Дмитрий Киселев

Киселиов Sputnik Естониа дадгыло, афлешмоб ихы алаирхәит

15
(ирҿыцуп 16:03 30.12.2019)
МИА "Россия сегодня" анагӡаратә директор Кирилл Вышински ԥхынҷкәын 25 рзы ихациркит афлешмоб #СпутникСила, апортал Sputnik Естониа дадгыло.

АҞӘА, ԥхынҷкәын 30 - Sputnik.  МИА "Россия сегодня" адиректор хада Дмитри Киселиов ателеканал "Россия 1" аҟны ицо ипрограммахь дцәырҵит акьаҿ ҩежь ишәҵаны, Sputnik Естониа ажурналистцәа адгылара рыҭо.

Аԥшьаша Урыстәыла Адәныҟатәи аусқәа рминистрра аофициалтә хаҭарнак Мариа Захарова акьаҿ ҩежь лышәҵаны абрифинг мҩаԥылгеит, афлешмоб лҽалархәны.

"Мариа Захарова Sputnik акьаҿ ҩежь лышәҵаны дықәгылеит. Уажәы – сара", - иҳәеит Киселиов апрограмма "Вести недели" аефир аҟны.

Урыстәыла Адәныҟатәи аусқәа рминистрра аофициалтә хаҭарнак Мариа Захарова абрифинг мҩаԥылгеит акьаҿ ҩежь лышәҵаны. Уи ала лара иаалырԥшит Sputnik Естониа адгыларазы ихацырку афлешмоб дшалахәу.

Мариа Захарова, Sputnik Естониа ажурналистцәа рганахьала естониатәи аиҳабыра имҩаԥырго аусқәа шьҭашәарыцараны илшьоит.

"Ҳжурналистцәа кыдырцалеит. Уи ламысдароуп. Sputnik Естониа амацара акәӡам анырра зырҭо, аусуҩцәа зегьы анырра рырҭоит", - лҳәеит Захарова абрифинг аҿы.

"Шәазхәыци аныҳәамшха амаҵзура аусзуҩцәа ирҭагылазаашьоу. Арахь сара агәрагара сымоуп дара иарбанызаалак закәанк шеиларымгоз", - лҳәоит лара.

Уаанӡа, МИА "Россия сегодня" анагӡаратә директор Кирилл Вышински афлешмоб хациркит, Sputnik Estonia адгылара аҭо. Афлешмоб #СпутникСила символс иамоуп агьыра ҩежь Got You Covered! ("Положись на нас!") анҵаны, иара убас акьаҿ ҩежь.

Уи аԥхьагьы Симониан еиҭалҳәахьан Sputnik Естониа аҟны аус зуеи аусура зҭахуи шдыршәо атәы. Лара лажәақәа рыла, абри атәылаҿы Sputnik апроблемақәа маҷымкәа иазцәырҵуеит.

Жәларбжьаратәи аинформациатә маҵзуреи арадиои Sputnik аусура хацнаркит Естониа 2016 шықәса рзы. Зҟазара ҳараку ажурналистцәеи аредакторцәеи ркоманда еиҭарҳәалоит жәларбжьаратәи ажәабжьқәа, аҭагылазаашьақәа.

Ажәабжьтә портал ҿыц Sputnik Естониа амультимедиатә контент аԥхьаҩцәа ирыднагалоит: аинфографика, авидео, афоторепортажқәа, онлаин-ефирқәа, аинтернет-бжьыҭира. Урҭ рыдагьы араҟа ицәыргахоит аналитикатә материалқәа, аинтервиуқәа, аексперт хәшьарақәа.

Естониа заҵәык аҿоуп – Балтиа атәылақәа рҟны аинформациатә маҵзуреи арадиои Sputnik рредакциеи рофиси аус ахьауа. Аколлектив 35–ҩык рыла ишьақәгылоуп, 3-ҩык урҭ рҟынтәи Естониа иатәылауаауп. Естониа абиуџьет ахь ицо есымзатәи амаҵзура ашәахтәқәа 30 000 евро ыҟоуп.

Иара убас шәаԥхьар ҟалоит:

15
Лидер группы Ленинград Сергей Шнуров

Forbes ахәшьара ҟанаҵеит реиҳа ибеиоу Урыстәыла ашоулахәылацәа рмазараз

0
(ирҿыцуп 17:06 03.08.2020)
Урыстәылатәи ашоу-бизнес алахәылацәа, реиҳа 2020 шықәсазы змал иаззырҳаз ажурнал Forbes ареитинг ианылеит.

АҞӘА, нанҳәа 3 — Sputnik. Амузыкант, ашәаҳәаҩ Сергеи Шнурови игәыԥ "Ленингради" ареитинг аҿы актәи аҭыԥ ныркылоит.

