Шәачаа 38 градус ашоура ҟалоит ҳәа рыларҳәеит
(ирҿыцуп 13:51 08.06.2020)
Аҳауагәаҭаҩцәа рдыррақәа рыла, иахьатәи амш ала акурорт аҿы аҳауа +38°C иҟалоит. АҞӘА, рашәара 8 - Sputnik. Шәача ақалақь ауааԥсыреи асасцәеи ашоура ӷәӷәа рзыԥшуп ҳәа аҳәоит ақалақь ахадара асаит.
"Аиқәырхаҩцәа аҳәара ҟарҵоит ақалақь ауааԥсыреи асасцәеи аӡы рацәаны иржәларц, адәахьы аамҭа рацәаны ирхырымгаларц", - аҳәоит адырраҭараҿы.
Аԥсны Аҳәынҭқарра аекологиеи аԥсабарахьчареи рзы Аилак агидрометеорологиа аҟәша адыррақәа рыла, ашәахьаҽны Аԥсны иахьаҵанакуа аҳауа +31°С иҟоуп, амшынӡы аҟәандара +20°С.
Иара убас шәаԥхьар ҟалоит:
- Макьана амшынҭаларада: Шәача раԥхьатәи атуристцәа ишырԥыло
Ҭырқәтәыла алаҵа "Спутник V" аҭыжьра иалагоит
(ирҿыцуп 14:41 23.01.2021)
Акоронавирус аҟынтәи раԥхьатәи урыстәылатәи алаҵа "Спутник V" 90% хра шамаз аанарԥшит. АҞӘА, ажьырныҳәа 23-Sputnik. Ҭырқәтәыла алаҵа "Спутник V" аҭыжьра иалагоит, абри атәы РИА Новости иазеиҭарҳәеит аинвестициақәа рзы Урыстәылатәи афонд аҟны.
Афонди ҭырқәтәылатәи афармацевтцзеи аиқәшаҳатра рыбжьарҵеит.
Иазгәаҭоуп, шықәсык "Спутник V" миллион доза рҟынӡа иҭрыжьлоит ҳәа.
Нанҳәамзазы Урыстәыла Агәабзиарахьчара аминистрра ашәҟәы иҭанагалеит COVID-19 аҟынтәи адунеи аҿы ираԥхьатәиу алаҵа. Алаҵа аус адулан Гамалеи ихьӡ зху НИЦЕМ аҿы аинвестициақәа рзы Урыстәылатәи афонд ацхыраарала. Хьӡыс иаҭан "Спутник V". Алаҵа ҩ-хкыкны еилоуп, хымчыбжь бжьаҵаны ҩынтәны иудукылароуп.
"Спутник V" Аԥсныҟа иааргараны иҟоуп 2021 шықәса ажьырныҳәа анҵәамҭеи жәабран алагамҭеи рзы ҳәа ателеканал RT иазеиҭеиҳәеит ареспублика ахада Аслан Бжьаниа.
2020 шықәса цәыббрамзазы Аԥсны аҳәара ҟанаҵеит "Спутник-V" 20 нызқь доза Аԥсныҟа иаашьҭызарц.
Иара убас шәаԥхьар ҟалоит:
НАТО ҩаԥхьа Урыстәыла Аԥсни Аахыҵ Уаԥстәылеи разхаҵара мап ацәнакырц иаанаԥхьеит
АҞӘА, ажьырныҳәа 22 – Sputnik. НАТО Урыстәыла Аԥсни Аахыҵ Уаԥстәылеи разхаҵара мап ацәнакырц ишаанаԥхьац иаанаԥхьоит иҳәеит НАТО аҳәынҭмаӡаныҟәгаҩ Иенс Столтенберг Бриуссель Қырҭтәыла ахада Саломе Зурабишвили дылԥылаанӡа имҩаԥигоз апресс-конференциаҿы. Абри атәы аанацҳауеит РИА Новости.
"Ҳара Урыстәыла Аԥсни Аахыҵ Уаԥстәылеи ррегионқәа разхаҵара мап ацәнакырц ишааҳаԥхьац иааҳаԥхьоит", - иҳәеит иара.
Столтенберг иара убас иациҵеит Урыстәыла "Қырҭтәыла аҵакыра акзаара ҳасаб азнауларц, жәларбжьаратә азин пату ақәнаҵаларц".
©
Sputnik / Сергей Аверин
Уаанӡа адырра ҟарҵахьан Қырҭтәыла ахада Саломе Зурабишвили ажьырныҳәа 22 рзы Бриуссель иҟоу НАТО аштаб-квартира дшаҭаауа, иара убас НАТО-Қырҭтәыла еицырзеиԥшу акомиссиа аилатәара дшалахәхо.
Урыстәыла Аԥсни Аахыҵ Уаԥстәыла рхьыԥшымра азханаҵеит нанҳәа 26 2008 шықәсазы. Урыстәыла аиҳабыра изныкымкәа ирҳәахьан арҭ аҩтәылак рхьыԥшымра азхаҵара аиҭахәаԥшра ргәы ишҭам, уи аӡбамҭа иахьатәи аамҭа ишақәшәо. Қарҭ акәзар, урҭ рхьыԥшымра азханаҵарц агәы иҭам.
Нанҳәа 8 ауха 2008 шықәса рзы ақырҭуа ар "Градқәа", атанкқәа, авиациа рыла ихысуа аахыҵ Уаԥстәыла иажәлеит, аҳҭнықалақь Цхинвал абжа еилаԥырыххааит. Урыстәыла ауаԥс жәлар аӡәреи-аԥсреи ирцәыхьчо, ақырҭуа ир ирҿагылеит. Хәымш ицоз аибашьра ашьҭахь Аахыҵ Уаԥстәыла ахы иақәиҭтәын.
Ауаҩы изинқәа рзы Европатәи аӡбарҭа иацы ҵаҵӷәык аҵам ҳәа иаԥхьаӡеит 2008 шықәса нанҳәамзазтәи ахҭысқәа рзы Қырҭтәыла Урыстәыла иаднаҵо ахара.
Иара убас шәаԥхьар ҟалоит:
-
Қырҭтәыла НАТО алианс ишалалаша атәы иалацәажәеит
-
НАТО амаӡаныҟәгаҩ хада: алианс Амшынеиқәаҿ аҟазаара еизҳауеит
-
НАТО ааԥхьара ҟанаҵеит Урыстәыла Аԥсни Аахыҵ Уаԥстәылеи разхаҵара иацәхьаҵырц
-
Аԥсны Адәныҟатәи аусқәа рминистрра: НАТО Аахыҵ Кавказ аҭынчра иаԥырхагоуп
Жәлар рсахьаҭыхҩ: аԥсуа цәа зыҟәну Сергеи Габелиа иусумҭақәа
Сергеи Габелиа диит 1939 шықәсазы Очамчыра араион Гәыԥ ақыҭан. 1972 шықәсазы рзы Сергеи Габелиа Асахьаҭыхыҩцәа реилазаара анапхгаҩыс дахадыргылоит. Уи аусура кыршықәса даланахалоит, 20 шықәса инареиҳаны.
Сергеи Габелиа – жәлары дырсахьаҭыхҩуп. Ирҿиамҭақәа ауаа зегьы ирзааигәоуп, еилыркаауеит. Иара инапынҵақәа нижьит еиуеиԥшым ажанрқәа рҟны: апортреҭ, апеизаж, абзазаратәи, аҭоурыхтә сахьақәеи рҿи.
Сергеи Габелиа иусумҭақәа ыҟоуп асахьаҭыхратә галереиаҟны, ирацәоуп иусумҭақәа аҳәаанхыҵ агалериақәа рахь иагаз, ахатә коллекциақәа рҟны иҟоу.
