НАТО

НАТОи Урыстәылеи реимамбзиара Урыстәылаз хра алоума

23
Аҩадатлантикатә алианс анапхгаҩцәа, Еммануель Макрон иажәақәа рыла "зыхшыҩ ҭыкәкәаз", апроблемақәа ирылацәажәараны иҟоуп.

МОСКВА, ԥхынҷкәын 3 — РИА Новости, Софиа Мельничук. Аҩадатлантикатә алианс анапхгаҩцәа, Еммануель Макрон иажәақәа рыла "зыхшыҩ ҭыкәкәаз", апроблемақәа ирылацәажәараны иҟоуп. НАТО 70 шықәса ахыҵра иазку асаммит аҿы аныҳәатә ҭагылазаашьа алыршахо иалмыршахо атәы аҳәара уадаҩуп. Аилибамкаарақәа убриаҟара еизеит, ауснагӡатә аӡәы иахьимбо иахьимаҳауа амҩаԥгара еиӷьны иазырыԥхьаӡеит. Аиубилеитә ныҳәа ԥсыжрахар алшо иалымшо еилнаргоит РИА Новости.

"Хышә акр ирҭаӡо аграфство Хартфордшир акурорт The Grove — иреиӷьӡоу, хә-еҵәак заҭәашьо ԥсшьарҭа ҭыԥуп" ҳәа аӡыргара ҟанаҵоит Лондон 30 километра инацәыхараны иҟоу, НАТО атәылақәа рхадацәа асаммит ахьымҩаԥырго асасааирҭа асаит.

Арахь иааиуа рымаҵ ауразы ихиоуп еиуеиԥшым аспа-комплексқәа, агольф ахәмарырҭақәа, ақьафурҭақәа. Аха асеиԥш амш ахгаразы аамҭа маҷхар ҟалоит – избанзар иӡбатәу апроблемақәа ҵҩа рымам.

"Европа ахрахықә аҟны инеины иҟоуп", ҳәа иҳәон уаанӡа франциатәи аԥхьагыла Еммануель Макрон, Евроеидгыла економикатә мчны адкылареиԥш геополитикатә мчынгьы адкылара хымԥадатәиуп ҳәа азгәаҭо. «Мамзар  ахатәы лахьынҵа унапы ианымлар ҟалоит", - иҳәоит иара.

Иара убасгьы рацәак агәрагара имам НАТО аԥҟаԥҵәа ахәбатәи ахәҭаҷ "Европа атәылақәа ма Аҩадатәи Америка атәылақәа руак аӡә дрықәлар, аблок зегьы иақәлеит ҳәа ишьатәуп" ҳәа зҳәо. 70 шықәса рыҩнуҵҟа ари ахәҭаҷ ахархәара аҭан зынзаҵәык – 2011 шықәса рзы ЕАА атеррористтә жәылара аназуз.

Макрон ииҳәо иаҿагылоит алианс аԥсра агәы иҭам ҳәа. Ус шакәугьы зегьы еилыркаауеит иҟоу ауадаҩрақәа.

"Асаммит шиубилеитәугьы, аилибамкаарақәа реиныршәара ацынхәрас еиҳагьы еибанарххеит", - ҳәа иҳәеит РИА Новости зыҿцәажәоз МГИМО апрофессор, РАН Европа аинституи европатәи ашәарҭадара аҟәша аиҳабы Дмитри Данилов.

Ишьҭыху азҵаарақәа аҭакқәагьы рҭахуп. НАТО атәылақәа рминистрцәа ааигәатәи реиԥылараан Бриуссель Макрон иажәақәа еиԥшны ирыдрымкылеит.

Британиатәи аҭыжьымҭа The Economist аҟны Макрон акритика азыҟаиҵеит Европа апартниор – Еиду аштатқәа. Иара иажәақәа рыла алианс аҟазаара ахәшьарақәа азутәуп.

