25-я годовщина Зарской трагедии

"Имӷьаӡо ахәра": Аахыҵ Уаԥстәыла Зартәи арыцҳара иаланҵәаз ргәаладыршәоит

16
(ирҿыцуп 14:57 20.05.2020)
Аахыҵ Уаԥстәыла иахьаҵанакуа аҳәынҭқарратә бираҟқәа лашьҭуп, Зартәи амҩаҿы аҭынч уааԥсыра ахьындырҵәаз аҭыԥ аҿы игылоу абаҟа аҿаԥхьа ашәҭшьыҵәрақәа шьҭарҵоит, имҩаԥгахоит амитинг.

АҞӘА, лаҵара 20 - Sputnik. Аахыҵ Уаԥстәыла иргәаладыршәоит Зартәи арыцҳара иаланҵәаз. 1992 шықәса лаҵара 20 рзы ақыҭа Зар иахьаԥныз ақырҭуа фашистцәа Цхинвал иалҵны хеиқәырхара ицоз аҭынч уааԥсыра ндырҵәеит.

Ари арыцҳаратә хҭыс Аахыҵ Уаԥстәыла аҭоурых ҿыц аҿы ирыцҳара дуны иҟоуп. Иҭархан 36-ҩык, 12-ҩык ахәрақәа роуит. Иҭахаз рахьтә зегь иреиҵбыз 11 шықәса ихыҵуан, ириеҳабыз - 76.

Аԥсны адәныҟаполитикатә усбарҭа Аахыҵ Уаԥстәыла Адәныҟатәи аусқәа рминистррахь адышшыларатә шәҟәы нанашьҭит. Абри атәы аанацҳауеит аусбарҭа асаит.

"Ауаҩытәыҩса ицәтәыму ақырҭуа агрессиа зыуацәеи зҭынхацәеи зыцәнарӡыз ауаа ргәаҵаҿы ахааназ имӷьо хәраны иаанхоит. Абри арыцҳара амш аҽны Аԥсны ауаажәлар Аахыҵ Уаԥстәыла ауааԥсыра ргәырҩа рыцеиҩыршоит, иргәаладыршәоит зыԥсҭазаарақәа ҿахырҵәаз", - ҳәа аҳәоит адырраҭараҿы.

Есышықәса лаҵара 20 рзы Аахыҵ Уаԥстәыла иазгәарҭоит абри арыцхә. Арыцҳара ахьыҟалаз аҭыԥ аҿы 2007 шықәса рзы иаартын амемориалтә комплекс. Аскульптура амҵан ишьҭоуп иҭахаз рыхьыӡқәеи рыжәлақәеи зну амармалташь иалху ахаҳәцәқәа.

Иара убас шәаԥхьар ҟалоит:

16

Урыстәылатәи асапиорцәа еиҭарҳәеит Ҟарабах русура шаҟа иадхало

6
(ирҿыцуп 16:48 28.11.2020)
Урыстәылатәи асапиорцәа Ашьха Ҟарабах ирыԥшааз арҭҟәацгақәа рхыԥхьаӡараҿы иҟоуп: агранатақәа, ахеиҵаҵақәа, акәалӡԥҽыгатәи агранатаршәга ахқәа, аџьаԥҳаны.

АҞӘА, абҵара 28- Sputnik. Жәохә шықәса иназынаԥшуа иаҭаххоит Ашьха Ҟарабах аҵакыра арҭҟәацгақәа рҟынтә арыцқьаразы, ара имҩаԥысуаз аибашьра ашьҭахь, ҳәа аанацҳауеит РИА Новости, аминаҿагыларатә агуманитартә центр аиҳабы Самвел Месропиан иажәақәа шьаҭас иганы.

"Ари азанааҭ ала 20 шықәса аус зуеит, сԥышәа ишыснарбо ала, 15 шықәса иназынаԥшуа иаҭаххоит Ашьха Ҟарабах арҭҟәацгақәа рҟынтә арыцқьаразы. Ҳусутә рацәоуп", -  иҳәеит Месропиан.

Ашьха Ҟарабах аҭагылазаашьа аҽарыцәгьеит цәыббра 27 рзы. Урыстәыла, Азербаиџьан, Ермантәыла рхадацәа Владимир Путин, Ильхам Алиев, Никол Пашиниан абҵара 10 рзы рнапы аҵарҩит  Ашьха Ҟарабах аибашьра аанкыларазы аицҳәамҭа. Уи инақәыршәаны Ермантәылеи Азербаиџьани иааныркылаз аҭыԥқәа рҿы иаангылоит, Бақәа анапаҵаҟахь ииасуеит Кельбаџьартәи, Лачатәи, Агдамтәи араионқәа, атҟәацәа еимырдоит.