© Фото : из архива семьи ГабелияАԥсны зҽаԥсазтәыз асахьаҭыхыҩ Сергеи Габелиа диижьҭеи 82 шықәса ҵит ажьырныҳәа 23 рзы.
Сергей ГабелияАқыҭа ԥсҭазаарахь имаз абзиабара иусумҭақәа жәпакы ирныԥшуеит. Асахьа "Аџьатә ҭаацәара".
Сергей ГабелияСергеи Габелиа диит 1939 шықәсазы Очамчыра араион Гәыԥ ақыҭан. Гәыԥтәи абжьаратә школ аҿы аа-класск хыркәшаны, иҵара иациҵеит Тҟәарчалтәи абжьаратә школ No1 аҟны.
Сергей ГабелияСергеи Габелиа – жәлары дырсахьаҭыхҩуп.
Сергей ГабелияИрҿиамҭақәа ауаа зегьы ирзааигәоуп, еилыркаауеит.
Сергей ГабелияГабелиа инапынҵақәа нижьит еиуеиԥшым ажанрқәа рҟны: апортреҭ, апеизаж, абзазаратәи, аҭоурыхтә сахьақәеи рҿи.
Сергей Габелия"Ирацәоуп апатреҭтә жанр ала аԥсуа быргцәа нагақәа рхаҿсахьақәа иаанижьыз. Еиҳаракгьы аҿыханҵа аҟны акәын иҽахьԥишәоз, иара убасгьы ашәҟәқәа сахьала еиқәиршәон. Сергеи Габелиа аԥсуа сахьаҭыхратә ҟазараҟны иаарылҳәҳәо ҳәа иҟоу дреиуоуп. Иуаҩышьа бзиан, инакәызаалак аӡәы игәы иалсуа аҳәара иҟазшьамызт, дҩыза бзиан, даԥхьагылаҩын", - иҳәеит Сергеи Ҵәыџьба.
Сергей ГабелияСергеи Габелиа иусумҭақәа ыҟоуп асахьаҭыхратә галереиаҟны, ирацәоуп иусумҭақәа аҳәаанхыҵ агалериақәа рахь иагаз, ахатә коллекциақәа рҟны иҟоу.
Сергей ГабелияАсахьа "Прибалтика". Сергеи атәылақәа жәпакы дырҭаахьан.
Сергей ГабелияАфон Ҿыц. Сергеи Габелиа иусумҭа.
Сергей ГабелияАбырг Ҟасҭеи Арсҭаа ихаҿсахьа Сергеи Габелиа иҭыхит 1970 шықәсазы.
Сергей ГабелияМногим было бы интересно видеть работы Габелия в Выставочном зале Союза Художников Абхазии, погрузиться в волнующий мир мыслей и чувств художника, которые двигали им на творческом пути.
Сергей ГабелияСергеи Михаил-иԥа Аԥсны Аџьынџьтәылатә еибашьраан "Ажәеиԥшьаа" ҳәа акарикатуристцәа реилазаара еиҿызкааз дреиуоуп.
© Фото : предоставлено семьей Габелия"Ажара".
Сергей ГабелияСергей Габелиа иҷкәын иавтопортреҭ.
Сергей ГабелияИрацәоуп иусумҭақәа аҳәаанхыҵ агалериақәа рахь иагаз, ахатә коллекциақәа рҟны иҟоу.
Сергей ГабелияСергеи Габелиа иусумҭақәа ыҟоуп асахьаҭыхратә галереиаҟны.
Сергей ГабелияИрацәоуп апатреҭтә жанр ала аԥсуа быргцәа нагақәа рхаҿсахьақәа иаанижьыз.
Сергей ГабелияСергеи Габелиа идипломтә усумҭа амҳаџьырра иазкын, уи атема дазыхынҳәауан анаҩс ирҿиараҟны.