Ҭырқәтәыла иҟоу Урыстәыла ацҳаражәҳәаҩ Ерхов: уаҵәтәи амш оптимизмла сахәаԥшуеит

16
Ҭырқәтәыла иҟоу азинмчнагӡа змоу Урыстәыла ацҳаражәҳәаҩ А.В.Ерхов Sputnik иазеиҭеиҳәеит Анкара шьамтәылатәи апроблема иазкны имҩаԥысуаз Ҭырқәтәылеи Урыстәылеи русбарҭабжьаратә еиҿцәажәарақәа еимабзиаратә ҟазшьала имҩаԥысит ҳәа.

Уи адагьы урыстәылатәи ацҳаражәҳәаҩ далацәажәеит урыстәыла-ҭырқәтәылатәи аҭоурыхтә контекст аганахьала позициас иааникыло, убри аан иҳәеит атәылақәа ԥхьаҟа аусеицуразы алшара дуқәа шрымоу.

Sputnik

- Изеиԥшроузеи Урыстәылеи Ҭырқәтәылеи Идлиб аӡбахә ала реилацәажәара, урыстәылатәи аделегациа ааигәатәи Ҭырқәтәылаҟа аныҟәара лкаақәас иамоузеи?

- Ааигәа Ҭырқәтәылаҟа иааны иҟан урыстәылатәи аусбарҭабжьаратә делегациа. Ари раԥхьатәи еиԥыларам. Абасеиԥштәи ҩ-ганктәи аформат ала изныкымкәа аиԥыларақәа мҩаԥысхьеит. Аделегациа иалахәын: Адәныҟатәи аусқәа рминистр ихаҭыԥуаҩ Сергеи Вершинин, шьамтәылатәи аимак аҭышәныртәалараз Урыстәыла ахада ихаҭарнак Александр Лаврентиев, Урыстәыла Атәылахьчара аминистрра ахаҭарнакцәа.

Ҭырқәтәылатәи аганахьала аиԥылара иалахәын Адәныҟатәи аусқәа рминистрра, Урыстәыла Атәылахьчара аминистрра ахаҭарнакцәа. Аделегациа напхгара аиҭон Седат Онал. Иара убасгьы урыстәылатәи аделегациа идикылеит Ердоган ипресс-маӡаныҟәгаҩ Ибрагим Калын. Сара агәахәара снаҭоит аиҿцәажәара ахьымҩаԥысыз, избанзар Идлиб аиԥш Шьамтәыла зегь аҟны аҭагылазаашьа мариам. Убри азоуп ҳтәылақәа рхаҭарнакцәа реицәажәара аҵакы аманы изыҟоу. Аиԥылара шымариамызгьы, аҳәатәы ыҟан, аҳәашьагьы иақәшәеит. Наҟ-ааҟгьы досу игәаанагара аартны ирҳәеит.

- Урыстәыла-ҭырқәтәылатәи аизыҟазаашьақәа рҭоурыхтә контекст азыҟазаашьа шыҿио иахышәҳәаауазеи?

- Ҭырқәтәыла ацҳаражәҳәаҩыс ҳџьынџьуаа рзы аҟазаара ахаангьы иуадаҩын. Аҵарауаа рҟынтәи аӡәы иԥхьаӡеит х-шәышықәсак рыҩнуҵҟа Ҭырқәтәылеи Урыстәылеи 12 еибашьра мҩаԥыргеит ҳәа, уи амаҷ-саҷ еимакқәа аламҵакәа. Ирацәан иҟамлар акәын ҳәа ззуҳәаша, ирацәан гәахәала иугәалауршәашагьы. Ирацәоуп аинтерес зҵаны иҟаз ахҭысқәа, аха иахьа шамахамзар ирзымдыруа. Убас, 1833 шықәса рзы Османтәи аимпериа еиқәзырхаз аурыс солдаҭцәа роуп. Урҭ рыҟазаароуп египеттәи ар ркомандаҟаҵаҩ Меҳмеҭ Али Ԥашьа иаанкылара алзыршаз, Ҭырқәтәыла аҩадаҟа далазымҵаз.

Хашҭра змам акәны иҟоуп Ар шкәакәа Ҟрымынтәи ианықәҵ, Ҭырқәтәыла иахьаднакылаз. Аӡәгьы инагӡаны издырам, аха иҟоу адыррақәа рыла 150 000-ҩык рҟынӡа Ар ҟаԥшь ирымпыҵыҵны Ҭырқәтәыла рыԥсы еиқәдырхеит.  

Имаҷым иухамшҭыша. Ҭырқәтәылатәи ҳҩызцәагьы уи ргәалашәоит. Убас, сынтәа иазгәаҳҭараны иҟоуп асовет Урыстәылеи Ҭырқәтәылеи рыбжьара адипломатиатә еизыҟазаашьақәа рышьақәгылара 100 шықәса ахыҵра. Аԥхьатәи Урыстәылатәи Ацҳаражәҳәарҭа Анкара иаартын 1920 шықәса рзы.