Ахәбатәи  ареспублика ахада игәалаиршәеит Дональд Трамп ииасыз ашықәс азы асаммит аусура хирбгаларц акгьы шигымхаз, атәылахьчараз аныхрақәа ҳаракцәоуп ҳәа ипартниорцәа данраӷьуаз. Аҵыхәтәаны дагьымақарит аиҿкаара ҳалҵуеит ҳәа.

 Америкатәи АИХқәа Пентагон аҿтәи ахыҵхырҭақәа ҵаҵӷәыс  иҟаҵаны адырра ҟарҵеит Трамп салианс абиуџьет 22 инаркны 16 процент рҟынӡа аиҵатәра игәҭакуп ҳәа. Аекономиа зызуу аԥарақәа Қырҭтәылеи Украинеи рыцхыраараз ашьҭра азыԥхьагәеиҭоит.

Макрон иажәақәа рыла Трамп — "европатәи апроект" аидеиа иадымгыло  раԥхьатәи америкатә лидеруп. Абри аан Европа Китаии Ҭырқәтәылеи, Урыстәылеи аҩныҵҟатә шьақәымтәареи ахала ирҿагылоуп. Хәышықәса раԥхьа ари аҩыза ҟалашьа амамызт ҳәа иҳәеит Макрон.

Акзаара еиҳа-еиҳа еилышәәшоит. Ашәарҭадара еиҿызкаауа алианс ҳәа ззырҳәоз аиҿкаарагь аҟамзаара амҩа иқәуп ҳәа РИА Новости аинтервиу аҭо, иазгәалҭеит Наталиа Еремина – аҭҵаарадыррақәа рдоктор, СПбГУ апрофессор.

"Ганкахьала  НАТО адунеи аҿы иреиҳаӡоу арра-политикатә блок ҳәа ишьоуп, аха иара аҩныҵҟа еиуеиԥшым аинтересқәа еизҳауеит. Аԥхьанатә алианс аҟны азинмчқәа еихшамызт, аԥхьагыла ҳәа ишьаз ЕАА акәын, уажәы аамҭа аҽеиҭанакит", - лҳәоит аексперт.

Асаммит атема хадақәа ируакуп Ҭырқәтәыла. Амца еихәлеиҵоит ҭырқәтәыла ахада  Реджеп Таип Ердоган. Иара Макрон иахь ихы рханы "уара" ҳәа иҳәоит. Аиҿкааразы Париж аҵакы ларҟәуа.

"НАТО азы Франциа иаҵаку сыздырам аха Ҭырқәтәыла аҵак ду аманы иҟоуп. Макрон НАТО ахшыҩ ԥсит ҳәа иҳәоти. Ҳаҭыр зқәу Макрон, уара аԥхьа ухшыҩ шыҟоу гәаҭ, избанзар асеиԥш ицәажәо зыхшыҩ ҭыкәкәахьо роуп", - иҳәеит иара.

Дмитри Данилов иажәақәа рыла Ҭырқәтәыла алианс аҩныҵҟа аиҿагыларақәа цәырнагоит.

"Аҭырқәцәа  ргәаанагарала, НАТО ахықәкы нагӡо аколлетивтә ҽыхьчара мҩаԥнагалароуп еицеизеиԥшны", - иҳәеит иара.

Анкара акәзар, алианс Мрагылара имҩаԥнаго аҽазышәарақәа аԥнарҟәҟәаар алшоит.

"Ара апроблемақәа рацәаны рҽеихырдоит: Урыстәыла азыҟазаашьа, Европа — ЕАА — Ҭырқәтәыла реизыҟазаашьа, НАТО арратә планшьақәыргылара уҳәа ирацәаны. Убри аан еилкаам аиқәҳәаларҭа ԥыртлашьас иаҭатәу", - ҳәа азгәеиҭоит апрофессор.

Иазыԥшуп Аҩадатлантикатә алианс акосмостә ҵакыра иҿыцу оперативтә сфераны иазырыԥхьаӡоит ҳәа.

Арахь иаҵанакуа арра-техникатә сфера мацара акәӡам. Данилов ишиҳәо ала акосмостә системақәа уажәгьы ушьҭангьы еиқәзыршәало ЕАА ауп.

