Естониа атәылауаа ргәаанагара: Sputnik аусура аанкылара цензуроуп

17
Абри аҩыза агәаанагара иазкылсит ателехәаԥшцәа, естониатәи ауаажәларра-зинтә телеканал ETV+ аҟны адискуссиатә теледырраҭара иахәаԥшуаз. Адырраҭара азкын Sputnik Естониа иадгалоу асанкциақәа.

Алексеи Стефанов

Ажьырныҳәа 1 инаркны аредакциа аусзуҩцәа ашьауӷатә шьҭазаара рзухар ҳәа ишәаны Sputnik Естониа, иара убас МИА "Россия сегодня" рыбжьара аилаӡара ԥнаргеит. Урысшәала ицәажәо ателеканал ETV+ ахь инаԥхьан аҭыжьымҭа анапхгаҩы Елена Черышева, Sputnik уаанӡатәи аусзуҩ Александр Лукианов, аевродепутат иабжьгаҩ Иана Тоом, RusDelfi уаанӡатәи аредактор Маргарита Корнышева. Оппонентцәак раҳасаб ала иқәгылеит аҭоурыхтә гәалашәара Аинститут аусзуҩ Сергеи Метлев, астратегиатә коммуникациақәа рексперт Ильмар Рааг, ашәарҭадареи атәылахьчареи Рцентр анапхгаҩы Григори Сенькив.

"Ажурналистцәа ирзырхоу аполитикатәии аекономикатәии санкциақәа цензуроуп. Естониа ацензура азин ыҟам. Sputnik Естониа - амассатә информациатә хархәагоуп, урыстәылатәи аинформациатә маҵзура "Россия сегодня" иахәҭакуп. Уи аганахьала санкциа аԥҵам", - лҳәеит Елена Черышева.

Лара иазгәалҭеит аполициа Адепартамент аҟынтәи ашәҟәы аҿы ишарбаз МИА "Россия сегодня" Дмитри Киселиов инапаҵаҟа иҟоуп ҳәа.

"Дмитри Киселиов инапы рыҵеиҩуа сымбацт финанстә документк аҟны. Сара уи инапынҵамҭа збоит Ашықәс ҿыц азы адныҳәалараҟни Март 8 адныҳәалараҟни", - лҳәеит Черышева.

Маргарита Корнышева илҳәеит Евроеидгыла адокументқәа рҟны "анапаҵаҟа аҟазаара" захьӡу шылыԥшааз, аха Дмитри Киселиов урҭ акритериқәа дышрыҵарымкуа.

"Иҟоуп ҩ-ԥкырак алалара аԥкреи афеида изҭо аобиектқәеи аресурсқәеи рахь инеиреи. Естониа афеида узҭо ресурсқәаны ажурналистцәа ԥхьаӡазар, азҵаара ҟасҵоит: уи ажурналистцәа рыпрофессионалтә усура аԥкракәӡами иаанаго ҳәа", - азгәалҭоит Маргарита Корнышева.

Аҭоурыхтә гәалашәара Аинститут аусзуҩ Сергеи Метлев иҳәеит амаҵзура аусзуҩцәа журналистцәаны ишимбо. Астратегиатә коммуникациақәа рексперт Ильмар Рааг иҳәеит апортал аркра дшақәшаҳаҭым.

"Естониа дара рҩымҭақәа ирыԥхьоз маҷын. Аус руландаз ишыруаз еиԥш", - иҳәеит иара.

Елена Черышева Sputnik Естониа аусзуҩцәа раԥхьатәи амш инаркны егьырҭ АИХқәа рҟынтәи рколлегацәа ирҿырԥшны рҭагылазаашьа уадаҩын ҳәа лҳәеит.

Александр Лукианов иҳәеит аҵыхәтәантәи аамзы рыҩнуҵҟа 100-120 рҟынӡа статиа инапы ишыҵыҵыз, уа апропаганда абаҟаз ҳәагьы дҵааит. Уи аҭак аӡәгьы изыҟамҵеит.

Метлев уи иациҳәеит, "апрофессионалцәа, аполициаа, азиндырыҩцәа ргәаанагарала атәыла аҵакыраҿы шәусура ԥкызароуп. Уа шәаиааир – ҳнапы шәзеинаҳҟьап, мап анакәха - шәаркхоит", - ҳәа.

Елена Черышева уи аҭакс илҳәеит "ҳара ҳусура аамҭала иаанкылоуп" ҳәа.

Ильмар Рааг аҭел данас, "апортал аус ауеит" иҳәеит, иџьашьо.

Черышевеи Корнышеви аҽазныкгьы ирҳәеит апортал шаркым, аха Sputnik Естониа аусзуҩцәа ашықәс ҿыц аахыс русураҿы ишыҟам.

Ашәарҭадареи атәылахьчареи Рцентр анапхгаҩы Григори Сенькив иҳәеит Sputnik Естониа анапхгара рынхашәа-финанстә проблемақәа рҭыԥ ирзықәҵом, уажәы ажәа ахақәиҭрала рхы ҿырхырц рҭахуп ҳәа.

Апроблемақәа ииашаҵәҟьаны иҟан. Sputnik Естониа аусзуҩцәа рбанктә ԥхьаӡарақәа адыркуан, ахыбра зтәыз ирҭоз анырра иахҟьаны мап рцәикыр акәхеит.

