Николиа Саркози

Саркози: Европа Урыстәыла ада ишхәарҭам еиԥш Урыстәылагьы Европа ада ихәарҭам

12
Николиа Саркози Москва Гаидар ифорум асессиаҿы дықәгыло Урыстәылеи Евроеидгылеи реизыҟазаашьақәа дрылацәажәеит.

АҞӘА, ажьырныҳәа 16 - Sputnik. Франциа уаанӡатәи ахада Николиа Саркози Европа Урыстәыла ада ишхәарҭам еиԥш Урыстәылагьы Европа ада ихәарҭам ҳәа аҳәамҭа ҟаиҵеит. Абри атәы аанацҳауеит РИА Новости.

"Урыстәыла Европа инаркны Азианӡа аҽеиҵнахуеит, аха Европа Урыстәыла ада ԥсыхәа амам? иара Урыстәылагьы Европа ада ԥсыхәа шамам еиԥш. Ҳара ҳлахьынҵақәа акыр еидҳәалоуп. Уи ззеилымкаауа – иҭоурыхума игеографиоума - акы издырам", - иҳәеит Саркози.

Уи адагьы Франциа уаанӡатәи ахада ажәалагала ҟаиҵеит Урыстәыла, Ҭырқәтәыла, Евроеидгыла алархәны аиҿцәажәаратә формат ҿыц аԥҵазарц.

Франциа иахьатәи ахада Еммануель Макронгьы изныкымкәа иазгәеиҭахьеит Урыстәылада Европа аҿиара шзалымшо. Иара иажәақәа рыла, Евроеидгыла аконтинент аҿы ашәарҭадареи аҭынчреи рышьақәыргыларазы Урыстәыла даҽакала иазнеилароуп.

Николиа Саркози (Николиа Поль Стефан Саркоши де Надь-Боча) лаҵара 6, 2007 шықәса рзы Франциа ахадас далырхит, 53,06% алхыҩцәа рыбжьы иманы. Лаҵара 6, 2012 шықәса рзы Николиа Саркози атәыла ахада иалхрақәа аҩбатәи ртур аан даҵахеит.

Иара убас шәаԥхьар ҟалоит:

12
Тренировка боксеров на набережной

Аԥсуа боксиорцәа злахәыз атурнир Шәачантәи Казанҟа ииаргеит акоронавирус иахырҟьаны

8
Абокс азы ашоу "Столото. Вечер бокса WBC" мҩаԥысраны иҟоуп нанҳәа 22 рзы Казантәи акультура-гәмырҿыӷьратә комплекс "Пирамида" аҿы.

АҞӘА, нанҳәа 14 – Sputnik. Нанҳәа 15 рзы имҩаԥысраны иҟаз, аԥсуа боксиорцәа злахәыз атурнир Шәачантәи Казанҟа ииаргеит  акоронавирустә ҭагылазаашьа иахырҟьаны ҳәа Sputnik иазеиҭеиҳәеит абоксиор Баҭал Чежьиа.

"Шәача авирус иахырҟьаны азин ҟарымҵеит атурнир мҩаԥаагарц. Ахәаԥшыҩцәа аламырхәыкәагьы ирымуит. Казангьы ақәгыларақәа ахәаԥшыҩцәа рыда имҩаԥгахоит. Арыцхә рыԥсахит аҭыԥ ахьыԥсаххаз азы", - ҳәа иҳәеит иара.

Атурнир аҳәаақәа ирҭагӡаны иқәгылар акәын аԥснытәи аспортсменцәа ҩыџьа – Баҭал Чежьиеи Харитон Агрбеи.

Ҳаспортсменцәа зындаҭлараны иҟаз ирындаҭлоит. Баҭал Чежьиа жәа-раундктәи ақәгылара мҩаԥигоит, урыстәылатәи абоксиор Сергеи Кожухар диндаҭлоит аваканттә титул WBC Youth азы.

Харитон Агрбагьы жәа-раундктәи ақәгылара мҩаԥигоит урыстәылатәи абоксиор Сослан Тедеев диндаҭло.

