Зеленски "ахи-ахәшәи еснагь еибаго ихиазар ауп" иҳәеит, ируаа дрыдныҳәало

11
Украина аракетатә ари артиллериеи рыррамаҵзурауаа рымш азгәарҭоит есышықәса абҵара 3 рзы. Украина ахада Владимир Зеленски урҭ дрыдныҳәалеит.

АҞӘА, абҵара 4 – Sputnik. Украина ахада Владимир Зеленски аракетатә ари артиллериеи рыруаа дрыдныҳәало иазгәеиҭеит "ахи-ахәшәи еснагь еибаго иҟазар ауп" ҳәа. Абри атәы аанацҳауеит РИА Новости.

"Иахьа, амчрақәа реидыгара ҳанаҿу аамҭазгьы еснагь шәыхианы шәыҟазароуп", - иҳәеит Зеленски, ар дрыдныҳәало.

Жьҭаара 1, 2019 шықәса рзы Минск, аинырратә гәыԥ аиԥылараан Лугансктәи Донецктәи жәлар рреспубликақәа рҿы ақыҭақәа Золотои Петровскии рҟны ар реидыгара иалагазарц иалацәажәан. Ауснагӡатә хацыркхараны иазыԥхьагәаҭан жьҭаара 7 рзы. 30 уахи-ҽни рыҩнуҵҟа ихыркәшахар акәын, аха Киев хынтә абри аус еиԥнаҟьеит.

Донбасс ареспубликақәа жьҭаара 9, 10, 11 рзы рҽазыршәеит абри аус амҩаԥгара, аха Киев аҽазныкгьы абжьы ақәнамыргеит. Золотое иахьаҵанакуа амчрақәа реидыгара иалагеит жьҭаара 29 рзы, Петровское иахьаҵанакуа абҵара 4 рзы ихацыркхоит ауснагӡатә.

Украина амчрақәа 2014 шықәса рзы иалагеит арратә операциа Лугански Донецки ареспубликақәа рганахьала. Арҭ ареспубликақәа ахьыԥшымра рыларҳәеит 2014 шықәса жәабранмзазы. ЕАР адыррақәа рыла абри аамҭа иалагӡаны иҭахахьеит 13 нызқьҩык.

Иара убас шәаԥхьар ҟалоит:

11

Урыстәыла АШәМ Ростовтәи аобласт аҿы атеракт аԥдырҟәҟәааит

10
(ирҿыцуп 14:31 13.07.2020)
Урыстәыла АШәМ адиректор Александр Бортников иқәгылара инақәыршәаны, аҵыхәтәантәи жәашықәса рыҩныҵҟа Урыстәыла 160 теракт рымҩаԥгара аԥырҟәҟәаан, 2019 шықәса рзы – 43.

АҞӘА, ԥхынгәы 13 - Sputnik. Урыстәыла Афедералтә Шәарҭадаратә маҵзура иаадырԥшит "Исламское государство" алахәылацәа ргәыԥ Ростовтәи аобласт аҿы ҳәа аанацҳауеит Урыстәыла АШәМ ауаажәларра рнырразы Ацентр.

"Дара аполициаа рықәлареи амедицинатәи аҵараҵаратәии усбарҭақәа рҿы атеррористтә акциақәеи рымҩаԥгара рҽаздырхион", - аҳәоит арелиз аҿы.

Аоперациа ҷыда мҩаԥган Азовтәи араион аҿы. Агәыԥ ахада иаанкылараан аҿагылара ҟаиҵеит автомат Калашников ала дхысуа, нас арԥжәагала иҽԥижәеит. Иара дҭахеит, егьырҭ ахәҩык аанкылоуп.

Иааныркылаз ргәаҭараан ирыдбалоуп автоматқәа, аџьаԥҳаны, ахалаҟаҵаратә рԥжәага, анаркотикқәа.

Атеракт, абџьар закәанда ахархәара, азинхьчаратә усбарҭақәа рҿагылара рзы ашьаус хацыркуп.

Урыстәыла АШәМ адиректор Александр Бортников иқәгылара инақәыршәаны, аҵыхәтәантәи жәашықәса рыҩныҵҟа Урыстәыла 160 теракт рымҩаԥгара аԥырҟәҟәаан, 2019 шықәса рзы – 43.

Иара убас шәаԥхьар ҟалоит:

10

Урыстәыла уахыки-ҽнаки рыла 6 537-ҩык авирус рыдбалоуп

8
(ирҿыцуп 11:47 13.07.2020)
Иахьатәи аамҭазы Урыстәылатәи арегионқәа 85 рҿы 733 699-ҩык акоронавирустә инфекциа ирыдбалоуп.

АҞӘА, ԥхынгәы 13 - Sputnik. Урыстәыла уахыки-ҽнаки рыла 6 537-ҩык авирус рыдбалоуп арегионқәа 84 рҿы ҳәа аанацҳауеит COVID-19 аҿагыларазы Москва аоперштаб.

Авирус зыдбалаз рҟынтәи 25,6% аклиникатә ҟазшьа рныԥшуамызт. Уахыки-ҽнаки рыла рыԥсҭазаара иалҵит 104-ҩык, ргәы бзиахеит 2 960-ҩык.
Зынӡа атәылаҿы иазгәаҭоуп 11 439-ҩык COVID-19 змоу, урҭ рҟынтәи 504 021 -ҩык ргәы бзиахахьеит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

2
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау