Аконцлагер аҿтәи атҟәа дазыхиоуп афиннцәа рыцәгьоурақәа шаҳаҭра азылурц

16
(ирҿыцуп 18:44 24.04.2020)
Апроект "Ҿҳәарада" аҳәаақәа ирҭагӡаны иаарԥшын асовет ҭынчуаа рганахьала афинн-фашистцәа рыцәгьоурақәа. Ашәахьаҽны Ашьаусҭҵааратә еилакы аҟны аусҭҵаара хацыркын.

АҞӘА, мшаԥы 24 - Sputnik. Карелиа-Финтәи ССР аҵакыраҿ иҟаз аконцлагер аҿы иҭакыз Ленина Макеева аҳәамҭа ҟалҵеит шаҳаҭҩыс ақәгылара дшазыхиоу афинн-оккупациатә режим имҩаԥнагоз ацәгьоурақәа рзы.

Петрозаводсктәи аконцлагер аҿы Макеева ҩышықәсеи аамзи дыҟан. Зыԥсы еиқәхаз Ар ҟаԥшь рхы иақәиҭыртәит рашәара 28, 1944 шықәса рзы.

Уаанӡа апроект "Ҿҳәарада" аҳәаақәа ирҭагӡаны иаарԥшын асовет ҭынчуаа рганахьала афинн-фашистцәа рыцәгьоурақәа. Ашәахьаҽны Ашьаусҭҵааратә еилакаҟны аусҭҵаара хацыркын.

"Сара шаҳаҭс ақәгылара сазыхиоуп. ФСБ ацәгьоура аматериалқәа уаанӡагьы ихнартыр акәын", - лҳәеит РИА Новости аинтервиу аҭо Макеева. Лара иахьатәи аамҭазы афашисттә концлагерқәа рҟны иҭакыз ахәыҷқәа Карелиатәи реидгыла ахантәаҩы ихаҭыԥуаҩыс дыҟоуп.

"Сара хаҭала Финлиандиа ахадас иҟаз Тарье Халонен ашәҟәы изысышьҭхьан. Иара аҭак сзааишьҭит: "Асовет Еидгыла аконтрибуциа азаҳшәахьеит", - ҳәа. Сара изыҩуаз агхақәа азгәаҭаны Германиа Асовет жәлар рҿаԥхьа аҭамзаара шьҭанаҵеит, афашист Германиа иадгылоз афиннцәа ус зыҟарымҵеи", - лҳәоит Макеева.

84 шықәса зхыҵуа аԥҳәыс дызхысыз лаӷырӡыда илгәалалыршәом. Лара лажәақәа рыла, афинн-концлагерқәа рҿы иҭакыз иахьазы 80-90 шықәса рхыҵуеит, дара урҭгьы маҷӡоуп.

"Карелиатәи аконцлагерқәа рҿы 32 000-ҩык ҭакын, 18 000-ҩык ҭахеит", - лҳәоит Макеева.

Карелиа-Финтәи ССР иахьаҵанакуаз 1941-1944 шықәсқәа рзы иаԥҵан жәабала аконцентрациатә лагерқәа. 1942 шықәса мшаԥымза алагамҭазы арҭ алагерқәа рҟны иҭакын 24 000-ҩык рҟынӡа ауааԥсыра.

Армаӡара зхыхыз архивқәа рдыррақәа инарықәыршәаны, уа иҭакыз реиҳараҩык славианцәан. 90 процент — аурысқәа, белорусаа, украинаа ракәын.

Аҭоурыхдырыҩцәа рыхәшьарала алагерқәа иааидкыланы 50 000-ҩык инареиҳаны иҭакын.

Иара убас шәаԥхьар ҟалоит:

16

Америкатәи аесминец аҟарулразы Амшын еиқәахь ахы археит

2
(ирҿыцуп 15:29 23.11.2020)
Америкатәи аесминец USS Donald Cook DDG-75 2020 шықәса аҩныҵҟала Амшын еиқәа аҵакырахь иҭало Америка абыжьбатәи аӷбоуп.

АҞӘА, абҵара 23 - Sputnik. Америкатәи аракетатә есминец Donald Cook аракетатә бџьар ақәыргыланы Амшын еиқәа акваториахь иҭалеит аҟарулразы ҳәа аанацҳауеит ЕАА АММ Афбатәи рыфлот.

"ЕАА АММ аамҭа-аамҭала арҭ аҭыԥқәа рҿы НАТО ала ҳпартниорцәа адгылара рыҭаразы инеилоит", - аҳәоит Twitter аҿы ЕАА АММ Афбатәи рыфлот адырраҭара.

АА Афбатәи афлот аштаб-квартира Неаполь (Италиа) иҟоуп, имҩаԥнагоит арра-мшынтә операциақәа, аиҳарак рыдгылаҩцәеи рпартниорцәеи алархәны Европеи Африкеи амилаҭтә интересқәеи ашәарҭадареи рыхьчаразы.

2

Урыстәыла аминаҿагыларатә центр аҟазауаа Ҟарабахҟа амҩа иқәлеит

3
(ирҿыцуп 13:19 23.11.2020)
Еревантәи аҳаиртә баӷәазақәа рахь инагоуп шәҩык инареиҳаны аруааи жәаха ак арратә техника ҷыдеи, амина ыҵызхуа аробототехникатә комплексқәеи "Уран-6", акәылӡы транспортиорқәеи акәылӡы машьынақәеи налаҵаны.

АҞӘА, абҵара 23 - Sputnik. Жәларбжьаратәи аминаҿагыларатә центр аҟазауаа Ҟарабахҟа асапиортә усурақәа рымҩаԥгаразы амҩа иқәлеит ҳәа аанацҳауеит Урыстәыла атәылахьчара аминистрра.

"Аҳаир-космостә мчқәа рырра-транспорт авиациа аҳаирпланқәа Ан-124, Ил-76, Ту-154 Москва амҵатәи Чкаловтәи аҳаиртә баӷәазаҟынтә Ереванҟа инаргеит аҟазауаа,  атехника, абџьар, амаҵзуратә минаԥшааҩцәа лақәа аҭынчреиҿкааратә зонаҿы рнапынҵақәа рынагӡаразы", - аҳәоит аусбарҭа аҳәамҭаҿы.

Аруааи атехникеи амаршрут Ереван – Горис – Степанакерт ала имҩаԥгахоит.

Аҟазауаа анџьныртә ԥшыхәра, аминақәа рыҵхра, иԥжәо амаҭәарқәа реиҵыхра мҩаԥыргоит Ҟарабах араионқәа рҿы.

Урыстәыла, Азербаиџьан, Ермантәыла рхадацәа Владимир Путин, Ильхам Алиев, Никол Пашиниан абҵара 10 рзы рнапы аҵарҩит  Ашьха Ҟарабах аибашьра аанкыларазы аицҳәамҭа. Уи инақәыршәаны Ермантәылеи Азербаиџьани иааныркылаз аҭыԥқәа рҿы иаангылоит, Бақәа анапаҵаҟахь ииасуеит Кельбаџьартәи, Лачатәи, Агдамтәи араионқәа, атҟәацәа еимырдоит.

Ҟарабахи Ермантәылеи еимаздо Лачатәи акоридор аҿы аурыс ҭынчреиҿкааҩцәа гылоит.

3

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

0
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0