Путин есышықәсатәи ипресс-конференциаҿы WADA ахымҩаԥгашьа далацәажәеит

9
Москва имҩаԥысуеит Урыстәыла ахада Владимир Путин жәохәтәи ипресс-конференциа. Владимир Путин ахҳәаа аиҭеит WADA урыстәылатәи аспортсменцәа жәларбжьаратәи аицлабрақәа рахь инаҳашьҭуам ҳәа ирҳәо.

АҞӘА, ԥхынҷкәын 19 - Sputnik. Жәларбжьаратәи антидопингтә маҵзура (WADA) Урыстәылатәи антидопингтә маҵзура (РУСАДА) аганахьала ахымҩаԥгашьа политикатә ӡбамҭоуп, "жәларбжьаратәи азини ахшыҩҵаки" ирықәшәом ҳәа ахиҳәааит Урыстәыла ахада Владимир Путин Москва имҩаԥысуа жәохәтәи ипресс-конференциаҿы.

Иара иҳәеит Урыстәыла адгылара шанаҭо "ицқьоу аспорт", ишазыхиоу WADA ацхраара, урҭ ргәыҩбара иконкреттәу хаҿқәак ирзырхазар.

"WADA Урыстәыла Аолимпиатә еилакы зегь ахь агәынамӡара амамзар, аконкреттә хаҿқәа ирылацәажәозароуп. Урыстәыла аицлабрақәа ирылахәхароуп ахатә бираҟ иаҵагыланы", - иҳәеит Путин.

Урыстәыла ахада иазгәеиҭеит Урыстәыла аганахьала WADA аӡбамҭа Аолимпиатә хартиа апринципқәа ишырҿагыло.

Иара убас шәаԥхьар ҟалоит:

9