Президент РФ В. Путин встретился с президентом Турции Р. Т. Эрдоганом

Путини Ердогани реиԥылара мҩаԥысит

15
Урыстәыла ахада Владимир Путини Ҭырқәтәыла ахада Реџьеп Таип Ердогани реиԥылара хыркәшахеит Сҭампыл.

АҞӘА, ажьырныҳәа 9 - Sputnik. Урыстәыла ахада Владимир Путини Ҭырқәтәыла ахада Реџьеп Типа Ердогани сааҭки бжаки инарзынаԥшуа имҩаԥысуаз, хыркәшоуп. Уаанӡа Путин Дамаск, Башар Асад диԥылеит ҳәа аанацҳауеит РИА Новости.

Аиԥылараан ирылацәажәан: Шьамтәылеи Ливиеи аҭагылазаашьа зеиԥшроу; ҩ-ганктәи аусеицура; урыстәыла – ҭырқәтәылатәи амеморандум анагӡашьа;

Аинрал Касем Сулеимани иҭахара ашьҭахь Америкеи Ирани реизыҟазаашьа.

Путин иазгәеиҭеит Урыстәылеи Ҭырқәтәылеи адунеи зегьы аҿырԥш бзиа шыддырбо.

"Ҳара аамҭа уадаҩ ҳҭагылоуп. Адунеи зегь аҿеиԥш арегион аҿгьы аҭагылазаашьа бааԥсуп. Ус шакәугьы Урыстәылеи Ҭырқәтәылеи аусеицуреи аиҩызареи аҿырԥшы аадырԥшуеит. Агәра згоит ԥхьаҟагьы ақәҿиара дуқәа шаҳзыԥшу", - иҳәеит Урыстәыла ахада.

Ҭырқәтәыла иаиуа агаз анашьҭыҩцәа ирхадоу акәны иҟоу тәылоуп Урыстәыла. Аенергетика аусхк аҿгьы апроек ҿыцқәаа ус рыдулахоит ҳәа азгәеиҭеит Таип Ердоган.

"Урыстәыла Ҭырқәтәылаҟа иаанашьҭуеит 400 миллиард кубометра агаз. Ҳара ԥхьаҟагьы апроект ҿыцқәа аус рыдулара ҳагәҭакуп", - иҳәеит иара.

Уаанӡатәи аиԥылараан анапы аҵаҩын амеморандум. Иара инақәыршәаны Анкара антитеррористтә операциа "Источник мира" амҩаԥгара иаҟәыҵырц ахыдҵа агеит. Адокумент анапы шаҵарҩызҵәҟьа акурдқәа аамҭа рыҭан ашәарҭадаратә зона аанрыжьырц.

"Ҳажәҩа еибаҳҭар, ҳаидгылар, иҳалымшо акгьы ыҟам" ҳәа азгәеиҭеит Урыстәыла ахада.

Иара убасгьы иазыӡбан Шьамтәылеи Ҭырқәтәылеи рҳәаа аицхылаԥшразы. Амеморандум арҭ апунктқәа нагӡоуп.

15
Вывеска компании Tesla

Илон Маск афымцамобильқәа Tesla абиткоин азы рыҭира деиҭалагар шыҟало иҳәеит

6
(ирҿыцуп 13:43 22.07.2021)
Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

АҞӘА, ԥхынгәы 22 - Sputnik. Амиллиардер Илон Маск напхгара зиҭо аилахәыра Tesla аҟны азин ҟаиҵеит абиткоинқәа хәшәагак аиԥш ирыдыркылаларц, амала акриптовалиута еиҳа аекологиатә ҟазшьа анаиулак. Абри атәы аанацҳауеит РИА Новости.

"Еиҭахарҿиаау афымцамч ахархәарахь маҷ-маҷ ииасуеит абиткоин", - иҳәеит иара.

Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

Уи адагьы амиллиардер иҳәеит напхгара зиҭо аилахәырақәа Tesla, SpaceX уаанӡа иаархәахьаз абиткоинқәа рҭиуам ҳәа.

"Ҳара (Tesla - аред.) хаҭала сареи напхгара зысҭо аилахәырақәа Tesla, SpaceX уаанӡа иааҳхәахьаз абиткоинқәа ҳҭиуам. SpaceX, Tesla сара абиткоинқәа ҳамоуп", - иҳәеит Маск "The B Word" аконференциаҿ.

Маск иҳәеит егьырҭ акриптовалиутақәа – Ethereum, Dogecoin шимоу.

6

Адунеизегьтәи атуристтә еиҿкаара: аусхк арекордтә кризис иҭагылоуп

5
(ирҿыцуп 11:26 22.07.2021)
Аекспертцәа ргәаанагарала адунеитә туризм апандемиа инадҳәаланы иаиуз ацәыӡқәа рышьҭахь иамаз аҩаӡара 2023 шықәсанӡа иазышьақәнамыргылар ҟалоит.

АҞӘА, ԥхынгәы 22 - Sputnik. Сынтәа ажьырныҳәа инаркны лаҵарамзанӡа атуризм 85% илаҟәит 2019 шықәса абри аамҭа иаҿырԥшны ҳәа аанацҳауеит Адунеизегьтәи атуристтә еиҿкаара (UNWTO).

"Атуризм аҭоурых аҿы иреиҳау акризис ҩышықәсоуп имҩаԥысуеижьҭеи. UNWTO адыррақәа рыла, сынтәа ажьырныҳәа инаркны лаҵарамзанӡа атуризм 85% илаҟәит 2019 шықәса абри аамҭа иаҿырԥшны (65% 2020 шықәса иаҿырԥшны)", - ҳәа аҳәоит Адунеизегьтәи атуристтә еиҿкаара.

COVID-19 аштамм ҿыцқәа рцәырҵра иалнаршоит аҩнуҵҟатә туризм ахь еиҳа иласны ахынҳәра жәларбжьаратәи аныҟәарақәа раасҭа ҳәа рҳәоит аиҿкаараҿы.

Сынтәа раԥхьатәи хәымз рзы адунеи аҿы ашәҟәы иҭагалан 147 миллион рыла еиҵаны жәларбжьаратә ныҟәарақәа 2020 шықәса иаҿырԥшны, 460 миллион 2019 шықәса иаҿырԥшны. Аԥкрақәа андырԥшқа, лаҵарамзазы уи маҷк еиҳахеит.

UNWTO 2020 шықәса аҭоурых аҿы иреицәоу шықәсны иазгәанаҭеит. 2019 шықәса иаҿырԥшны ҵыԥх миллиард ныҟәара рыла еиҳа еиҵахеит.

Убри аан Аԥсны атуризм аминистр ишиҳәо ала, сынтәа 30 шықәсатәи арекорд шьақәыргылоуп.

Иара убас шәаԥхьар ҟалоит:

5

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

9
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Аҿкычымазара – акоронавирус Аԥсни адунеи аҿи: иалкаау