Китаи аҽышьҭыхра — стратегиатә зҵаароуп. Уигьы хымԥада азхьаԥшра аиуеит асаммит аҿы. Чадунеитә аренаҿы Пекин  ашьҭыҵра НАТО атәылақәа агәҭынчымра рызцәырнагоит. ЕАА Китаи ашәарҭадара ҵызшәаауа рҟны ихадоу акәны асиа ианарбоит, Евроеидгыла акәзар, Китаи стратегиатә, економикатә ндаҭлаҩны иахәаԥшуеит.

Асаммит аламҭалазы аҽыргәаланаршәеит жәларбжьаратәи атерроризм. Абҵара 29 рзы Лондонтәи ацҳаҿы аекстремист иҭаирхеит Кембриџь аушьҭымҭацәа ҩыџьа. 28 шықәса зхыҵуаз ашьҩы ҩышықәса раԥхьа доужьын атерроризм далахәуп ҳәа дышҭакызгьы.

Иҟалон зегь ҳаидгылар, аха аидгылара иаԥырхагоуп Москва аҿагылара ҳәа лҳәоит Наталиа Еремина.

"Арахь Урыстәылоуп аисламтә радикализм иаҿагылаҵәҟьоу. Ҷыдала Шьамтәыла. Ашәарҭара аҿаԥхьа уеидгылар ауеит аха НАТО зҭарцалаз аидеологиатә ҳәаақәа  цәгьарамзар бзиа рхылҿиаауам", - лҳәоит лара.

Уи адагьы иара аблок ахаҭа аилазаара қәыршәуп. Арахь иаҵанакит уаанӡатәи асоцлагер атәылақәа, дара рхатәы ҭоурыхтә ԥышәа рыманы. Урҭ рԥышәа  Мраҭашәаратәи Европа аидеологиа иақәшәаӡом. Арҭ атәылақәа Вашингтон еиҳа рҽадыркылоит, Европаа ракәзар ахьыԥшымра еиҳа ргәы аҳәоит» ҳәа лҳәоит Еремина.

Абри аҩыза агәаанагара дақәшаҳаҭуп Дмитри Даниловгьы. "Аидеологиа Урыстәылаз иҟоу агәаанагара аԥсахра алнаршом", - иҳәоит иара.

Москва азы иҟаланы иҟоу аҭагылазаашьа акны изаднакылом. Ганкахьала — аиҿагыларақәа  Урыстәыла аҿагылара иацхраауеит, аҽаганкахьала — алианс апроблемақәа аназцәырҵлак адунеитә политика адәаҿы Урыстәыла ихадоу факторхоит.

Иара убас шәаԥхьар ҟалоит:

23
Тренировка боксеров на набережной

Аԥсуа боксиорцәа злахәыз атурнир Шәачантәи Казанҟа ииаргеит акоронавирус иахырҟьаны

8
Абокс азы ашоу "Столото. Вечер бокса WBC" мҩаԥысраны иҟоуп нанҳәа 22 рзы Казантәи акультура-гәмырҿыӷьратә комплекс "Пирамида" аҿы.

АҞӘА, нанҳәа 14 – Sputnik. Нанҳәа 15 рзы имҩаԥысраны иҟаз, аԥсуа боксиорцәа злахәыз атурнир Шәачантәи Казанҟа ииаргеит  акоронавирустә ҭагылазаашьа иахырҟьаны ҳәа Sputnik иазеиҭеиҳәеит абоксиор Баҭал Чежьиа.

"Шәача авирус иахырҟьаны азин ҟарымҵеит атурнир мҩаԥаагарц. Ахәаԥшыҩцәа аламырхәыкәагьы ирымуит. Казангьы ақәгыларақәа ахәаԥшыҩцәа рыда имҩаԥгахоит. Арыцхә рыԥсахит аҭыԥ ахьыԥсаххаз азы", - ҳәа иҳәеит иара.

