Венесуела аоппозициа арратә хәҭа иақәлеит

16
Венесуэла ахада Николас Мадуро уаанӡа иҳәахьан Колумбиеи Еиду аштатқәеи апровокациақәа ҟарҵараны иҟоуп ҳәа.

АҞӘА, ԥхынҷкәын 23 - Sputnik. Аоппозициа Венесуела арратә хәҭақәа руак иажәлеит. Аррамаҵзуҩцәа руаӡәк дҭахеит. Абри атәы аанацҳаит РИА Новости.

"Иахьа ашьыжь атәыла аладатәи ахәҭаҿы иҟоу арратә хәҭақәа руак иажәлеит. Абџьар ргеит. Иҟоуп аԥсыҭбара. Уажәы ақәылара ҟазҵаз рыԥшаара хацыркуп", - иҳәеит атәылахьчара аминистр Владимир Падрино Лопес.

Венесуела Аинформациеи акоммуникациеи рминистр Хорхе Родригес иазгәеиҭеит ажәылара зуз Колумбиа аҽазыҟаҵарақәа ишырхысыз.

"Ажәылара зуз Колумбиа аҽазыҟаҵарақәа ирхысит, адгылара рыҭан Жаира Болсонару иеиҳабыра рҟынтәи", - иҩит иара Twitter аҿы.

Уи адагьы Венесуела Адәныҟатәи аусқәа рминистр Хорхе Арреаса аҳәамҭа ҟалҵеит ижәылоз рлагер Перу ишыҟоу.

Ажьырныҳәа 21 рзы Венесуела иахьатәи ахада Николас Мадуро иҿагыланы Каракас ақәгыларақәа ирылагеит. Апарламент аспикер Хуан Гуаидо ажьырныҳәа 23 рзы атәыла ахадас ихы рылеиҳәеит.

Усҟан Гуаидо истатус адгылара арҭеит: ЕАА, Канада, Аргентина, Бразилиа, Чили, Колумбиа, Коста-Рика, Гватемала, Гондурас, Панама, Парагваи, Перу, Қырҭтәыла.

Урыстәыла Мадуро адгылара инаҭоит аконституциатә шьаҭа зманы иҟоу атәыла ахадак иҳасаб ала.

Мадуро: Венесуела амчрақәеи аоппозициеи Осло аиҿцәажәарақәа мҩаԥыргоит

Европатәи атәылақәа зеижә: Испаниа, Португалиа, Германиа, Великобританиа, Даниа, Нидерланды, Франциа, Венгриа, Австриа, Финлиандиа, Бельгиа, Лиуксембург, Чехиа, Латвиа, Литва, Естониа, Польша, Швециа, Хорватиа, Македониа, Румыниа - жәабран 4 рзы рнапы еицаҵарҩит адекларациа, уа иазгәарҭеит Хуан Гуаидо аамҭалатәи Венесуела ахада ҳәа дшазхарҵо азы.

Иара убас шәаԥхьар ҟалоит:

16
Семен Пегов

Минск иаанкылаз урыстәылатәи ажурналист Семион Пегов доушьҭуп

4
(ирҿыцуп 21:50 10.08.2020)
Ажурналист Семион Пегов Минск, нанҳәа 9 рзтәи аилаҩеиласрақәа раан дшаанкылаз атәы рылаирҵәеит "Комсомольская правда" акорреспондент Александр Коц.

АҞӘА, нанҳәа 10 - Sputnik. Минск иаанкылаз урыстәылатәи ажурналист Семион Пегов азинеилагаҩцәа ахьҭаркуа Ацентр аҟынтә доушьҭуп, абри атәы аанацҳауеит Sputnik Беларусь Telegram-канал.

Белоруссиа иҟоу Урыстәыла ацҳаражәҳәаҩ адырра ҟаиҵахьан, Семион Пегов аҩаша аҩныҟа дхынҳәырц шилшо.

Белоруссиа алхрақәа мҩаԥысит нанҳәа 9 рзы. Алхырҭатә ҭыԥқәа шадыркызҵәҟьа, Минск зиншьаҭада аҿагыларатә акциақәа ирылагеит Белоруссиа ақалақьқәак рҿы.

Ажурналист Семион Пегов Минск дааныркылеит нанҳәа 9 ауха. "Комсомольская правда" арратә корреспондент Александр Коц иӡыригеит
Пегов дшааныркылоз акадырқәа.

Белоруссиатәи амчрақәа рахь ааԥхьара ҟалҵеит RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Аԥсны ажурналистцәа Реидгыла Белоруссиа амчрақәа рахь ааԥхьара ҟанаҵеит Минск имҩаԥысуаз аҿагыларатә акциақәа раан иаанкыло ажурналистцәа рхы рақәиҭтәразы.

Семион Пегов – апоет, урыстәылатәи афедералтә телеканалқәа рырратә корреспондент, апроект WarGonzo аиҿкааҩ. Диит 1985 шықәса рзы. Иҩымҭақәа кьыԥхьын альманахқәа "Под часами", "Персона", "Современники". Пушкин ихьӡ зху афестиваль "С веком наравне-2008" алауреат, ашәҟәыҩҩцәа ҿарацәа р-Форум "Липки-2011"алахәыла. Семион Пегов 2008 - 2013 шықәсқәа рзы Аҟәа, ателекеилахәыра "Абаза-ТВ" аҟны аус иуан, "Нужная газета", "Чегемская правда", "Новый день" иҩымҭақәа ркьыԥхьуан.

Иара убас шәаԥхьар ҟалоит:

 

4

Захарова урыстәылатәи ажурналистцәа Минск раанкылара дақәыӡбеит

1
(ирҿыцуп 22:01 10.08.2020)
Нанҳәа 9 рзы Белоруссиа имҩаԥысит атәыла ахада иалхрақәа. Алхырҭатә ҭыԥқәа анадыркы ашьҭахь аҿагыларатә акциақәа ирылагеит. Абарҭ акциақәа раан иаанкылан урыстәылатәи ажурналистцәагьы.

АҞӘА, нанҳәа 10 - Sputnik. Урыстәыла адәныҟатәи аусқәа рминистрра аофициалтә хаҭарнак Мариа Захарова урыстәылатәи ажурналистцәа Минск раанкылара ахҳәаа алҭеит.

Захарова белоруссиатәи азинхьчаҩцәа рхымҩаԥгашьа иашам ҳәа азылҳәеит.

"Иахьа хәышықәсоуп Урыстәыла адәныҟатәи аусқәа рминистрра аофициалтә хаҭарнакс сыҟоижьҭеи. Сгәы иаанагомызт абри амш азы урыстәылатәи ажурналистцәа аиашьаратә Белоруссиа азинхьчаҩцәа рҟынтәи исыхьчароуп ҳәа", - лыҩуеит лара Facebook аҿтәи лаккаунт аҿы.

Захарова илҳәеит, ажурналистцәа аус ахьыруа атәыла азакәанқәа пату рықәҵо аус рулар шакәу.

"Журналистцәақәак заанаҵы ишахәҭаз еиԥш аккредитациа аиуразы азыҳәа ҟарҵеит, аха ирырымҭеит. Уажәы уи ацынхәрас иаанкылоуп лабала рхы иаснуеит", - азгәалҭеит адипломат.

"Аишьцәа ус рзеибамуроуп. Ас ииашам", - еихылшьаалеит Захарова.

Иара убас шәаԥхьар ҟалоит:

1