ЖәАА "Россия сегодня" аҳақьымцәа рыдгыларатә акциа хацнаркит

2
(ирҿыцуп 13:58 26.05.2020)
Акциа ахықәкы – Урыстәыла аҩныҵҟа аҳақьымцәеи, амедицинатә усзуҩцәеи, аволонтиорцәеи рҭоурыхқәа иаку атематикатә портал аҿы реизгара амедиагәыԥ асаит ria.ru. аҟны.

АҞӘА, лаҵара 26 - Sputnik. ЖәАА "Россия сегодня" Урыстәыла Агәабзиарахьчара аминистрреи Аволонтиортә центрқәа р-Ассоциациеи алархәны ихацнаркит онлаин-акциа "Пожалуйста, дышите!".

"Ари аҿагылараҿы идырым хьӡык нымхароуп. Агәра згоит ажәлар реидгылара иахәҭоу аимпульс шыҟанаҵо, ишаарԥшхо иҭабуп ҳәа заҳәатәуи иҭабуп ҳәа зҳәоуи", - иҳәеит ЖәАА "Россия сегодня" адиректор хада Дмитри Киселиов.

Апроект азырхәыцит акоронавирус аамҭазы ауаа рыԥсҭазаареи ргәабзиареи рыхьчаразы аԥхьатәи ацәаҳәаҿы игылоу ҭабуп ҳәа раҳәара алшаразы.

"Апандемиа аамҭазы амедицинатә усзуҩцәа аԥхьатәи ацәаҳәаҿы игылеит. Ауаажәларра рҿы аҳақьымцәа, амедеҳәшьцәа, афельдшерцәа, асанитаркацәа, ацхыраара ласы аныҟәцаҩцәа аҳаҭыр ду рымоуп. Уажәшьҭарнахыс дарбанызаалак иоуеит алшара абарҭ ауаа рлагала атәы иҳәарц", - иҳәеит Агәабзиарахьчара аминистр Михаил Мурашко.

Аволонтиортә центрқәа рассоциациа ахеилак ахантәаҩы Артиом Метелиов иазгәеиҭеит "Россия сегодня" аус ацура ишалнаршо ауаа рацәа аволонтиорцәа рыӡбахә дырдырра.

"Еицымҩаԥааго акциа "Пожалуйста, дышите!" ауааԥсыра авирус иацәызыхьчо аволонтиорцәа-амедицинатә усзуҩцәа аҽазныкгьы ҭабуп ҳәа раҳәара алнаршоит. Иаҳнаҭоит алшара иаҳҳәарц #МыВместе", - иҳәоит Метелев.

Акциа партниор хадас иазыҟалеит Урыстәылазегьтәи аҳәынҭқарратә телерадиоеилахәыра.

Акциа "Пожалуйста, дышите!" апортал аусура хацнаркуеит рашәара 8 рзы.

Араҟа ицәыргахоит апандемиа аамҭазтәи афырхацәа рфотосахьақәа, рҭоурыхқәа. Аҳақьымцәа, амедеҳәшьцәа, афельдшерцәа, асанитаркацәа, ацхыраара ласы аныҟәцаҩцәа рҭоурыхқәа еиҭазҳәар зҭаху аинформациа аарышьҭыр рылшоит аелектронтә ԥошьҭа breathe@rian.ru. ахь.

Иара убас шәаԥхьар ҟалоит:

 

2
Атемақәа:
Ачымазара ҿкы – акоронавирус Аԥсни адунеи аҿи: иалкаау (532)

Ҟәбан акоронавирус иахырҟьаны аҽазырхиаратә режим иацырҵеит

3
(ирҿыцуп 18:18 03.07.2020)
Краснодартәи атәылаҿацә азы аҵыхәтәантәи уахыки-ҽнаки рыла иазгәаҭан 57-ҩык акоронавирустә инфекциа ахҭысқәа.

АҞӘА, ԥхынгәы 3 - Sputnik. Краснодартәи атәылаҿацә аҿы ԥхынгәы 21 рҟынӡа аҽырхиаратә режим аҿҳәара инахеит ҳәа аанацҳауеит атәылаҿацә ахадара асаит.

Аепидемиологиатә ҭагылазаашьа ахылаԥшра шамоугьы  арегион аҿы ԥхынгәы 21 рҟынӡа уснагӡатәқәак шыҟац иаанхоит:

  • Русура иацырҵоит аобсерваторқәа. Уахь уаанӡеиԥш инарышьҭлоит аҳәаанырцәынтә иааз;
  • Асабардатә режим шыҟац иаанхоит ауаа рацәа реизарҭақәа рҿи атранспорт аҿи;
  • Краснодартәи атәылаҿацә алалараан: аҳаиртә баӷәазақәа рҿы аихамҩатә вокзалқәа рҿы, автовокзалқәеи автостанциақәеи рҿы ашоурашәара мҩаԥыргоит;
  • Асоциалтә дистанциа иақәныҟәалатәуп;
  • Агәмырҿыӷьратә индустриа, амассатә уснагӡатәқәа рлахәылацәа шәҩык иреиҳазар аԥкырақәа ирыҵаркуеит;
  • 65 шықәсеи инеиҳани изхыҵуа рҽыԥхьакра арежим иацырҵоит.

