Вышинскии Бутинеи Урыстәылаа аҳәаанырцә рзинқәа рыхьчара ирылацәажәоит

13
(ирҿыцуп 12:35 22.11.2019)
Ииасыз ашықәс аҩныҵҟа аҭыԥ рыман 600 рҟынӡа хҭыс, урыстәылаа еиуеиԥшым атәылақәа рҿы ҵаҵӷәыда ианааныркылоз, атәыла ианалырцоз, иандырбаандаҩуаз ҳәа иҳәеит Аҳәынҭқарратә дума адепутат Леонид Слуцки.

АҞӘА, абҵара 22 - Sputnik. Жәларбжьаратәи аусқәа рзы Аҳәынҭқарратә дума аилак астол гьыжь мҩаԥнагараны иҟоуп урыстәылаа аҳәаанырцә рзинқәа рыхьчара апроблема иазкны. Аилацәажәара иалахәхоит ааигәа америкатәи абахҭа иҭрыжьыз Мариа Бутинеи ажурналист, МИА "Россия сегодня" анагӡаратә директор Кирилл Вышинскии.

Аилак ахантәаҩы Леонид Слуцки ишиҳәаз ала урыстәылаа рзинқәа рыхьчара амшхәаԥштә азҵаара иқәгылоижьҭеи акрааҵуеит.

"Угәы унархьуеит урыстәылаа еиуеиԥшым атәылақәа рҿы ҵаҵӷәыда ианааныркыло, атәыла ианалырцо, иандырбаандаҩуа. Иналукаартә ахы мҩаԥнагоит ЕАА. Иара адунеи зегьы аҿы урыстәылаа ирышьҭашәарыцоит ҳәа уҳәар алшоит", - иҳәеит Слуцки ажурналистцәа дрыҿцәажәо.

Иара игәаанагарала абри аамҭазы Урыстәыла ауааԥсыра рыхьчара амеханизм аус адулатәуп, аҽеидкылара аҭахуп.

"Абри азы иҟаҵатәу астол гьыжь аҟны ҳаилацәажәараҿы иаҳарбоит", - иҳәеит иара.

Астол гьыжь ахь Бутинеи Вышинскии реиԥш инаԥхьоуп Урыстәыла ауаҩытәыҩса изинқәа рыхьчара знапы иану Татиана Москалькова, "Россотрудничество" ахада Елеонора Митрофанова, ауаҩытәыҩса изинқәа рзы акомиссиа ахада Александр Брод, Адәныҟатәи аусқәа рминистрра, Апрокуратура Хада, адепутатцәа рхаҭарнакцәа.

Иара убас шәаԥхьар ҟалоит:

13
Круизный лайнер Князь Владимир в Сухумском порту

"Князь Владимир" Амшын еиқәаҿ аныҟәарақәа ԥхынгәымза абжаранӡа иаанкылоуп

8
Аӷба сынтәа амаршрут Шәача – Новороссииск – Иалта - Севастополь – Шәача иацларан иҟан Аԥсынгьы. Алаинер "Князь Владимир" Аҟәатәи абаӷәаза лаҵарамза алагамҭаз иҭаларан иҟан.

АҞӘА, лаҵара 29 - Sputnik. Краснодартәи атәылаҿацә аҿы аепидемиологиатә ҭагылазаашьа ҭышәынтәалан иахьыҟами акарантин иахҟьани "Князь Владимир" аныҟәарақәа ирнахоуп ԥхынгәымза аҽеиҩшамҭахь ҳәа аанацҳауеит аилахәыра "Черноморские круизы" асаит.

Иаԥыху ареисқәа рахь абилеҭ аазхәаз атуристцәа ирыдгалоуп рныҟәара арыцхә 2021 шықәса рахь анаскьагара. Убри аан иаанхоит уажәтәи ахәԥсақәа.

Аилахәыра "Черноморские круизы" асаит аҟны иарбоуп аиҭакрақәа рымҩаԥгашьа.

