Мраҭашәаратәи атәылақәа руааԥсыра ҳаамҭазтәи ауаажәларратә модель иақәшаҳаҭым

16
(ирҿыцуп 10:51 07.11.2019)
Мраҭашәаратәи атәылақәа руааԥсыра реиҳараҩык ҳаамҭазтәи ауаажәларратә модель иақәшаҳаҭым, алиберализм акризис аамҭа амоуп ҳәагьы иршьоит. Абри атәы шьақәнарӷәӷәоит Sputnik.Агәаанагарақәа имҩаԥнагаз аҭҵаарақәа.

АҞӘА, абҵара 7 – Sputnik. Мраҭашәаратәи атәылақәа руааԥсыра реиҳараҩык ҳаамҭазтәи ауаажәларратә модель иақәшаҳаҭым.

Аҭҵаарақәа инарықәыршәаны 80% италиаа, 73% франциаа, 61% анемццәа, 60% америкаа, 58% англызцәа алиберализм акризис аамҭа иҭагыланы иҟоуп аҽа модельқәак аҭахны иҟоуп ҳәа иршьоит. Убри аан имодель бзиоуп ҳәа ахырҳәаауеит рацәак еиҭакра зҭахым алиберализм 42% британиаа, 40% америкаа, 39% ФРГ ауааԥсыра, 27% афранцызцәа, 20% италиаа.

Sputnik. Агәаанагара. Мраҭашәаратәи атәылақәа руааԥсыра ҳаамҭазтәи ауаажәларратә модель иақәшаҳаҭым

Британиа ду ареспондентцәа – зҵарадырра еиҳа иҳараку ишьақәдырӷәӷәон алиберализм иахьа ишыҟоу ала акризис амоуп ҳәа. Егьырҭ атәылақәа рҿы асеиԥш ихәыцуа зҵарадырра лаҟәу ракәын.

Аҭҵаарақәа мҩаԥнагон афранцыз еилахәыра Ifop, иалахәын 18 шықәса ирҭысхьоу 5031 респондент.

Франциа

  • 73% афранцузцәа иазырыԥхьаӡоит алиберализм иахьатәи амодель акризис амоуп убри азы аҽа модельқәак хәыцтәуп ҳәа.
  • аиҳарак асеиԥш агәаанагара рымоуп 35 шықәса ирҭысхьоу (75% -66%)
  • ақыҭатә коммунақәа рҿы асеиԥш иазырыԥхьаӡоит аиҳараҩык (76% - 72%; 70%)
  • абжьыҭираан Jean-Luc Mélenchon(82%) Benoît Hamon (78%) рзы зыбжьы зҭииз еиҳа алиберализм акризис иҭашәаны иҟоуп ҳәа агәаангара рымоуп.

ЕАА

  • зҵарадырра лаҟәу ма ибжьаратәу ареспондентцәа алиберализм акризис амоуп ҳәа ирыԥхьаӡоит (66%; 62% - 56%; 52%).
  • ареспубликанццәа адемократцәа раасҭа алиберализмом ргәы нанагӡом (76% - 49%).
  • адин иацымныҟәо америкаа еиҳа алиберализм модель бзиоуп, аиҭакрагьы аҭахым ҳәа ирыԥхьаӡоит(54%).

Британиа ду

  • британиаа реиҳараҩык (58%) ақәшаҳаҭуп алиберализма амодель акризис амоуп ҳәа
  • зҵарадырра ҳараку британиаа алиберализм инаваргыланы аҽа моделькгьы ыҟазароуп ҳәа ирыԥхьаӡоит (71% - 56% зҵара лаҟәу рыбжьара, 71% –57% зҵара ҳараку рыбжьара).

Брексит апртиа иадгыло (70%) егьырҭ аполитикатә гәыԥқәа раасҭа ақәшаҳаҭуп алиберализма амодель акризис амоуп ҳәа. Урҭ алиберализм инаваргыланы аҽа моделькгьы ыҟазароуп ҳәа ирыԥхьаӡоит.