Шнуров ихашәала 8,8 миллион доллар иҟоуп. Иара ишьҭанеиуеит ашәаҳәаҩцәа Егор Криди Дима Билани. Forbes ахәшьарақәа рыла дара ашықәсазтәи рхашәала 6,9 миллион доллари 6,8 миллион доллари иҟоуп. Ареп-анагӡаҩ Баста аԥшьбатәи аҭыԥ никылоит, 6,6 миллион доллар иманы. Иара дишьҭагылоуп Филипп Киркоров - 6,6 миллион доллар. Афбатәи аҭыԥ –6,4 миллион доллар зауз ашәаҳәаҩ Полина Гагарина.

Агәыԥ "Би-2" абыжьбатәи аҭыԥ ннакылоит 6 миллион доллар рҳаны, Григори Лепс (5,3 миллион доллар) Тимати (5,1 миллион доллар) роуит. Ареитинг хиркәшоит Иван Ургант-5,1 миллион доллар.

Асиа иануп иара убасгьы: Сергеи Жуков ("Руки вверх!"), Николаи Басков, Сергеи Лазарев, Александр Ревва, Дмитри Нагиев, Стас Михаилов, Максим Галкин, Валери Мелаӡе, Zivert (ашәаҳәаҩ Иулиа Зиверт).

Forbes адыррақәа рыла арҭ арҳамҭақәа 12,5 процент еиҳахон амассатә уснагӡатәқәа рымҩаԥгара ԥкымзар.

0

Урыстәыла уахыки-ҽнаки рыла 5 394 -ҩык авирус рыдбалоуп

0
(ирҿыцуп 13:45 03.08.2020)
Иахьатәи аамҭа инақәыршәаны, Урыстәылатәи арегионқәа 85 рҿы зынӡа 856 264 -ҩык акоронавирустә инфекциа рыдырбалахьеит.

АҞӘА, нанҳәа 3 - Sputnik. Урыстәыла уахыки-ҽнаки рыла 5 394 -ҩык авирус рыдбалоуп арегионқәа 83 рҿы ҳәа аанацҳауеит COVID-19 аҿагыларазы Москва аоперштаб.

Авирус зыдбалаз рҟынтәи 26,2% аклиникатә ҟазшьақәа рныԥшуамызт.

Уахыки-ҽнаки рыла рыԥсҭазаара иалҵит 79-ҩык, ргәы бзиахеит 3 420 -ҩык.

Зынӡа атәылаҿы COVID-19 иахҟьаны 14 207 ԥсыҭбара азгәаҭоуп, 653 593 -ҩык ргәы бзиахахьеит.

Џьонс Хопкинс иуниверситет адыррақәа рыла адунеи аҿы коронавирус змоу рхыԥхьаӡара 18 миллионҩык ирхысит.

Агәабзиарахьчаразы адунеизегьтәи аиҿкаара хәажәкыра 11 рзы коронавирустә инфекциа ҿыц COVID-19 пандемиоуп ҳәа ахырҳәааит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿавирус рыдырбалахьеит 98-ҩык, ргәы бзиахеит 37-ҩык, хҩык рыԥсҭазаара иалҵит.

Иара убас шәаԥхьар ҟалоит:

 

0
Атемақәа:
Ачымазара ҿкы – акоронавирус Аԥсни адунеи аҿи: иалкаау

Гәымԥҳа: COVID-19 адунеи зегьы иалаҵәеит, иҳамчу - хәыҷык акрычҳара аарԥшроуп

0
(ирҿыцуп 18:52 03.08.2020)
Амилаҭтә туристтә еилахәра аусзуҩ, аекскурсиа амҩаԥгаҩ Алиса Гәымԥҳа арадио Sputnik аефир аҟны еиҭалҳәеит апандемиа аамҭазы русураҟны изықәныҟәо аԥҟарақәа ртәы.
Гәымԥҳа: COVID-19 адунеи зегьы иалаҵәеит, иҳамчу-хәыҷык акрычҳара аарԥшроуп

"Атуризм азы аминистрра аҟынтәи аԥҟарақәа ҳзаарышьҭит ф-пунктк рыла ишьақәгылоуп. Уаҟа иаҳәоит асабрадақәа, анапҭарԥақәа ныҟәаҳгар шакәу, насгьы ацқьара аԥҟарақәа ишрыцклаԥштәу, аекскурсиа амҩаԥгаҩ COVID-19 асимптомқәа аԥсшьаҩы иныибаалар амедицинатә усҳәарҭахь днаигар шаҭаху, аҭакԥхықәра ду ааирԥшыр шакәу. Сгәаанагарала, урҭ аԥҟарақәа рҿы иаҳзынамыгӡо ҳәа акгьы анӡам. Ачымазара ҿкы адунеи зегьы иалаҵәаз ауп, иҳамчу –хәыҷык акрычҳара аарԥшроуп", - лҳәеит Гәымԥҳа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0