Президент РФ В. Путин

Путин: Урыстәыла апандемиа иалҵуеит цәыӡ маҷла

13
(ирҿыцуп 09:51 15.06.2020)
Аҵыхәтәантәи адыррақәа рыла, Урыстәыла  иаарԥшуп 528 000 коронавирустә хҭыс, 280 000-ҩык ргәабзиара шьақәгылеит, 6 948-ҩык рыԥсҭазаара иалҵит.

АҞӘА, рашәара 15 - Sputnik. Урыстәыла акоронавирустә пандемиа иалҵуеит цәыӡ маҷла ҳәа аҳәамҭа ҟаиҵеит Урыстәыла ахада Владимир Путин адырраҭара "Москва. Кремль. Путин" аинтервиу аҭо.

"Ҳара ҳрылацәажәоит еиуеиԥшым апроблемақәа, ауадаҩрақәа, аха ус шакәугьы Урыстәыла акоронавирустә пандемиа иалҵуеит цәыӡ маҷла ҳәа уҳәар ауеит", - Путин иажәақәа аанагоит  РИА Новости.

Агәабзиарахьчаразы Адунеизегьтәи аиҿкаара хәажәкырамзазы аҳәамҭа ҟанаҵеит акоронавирустә инфекциа COVID-19 пандемиоуп ҳәа.

COVID-19 иаҿагылан ақәԥаразы Москва аоперативтә штаб адыррақәа рыла, аҵыхәтәантәи уахи-ҽни рыԥсҭазаара иалҵит 119-ҩык, COVID-19 рыхьит 8 835-ҩык.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

13
Атемақәа:
Ачымазара ҿкы – акоронавирус Аԥсни адунеи аҿи: иалкаау (716)

Аԥсны Адәныҟатәи аусқәа рминистрра Ашьха Ҟарабах иҟоу аҭагылазаашьазы ааԥхьара ҟанаҵеит

0
(ирҿыцуп 18:36 27.09.2020)
Аерман-азербаиџьантә конфликт ҩаԥхьа аҽарҿыцит амҽыша ашьыжь. Ермантәылеи Ашьха Ҟарабахи аибашьратә ҭагылазаашьеи азеиԥш мобилизациеи рылаҳәоуп.

АҞӘА, цәыббра 27 - Sputnik. Аԥсны Адәныҟатәи аусқәа рминистрра аерман-азербаиџьантә конфликт аҽахьарыцыз агәҭынчымра шазцәырнагаз азы аҳәамҭа ҟанаҵеит.

"Аԥсны Адәныҟатәи аусқәа рминистрра адунеижәларбжьарахь ааԥхьара ҟанаҵоит Ареспублика Арцах (ашьха Ҟарабах – аред.) иаҿагыланы имҩаԥысуа агрессиа аанкылазарц, арегион аҟны бџьаршьҭыхлатәи аиҿагылара иахьынӡауа иаԥдырҟәҟәаарц", - ҳәа азгәаҭоуп аминистрра асайте аҟны икьыԥхьу аҳәамҭаҿы. 

Адәныҟатәи аусқәа рминистрраҿы агәрагара аадырԥшит уажәазы иҟоу жәларбжьаратәи азхаҵара змоу амеханизм – ОБСЕ Минсктәи агәыԥ ала аконфликт аҭышәныртәалара альтернатива шамам.

