟа Урыстәыла 160 теракт рымҩаԥгара аԥырҟәҟәаан, 2019 шықәса рзы – 43.

Иара убас шәаԥхьар ҟалоит:

8

Урыстәыла уахыки-ҽнаки рыла 6 537-ҩык авирус рыдбалоуп

6
(ирҿыцуп 11:47 13.07.2020)
Иахьатәи аамҭазы Урыстәылатәи арегионқәа 85 рҿы 733 699-ҩык акоронавирустә инфекциа ирыдбалоуп.

АҞӘА, ԥхынгәы 13 - Sputnik. Урыстәыла уахыки-ҽнаки рыла 6 537-ҩык авирус рыдбалоуп арегионқәа 84 рҿы ҳәа аанацҳауеит COVID-19 аҿагыларазы Москва аоперштаб.

Авирус зыдбалаз рҟынтәи 25,6% аклиникатә ҟазшьа рныԥшуамызт. Уахыки-ҽнаки рыла рыԥсҭазаара иалҵит 104-ҩык, ргәы бзиахеит 2 960-ҩык.
Зынӡа атәылаҿы иазгәаҭоуп 11 439-ҩык COVID-19 змоу, урҭ рҟынтәи 504 021 -ҩык ргәы бзиахахьеит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

6
Атемақәа:
Ачымазара ҿкы – акоронавирус Аԥсни адунеи аҿи: иалкаау
Валерий Кварчия

Кәарҷиа еиҭеиҳәеит Аҟәатәи иаарту аинститут абитуриентцәа занааҭқәас иалырхуа

0
(ирҿыцуп 15:22 13.07.2020)
Аҟәатәи иаарту аинститут аректор Валери Кәарҷиа арадио Sputnik Аԥсны аефир аҿы еиҭеиҳәеит аҵараиурҭахь абитуриентцәа рҟынтә ашәҟәқәа рыдкылара аус шцо атәы, насгьы ирабан занааҭқәоу иахьа азҿлымҳара змоу.

Кәарҷиа еиҭеиҳәеит иарбан занааҭқәоу Аҟәатәи иаарту аинститут абитуриентцәа иалырхуа

"Ԥхынгәы акы инаркны ҳалагеит арзаҳалқәа рыдкылара. Ашәҟәқәа ҳадаҳкылоит азанааҭқәа фба рыла. Иахьазы арзаҳалқәа зегь реиҳа иахьырацәоу аҳазалхратә ус аҿоуп. Абитуриентцәа зегьы ҳрыҿцәажәоит, аус рыдааулоит, нас ауп ашәҟәқәа анҳадаҳкыло дара рҟынтә. Ақыҭанхамҩа азанааҭ ала имаҷхар ҳәа ҳшәоит. ААУ аҿы иазыҟарҵоит агрономцәа, ҳара иазыҟаҳҵоит ақыҭанхамҩа аекономика ахырхарҭала, ҳаицәажәан ауп ишыҟаҳҵо. Даргьы иаурышьҭуеит 10-ҩык рҟынӡа, ҳаргьы - убасҵәҟьа. Аха иахьазы 4-ҩык роуп ҳаинститут ахь ақыҭанхамҩа аганахьала ашәҟәқәа алазҵахьоу", - ҳәа азгәеиҭеит Кәарҷиа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

0