Раԥхьаӡа акәны сынтәа "Князь Владимир" анавигациа иалагеит хәажәкыра 1 азы. Ари анавигациа аамҭала уаанӡатәиқәа раасҭа иаузар акәын. Абарҭ аамҭақәа ирылагӡаны 35 реис мҩаԥгахараны иҟан.

Аӷба сынтәа амаршрут Шәача – Новороссииск – Иалта - Севастополь – Шәача иацларан иҟан Аԥснгьы. Алаинер "Князь Владимир" Аҟәатәи абаӷәаза лаҵарамза 3 рзы иҭаларан иҟан.

Аныҟәара иалагар, аӷба зҭало Аҟәа раԥхьатәи баӷәазахоит.

Иара убас шәаԥхьар ҟалоит:

8

Урыстәыла уахыки-ҽнаки рыла 8 572 коронавирустә хҭыс ҿыц азгәаҭоуп

7
Иахьатәи аамҭазы Урыстәыла иахьаҵанакуа 387 623-ҩык акоронавирустә инфекциа рыхьхьеит арегионқәа 85 рыҟны.

АҞӘА, лаҵара 29 - Sputnik. Иҳаҩсыз уахыки-ҽнаки рыла Урыстәыла иаарԥшын 8 572 коронавирустә хҭыс ҿыц 84 регион рыҟны ҳәа аанацҳауеит COVID-19 аҿагыларазы аоперативтә штаб.

Иаарԥшыз апациентцәа рахьтә 39,4% ачымазара шрылоу рызгәамҭакәа имҩасуеит.

Уахыки-ҽнаки рыла акоронавирус змаз 1232-ҩык рыԥсҭазаара иалҵит, ргәабзиара шьақәгылеит 8 264-ҩык. Апандемиа ааҟалеижьҭеи Урыстәыла иахьаҵанакуа 4 374-ҩык рыԥсҭазаара иалҵит, ргәабзиара ҭышәынтәалеит 159 257-ҩык.

Москва уахыки-ҽнаки рыла иаарԥшуп 2 332 хҭыс ҿыц. 80% рҟынӡа коронавирус змоу рықәра 65 шықәса еиҵоуп.

Аԥсны иахьаҵанакуа акоронавирустә инфекциа рыхьхьеит 28-ҩык ауааԥсыра, урҭ рахьтә жәохәҩык ргәабзиара шьақәгылахьеит, аӡәы лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

7
Изготовление музыкальных инструментов

Арухаа аԥсуа жәлар рарҳәагақәа рыҟаҵаразы: еиқәырхатәыс исыдушәа збоит

0
Хәаԥ ақыҭан инхо, жәлар рарҳәага рыҟаҵара иазҟазоу Уасил Арухаа арадио Sputnik Аԥсны иазеиҭеиҳәеит иус имаздар зҭаху ауаа дышрышьҭоу.
Раионк аԥсҭазаараҟынтә: Арухаа аԥсуа жәлар рарҳәага рыҟаҵара иазкны

"Аԥсуа инструмент излауала аиқәырхара ҳаҿуп ҳәа сгәы иаанагоит. Уажәы ацех аргылара ҳаҿуп, убри аус ҳзыҟаҵар, аӡәык-ҩыџьак идсырбар сҭахуп уи иацу акәамаҵамарақәа зегьы. Сара сус дсырҵар сҭахуп уи азы агәаҳәара змоу ауаа, аха ус мчыла аӡәгьы дааумгозар, аԥсуа ҷкәын ихала дааины исҭахуп ҳәа иҳәараны дыҟаӡам. Исыдҵаало дҟалар, агәаԥхара изсыркуазар ҳәа сгәыӷуеит. Ахымаа, аҩымаа, ачамгәыр, аҿырпын, уҳәа иара ишақәнагоу ишьақәумыргылар, митәык абжьы ахылҵӡом. Ари схы аланыҟәызгоит ҳәа акәым сзаҿу, ус иагьыҟам, ари еиқәырхатәыс исыдушәа збоит", - ҳәа еиҭеиҳәеит Арухаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

0