Дональд Трамп Афганистан дидикылеит иколлега Ашраф Гани

25
(ирҿыцуп 15:34 29.11.2019)
Трамп Афганистанҟа раԥхьатәи иаароуп. Аҵыхәтәан акәны Афганистан даҭаан дыҟан Барак Обама –2014 шықәса рзы.

АҞӘА, абҵара 29– Sputnik. ЕАА ахада Дональд Трамп Афганистан дидикылеит иколлега Ашраф Гани. Абри атәы аанацҳауеит РИА Новости.

"Трамп Афганистанҟа дшаауаз азы уаанӡа аӡәгьы акгьы издырамызт. Иара ара игылоу америкатәи ар дрыдныҳәалеит, русуразы иҭабуԥ иҳәеит. Иара убасгьы ЕАА ахада Дональд Трамп Афганистан дидикылеит иколлега Ашраф Гани", - аҳәоит адырраҭараҿы.

Аныҟәара аӡбахә уаанӡа иахьырзамыз "ашәарҭадара иазырхоуп" ҳәа рҳәеит Аҩны шкәакәаҿы.

ЕАА Афганистан имҩаԥнаго арратә компаниа 18 шықәса ирықәуп. Арҭ аамҭақәа рыла ара иҭахахьеит 2300 америкатә солдаҭ, ахәрақәа роухьеит –17 674 америкатә солдаҭ. Аҭыԥантәиқәа рҟынтәи иҭахахьеит 21 000-ҩык аҭынч уааԥсыра.

25

Семион Пегов Белоруссиантәи Урыстәылаҟа дцеит

3
Семион Пегов иацы, нанҳәа 10 рзы Минсктәи азинеилагаҩцәа рҭакратә Центр аҟынтәи ихы дақәиҭитәит.

АҞӘА, нанҳәа 11 - Sputnik. Ажурналист Семион Пегови зых иақәиҭыртәыз иҩызцәа егьырҭи Белоруссиантәи Урыстәылаҟа инеиит ҳәа Telegram-канал аҿы иҩит RT акорреспондент Константин Придыбаило.

Пегов сыԥсадгьыл ахь сцоит, сыҷкәын имшира идысныҳәалоит ҳәа иҳәеит.

Ажурналист Семион Пегов Минск дааныркылеит нанҳәа 9 ауха. "Комсомольская правда" арратә корреспондент Александр Коц иӡыригеит Пегов дшааныркылоз акадырқәа.

Белоруссиатәи амчрақәа рахь ааԥхьара ҟалҵеит RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Аԥсны ажурналистцәа Реидгыла Белоруссиа амчрақәа рахь ааԥхьара ҟанаҵеит Минск имҩаԥысуаз аҿагыларатә акциақәа раан иаанкыло ажурналистцәа рхы рақәиҭтәразы.

Семион Пегов – апоет, урыстәылатәи афедералтә телеканалқәа рырратә корреспондент, апроект WarGonzo аиҿкааҩ. Диит 1985 шықәса рзы. Иҩымҭақәа кьыԥхьын альманахқәа "Под часами", "Персона", "Современники". Пушкин ихьӡ зху афестиваль "С веком наравне-2008" алауреат, ашәҟәыҩҩцәа ҿарацәа р-Форум "Липки-2011"алахәыла. Семион Пегов 2008 - 2013 шықәсқәа рзы Аҟәа, ателекеилахәыра "Абаза-ТВ" аҟны аус иуан, "Нужная газета", "Чегемская правда", "Новый день" иҩымҭақәа ркьыԥхьуан.

3
Медицинский работник делает укол

"Спутник V" COVID-19 аҿагылараз: еилкаахеит раԥхьатәи алаҵа хьӡыс иарҭаз

3
(ирҿыцуп 15:19 11.08.2020)
Аденовирустә вектор шьаҭас измоу алаҵа нанҳәа 11 рзы Урыстәыла агәабзиарахьчара аминистрра ашәҟәы иҭанагалеит. Абас ала иара адунеи аҿы ираԥхьатәиу коронавирус SARS-COV-2 иаҿагыло лаҵоуп.

АҞӘА, нанҳәа 11 - Sputnik. Адунеи аҟны раԥхьатәи ашәҟәы иҭагалоу акоронавирус азы алаҵа "Спутник V" ахьыӡҵоуп, 1957 шықәса рзы аҳауа иалаҵаз Адгьыл иԥсабаратәым аспутник аналогиала. Абри атәы аанацҳауеит алаҵа аофициалтә саит аҿы.

"Спутник-1" адунеи зегьы аҿы акосмос аҭҵаара арҿыхеит. Урыстәылатәи алаҵа аҭыжьра акәзаргьы адунеитә еилазааразы "Спутник аамҭа" иақәшәеит. Убри азоуп иара изарҭаз ахьӡ – Спутник V",- аҳәоит асаит адырраҭараҿы.

Алаҵа асаит аԥҵоуп Спутник V азы аинформациа иаша аларҵәарази адунеи АИХқәак рҟны имҩаԥырго адезинформациа аҿаԥҽрази.

Агәабзиарахьчара аминистр Михаил Мурашко иҳәеит алаҵа аҭыжьра ишалаго Гамалеи центри аилахәыра "Биннофарми".

Алаҵа аҭирҭахь инаргоит 2021 шықәса ажьырныҳәа 1 инаркны.

Иара убас шәаԥхьар ҟалоит:

3
Кран

Нанҳәа 12 аҽны Аҟәа ахәҭак ӡыда иаанхоит

3
(ирҿыцуп 20:24 11.08.2020)
АУН "Аӡыканал" аремонттә усурақәа мҩаԥнагараны иҟоуп Аҟәа, Арӡынбеи Ажәанбеи рымҩақәа рҟны, нанҳәа 12 аҽны.

АҞӘА, нанҳәа 11 - Sputnik. Нанҳәа 12, ахашаҽны асааҭ 00:00 инаркны 22:00 сааҭ рҟынӡа Аҟәа ахәҭак  ӡыда иаанхоит, ҳәа аанацҳауеит АУН "Аӡыканал".

Аӡы ҟалаӡом:

  • Ажәытә ҳабла
  • Колос
  • авокзал
  • ақалақь агәы
  • ВИЕМ
  • Адыгеиаа рымҩа

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

Иара убас шәаԥхьар ҟалоит:

3