ОПЕК+ атәылақәа аилаӡара ҿыц рыбжьарҵеит

© Sputnik / Виталий Тимкив / Амедиаҵәахырҭахь аиасраНефть
Нефть  - Sputnik Аҧсны
Анапаҵаҩра
ОПЕК+ атәылақәа мшаԥы 9 рзы анефҭ аҵхразы аиқәшаҳаҭра ҿыц иалацәажәеит . Аилацәажәара жәа-сааҭк инарзынаԥшуа имҩаԥысуан.

АҞӘА, мшаԥы 10 - Sputnik. ОПЕК+ атәыла-лахәылацәа хыдҵаны иргеит лаҵара-рашәара амзақәа рзы уахыки-ҽнаки рыла жәа-миллион баррель рҟынӡа анефҭ аҵхра еиҵартәырц, аха ари аҩыза аилаӡара амчра аиурц азы Мексикагьы ақәшаҳаҭра хымԥадоуп ҳәа рыҩуеит РИА Новости аҟны, Азербаиџьан аенергетика аминистрра адыррақәа ҵаҵӷәыс иганы.

"Уажәазы анефҭҵхратә лшарақәа уахыки-ҽнаки рыла 6,085 миллион баррель инаӡоит ОПЕК атәыла-лахәылацәа рзы, 3,915 миллион баррель инаӡоит ОПЕК иалахәым атәылақәа рзы", - аҳәоит адырраҭараҿы.

Иаанхо аамҭазы анефҭ аҵхра еиҵатәхоит миллион баррель рҟынӡа. Ари 2018 шықәса иаҿурԥшуазар - 18% артәоит.

2021-шықәса ажьырныҳәамза инаркны 2022 –шықәса мшаԥымзанӡа ОПЕК+ хыдҵаны иагоит анефҭ аҵхра 6 миллион баррель рыла еиҵанатәырц.

Урыстәылеи Саудтәи Аравиеи абри аилаӡарала лаҵара–рашәара амзақәа рзы уахыки-ҽнаки рыла 8,5 миллион баррель иреиҳамкәа анефҭ аҵхра азин роуеит.

Азҵаара алацәажәара иацҵахоит аформат G20 ала.

Иара убас шәаԥхьар ҟалоит:

 

Ажәабжьқәа зегьы
0