Атурнир аҳәаақәа ирҭагӡаны иқәгылар акәын аԥснытәи аспортсменцәа ҩыџьа – Баҭал Чежьиеи Харитон Агрбеи.

Ҳаспортсменцәа зындаҭлараны иҟаз ирындаҭлоит. Баҭал Чежьиа жәа-раундктәи ақәгылара мҩаԥигоит, урыстәылатәи абоксиор Сергеи Кожухар диндаҭлоит аваканттә титул WBC Youth азы.

Харитон Агрбагьы жәа-раундктәи ақәгылара мҩаԥигоит урыстәылатәи абоксиор Сослан Тедеев диндаҭло.

Иара убас шәаԥхьар ҟалоит:

8

Аӷба "Князь Владимир" 2020 шықәсазтәи ареисқәа зегьы аԥыхуп

9
(ирҿыцуп 10:07 14.08.2020)
Краснодартәи атәылаҿацә агубернатор Вениамин Кондратиев акоронавирус иахырҟьаны ашәарҭара арежим нанҳәа 21 аҟынӡа днахеит.

АҞӘА, нанҳәа 14 - Sputnik. Аӷба "Князь Владимир"  2020 шықәсазтәи ареисқәа зегьы аԥыхуп ҳәа аанацҳауеит аӷба зтәу аилахәыра "Черноморские круизы".

"Акоронавирустә инфекциа иахырҟьаны аӷба "Князь Владимир" ахьныҟәо арегионқәа рҿы 2020 шықәсазтәи ареисқәа зегь аԥыхуп", - ҳәа ҳәоуп адырраҭараҿы.

ИАЕ "Черноморские круизы" аҳәамҭа ҟанаҵеит заанаҵы зныҟәара аԥара ахызшәааз атуристцәа 2021 шықәсазы еиуеиԥшым аԥсшьарахкқәа рвариантқәа рыдгалахоит ҳәа.

"Князь Владимир" анавигациа хацнаркраны иҟан ԥхынгәы 19 рзы. Хәажәкыра  1 - жьҭаара 31 рзы аӷба 35 реис мҩаԥнагахьазар акәын, аха хәажәкыра 22 рзы анавигациа аанкылан Краснодартәи атәылаҿацә агубернатор Вениамин Кондратиев ирылеиҳәаз акарантин инақәыршәаны.

Лаҵара инаркны цәыббранӡа "Князь Владимир" аграфик инақәыршәаны фынтә Аҟәатәи абаӷәазахь икыдгылар акәын, аха сынтәа уи залыршахом.

Иара убас шәаԥхьар ҟалоит:

9

Бзыԥ аӡы иагаз Питертәи атуристка лыԥсыбаҩ ԥшаауп

3
(ирҿыцуп 13:31 15.08.2020)
Аԥсны Аҭагылазаашьа ҷыдақәа рминистрра аҟазауаа, Бзыԥ аӡы дагеит ҳәа иршьоз атуристка ԥшьымш лыԥшаара иаҿын.

АҞӘА, нанҳәа 15 – Sputnik. Бзыԥ аӡы дагеит ҳәа иршьоз Питертәи атуристка лыԥсыбаҩ ԥшаауп, абри атәы аанацҳауеит Аԥсны Аҭагылазаашьа ҷыдақәа рминистрра апресс-маҵзура.

Аԥшаарақәа ирылахәын Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи, аволонтиорцәеи.

Аӡӷаб лыԥсыбаҩ ԥшаан амашәыр ахьыҟалаз аҭыԥ аҟынтәи шә-метрак инахыганы, ацаҟьа азааигәара, ԥшьметрак аҵаулараҟны.

Ҩыџьа атуристцәа зықәтәаз аквадроцикл Риҵаҟа узгоз амҩа иаҿҟьеит нанҳәа 12 рзы.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Иара убас шәаԥхьар ҟалоит:

  • Атуристцәа зықәтәаз аквадроцикл Бзыԥ аӡиас иалаҳаит

 

 

3