" Аепидемиологиатә ҭагылазаашьа ахылаԥшра шамоугьы, арегион аҿы ԥхынгәы 21 рҟынӡа уснагӡатәқәак шыҟац иаанхоит. Аинфекциа алаҵәара алмыршаразы аусурақәа мҩаԥгахоит", - ҳәа рҳәеит Роспотребнадзор аҿы.

Краснодартәи атәылаҿацә азы аҵыхәтәантәи уахыки-ҽнаки рыла иазгәаҭан 57-ҩык коронавирустә инфекциа змаз. Иахьазы 6159-ҩык COVID-19 рыдырбалахьеит. 4910 пациент ахәышәтәырҭақәа ирылҩаауп. 81-ҩык рыԥсҭазаара иалҵхьеит.

Иара убас шәаԥхьар ҟалоит:

3
Атемақәа:
Ачымазара ҿкы – акоронавирус Аԥсни адунеи аҿи: иалкаау (532)

Урыстәыла Аконституциа иалагалоу ариашарақәа азинмчра роуеит ԥхынгәы 4 инаркны

3
(ирҿыцуп 17:17 03.07.2020)
Аконституциа ариашарақәа ралагаларазы абжьыҭара мҩаԥысраны иҟан мшаԥы 22 рзы, аха атәылаҿ аепидемиологиатә ҭагылазаашьа иахырҟьаны арыцхә ԥхынгәы 1 ахь ииаган.

АҞӘА, ԥхынгәы 3 - Sputnik. Урыстәыла Аконституциа иалагалоу ариашарақәа азинмчра роуеит ԥхынгәы 4 инаркны. Абри азы аусдҵа инапы аҵаиҩит аҳәынҭқарра ахада ҳәа аанацҳауеит Кремль апресс-маҵзура.

"Ишьақәсырӷәӷәоит: "Амчра аусура аиҿкаараҿ хаз игоу зҵаарақәак рҭышәныртәалара аиӷьтәразы" ҳәа Урыстәылатәи Афедерациа Аконституциа ариашарақәа ралагаларазы 2020 шықәса хәажәкыра 14 рзы №1-ФКЗ инақәыршәаны, Урыстәылатәи Афедерациа азакәан ахәҭаҷ 1 иазыԥхьагәанаҭо ариашарақәа 2020 шықәса ԥхынгәы 4 инаркны азинмчра рымазарц", - ҳәа арбоуп аусдҵаҿ.

Аконституциахь ариашарақәа ралагаларазы абжьыҭара иаанарԥшит ауаажәларра рконсолидациа ҳарак ҳәа иҳәеит Путин авидеоеимадарала Аконституциахь ариашарақәа ралагалара аззырхиоз аусутә гәыԥ рԥылараан.

"Иааидкыланы Аконституциахь ариашарақәа ралагаларазы абжьыҭара иаанарԥшит амилаҭтә ҵакы змоу азҵаарақәа рҿы ауаажәларра рконсолидациа ҳарак", - ҳәа иҳәеит Путин.

Урыстәыла Алхратә комиссиа хада Урыстәыла Аконституциахь ариашарақәа рзы абжьыҭаратә ԥкаанҵақәа 100% аус рыднаулеит. Абжьыҭарахь инеиит 67,97% ауааԥсыра. Урыстәыла Аконституциахь ариашарақәа рзы 77,92% ( 58 миллионҩык) рыбжьы рҭиит, иаҿагыланы   21,27% (16 миллион-ҩык) урыстәылаа рыбжьы рҭиит.

Аԥсны иахьаҵанакуаз абжьыҭара рҽаладырхәит 2700-ҩык.

Иара убас шәаԥхьар ҟалоит:

3

Аԥснытәи аушьҭымҭацәа ахьтәи араӡни медалқәа ранашьан

30
(ирҿыцуп 20:28 03.07.2020)
2020 шықәса рзы Аԥснытәи ашколқәа ирылгеит 1791-ҩык аҵаҩцәа. Урҭ рҟынтәи 11-ҩык амедалқәа рыманы иалгеит, 64-ҩык "ибзиаӡоуп" ҳәа иалгеит.

АҞӘА, ԥхынгәы 3 – Sputnik, Ренат Ԥачлиа. Абжьаратә школқәа роушьҭымҭацәа амедалқәа ранашьара мҩаԥысит Аԥсны Акультура аминистрраҿы ахәаша, ԥхынгәы 3 рзы.

