Мариа Шарапова аԥкьаҭмпыл аанлыжьуеит

8
(ирҿыцуп 10:44 27.02.2020)
Аспортсменка 32 шықәса лхыҵуеит. Лара лкариера 28 шықәса ирықәуп, ари аамҭа иалагӡаны Ашлем ду иаҵанакуа атурнирқәа хәба рҟны аиааирақәа лгеит.

АҞӘА, жәабран 27 - Sputnik. Урыстәылатәи аԥкьаҭасҩы Мариа Шарапова лкариера аанлыжьуеит ҳәа аҩуеит ажурнал Vanity Fair.

"Уԥсҭазаара аиҳара ныжьшьас иамоузеи? Уаныхәыҷыз инаркны уаҽахьазыҟауҵоз аҭыԥқәа, 28 шықәса бзиа иубоз, агәырӷьаратә лаӷырӡқәа узаазгоз ахәмарра ныжьшьас иамоузеи? Саҭоумҵан. Раԥхьатәи ашьаҿақәа еихызгоит аԥқьаҭмпыл ада. Аԥкьаҭмпыл – абзиараз ҳәа уасҳәоит", - лыҩуеит лара ажурнал аҿы.

Шарапова адунеитә ԥкьаҭасратә ассоциациа WTA ареитинг аҿы иаанылкылоит 373-тәи аҭыԥ.

 

8

Уахыки-ҽнаки рыла акоронавирус зыдбалаз 590-ҩык рыԥсҭазаара иалҵит Урыстәыла

6
Аепидемиа иалагазар Урыстәыла иахьаҵанакуа 3 544 623 акоронавирус хҭыс азгәаҭоуп.

АҞӘА, ажьырныҳәа 16-Sputnik. Иҳаҩсыз уахыки-ҽнаки рыла акоронавирус зыдбалаз 590-ҩык рыԥсҭазаара иалҵит Урыстәыла, абри атәы аанацҳауеит ауааԥсыра COVID-19 рацәыхьчаразы аоперативтә штаб.

Апандемиа аамҭазы Урыстәыла иԥсхьеит авирус иахҟьаны 65 085-ҩык, ргәы бзиахеит –  2 936 991-ҩык.

Москва рыԥсҭазаара иалҵит 79-ҩык, Санкт-Петербург-67, Подмосковие-32.

Зынӡа COVID-19 иахҟьаны Москва рыԥсҭазаара иалҵхьеит 12 401-ы.

Уахыки-ҽнаки рыҩныҵҟа Урыстәыла 24 092 акоронавирус хҭыс ҿыц азгәаҭоуп, 85 регион рҟны. 12,9% аклиникатә ҟазшьа аадырԥшуамызт. 590-ҩык рыԥсҭазаара иалҵит. Ргәабзиара шьақәгылеит 27 311-ҩык.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10378-ҩык ыҟоуп, ргәы бзиахеит 8130-ҩык, рыԥсҭазаара иалҵит 151-ҩык.

6

Роспотребнадзор иазнархеит акоронавирус "британиатәи" аштамм аилкааразы атест

4
(ирҿыцуп 12:40 16.01.2021)
70 процент рыла еиҳа иҿкуп аԥхьанатә ицәырҵыз авариант аасҭа, еиҳа ахыхьчара аҭахуп, аха убри аан уи иахҟьаны ауаа рацәаны иԥсуа, ма еиҳа иуадаҩны имҩасуа иҟоуп ҳәа азуҳәартә иҟам.

АҞӘА, ажьырныҳәа 16-Sputnik. Роспотребнадзор иатәу аепидемиологиатә ҭҵаарадырратә институт иазнархеит акоронавирус "британиатәи" аштамм аилкааразы атест, иара авирус 1,5 сааҭ рыла ишьақәнырӷәӷәоит, абри атәы аанацҳауеит апресс-маҵзура.

"Атест еилнакаауеит амутациа зауз акоронавирус. Ахархәара зырҭо атехнологиақәа иалдыршоит сааҭки бжаки рыҩнуҵҟа анализ аҭак аарԥшра, егьырҭ атестқәа ракәзар аамҭа рацәа рҭахуп", - аҳәоит адырраҭараҿы.

Иазгәаҭоуп, уажәазы иаԥҵоу атест ахарахәаразы аԥышәа иахысуеит, аиԥш зеиԥшу еидкылоу ареагентқәа раԥхьатәиуп адунеиаҿы.

Ԥхынҷкәын аҽеиҩшамҭазы аҳәамҭа ҟаҵан, акоронавирус 70 процент рыла еиҳа иҿку амутациа ҿыц аарԥшуп Британиа ҳәа.

Иара убас шәаԥхьар ҟалоит:

 

4
Атемақәа:
Ачымазара ҿкы – акоронавирус Аԥсни адунеи аҿи: иалкаау
Линии электропередач

Аҟәа ахәҭак лашарада иаанхеит аҵла афымцацәаҳәақәа иахьрықәҳаз иахҟьаны

1
Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа инеиҭашьақәдыргыло рҳәеит.

АҞӘА, ажьырныҳәа 17 - Sputnik. Аҟәа адендропарк аҿы икаҳаз аҵла афымцацәаҳәақәа хәба аԥхасҭа рынаҭеит, уи иахҟьаны Синопи Турбазеи рыбжьара иҟоу араион фымцалашарада иаанхеит ҳәа аанацҳауеит АУН "Амшынеиқәафымцамч".

Иазгәаҭоуп аԥхасҭа шроуз 10-тәи, 11-тәи афидерқәа (аихшарҭатә цәаҳәақәа - азгә.).

Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа еиҭашьақәдыргылоит рҳәеит.

1