Ҭырқәтәыла ахада иааҭҟьаратә ҟазшьа - Урыстәылазы ихәарҭоуп

24
(ирҿыцуп 16:41 05.02.2020)
Ҭырқәтәыла ахада аҽазныкгьы иааирԥшит аҽынкылара шимам, абас лыҩуеит РИА Новости азы автор Ирина Алкснис.

Ҭырқәтәыла ахада аҽазныкгьы иааирԥшит аҽынкылара шимам. Ашәахьаҽны иҟалараны иҟаз Украинатәи иныҟәара аламҭалаз Реџьеп Таип Ердоган аҳәамҭа ҟаиҵеит итәыла "Ҟрым закәандарылатәи аннексиа" азханаҵом ҳәа. Киев дахьнеизгьы аҳаҭыртә ҟарул "Слава Украине" ҳәа аԥсшәа реиҳәеит.

Ари иунамырбарц залшом шьамтәылатәи Идлиб акәша-мыкәша иҟоу аҭагылазаашьа инамаданы Москва ҵәык аҵеиҵар шиҭаху.

Аҵыхәтәантәи аамҭақәа рзы Ердоган Урыстәыла ахара адиҵоит Дамаск иаҳәо иацныҟәоит ҳәа. Ҭырқәтәыла ахада рацәак иажәақәа дрышьклаԥшуам, убас иара иҳәеит урыстәылатәи аган "ҳамҩа шәаныҵ", адырра аҳҭеит ҳәа.

Кремль арҭ ацәажәарақәа акыр хынкыларыла ирыдыркылеит. Уи ианыԥшит Анкара аҭаҟьаҭасра ԥсыҽрак акәны.

Идлиб — Ҭырқәтәыла иавоу Шьамтәыла аҩада-мраҭашәаратәи регионуп.иара рнапаҿы иҟоуп аиҳабыра ирҿагыло ар. Урҭ ирылоуп атеррористтә гәыԥқәагьы ("Джебхат ан-Нусра"*).

Иазгәаҭатәуп ари аҭыԥ аҿы Ҭырқәтәыла ахатәы интиресқәа шамоу. Уи ауп Идлиб акәша-мыкәша аибашьра ҭбаа аанкылара иазырхо жәларбжьаратәи аиқәшаҳаҭрақәа ирмаҭәарны изыҟалахьо, Дамаск ахылаԥшра алмыршо деискалациатә зонаны изыҟо.

Ус шакәугьы шьамтәылатәи ар ари аҵакыраҿы атеррористтә гәыԥқәа ирҿагылоуп. Убас, 2019 шықәса ԥхынҷкәынмзазы аиҳабыратә ар Идлиб аоперациа амҩаԥгара иалагеит.

Уажәазы аибашьра цоит ақалақь Саракиб азы. Шьамтәылатәи ар ари ақалақь иаԥну ақыҭақәа жәпакы рхы иақәиҭыртәхьеит.

Анкара уи шаднакыло уахәаԥшыр апроцесс Дамаск ишаҭаху имҩасуеит.

Мышқәак раԥхьа аҭагылазаашьа еибарххеит. Усҟан аҳауаҟынтә Идлиб аехсраан иҭахеит Ҭырқәтәыла атәылауаа ааҩык, хәҩык аруаа абрахь иналаҵаны. Жәҩык аруаа ахәрақәа роуит. Ердоган иажәақәа рыла 76 шьамтәылатә солдаҭ ааха рыҭан.

Аекспертцәеи анаԥшыҩцәеи гәыҩбара рымам Ҭырқәтәыла ахада гәеибакрыла ицәажәара Ҭырқәтәылеи Урыстәылеи реизыҟазаашьа ишаԥырхагам азы.

Шьамтәылатәи аусқәа ирылахалоу аҳәынҭқаррақәа ринтересқәа ахырхарҭа рацәа шрымоу зегь еицырдыруа усуп. Ганцыԥхьаӡа ирыхәашоуп изышьҭо.

Иара убри аан Анкареи Москвеи рыбжьара аҵак ду змоу атемақәа рацәаӡоуп— шьамтәылатәи ахырхарҭа урҭ зегь азыԥсахуам.

Имҩаԥысуа ахҭысқәа ирҿырԥшны иумбар залшом Урыстәыла адәныҟаполитикатә стратегиа заҟа иҭышәынтәаланы аус ауа. Уи знеишьа ҷыданы иамоуп наҟ-ааҟ еицырзыфеидо апроектқәа аус рыдулара. Ари аибарххарақәа арԥсыҽуеит, даҽа хырхарҭак ахь иианагоит.