Германиа

  • зҵарадырра лаҟәу ма ибжьаратәу ареспондентцәа алиберализм акризис амоуп ҳәа ирыԥхьаӡоит (67% - 62%, 60%; 57%), абри иацырҳәоит асоциалисттә партиа Die Linke (73%), арӷьаратә партиа Alternative fur Deutschland ирыдгыло ареспондентцәа (74%).
  • Берлин (70%) Саксониа (73%) руааԥсыра егьырҭ атәылауаа раасҭа алиберализмом ргәы аҳәом.
  •  80% италиаа итальянцев иҟоу амодель иақәшаҳаҭым.

Ари арбага егьырҭ атәылақәа зегьы рҿы аасҭа иҳаракуп.

16

Урыстәыла АШәМ Ростовтәи аобласт аҿы атеракт аԥдырҟәҟәааит

10
(ирҿыцуп 14:31 13.07.2020)
Урыстәыла АШәМ адиректор Александр Бортников иқәгылара инақәыршәаны, аҵыхәтәантәи жәашықәса рыҩныҵҟа Урыстәыла 160 теракт рымҩаԥгара аԥырҟәҟәаан, 2019 шықәса рзы – 43.

АҞӘА, ԥхынгәы 13 - Sputnik. Урыстәыла Афедералтә Шәарҭадаратә маҵзура иаадырԥшит "Исламское государство" алахәылацәа ргәыԥ Ростовтәи аобласт аҿы ҳәа аанацҳауеит Урыстәыла АШәМ ауаажәларра рнырразы Ацентр.

"Дара аполициаа рықәлареи амедицинатәи аҵараҵаратәии усбарҭақәа рҿы атеррористтә акциақәеи рымҩаԥгара рҽаздырхион", - аҳәоит арелиз аҿы.

Аоперациа ҷыда мҩаԥган Азовтәи араион аҿы. Агәыԥ ахада иаанкылараан аҿагылара ҟаиҵеит автомат Калашников ала дхысуа, нас арԥжәагала иҽԥижәеит. Иара дҭахеит, егьырҭ ахәҩык аанкылоуп.

Иааныркылаз ргәаҭараан ирыдбалоуп автоматқәа, аџьаԥҳаны, ахалаҟаҵаратә рԥжәага, анаркотикқәа.

Атеракт, абџьар закәанда ахархәара, азинхьчаратә усбарҭақәа рҿагылара рзы ашьаус хацыркуп.

Урыстәыла АШәМ адиректор Александр Бортников иқәгылара инақәыршәаны, аҵыхәтәантәи жәашықәса рыҩныҵҟа Урыстәыла 160 теракт рымҩаԥгара аԥырҟәҟәаан, 2019 шықәса рзы – 43.

Иара убас шәаԥхьар ҟалоит:

10

Урыстәыла уахыки-ҽнаки рыла 6 537-ҩык авирус рыдбалоуп

8
(ирҿыцуп 11:47 13.07.2020)
Иахьатәи аамҭазы Урыстәылатәи арегионқәа 85 рҿы 733 699-ҩык акоронавирустә инфекциа ирыдбалоуп.

АҞӘА, ԥхынгәы 13 - Sputnik. Урыстәыла уахыки-ҽнаки рыла 6 537-ҩык авирус рыдбалоуп арегионқәа 84 рҿы ҳәа аанацҳауеит COVID-19 аҿагыларазы Москва аоперштаб.

Авирус зыдбалаз рҟынтәи 25,6% аклиникатә ҟазшьа рныԥшуамызт. Уахыки-ҽнаки рыла рыԥсҭазаара иалҵит 104-ҩык, ргәы бзиахеит 2 960-ҩык.
Зынӡа атәылаҿы иазгәаҭоуп 11 439-ҩык COVID-19 змоу, урҭ рҟынтәи 504 021 -ҩык ргәы бзиахахьеит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

2
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау