ЕАА аконгресс аҿы арезолиуциа рыдыркылеит G7 Урыстәыла алахәымхарц

3
Аформат G8 аусура аанкылахеит 2014 шықәса рзы Ҟрым Урыстәыла ианалала ашьҭахь.

АҞӘА, жьҭаара 31– Sputnik. ЕАА аконгресс аҳәаанырцәтәи аусқәа рзы ахаҭарнакцәа рпалата Аилак арезолиуциа аднакылеит Урыстәыла аформат G7 иалахәымхароуп ҳәа. Абри атәы аанацҳауеит адокумент авторцәа ируаӡәку аконгрессмен Альбио Саирес исаит.

Урыстәыла G7 асаммитқәа ирылахәымхароуп "агәыларатә ҳәынҭқаррақәа рҵакырадгьылтә акзаара аҳаҭыр або иҟалаанӡа", - аҳәоит арезолиуциаҿы.

G7 иалахәуп: Германиа, ЕАА, Канада, Иапониа, Франциа, Британиа ду, Италиа.

1998 шықәса рзы аформат аҽарҭбааит Урыстәыла алаларала, аха Ҟрым Урыстәыла ианазыхынҳә ашьҭахь аусура ԥкхеит.

Уаанӡа ЕАА ахада Дональд Трамп Урыстәыла ахада Владимир Путин 2020 шықәса рзы Еиду аштатқәа рҿы имҩаԥысуа G7 реиԥыларахь днасыԥхьоит ҳәа адырра ҟаиҵахьан. Иара игәаанагарала иҟоуп Урыстәыла злархәны иӡбатәу аусқәа.

Владимир Путин иакәзар аҳәамҭа ҟаиҵеит Москва адиалог иазыхиоуп, аформат G8 аусура аиҭашьақәыргыларагьы оумашәа иубартә иҟам ҳәа.

3