КПП Псоу

Аамҭала Урыстәыла аҵакырахь иалагалоу амашьынақәа аконфискациа рзухоит

15
(ирҿыцуп 15:18 15.01.2020)
Урыстәыла Аладатәи аҳазалхратә усбарҭа иазгәанаҭеит аамҭала амашьынақәа атәыла аҵакырахь ралагалара аԥҟарақәа реилагаразы ахараԥса рацәахар ҟалоит, мамзаргьы амашьына аконфискациа азырур алшоит.

АҞӘА, ажьырныҳәа 15 - Sputnik. Ииасыз ашықәс иалагӡаны Урыстәыла Аладатәи аҳазалхратә усбарҭа 828 административтә ус хацнаркит ианаамҭаз аҳәаа иахьахымгаз аамҭала атәыла иалагалаз автомашьынақәа. Аиҳарак амашьынақәа Урыстәылаҟа Аԥснынтәи иаларгалоит. Аԥсны дара рыхәԥса еиҳа еиҵоуп азы, иара убасгьы Қырҭтәылеи Украинеи рҟынтәи.

Аладатәи аҳазалхратә усбарҭа апресс-маҵзура ишаанацҳауала 2019 шықәса рзы 763 хараԥса ылҩаан - 1 195 800 мааҭ рыхә, 43 хҭыс раан автомашьынақәа аконфискациа рызуун.

Аҳәаанырцәтәылауаа азин рымоуп Евразиатәи аекономикатә еидгылахь ахатәхархәаразы амашьынақәа ралагалара. Дара абаџьи ашәахтәи рхыршәаауам, Урыстәыла аҵакыраҿы шықәсык еиҳамзароуп рыҟазаара.

Аха ирацәоуп ахҭысқәа аҳәаанырцәтәылауаа "аамҭала" амашьына аҭиразы ианаларгало. Абри аан амашьына ахәԥса акыр илаҟәуп, аха ари автомашьына ахархәара азин змоу иалазгалаз ахаҿы заҵәык иоуп.

Иҟан ахҭысқәа ахатәхаҿқәа аҳазалхыҩцәа адокумент ԥаршеиқәа анрыдыргалоз аҳәаанырцәтә еиҿкаарақәа рҟны аус руазшәа. Арҭ рҩызцәа Урыстәыла атәылауаа аныҟазгьы ыҟан.

Аҳазалхратә усбарҭа иазгәанаҭоит хыхь иарбоу ахҭысқәа раан автомашьына аҭира азакәан шьаҭа шамам, аахәаҩгьы уи ахархәара шилымшо.

Иара убас шәаԥхьар ҟалоит:

15

Урыстәыла АШәМ Ростовтәи аобласт аҿы атеракт аԥдырҟәҟәааит

8
(ирҿыцуп 14:31 13.07.2020)
Урыстәыла АШәМ адиректор Александр Бортников иқәгылара инақәыршәаны, аҵыхәтәантәи жәашықәса рыҩныҵҟа Урыстәыла 160 теракт рымҩаԥгара аԥырҟәҟәаан, 2019 шықәса рзы – 43.

АҞӘА, ԥхынгәы 13 - Sputnik. Урыстәыла Афедералтә Шәарҭадаратә маҵзура иаадырԥшит "Исламское государство" алахәылацәа ргәыԥ Ростовтәи аобласт аҿы ҳәа аанацҳауеит Урыстәыла АШәМ ауаажәларра рнырразы Ацентр.

"Дара аполициаа рықәлареи амедицинатәи аҵараҵаратәии усбарҭақәа рҿы атеррористтә акциақәеи рымҩаԥгара рҽаздырхион", - аҳәоит арелиз аҿы.

Аоперациа ҷыда мҩаԥган Азовтәи араион аҿы. Агәыԥ ахада иаанкылараан аҿагылара ҟаиҵеит автомат Калашников ала дхысуа, нас арԥжәагала иҽԥижәеит. Иара дҭахеит, егьырҭ ахәҩык аанкылоуп.

Иааныркылаз ргәаҭараан ирыдбалоуп автоматқәа, аџьаԥҳаны, ахалаҟаҵаратә рԥжәага, анаркотикқәа.

Атеракт, абџьар закәанда ахархәара, азинхьчаратә усбарҭақәа рҿагылара рзы ашьаус хацыркуп.

Урыстәыла АШәМ адиректор Александр Бортников иқәгылара инақәыршәаны, аҵыхәтәантәи жәашықәса рыҩныҵҟа Урыстәыла 160 теракт рымҩаԥгара аԥырҟәҟәаан, 2019 шықәса рзы – 43.

Иара убас шәаԥхьар ҟалоит:

8

Урыстәыла уахыки-ҽнаки рыла 6 537-ҩык авирус рыдбалоуп

7
(ирҿыцуп 11:47 13.07.2020)
Иахьатәи аамҭазы Урыстәылатәи арегионқәа 85 рҿы 733 699-ҩык акоронавирустә инфекциа ирыдбалоуп.

АҞӘА, ԥхынгәы 13 - Sputnik. Урыстәыла уахыки-ҽнаки рыла 6 537-ҩык авирус рыдбалоуп арегионқәа 84 рҿы ҳәа аанацҳауеит COVID-19 аҿагыларазы Москва аоперштаб.