"Естониа апортал ахыԥша амаӡам. Sputnik АИХқәа рҟны апровокациақәа мҩаԥнагоит. Убас исгәалашәоит аррамаҵзура иахысуаз арԥыск иоуз ахәрақәа аурысцәа естониатәи ар рҿы ирышьҭашәарыцоит ҳәа шрыланарҵәаз. Уажәгьы шәахәаԥш иҟоу – џьоукы шәышьҭоушәа, џьоукы шәыршьуашәа заҟа амца аҵашәҵзеи", - иҳәеит Метлев.

Амҩаԥгаҩ Андреи Титов уи дааникылеит – ииҳәо шымцу атәы иҿаԥҽуа. Титов игәалаиршәеит аблог Propastop активистцәа апорталқәа Sputnik Естониеи Baltnewsи раркразы анапаҵаҩрақәа шеизыркуаз.

"Зықьҩык рнапынҵақәа еизгатәын, аҿҳәара шәышнахазгьы  573-ҩык роуп знапынҵақәа шәоуз. Аӡәгьы дашьҭаӡам еиҵашәҟәаҟәо", - иҳәеит  Титов.

Адискуссиа анҵәамҭазы ишиашоу ицо аефир аҿы имҩаԥысуаз азҵаараҭҵаарақәа ҩба рдыррақәа арбан. Sputnik Естониа аусура аанкылара цензуроуп ҳәа иршьеит 90% аҭел иасыз, 57% асоциалтә ҳа Facebook ала зыбжьы зҭииз.

Иара убас шәаԥхьар ҟалоит:

17
Вывеска компании Tesla

Илон Маск афымцамобильқәа Tesla абиткоин азы рыҭира деиҭалагар шыҟало иҳәеит

6
(ирҿыцуп 13:43 22.07.2021)
Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

АҞӘА, ԥхынгәы 22 - Sputnik. Амиллиардер Илон Маск напхгара зиҭо аилахәыра Tesla аҟны азин ҟаиҵеит абиткоинқәа хәшәагак аиԥш ирыдыркылаларц, амала акриптовалиута еиҳа аекологиатә ҟазшьа анаиулак. Абри атәы аанацҳауеит РИА Новости.

"Еиҭахарҿиаау афымцамч ахархәарахь маҷ-маҷ ииасуеит абиткоин", - иҳәеит иара.

Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

Уи адагьы амиллиардер иҳәеит напхгара зиҭо аилахәырақәа Tesla, SpaceX уаанӡа иаархәахьаз абиткоинқәа рҭиуам ҳәа.

"Ҳара (Tesla - аред.) хаҭала сареи напхгара зысҭо аилахәырақәа Tesla, SpaceX уаанӡа иааҳхәахьаз абиткоинқәа ҳҭиуам. SpaceX, Tesla сара абиткоинқәа ҳамоуп", - иҳәеит Маск "The B Word" аконференциаҿ.

Маск иҳәеит егьырҭ акриптовалиутақәа – Ethereum, Dogecoin шимоу.

6

Адунеизегьтәи атуристтә еиҿкаара: аусхк арекордтә кризис иҭагылоуп

5
(ирҿыцуп 11:26 22.07.2021)
Аекспертцәа ргәаанагарала адунеитә туризм апандемиа инадҳәаланы иаиуз ацәыӡқәа рышьҭахь иамаз аҩаӡара 2023 шықәсанӡа иазышьақәнамыргылар ҟалоит.

АҞӘА, ԥхынгәы 22 - Sputnik. Сынтәа ажьырныҳәа инаркны лаҵарамзанӡа атуризм 85% илаҟәит 2019 шықәса абри аамҭа иаҿырԥшны ҳәа аанацҳауеит Адунеизегьтәи атуристтә еиҿкаара (UNWTO).

"Атуризм аҭоурых аҿы иреиҳау акризис ҩышықәсоуп имҩаԥысуеижьҭеи. UNWTO адыррақәа рыла, сынтәа ажьырныҳәа инаркны лаҵарамзанӡа атуризм 85% илаҟәит 2019 шықәса абри аамҭа иаҿырԥшны (65% 2020 шықәса иаҿырԥшны)", - ҳәа аҳәоит Адунеизегьтәи атуристтә еиҿкаара.

COVID-19 аштамм ҿыцқәа рцәырҵра иалнаршоит аҩнуҵҟатә туризм ахь еиҳа иласны ахынҳәра жәларбжьаратәи аныҟәарақәа раасҭа ҳәа рҳәоит аиҿкаараҿы.

Сынтәа раԥхьатәи хәымз рзы адунеи аҿы ашәҟәы иҭагалан 147 миллион рыла еиҵаны жәларбжьаратә ныҟәарақәа 2020 шықәса иаҿырԥшны, 460 миллион 2019 шықәса иаҿырԥшны. Аԥкрақәа андырԥшқа, лаҵарамзазы уи маҷк еиҳахеит.

UNWTO 2020 шықәса аҭоурых аҿы иреицәоу шықәсны иазгәанаҭеит. 2019 шықәса иаҿырԥшны ҵыԥх миллиард ныҟәара рыла еиҳа еиҵахеит.

Убри аан Аԥсны атуризм аминистр ишиҳәо ала, сынтәа 30 шықәсатәи арекорд шьақәыргылоуп.

Иара убас шәаԥхьар ҟалоит:

5

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

9
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Аҿкычымазара – акоронавирус Аԥсни адунеи аҿи: иалкаау