Цәыббра 27 ашьыжь Азербаиџьан Атәылахьчара аминистрра аҳәамҭа ҟанаҵеит Ермантәыла Арбџьармчқәа Ҟарабх аинырратә цәаҳәала иҟоу анхарҭақәа ирылахысит ҳәа. Дара урҭ адыррақәа рыла, атәылауаа рыбжьара иҭахаз ыҟоуп.  Ермантәыла Арбџьармчқәа ишырҳәаз ала, Ҟарабах "аҳауантә аракетақәа рҟынтәи ишақәлаз". Ереван ирҳәеит Бақәа "ҳажәло иалагеит" ҳәа ҟарабахтәи ахырхарҭала. Иазхаҵам Ашьха-Ҟарабахтәи Ареспубликаҿы адырра ҟарҵеит, артиллериала ишреихсыз аҭынч уааԥсыра рынхарҭақәа, аҳҭнықалақь Степанакертгьы уахь иналаҵаны. Аиҳабыра ауааԥсыра рахь ааԥхьара ҟанаҵеит рҽыԥхьаркырц, уи ашьҭахь Ҟарабах аибашьратә ҭагылазаашьеи амобилизациеи рыларҳәеит. Аибашьратә ҭагылазаашьеи амобилизациеи рыларҳәеит Ермантәылагьы. Бақәа акәзар, амобилизациа аҭахны иҟам рҳәеит, ҳар зегь рыла еиқәшәоуп ҳәа. аҳәынҭқаррақәа жәпакы, Урыстәылеи Франциеи назлоу аганқәа рыҽныркыларц абжьгара ҟарҵеит.

0

Аԥснытәи адизаинер Рим имҩаԥысуа амода амчыбжь Altaroma далахәуп

4
(ирҿыцуп 16:56 27.09.2020)
Altaroma захьӡу римтәи амода амчыбжь ахь инарыԥхьоит даҽакы иеиԥшым амаҭәеи аксессуарқәеи аԥызҵо адизаинер қәыԥшцәа. Ари аусмҩаԥгатә аҳәаақәа ирҭагӡаны ицәырырго аекспонатқәа зегьы Италиа иҟаҵоу роуп.

АҞӘА, цәыббра 27 – Sputnik, Асмаҭ Ҵәыџьԥҳа. Аԥснытәи адизаинер Магда Қаџьаиаԥҳа иаԥылҵаз аксессуарқәа рколлекциа цәырылгеит римтәи амода амчыбжь Altaroma аҟны. Абри атәы Sputnik иазаалыцҳаит адизаинер лхаҭа.

Лара лажәақәа рыла, аколлекциа цәырган зхы иақәиҭу адизаинер қәыԥшцәа ирызкыз аҭыԥ ҷыда Showcase аҟны.

"Сара ари аусмҩаԥгатә аиҿкааҩцәа рҟынтә ааԥхьара соуит, избан акәзар сыбренд Италиа иҟоуп. Сгәы иахәоит аиҿкааҩцәа сколлекциа ауникалра ахьазгәарҭаз", - лҳәеит лара.

Адизаинер далгахьеит аинтериертә дизаин азы Европатәи аинститут IED Milano, Милантәи астудиақәа руак аҿы лзанааҭдырра ҳаралкхьеит. Аҭыԥҳа амодахь аинтерес лызцәырҵит аинститут аҿы лҵара анхлыркәша ашьҭахь.

"Аԥхынтәи аԥсшьарамшқәа раан сазхәыцит аҳәса рзы аклатчқәа аԥысҵарц. Аидеиа шсоуз еиԥшҵәҟьа 3D амодельқәа ҭысхуа слагеит, урҭ ахьыҭсыжьшагьы сашьҭалеит. Сдебиуттә коллекциа ӡырызгеит парижтәи амода амчыбжь аҟны", - ҳәа еиҭалҳәеит адизаинер қәыԥш.

Аԥсуа дизаинер илнапкымҭоу аксессуарқәа ныҟәыргоит ауарҳалмҩа иқәсуа италиатәи актрисацәеи, амода иацклаԥшуа аҳәсеи, иара убас ицәырҵуеит амода иазку ажурналқәа VOGUE, L`officiel, Vanity Fair уҳәа рдаҟьақәа рҟны.

Қаџьаиаԥҳа иазгәалҭеит лгәы ишҭоу аколлекциа ҿыцқәа рцәыргақәҵа аиҿкаара, лара аксессуарқәа мацара ракәӡам лнапы злаку. Аҭыԥҳа убасгьы аҩнымаҭәеи аинтериери рдизаин даҿуп.

4