Аурысфобиеи антисемитизми еицыҿиоит, аха Холокост зегьы рҭыԥ иқәнаҵоит

27
(ирҿыцуп 19:20 24.01.2020)
Ажьырныҳәа 27 Холокост иалаӡыз ргәалашәара амш ҳәа ишьақәнарӷәӷәеит Еиду амилаҭқәа реиҿкаара Ассамблеиа хада 2005 шықәса рзы. Урыстәыла Асистематә анализи азԥхьагәаҭареи рцентр ахада Ростислав Ишьенко иахьа Европа атәылақәак аҭоурых аицакразы рҽазышәарақәа дрыхцәажәоит.

Sputnik

Израиль ауриацәа II Адунеитә еибашьраан афашистцәа изықәдыршәаз ахлымӡаах ахамыршҭразы еиуеиԥшым аусхкқәа мҩаԥыргахьеит, хаҭала – жәларбжьаратәи афорум "Сохраняем память о Холокосте, боремся с антисемитизмом". Ари ауснагӡатә рхы аладмырхәит Польша ахадеи Прибалтика атәылақәеи рхадацәа, Украина ахада Зеленски Израильҟа дышнеизгьы, ауснагӡатә ихы алаимырхәит.

Аполиакцәеи прибалтааи рпозициа украинаа рпозициа ахьазааигәахаз иаанарԥшуеит урҭ иахьатәи аҭоурых разыҟазаашьа. Арҭ аҳәынҭқаррақәа зегьы аурысфобиа рылаҽны иҟоуп, ирҭахуп Гитлер и-Германиа имҩаԥнагаз арыцҳара "асовет рыцҳара" ҳәа ирыԥсахырц. Атезисқәа "ҩ-фронтк рҟны аибашьра", "атоталитартә режимқәа ҩба рҿагылара" еидакылоит Варшавеи Вильниуси, Ригеи Таллини, иара убасгьы Киевгьы.

Холокост аҭоурых узыԥсахуам

Имифтәу "асоветтә оккупациа" польшааи, прибалтааи, украинааи аурысфобцәа еидызкылоны иҟоу арадикал-националтә идеологиоуп, Холокост – аибашьра згәалашәо аҳәынҭқаррақәеи ауааи еиднакылоит.

Ауриақәа ршьуан, индырҵәон изтәылауаҩу иазхьамԥшкәа, аибашьра иалахәызу иалахәымзу иахьмырԥшкәа, ахаҵара-аԥҳәысра, ахәыҷра-адура ҳәа иазхьамԥшкәа. Индырҵәон Европа зегь аҟны. Тәылацыԥхьаӡа афашистцәа ахьыҟаз ишьақәдыргылон рхатәы режим.

Убри аан, Аҩбатәи аибашьра ду ахҭысқәа атәылақәа досу ишырҭаху ианалыркаауа ыҟоуп. Иаҳҳәап, англызцәа рзы Диункерк ихыҵра Сталинградтәи аибашьра аасҭа аҵакы аманы иршьоит. Аха убри аан Холокост еиԥшны иазнеиуеит. Ари арыцҳара дуӡӡа иалнаршом аҭоурых адаҟьақәа аиҭахҩылаара рзура.

Ус шакәугьы, Прибалтика, Варшава, Киев иахьазы иҟоу амчрақәа аибашьраанӡатәи арежимқәа рахь ихьаԥшуеит урҭ арежимқәа шамахамзар Гитлер ишидгылоз атәы мҳәаӡакәа. Арҭ арежимқәа зегьы арусофобиа рылаҽны иҟоуп, "асовет оккупациа" аидеиа аԥыжәара арҭар рҭахуп.

Аибашьра ахамшҭра арҭ арежимқәа ридеологиатә ҵаҵӷәы ҵнашәаауеит, аиҳаракгьы Холокост. Асоветтәии анемецтәи тоталитаризм акоуп ҳәа егьа уҳәаргьы, Холокост зегьы рҭыԥ иқәнаҵоит. Адунеи зегьы аҿы ауриацәа нзырҵәоз анацистцәа роуп, еиқәзырхоз – СССР ауп.

Аҭоурых зхашҭыз иԥеиԥш еиқәаҵәахоит

Холокост аҭоурых здырырц зҭаху зегьы рҿаԥхьа иаагыло анацисттә концлагерқәа ракәхоит.

Холокост ала аҭоурых аҭҵаара иалаго дарбанызаалак дазкылсуеит ари анацисттә режим имҩаԥнагоз антисемиттә ҿагылара адагьы ауаҩытәыҩса зегь ирҿагылоз акакәны ишыҟаз. Иагьеилукаауеит СССР Европа ажәларқәа ақәӡаареи афашизми ишацәырыхьчаз. Иаиааиз, ахақәиҭра аазгаз оккупантны ҟалашьа имаӡам. Уи ашьҩы ивараҿы гылашьагьы имаӡам.

