Советские войска вступают в Вену.

Урыстәыла Атәылахьчара аминистрра аибашьраантәи адокументқәа рымаӡара рыхнахит

10
(ирҿыцуп 12:09 13.04.2020)
1945 шықәса мшаԥы 13 рзы Ар ҟаԥшь аидыслара ӷәӷәаӡа аамышьҭахь Австриа аҳҭнықалақь Вена анемец фашистцәа рҟынтәи ахы иақәиҭыртәит.

АҞӘА, мшаԥы 13 - Sputnik. Аџьынџьтәылатә еибашьра Ду аҟны Аиааира 75-шықәса ахыҵра аламҭалазы Урыстәыла Атәылахьчара аминистрра иакьыԥхьит зымаӡа зхыхыз адокументқәа Вена ахақәиҭтәра иазкыз. Абри азы аминистрра асаит аҟны иаԥҵан аҭоурыхтә ҟәша ҿыц "Аиааира венатәи авальс".

© Foto / пресс-служба Россотрудничества

Вена ахы иақәиҭтәын Ар ҟаԥшь венатәи ржәылара аҳәаақәа ирҭагӡаны. Имҩаԥыргон аҩбатәии ахԥатәии украинатәи афронтқәа. Ажәылара цон 1945 шықәса хәажәкыра 16 инаркны мшаԥы 15 рҟынӡа.

Аҭоурыхтә ҟәша ҿыц "Аиааира венатәи авальс" аҭааҩцәа ирдырыр алшоит уаанӡа зыӡбахә еилкаамыз, иуникалтәу адокументқәа – аибашьра адәаҟынтәи адыррақәа, аҳасабырбақәа, ар ржәылара асхемақәа, аҳаҭыртә шәҟәқәа, аиҳабыра рыдҵақәа, алахәылацәа ргәалашәарақәа, афотодокументқәа.

Аибашьра амш ажурнал инақәыршәаны Австриа аҳҭнықалақь ахақәиҭтәраан мышкы ахы-аҵыхәала иҭархан 400-ҩык, итҟәан 570-ҩык асолдаҭцәеи афицарцәеи, ирымпыҵахалан: 14 танк, 52 пулемиот, 820 винтовока, 116 мотоцикл, 347 автомашьына, 19 паровоз, 1211 вагон. Иԥжәан еиуеиԥшым артҟәацгақәа зҵаз 14 склад.

Аџьынџьтәылатә еибашьра Ду аҟны Аиааира 75-шықәса ахыҵра аламҭалазы Урыстәыла Атәылахьчара аминистрра иакьыԥхьит аминистрра архив Хада аҟны иҵәахыз Вена ахақәиҭтәра иазкыз, зымаӡа зхыхыз адокументқәа. Асеиԥш ҟаҵоуп аҭоурых аиашара ахьчаразы.

Иара убас шәаԥхьар ҟалоит:

 

10

Америкатәи аесминец аҟарулразы Амшын еиқәахь ахы археит

2
(ирҿыцуп 15:29 23.11.2020)
Америкатәи аесминец USS Donald Cook DDG-75 2020 шықәса аҩныҵҟала Амшын еиқәа аҵакырахь иҭало Америка абыжьбатәи аӷбоуп.

АҞӘА, абҵара 23 - Sputnik. Америкатәи аракетатә есминец Donald Cook аракетатә бџьар ақәыргыланы Амшын еиқәа акваториахь иҭалеит аҟарулразы ҳәа аанацҳауеит ЕАА АММ Афбатәи рыфлот.

"ЕАА АММ аамҭа-аамҭала арҭ аҭыԥқәа рҿы НАТО ала ҳпартниорцәа адгылара рыҭаразы инеилоит", - аҳәоит Twitter аҿы ЕАА АММ Афбатәи рыфлот адырраҭара.

АА Афбатәи афлот аштаб-квартира Неаполь (Италиа) иҟоуп, имҩаԥнагоит арра-мшынтә операциақәа, аиҳарак рыдгылаҩцәеи рпартниорцәеи алархәны Европеи Африкеи амилаҭтә интересқәеи ашәарҭадареи рыхьчаразы.

2

Урыстәыла аминаҿагыларатә центр аҟазауаа Ҟарабахҟа амҩа иқәлеит

3
(ирҿыцуп 13:19 23.11.2020)
Еревантәи аҳаиртә баӷәазақәа рахь инагоуп шәҩык инареиҳаны аруааи жәаха ак арратә техника ҷыдеи, амина ыҵызхуа аробототехникатә комплексқәеи "Уран-6", акәылӡы транспортиорқәеи акәылӡы машьынақәеи налаҵаны.

АҞӘА, абҵара 23 - Sputnik. Жәларбжьаратәи аминаҿагыларатә центр аҟазауаа Ҟарабахҟа асапиортә усурақәа рымҩаԥгаразы амҩа иқәлеит ҳәа аанацҳауеит Урыстәыла атәылахьчара аминистрра.

"Аҳаир-космостә мчқәа рырра-транспорт авиациа аҳаирпланқәа Ан-124, Ил-76, Ту-154 Москва амҵатәи Чкаловтәи аҳаиртә баӷәазаҟынтә Ереванҟа инаргеит аҟазауаа,  атехника, абџьар, амаҵзуратә минаԥшааҩцәа лақәа аҭынчреиҿкааратә зонаҿы рнапынҵақәа рынагӡаразы", - аҳәоит аусбарҭа аҳәамҭаҿы.

Аруааи атехникеи амаршрут Ереван – Горис – Степанакерт ала имҩаԥгахоит.

Аҟазауаа анџьныртә ԥшыхәра, аминақәа рыҵхра, иԥжәо амаҭәарқәа реиҵыхра мҩаԥыргоит Ҟарабах араионқәа рҿы.

Урыстәыла, Азербаиџьан, Ермантәыла рхадацәа Владимир Путин, Ильхам Алиев, Никол Пашиниан абҵара 10 рзы рнапы аҵарҩит  Ашьха Ҟарабах аибашьра аанкыларазы аицҳәамҭа. Уи инақәыршәаны Ермантәылеи Азербаиџьани иааныркылаз аҭыԥқәа рҿы иаангылоит, Бақәа анапаҵаҟахь ииасуеит Кельбаџьартәи, Лачатәи, Агдамтәи араионқәа, атҟәацәа еимырдоит.

Ҟарабахи Ермантәылеи еимаздо Лачатәи акоридор аҿы аурыс ҭынчреиҿкааҩцәа гылоит.

3

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

0
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0