Авирус зыдбалаз рҟынтәи 25,6% аклиникатә ҟазшьа рныԥшуамызт. Уахыки-ҽнаки рыла рыԥсҭазаара иалҵит 104-ҩык, ргәы бзиахеит 2 960-ҩык.
Зынӡа атәылаҿы иазгәаҭоуп 11 439-ҩык COVID-19 змоу, урҭ рҟынтәи 504 021 -ҩык ргәы бзиахахьеит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

7
Атемақәа:
Ачымазара ҿкы – акоронавирус Аԥсни адунеи аҿи: иалкаау

Ажурналистцәа Реидгыла "Аҟәа-Банк" "Аԥсныпресс" иахьазашшыз закәаншьаҭа амам ҳәа иашьоит

3
(ирҿыцуп 17:41 13.07.2020)
Акоммерциатә банк "Аҟәа-Банк" Аҳәынҭеилахәыра "Аԥсныбылтәи" Аҳәынҭқарратә информациатә маҵзура "Апсныпресси" ԥхынгәы 8 рзы ирзашшит.

АҞӘА, ԥхынгәы 13 – Sputnik. Акоммерциатә банк "Аҟәа-Банк" Аҳәынҭқарратә информациатә маҵзура "Аԥсныпресс" азашшра ҵаҵӷәык амам ҳәа иҳәеит Аԥсны ажурналистцәа реидгыла ахантәаҩы Руслан Ҳашыг.

"Аԥсныпресс" аҳәынҭқарратә информациатә маҵзура аҳасаб ала, Аԥсны АИхқәа рзы азакәан ахәҭаҷ 54 инақәыршәаны, ҭакԥхықәра адым акьыԥхьымҭаз, арҭ адыррақәа аҳәынҭқарратә усбарҭақәа, аиҿкаарақәа, анаплакқәа, ауаажәларратә еидгылақәа рдыррақәа ма рматериалқәа рҿы ирылацәажәахьазар", - ҳәа аҳәоит Ҳашыг иҳәамҭа атекст аҟны.

Ҳашыг инаҵшьны иазгәеиҭеит амаҵзура "Аԥсныпресс" Аԥсны АИхқәа рзы азакәан ахәҭаҷ 40 инақәыршәаны "Аҟәа-Банк" алшара шанаҭаз аҳәынҭеилахәыра "Аԥсныбылтәы" адыррақәа аҿаԥнаҽырц.

Убри инадҳәаланы Руслан Ҳашыг ааԥхьара ҟаиҵеит "Аҟәа-Банк" ахь "Аԥсныпресс" аганахь ала ашшыԥхьыӡ архынҳәырц.

Ԥхынгәы акы азы амаҵзура "Аԥсныпресс" асаит аҿы икьыԥхьын АЕ "Аԥсныбылтәы" аҳәамҭа: "Аҟәа-Банк" анапаҵаҟа иҟоу аиҿкаара "Гәдоуҭатәи анефҭбаза" 2015 шықәса рзы 40 миллион иҟаз акредит закәаншьаҭада иаҭан ҳәа. Иахьазы акредитҭаҩ идыррала "Гәдоуҭатәи анефҭбаза" "Аҟәа-Банк" аҿаԥхьа 63 миллиони 365 нызқьи 620 мааҭ ақәуп.

Убри аан 2020 шықәса жәабранмзазы аӡбранагӡаҩцәа ақәҵара рыдыркылеит "Гәдоуҭатәи анефҭбаза" ирбаандаҩу амазара – ахыбрақәеи аргыларақәеи, аҭираз иқәыргылазарц. Аха ашасы мазара аҭира проблемахеит, аиҿкаара ҳәынҭқарратә мазараны аҟазаараз. Аҳәынҭқарратә мазара анапхгараҭаразы Аҳәынҭеилакы мап ацәнакит амазаратә комплекс аҭирахь анагара.

"Аԥсныбылтәы" анапхгара ҿыци Аекономика аминистрреи ргәаанагарала акредит аҭараан еилаган Аграждантә кодекси Аԥсны азакәани иара убасгьы акредит аиураан "Гәдоуҭатәи анефҭбаза" ауал ақәны иҟан, убри азы аикәыршаратә ԥкырақәа ахьамаз азы.

Ԥхынгәы 2 рзы "Аҟәа-Банк" "Аԥсныбылтәы" адырра аҭак ҟанаҵеит, "Аҟәа-Банк" аиашара Аԥсны Абжьаҟазаратә ӡбарҭа актқәа рыла ишьақәырӷәӷәоуп ҳәа. Уи адагьы абанк адырра ҟанаҵеит "Аԥсныбылтәы" уаанӡатәи анапхгаҩы Даур Ҭарба ихәдықәҵаратә шәҟәы шыҟоу азы.

"Аҟәа-Банк" апозициа кьыԥхьын "Аԥсныпресс" асаит аҟны.

Акоммерциатә банк "Аҟәа-Банк" Аҳәынҭеилахәыра "Аԥсныбылтәи" Аҳәынҭқарратә информациатә маҵзура "Аԥсныпресси" ԥхынгәы 8 рзы ирзашшит аусутә ҳаҭыр ахьчаразы.

Иара убас шәаԥхьар ҟалоит:

3