Абри азоуп СССР анацизм ишаиааиз аҵабыргхаҭа хазҵар зҭахым Холокостгьы агәалашәара рыҽзацәхьаркуа.

Аҭоурых ахаршҭра, амнезиа, аурысфобиа, антисемитизм хеибарҭәааны, рнапы еибаркны аиашара рыҵадырӡырц рҽазыршәоит.

Убри ауп Израиль Владимир Путин изрыдигалаз ЕАР Ашәарҭадаратә хеилак атәыла-лахәылацәа реиԥылара мҩаԥгазарц адунеитә шәарҭадара алацәажәаразы.

"Иаҳхысхьоу ахаршҭра ахылҿиаа бааԥсқәа аиур ҟалоит. Ҳара иҳалҳаршароуп адунеи ахьчара", - иҳәеит урыстәылатәи ахада.

Иара убас шәаԥхьар ҟалоит:

27

Америкатәи аесминец аҟарулразы Амшын еиқәахь ахы археит

2
(ирҿыцуп 15:29 23.11.2020)
Америкатәи аесминец USS Donald Cook DDG-75 2020 шықәса аҩныҵҟала Амшын еиқәа аҵакырахь иҭало Америка абыжьбатәи аӷбоуп.

АҞӘА, абҵара 23 - Sputnik. Америкатәи аракетатә есминец Donald Cook аракетатә бџьар ақәыргыланы Амшын еиқәа акваториахь иҭалеит аҟарулразы ҳәа аанацҳауеит ЕАА АММ Афбатәи рыфлот.

"ЕАА АММ аамҭа-аамҭала арҭ аҭыԥқәа рҿы НАТО ала ҳпартниорцәа адгылара рыҭаразы инеилоит", - аҳәоит Twitter аҿы ЕАА АММ Афбатәи рыфлот адырраҭара.

АА Афбатәи афлот аштаб-квартира Неаполь (Италиа) иҟоуп, имҩаԥнагоит арра-мшынтә операциақәа, аиҳарак рыдгылаҩцәеи рпартниорцәеи алархәны Европеи Африкеи амилаҭтә интересқәеи ашәарҭадареи рыхьчаразы.

2

Урыстәыла аминаҿагыларатә центр аҟазауаа Ҟарабахҟа амҩа иқәлеит

3
(ирҿыцуп 13:19 23.11.2020)
Еревантәи аҳаиртә баӷәазақәа рахь инагоуп шәҩык инареиҳаны аруааи жәаха ак арратә техника ҷыдеи, амина ыҵызхуа аробототехникатә комплексқәеи "Уран-6", акәылӡы транспортиорқәеи акәылӡы машьынақәеи налаҵаны.

АҞӘА, абҵара 23 - Sputnik. Жәларбжьаратәи аминаҿагыларатә центр аҟазауаа Ҟарабахҟа асапиортә усурақәа рымҩаԥгаразы амҩа иқәлеит ҳәа аанацҳауеит Урыстәыла атәылахьчара аминистрра.

"Аҳаир-космостә мчқәа рырра-транспорт авиациа аҳаирпланқәа Ан-124, Ил-76, Ту-154 Москва амҵатәи Чкаловтәи аҳаиртә баӷәазаҟынтә Ереванҟа инаргеит аҟазауаа,  атехника, абџьар, амаҵзуратә минаԥшааҩцәа лақәа аҭынчреиҿкааратә зонаҿы рнапынҵақәа рынагӡаразы", - аҳәоит аусбарҭа аҳәамҭаҿы.

Аруааи атехникеи амаршрут Ереван – Горис – Степанакерт ала имҩаԥгахоит.

Аҟазауаа анџьныртә ԥшыхәра, аминақәа рыҵхра, иԥжәо амаҭәарқәа реиҵыхра мҩаԥыргоит Ҟарабах араионқәа рҿы.

Урыстәыла, Азербаиџьан, Ермантәыла рхадацәа Владимир Путин, Ильхам Алиев, Никол Пашиниан абҵара 10 рзы рнапы аҵарҩит  Ашьха Ҟарабах аибашьра аанкыларазы аицҳәамҭа. Уи инақәыршәаны Ермантәылеи Азербаиџьани иааныркылаз аҭыԥқәа рҿы иаангылоит, Бақәа анапаҵаҟахь ииасуеит Кельбаџьартәи, Лачатәи, Агдамтәи араионқәа, атҟәацәа еимырдоит.

Ҟарабахи Ермантәылеи еимаздо Лачатәи акоридор аҿы аурыс ҭынчреиҿкааҩцәа гылоит.

3

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

0
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0