Симониан Sputnik Естониа ашьҭазааразы: ОБСЕ, ЕСПЧ еимпааит

Симониан Sputnik Естониа ашьҭазааразы: ОБСЕ, ЕСПЧ еимпааит

17
Уаанӡа Симониан еиҭалҳәахьан Sputnik Естониаҟны аус зуа, иара убас аусура зҭаху шдыршәо атәы. Лара лажәақәа рыла, абри атәылаҿы Sputnik апроблемақәа маҷымкәа иазцәырҵуеит.

АҞӘА, ԥхынҷкәын 19 - Sputnik. МИА "Россия сегодня", ателеканал RT рдиректор хада Маргарита Симониан ажәа ахақәиҭраз ҳақәԥоит ҳәа иқәгыло европатәи аиҿкаарақәа ирабжьылгеит еимпырц, Естониатәи амчрақәа Sputnik ажурналистцәа рышьҭазаара иаҟәымҵыр. Абри атәы аанацҳауеит РИА Новости.

"Естониа официалла имақаруеит ҳжурналистцәа шҭаркуазы, урҭ Ашықәс ҿыц аҟынӡа русура аанырмыжьыр. Ари атәыла амчрақәа рҽаанырымкылар, ажәа ахақәиҭраз ҳақәԥоит ҳәа иқәгыло ОБСЕ, ЕСПЧ реиԥш зеиԥшу европатәи аиҿкаарақәа еимпааит", - ҳәа лыҩуеит Симониан Telegram-канал аҿы.

МИА "Россия сегодня" апресс-маҵзураҿы уаанӡагьы иазгәарҭахьан Естониа амчрақәа рхымҩаԥгашьа, ЕАР, ОБСЕ, Европа ахеилак, ИуНЕСКО, ЕСПЧ рахь ааԥхьара ҟаҵан аҭагылазаашьа ахәшьара арҭарц.

Естониа официалла имақаруеит Sputnik Естониа ажурналистцәа шҭаркуазы, урҭ Ашықәс ҿыц, 2020 ажьырныҳәа 1 аҟынӡа русура аанырмыжьыр, ашьаус шхацдыркуазы.

Естониа заҵәык аҿоуп Балтиа атәылақәа рҟны аинформациатә маҵзуреи арадиои Sputnik рредакциеи рофиси аус ахьауа. Аколлектив 35–ҩык рыла ишьақәгылоуп, 3-ҩык урҭ рҟынтәи Естониа иатәылауаауп. Естониа абиуџьет ахь ицо есымзатәи амаҵзура ашәахтәқәа 30 000 евро ыҟоуп.

Иара убас шәаԥхьар ҟалоит:

17
Семен Пегов

Минск иаанкылаз урыстәылатәи ажурналист Семион Пегов доушьҭуп

4
(ирҿыцуп 21:50 10.08.2020)
Ажурналист Семион Пегов Минск, нанҳәа 9 рзтәи аилаҩеиласрақәа раан дшаанкылаз атәы рылаирҵәеит "Комсомольская правда" акорреспондент Александр Коц.

АҞӘА, нанҳәа 10 - Sputnik. Минск иаанкылаз урыстәылатәи ажурналист Семион Пегов азинеилагаҩцәа ахьҭаркуа Ацентр аҟынтә доушьҭуп, абри атәы аанацҳауеит Sputnik Беларусь Telegram-канал.

Белоруссиа иҟоу Урыстәыла ацҳаражәҳәаҩ адырра ҟаиҵахьан, Семион Пегов аҩаша аҩныҟа дхынҳәырц шилшо.

Белоруссиа алхрақәа мҩаԥысит нанҳәа 9 рзы. Алхырҭатә ҭыԥқәа шадыркызҵәҟьа, Минск зиншьаҭада аҿагыларатә акциақәа ирылагеит Белоруссиа ақалақьқәак рҿы.

Ажурналист Семион Пегов Минск дааныркылеит нанҳәа 9 ауха. "Комсомольская правда" арратә корреспондент Александр Коц иӡыригеит
Пегов дшааныркылоз акадырқәа.

Белоруссиатәи амчрақәа рахь ааԥхьара ҟалҵеит RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Аԥсны ажурналистцәа Реидгыла Белоруссиа амчрақәа рахь ааԥхьара ҟанаҵеит Минск имҩаԥысуаз аҿагыларатә акциақәа раан иаанкыло ажурналистцәа рхы рақәиҭтәразы.

Семион Пегов – апоет, урыстәылатәи афедералтә телеканалқәа рырратә корреспондент, апроект WarGonzo аиҿкааҩ. Диит 1985 шықәса рзы. Иҩымҭақәа кьыԥхьын альманахқәа "Под часами", "Персона", "Современники". Пушкин ихьӡ зху афестиваль "С веком наравне-2008" алауреат, ашәҟәыҩҩцәа ҿарацәа р-Форум "Липки-2011"алахәыла. Семион Пегов 2008 - 2013 шықәсқәа рзы Аҟәа, ателекеилахәыра "Абаза-ТВ" аҟны аус иуан, "Нужная газета", "Чегемская правда", "Новый день" иҩымҭақәа ркьыԥхьуан.

Иара убас шәаԥхьар ҟалоит:

 

4

Захарова урыстәылатәи ажурналистцәа Минск раанкылара дақәыӡбеит

1
(ирҿыцуп 22:01 10.08.2020)
Нанҳәа 9 рзы Белоруссиа имҩаԥысит атәыла ахада иалхрақәа. Алхырҭатә ҭыԥқәа анадыркы ашьҭахь аҿагыларатә акциақәа ирылагеит. Абарҭ акциақәа раан иаанкылан урыстәылатәи ажурналистцәагьы.

АҞӘА, нанҳәа 10 - Sputnik. Урыстәыла адәныҟатәи аусқәа рминистрра аофициалтә хаҭарнак Мариа Захарова урыстәылатәи ажурналистцәа Минск раанкылара ахҳәаа алҭеит.

Захарова белоруссиатәи азинхьчаҩцәа рхымҩаԥгашьа иашам ҳәа азылҳәеит.

"Иахьа хәышықәсоуп Урыстәыла адәныҟатәи аусқәа рминистрра аофициалтә хаҭарнакс сыҟоижьҭеи. Сгәы иаанагомызт абри амш азы урыстәылатәи ажурналистцәа аиашьаратә Белоруссиа азинхьчаҩцәа рҟынтәи исыхьчароуп ҳәа", - лыҩуеит лара Facebook аҿтәи лаккаунт аҿы.

Захарова илҳәеит, ажурналистцәа аус ахьыруа атәыла азакәанқәа пату рықәҵо аус рулар шакәу.

"Журналистцәақәак заанаҵы ишахәҭаз еиԥш аккредитациа аиуразы азыҳәа ҟарҵеит, аха ирырымҭеит. Уажәы уи ацынхәрас иаанкылоуп лабала рхы иаснуеит", - азгәалҭеит адипломат.

"Аишьцәа ус рзеибамуроуп. Ас ииашам", - еихылшьаалеит Захарова.

Иара убас шәаԥхьар ҟалоит:

1