Иара убас шәаԥхьар ҟалоит:

8

Аӷба "Князь Владимир" 2020 шықәсазтәи ареисқәа зегьы аԥыхуп

9
(ирҿыцуп 10:07 14.08.2020)
Краснодартәи атәылаҿацә агубернатор Вениамин Кондратиев акоронавирус иахырҟьаны ашәарҭара арежим нанҳәа 21 аҟынӡа днахеит.

АҞӘА, нанҳәа 14 - Sputnik. Аӷба "Князь Владимир"  2020 шықәсазтәи ареисқәа зегьы аԥыхуп ҳәа аанацҳауеит аӷба зтәу аилахәыра "Черноморские круизы".

"Акоронавирустә инфекциа иахырҟьаны аӷба "Князь Владимир" ахьныҟәо арегионқәа рҿы 2020 шықәсазтәи ареисқәа зегь аԥыхуп", - ҳәа ҳәоуп адырраҭараҿы.

ИАЕ "Черноморские круизы" аҳәамҭа ҟанаҵеит заанаҵы зныҟәара аԥара ахызшәааз атуристцәа 2021 шықәсазы еиуеиԥшым аԥсшьарахкқәа рвариантқәа рыдгалахоит ҳәа.

"Князь Владимир" анавигациа хацнаркраны иҟан ԥхынгәы 19 рзы. Хәажәкыра  1 - жьҭаара 31 рзы аӷба 35 реис мҩаԥнагахьазар акәын, аха хәажәкыра 22 рзы анавигациа аанкылан Краснодартәи атәылаҿацә агубернатор Вениамин Кондратиев ирылеиҳәаз акарантин инақәыршәаны.

Лаҵара инаркны цәыббранӡа "Князь Владимир" аграфик инақәыршәаны фынтә Аҟәатәи абаӷәазахь икыдгылар акәын, аха сынтәа уи залыршахом.

Иара убас шәаԥхьар ҟалоит:

9

Кәыҵниа ашәарыцаратә сезон ахацыркразы: ашәарыцаҩцәа рыламыс ҳақәгәыӷуеит

0
(ирҿыцуп 19:24 15.08.2020)
Нанҳәа 15 рзы Аԥсны иаатуеит ашәарыцаратә сезон. Уи злалаго, насгьы ашәарыцара аԥҟарақәа ртәы арадио Sputnik аефир аҿы еиҭеиҳәеит ашәарыцаҩцәеи аԥсыӡкыҩцәеи реидгыла ахантәаҩы Ҳаџьараҭ Кәыҵниа.
Кәыҵниа ашәарыцаратә сезон ахацыркразы: ашәарыцаҩцәа рыламыс ҳақәгәыӷуеит

"Асезон аатуеит ачала, уи адагьы акгьы уазышәарыцар ҟалаӡом. Ашәарах жьҭаара 1 инаркны иалагоит. Зныктәи ашәарыцараан ача ҩажәа еиҳаны иушьыр ҟалаӡом. Раԥхьа ача цәырцуеит Цандрыԥшь, Маҳадыр ҳәа иахьашьҭоу аҭыԥ аҿы, уаҟа ирацәаны иубар улшоит, нас цәыббрамзазы Очамчыра араион ахь иаауеит. Ашәарыцаҩ данҭыҵуа имазароуп хышәҟәык: ашәарыцаратә билеҭ, ашәақь аныҟәгаразы аршаҳаҭга, иара убас алицензиа. Ашәарыцара аԥҟарақәа рықәныҟәаразы ахылаԥшра зду аекологиа аусзуҩцәа роуп. Аха еиҳарак ҳара ҳақәгәыӷуеит ашәарыцаҩцәа рыламыс. Ашәарацыҩ аԥсабара даԥырхагахар иҭахызар уи азы еснагь имоуп алшара, аха ҳара ҳзықәгәыӷуа еиҳарак иламысоуп, мамзар, акы икәа иҭаиҵап егьы - иӡап, еснагь уи узишьҭалом. Иҟоуп есышықәса аԥҟарақәа еилазго, урҭ иаҳа-иаҳа шьҭахьҟа ицоит, аха сынтәа ҳақәгәыӷуеит, аекологцәа рус иаҳа идырџьбарап ҳәа избанзар, хаала измаҳауа ыҟоуп", - еиҭеиҳәеит Кәыҵниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

0