Ердоган украинатәи атема ихы иаирхәеит Москва уи агәы иалакьакьап ҳәа ишьаны. Аха Урыстәылазы ари атема маҷк инықәсхьеит, Ҭырқәтәыла ахада Киев ахь иааирԥшыз абзиабарагьы хырыҩ анаҭеит.

Уи инеиҳау аҽак ацәыргара дара аҭырқәцәа рхаҭақәа рзы ишәарҭахар алшоит, уи даргьы ирдыруеит.

Абасала Ердоган аҽазныкгьы ихнымкылара ааирԥшит ауп. Иҩаӡара змоу аҳәынҭқарратә уаҩы ари аҩыза аҟазшьа идурҽхәалартә иҟам.

Автори аредакциеи ргәаанагарақәа еиқәымшәозар алшоит.

24
Вывеска компании Tesla

Илон Маск афымцамобильқәа Tesla абиткоин азы рыҭира деиҭалагар шыҟало иҳәеит

6
(ирҿыцуп 13:43 22.07.2021)
Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

АҞӘА, ԥхынгәы 22 - Sputnik. Амиллиардер Илон Маск напхгара зиҭо аилахәыра Tesla аҟны азин ҟаиҵеит абиткоинқәа хәшәагак аиԥш ирыдыркылаларц, амала акриптовалиута еиҳа аекологиатә ҟазшьа анаиулак. Абри атәы аанацҳауеит РИА Новости.

"Еиҭахарҿиаау афымцамч ахархәарахь маҷ-маҷ ииасуеит абиткоин", - иҳәеит иара.

Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

Уи адагьы амиллиардер иҳәеит напхгара зиҭо аилахәырақәа Tesla, SpaceX уаанӡа иаархәахьаз абиткоинқәа рҭиуам ҳәа.

"Ҳара (Tesla - аред.) хаҭала сареи напхгара зысҭо аилахәырақәа Tesla, SpaceX уаанӡа иааҳхәахьаз абиткоинқәа ҳҭиуам. SpaceX, Tesla сара абиткоинқәа ҳамоуп", - иҳәеит Маск "The B Word" аконференциаҿ.

Маск иҳәеит егьырҭ акриптовалиутақәа – Ethereum, Dogecoin шимоу.

6

Адунеизегьтәи атуристтә еиҿкаара: аусхк арекордтә кризис иҭагылоуп

5
(ирҿыцуп 11:26 22.07.2021)
Аекспертцәа ргәаанагарала адунеитә туризм апандемиа инадҳәаланы иаиуз ацәыӡқәа рышьҭахь иамаз аҩаӡара 2023 шықәсанӡа иазышьақәнамыргылар ҟалоит.

АҞӘА, ԥхынгәы 22 - Sputnik. Сынтәа ажьырныҳәа инаркны лаҵарамзанӡа атуризм 85% илаҟәит 2019 шықәса абри аамҭа иаҿырԥшны ҳәа аанацҳауеит Адунеизегьтәи атуристтә еиҿкаара (UNWTO).

"Атуризм аҭоурых аҿы иреиҳау акризис ҩышықәсоуп имҩаԥысуеижьҭеи. UNWTO адыррақәа рыла, сынтәа ажьырныҳәа инаркны лаҵарамзанӡа атуризм 85% илаҟәит 2019 шықәса абри аамҭа иаҿырԥшны (65% 2020 шықәса иаҿырԥшны)", - ҳәа аҳәоит Адунеизегьтәи атуристтә еиҿкаара.

COVID-19 аштамм ҿыцқәа рцәырҵра иалнаршоит аҩнуҵҟатә туризм ахь еиҳа иласны ахынҳәра жәларбжьаратәи аныҟәарақәа раасҭа ҳәа рҳәоит аиҿкаараҿы.

Сынтәа раԥхьатәи хәымз рзы адунеи аҿы ашәҟәы иҭагалан 147 миллион рыла еиҵаны жәларбжьаратә ныҟәарақәа 2020 шықәса иаҿырԥшны, 460 миллион 2019 шықәса иаҿырԥшны. Аԥкрақәа андырԥшқа, лаҵарамзазы уи маҷк еиҳахеит.

UNWTO 2020 шықәса аҭоурых аҿы иреицәоу шықәсны иазгәанаҭеит. 2019 шықәса иаҿырԥшны ҵыԥх миллиард ныҟәара рыла еиҳа еиҵахеит.

Убри аан Аԥсны атуризм аминистр ишиҳәо ала, сынтәа 30 шықәсатәи арекорд шьақәыргылоуп.

Иара убас шәаԥхьар ҟалоит:

5

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

9
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Аҿкычымазара – акоронавирус Аԥсни адунеи аҿи: иалкаау