Ҟазахсҭан апассаџьыртә ҳаирплан каҳаит

14
Ҟазахсҭан аиндустриеи аинфраструктуратә ҿиареи рминистрра Fokker 100 иаҵанакуа аҳаирплан хкқәа рыԥырра аамҭала иааннакылеит.

АҞӘА, ԥхынҷкәын 27 - Sputnik. Авиоеилахәыра Bek Air иатәу аҳаирплан Fokker 100 Алма-Ата аҳаиртә баӷәазаҟынтә ианышьҭыԥраа ашьҭахь хланҵы иҭалеит, акаҳараан ҩеихагылак иҟоу ахыбра иаахеит ҳәа аанацҳауеит Sputnik Казахстан.

Иҟоу адыррақәа рыла 15-ҩык ҭахеит, ахәышәтәырҭақәа ирҭоуп 35-ҩык. Зынӡа Fokker 100 иҭан 95-ҩык апассаџьырцәеи хәҩык аекипаж аилазаареи.

"Ахәыҷтәы хәышәтәырҭатә Центр ахь инагоуп ааҩык ахәыҷқәа. Еиуеиԥшым ахәышәтәырҭақәа ирҭоуп 22-ҩык. Аҭыԥ аҟны иҭахеит 14-ҩык", - аҳәоит адырраҭараҿы.

Зықьҩык инарзынаԥшуа аус руеит аҳаирплан ахькаҳаз аҭыԥ аҿы ҳәа аанацҳауеит Аҩныҵҟатәи аусқәа рминистрра апресс-маҵзура.

"976 –ҩыки 70 ак атехникеи аус руеит. Аҭыԥ аҿы иҟоуп ацхыраара ласы абригадақәа 33. Аҭыԥ ахь уаҩ днарышьҭуам", - рҳәеит аусбарҭаҟны.

Ҟазахстан ахада Касым-Жомарт Токаев иҭахаз ргәакьацәа дрыдашшылеит.

Иаԥҵоуп аԥыза-министр Аскар Мамин зхадараҿы дыҟоу аиҳабыратә комиссиа.

14

Адунеи аҿы ираԥхьатәиу: Урыстәыла авирус азы алаҵа ԥыршәоит

3
(ирҿыцуп 15:38 07.08.2020)
Алаҵа аклиникатә ԥышәара мҩаԥнагеит Гамалеи ихьӡ зху аепидемиологиеи амикробиологиеи рыҭҵааратә Центр Сеченов ихьӡ зху ауниверситет аҿы рашәара 18 рзы.

АҞӘА, нанҳәа 7 - Sputnik. Гамалеи ихьӡ зху аепидемиологиеи амикробиологиеи рыҭҵааратә Центр иԥнашәаз урыстәылатәи алаҵа аҭаҩра мҩаԥгахоит нанҳәа 12 рзы ҳәа аанацҳауеит COVID-19 иаҿагылан ақәԥаразы Москва аоперштаб.

Аԥхьа алаҵа рзыҟарҵоит аҳақьымцәеи абыргцәеи ҳәа иҳәеит Агәабзиарахьчара аминистр ихаҭыԥуаҩ Олег Гриднев.

"Уажәы аԥышәара ахԥатәи аетап мҩаԥысуеит. Алаҵа шәарҭара аламзароуп. Аԥхьа алаҵа рзыҟарҵоит аҳақьымцәеи абыргцәеи", - иҳәеит Гриднев, Уфа аонкоцентр акорпус аартраан ажурналистцәа дрыҿцәажәо.

Уаанӡа аминистр Михаил Мурашкоиҳәахьан Урыстәыла массала алаҵаҟаҵара шалшо жьҭаара инаркны. Иара иажәаәқа рыла ахарџьқәа зегьы абиуџьет иҭыгахоит.

38-ҩык хатәгәаԥхарала алаҵа ҟазҵаз ишьақәдырӷәӷәеит алаҵа ашәарҭадара. Алаҵаҟаҵара иахысыз зегьы аиммунитет роуит.

Иара убас шәаԥхьар ҟалоит:

3

Аекспертцәа: Аԥсны Шәача аасҭа аԥсшьарахәқәа 20-40% рыла еиҵоуп

3
Заанаҵтәи аҿаҵара атуроператорцәа ишырҳәо ала Аԥсны иахьазы ахархәара иазыхиоуп 100 - 150 обиект.

АҞӘА, нанҳәа 7- Sputnik. Аԥснытәи асасааирҭақәа рыхәԥсақәа 20-40 процент рыла еиҵоуп Шәача аасҭа, аха аҭагылазаашьа аҽаԥсахыр ҟалоит ҳәа рҳәеит Урыстәыла атуроператоцәа р-Ассоциациаҿы.

Иахьазы асасааирҭатә номерқәа ҵыԥхтәи ахәқәа рыла аахәара ҟалоит, аха аҭахрақәа ишрызҳалак аотельерцәа урҭ шьҭырхыр ауеит.

"Заҟа изааны атурист аара иӡбо аҟара имарианы иоуеит атур", - рҳәоит атуроператорцәа.

Атуроператор "Дельфин" аҟазауаа ишырҳәо ала Аԥсныҟа атурқәа рыҭира ииасыз ашықәс иахыҳәҳәоит, "ексцессқәак" ҟамлар ҵыԥхтәи аҩаӡарахь ихалоит.

Аекспертцәа ирҳәоит Аԥсны ианаамҭаз иаадыртит ҳәа.

Иара убас шәаԥхьар ҟалоит:

3

Урыстәылатәи аруаа ашьаҟауаа ржәылара ааныркылеит ашьхараҿ

1
(ирҿыцуп 15:58 07.08.2020)
Уахынлатәии ҽынлатәии ахысрамҩаԥгара иалахәын 500-ҩык аруааи 100 инеиҳаны арратә техникеи.

АҞӘА, нанҳәа 7 - Sputnik. Аԥсны иҟоу урыстәылатәи арратә база амотосхысцәеи артиллеристцәеи рыҟәшақәа Аԥсны иаԥдырҟәҟәааит "аӷа" иршьаҟауаа ржәылара ҳәа аанацҳауеит Аԥсны иҟоу урыстәылатәи арратә база апресс-маҵзура.

Аруаа ртанкқәеи, зкәылӡы ҵаӷоу атехникеи, илаҟәны иԥыруа ахархәагақәеи, ацәҟьарақәеи иреихсуан аполигон Ҵабал аҿы.

Ахархәара аҭан еиуеиԥшым абџьар, акәылӡтәы транспортиорқәа БТР-82А, анапылатә гранатаршәгақәа РПГ-7, 120-мм иҟоу аминомиотқәа уҳәа.

Аруаа анџьныртә ԥшыхәра мҩаԥганы, ахсаалақәеи аспутниктә система "Глонасс" рхы иархәаны рмаршрутқәа шьақәдыргылеит.

"Аӷа" иԥшааразы рхы иадырхәеит иара убасгьы аԥырҩы дызҭам арԥрыгақәа, еиҭарго аԥшыхәратә комплексқәа (КРУС) "Стрелец".

Иара убас шәаԥхьар ҟалоит:

1