Ҳара иҳагәҭакуп ацәыргақәҵақәа, аҭҵаарадырра-практикатә конференцақәа, астол гьежьқәа уҳәа рымҩаԥгара. Убри аан ахархәара аҭахоит иҳамоу аԥышәа.  

Сгәы иаанагоит адипломатиатә еизыҟазаашьақәа 100 шықәса рхыҵреиԥш, аемиграциа шкәакәа арахь рықәлара 100 шықәса ахыҵрагьы, еиуеиԥшым ауснагӡатәқәа мҩаԥгатәуп ҳәа.

- Урыстәыла-ҭырқәтәылатәи аизыҟазаашьақәа ԥхьаҟатәи рԥеиԥш шԥажәбо?

- Ҳаизыҟазаашьақәа уаанӡа зеиԥш ыҟамыз аҩаӡара рыманы избоит. Ҳҳәынҭқаррақәа рхадацәа лассы-лассы еиԥылоит, ҭелла еицәажәоит, аҳәынҭқаррабжьаратә усбарҭақәа аус еицыруеит, аҿиара амоуп аилахәаахәҭра,  аус руеит астратегиатә проектқәа: АЕС "Аккую", агазмҩангага "Турецкий поток". 7 миллионҩык рҟынӡа ҳтуристцәа ара рыԥсы ршьоит. Ажәакала, сара уаҵәтәи амш оптимизмла сахәаԥшуеит, ара ишырҳәо еиԥш – İnşallah.

16

Москвеи Санкт-Петербурги рҵараиурҭақәа адистанциатә ҵарахь ииаргеит

2
(ирҿыцуп 16:32 30.11.2020)
Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

АҞӘА, абҵара 30 — Sputnik. Акоронавирустә инфекциа алаҵәара инадҳәаланы Москвеи Санкт-Петербурги рҵараиурҭақәа адистанциатә ҵарахь ииаргеит ҳәа Telegram-канал аҿы адырра ҟанаҵоит Урыстәыла аҵара аминистрра. Абри атәы аанацҳауеит РИА Новости.

Адырраҭараҿы иарбоуп регионалтә ҵараиурҭақәакгьы адистанциатә ҵарахь ишиагоу.

Аминистрраҟны аус адырулеит аҵаратә процесс хра аманы аиҿкааразы абжьгарақәа.

Уаанӡа, Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

Арегионалтә ҵараиурҭақәагьы ирабжьган адистанциатә ҵарахь ииасразы.

Урыстәыла COVID-19 рыхьхьеит 2 295 65-ҩык. Рыԥсҭазаара иалҵит 39 895-ҩык, ргәы бзиахеит — 1 778 704-ҩык.

2

Ахәыҷы машәырны хнызқь шықәса зхыҵуаз иуникалу артефакт иԥшааит

3
(ирҿыцуп 15:28 30.11.2020)
Арԥшӡага ԥшь-ҿыгҳарак амоуп, дара зегь хаз-хазы ахьтәы еимхәыццырақәа рыла ишьақәгылоуп, ашәҭ асахьа амоуп.

АҞӘА, абҵара 30 — Sputnik. Жә-шықәса зхыҵуа Биниамин Милт Иерусалим, Храмоваиа гора ҳәа иахьашьҭоу аҭыԥ аҿы ахьтәы еимхәыцыра ибеит. Аимхәыццыра ақәра х-нызқьшықәса рҟынӡа ыҟоуп ҳәа аанацҳауеит РИА Новости, Temple Mount Sifting Project асаит адыррақәа шьаҭас иҟаҵаны.

Арԥшӡага ԥшь-ҿыгҳарак амоуп, дара зегь хаз-хазы ахьтәы еимхәыццырақәа рыла ишьақәгылоуп, ашәҭ асахьа амоуп. Убри аан дара рҭагылазаашьа бзианы иҟоуп. Аԥшаах здырбаз археолог аԥхьаҵәҟьа ҳаамҭазтәи рыԥшӡагаз џьишьеит.

Нас еилкаахеит аимхәыццырақәа Актәи абааш аамҭа (Соломон ибааш, ҳера ҟалаанӡа 950 - 586 шш. — аред.) иатәуп ҳәа.

Аҵарауаа ирҳәеит асеиԥш иҟоу амаҭәарқәа шамахамзар ишуԥыхьамшәо.

3
Архивтә фото

Аԥсуа литература бзианы ижәдыруама?

1414
Аԥсуа литература акыр ибеиоуп еиуеиҧшым ажанрқәа рахь иаҵанакуа аҩымҭақәа рыла. Игәашәҭа амилаҭтә литература ахьынӡажәдыруа.
1414