Аԥсны аҵареи абызшәатә политикеи рзы аминистр ихаҭыԥуаҩ Медеиа Ченгьелиаԥҳа илҳәеит сынтәатәи ашықәс уаанӡатәиқәа ишреиԥшым, аепидемиологиатә ҭагылазаашьа иахырҟьаны аҵаратә процесс шыԥсаххаз. Ус шакәугьы, аминистрра официалла аҵарашықәс хнаркәшеит.

"2020 шықәса рзы Аԥснытәи ашколқәа ирылгеит 1791-ҩык аҵаҩцәа. Урҭ рҟынтәи 11-ҩык амедалқәа рыманы иалгеит, 64-ҩык "ибзиаӡоуп" ҳәа иалгеит. Иаҳҳәар ҳалшоит, медалла ашкол иалгаз аҵаҩцәа ԥхьаҟазы ҳҿар рыхьтәы фонд иалахәхо роуп ҳәа. Абас иҟоу аҿар роуп уаҵәтәи ҳԥеиԥшгьы знапаҿы иҟало", - ҳәа лҳәеит  Ченгьелиаԥҳа.

Аԥсны арккареи абызшәатә политикеи рзы аминистр Инал Габлиа аушьҭымҭацәа ирыдиныҳәалеит, иазгәеиҭеит раԥхьаҟа имариам амҩа шышьҭоу аха аҿар ирус хаданы иҟоу аҳәынҭқарра аҿиара рлагала алаҵара шакәу.

"Шәаԥхьаҟатәи шәыԥсҭазаараҿ зегь раԥхьа иргыланы ишәхашәмыршҭыроуп иреиҳаӡоу аҟазшьақәа: ауаҩреи аламыси» ҳәа иҳәеит Габлиа. 
Ахада ихаҭыԥуаҩ Бадра Гәынба Аԥснытәи арҵаҩцәа ҭабуп ҳәа реиҳәеит 11 шықәса дуӡӡа аҵаҩцәа  аԥсҭазаара ду амҩахь  иахьнаргоз азы, иуадаҩыз рџьазы. Иара агәрагара ааирԥшуеит рџьабаа баша ишмыӡуазы.

Аҳәынҭқарра ахада Аслан Бжьаниа ихьӡала ихаҭыԥуаҩ аҵаҩцәа рыхьӡала иааишьҭыз адныҳәаларатә шәҟәы даԥхьеит.

Араӡны медал занашьоу Данил Кәыҵниа Sputnik акорреспондент даниҿцәажәоз иҳәеит  Москватәи аҵараиурҭақәа руак аҭалара игәы ишҭоу. Амедицина азанааҭ шалихуа. Аҵара ашьҭахь иара Урыстәыла аԥышәа иманы Аԥсныҟа ахынҳәра игәы иҭоуп.

Нестор Лакоба ихьӡ зху Пицундатәи абжьаратә школ №1 хьтәы медалла иалгаз аҵаҩы Дамеи Ҳагба иазгәеиҭеит Урыстәылатәи аҵараиурҭа дҭаларц дшыҟоу, Аԥсны анџьныр-аргылаҩ ҳәа афакультет ахьыҟам азы. Иара иҳәеит иаԥхьаҟазы иԥсҭазаара Аԥсны мацара ишадиҳәало.

Аԥсны арккареи абызшәатә политикеи рзы аминистр ихаҭыԥуаҩ Медеиа Ченгьелиаԥҳа далацәажәеит ахьтәы ма араӡны медал аиушьа атәы.
Лара лажәақәа рыла, "Ахьтәи араӡни медалқәа рзы" аԥҟара инақәыршәаны ахьтәы медал аиуразы 10-11 аклассқәа рҿы "хәба" ҳәа аҵара ҵатәуп, араӡны медал аиуразы  ҩ-ԥшьбак умазар ҟалоит.

© Sputnik / Марианна Кубрава
Аушьҭымҭацәа амедалқәа ранашьара ацеремониа

"Аҵаҩцәа агәаҭара цҵатә усурақәа мҩаԥыргоит.  Актәи аетап азеиԥшҵаратә школқәа рҟны имҩасуеит. Убри аан аԥышәарақәа хԥа – ахатәы бызшәа, алгебра, нас ашкол иалнахуа рҭиироуп "хәба" ҳәа. Аҩбатәи аетап Аԥсны араионқәеи ақалақьқәеи рҿы имҩаԥысуеит", – ҳәа лҳәеит Ченгьелиаԥҳа.

Ахыркәшаратә етап мҩаԥыргоит Аҵара аминистрраҿы. Арҭ ах-етапк ирхысыз амедалқәа ранашьаразы иқәдыргылоит.

Иара убас шәаԥхьар ҟалоит:

 

30