Ҟарабахи Ермантәылеи еимаздо Лачатәи акоридор аҿы аурыс ҭынчреиҿкааҩцәа гылоит.

Ҟарабах аконфликт ахы акит 1988 шықәса жәабранмзазы, Ашьха-Ҟарабахтәи автономтә област Азербаиџьантәи ССР ишалҵуа азы аҳәамҭа аныҟанаҵа ашьҭахь.

1992-1994 шықәсқәа рызтәи аиҿагылара ашьҭахь Азербаиџьан Ашьха Ҟарабах анапы иҵыҵит иаԥныз араионқәа быжьба налаҵаны. 1992 шықәса раахыс ОБСЕ Минсктәи агәыԥ аҳәаақәа ирҭагӡаны аимак ҭынчрыла аилыргаразы аиҿцәажәарақәа мҩаԥысуеит. Азербаиџьан аҵакыратә акзаара атәы иалацәажәоит, Ермантәыла – иазхаҵам ареспублика аинтересқәа ахьчоит.

Иара убас шәаԥхьар ҟалоит:

6

Урыстәыла ашколқәа рҟны 2022 шықәсанӡа аԥкрақәа ирыцҵахар ҟалоит COVID-19 иахырҟьаны

5
(ирҿыцуп 11:22 27.11.2020)
Роспотребнадзор ԥхынгәымзазы иазнархиеит апандемиа аамҭаазы азеиԥшҵаратәи асоциалтә аобиектқәеи русура ҳәаақәызҵо ақәҵара.

АҞӘА, абҵара 27-Sputnik. COVID-19 алаҵәара ашәарҭа ахьыҟоу азы, Роспотребнадзор иазыԥхьагәанаҭоит ашколқәеи ахәыҷбаҳчақәеи рҿы асанитартә ԥҟарақәа рыцҵара 2022 шықәса рҟынӡа, абри атәы аанацҳауеит РИА Новости, Роспотребнадзор ахада, Урыстәыла асанитартә ҳақьым хада Анна Попова лықәҵара апроект шьаҭас иганы.

Уажәтәи аредакциала иара аус ауеит 2021 шықәса ажьырныҳәа 1 аҟынӡа.

Роспотребнадзор ԥхынгәымзазы иазнархиеит апандемиа аамҭаазы азеиԥшҵаратәи асоциалтә аобиектқәеи русура ҳәаақәызҵо ақәҵара.

Аԥҟарақәа инарықәыршәаны азин ыҟам амассатә гәыԥтә уснагӡатәқәа рымҩаԥгара, арҵаратә мшеихша шьақәыргылахалароуп ахәыҷқәа реинырра маҷхартә (класс-цыԥхьаӡа акабинетқәа рзалхны).

Уаанӡа Аҵара аминистрра аҳәамҭа ҟанаҵахьан латәаралатәи аформала аҵара рҵоит ҳәа 70 процент урыстәылатәи ашколқәа. Аҵаҩцәа адистанциатә ҵарахь риагара азҵаара рыӡбоит арегионалтә напхгарақәа аҭагылазаашьа ауадаҩраан.

Иара убас шәаԥхьар ҟалоит:

5
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны даҽа 85-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 20:36 28.11.2020)
Иҳаҩсыз уахыки-ҽнаки рыла COVID-19 рылоу ирыламу аилкааразы 238-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшит.

АҞӘА, абҵара 28 - Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абҵара 18 рзы лыԥсҭазаара далҵит 1946 шықәсазы ииз апациент. Иара акоронавирустә инфекциеи ҩганктәи аполисегментартә гәыҵәкреи иманы ахәышәтәырҭа дҭашәеит жьҭаара 19 рзы. Иақәнагаз атерапиа шызмҩаԥыргозгьы, идунеи иԥсахит игәеисра аԥсыҽхара иахҟьаны абҵара 28 рзы, ашьыжь.

Иԥсҭазаара далҵит 74 шықәса ирҭагылаз даҽа пациентк. Иара ахәышәтәырҭа дҭашәеит жьҭаара 26 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит абҵара 27 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 67-ҩык ауааԥсыра, урҭ рахьтә 56-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 14-ҩык, ибжьаратәуп - 7-ҩык.

Аҟәатәи аинфекциатә хәышәтәырҭаҿы ирхәышәтәуеит 34-ҩык апациентцәа, аӡәы иҭагылазаашьа уадаҩуп.

Аҟәатәи амобилтә госпиталь аҟны ишьҭоуп акоронавирус зыдбалоу 45-ҩык апациентцәа. 43-ҩык рҭагылазаашьа бжьаратәуп ҳәа иԥхьаӡоуп, ҩыџьа рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5883-ҩык ыҟоуп. Урҭ рахьтә ргәы бзиахеит 3678-ҩык, рыԥсҭазаара иалҵит 81-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау