Урыстәыла  8 246 коронавирустә хҭыс ҿыц азгәаҭоуп

4
(ирҿыцуп 12:16 15.06.2020)
Иахьазы зынӡа Урыстәыла иахьаҵанакуа  537 210 коронавирус инфекциа аҭыԥ рымоуп 85 регион рҿы.

АҞӘА, рашәара 15 - Sputnik. Аҵыхәтәантәи уахи-ҽни рыҩныҵҟала Урыстәыла иаарԥшуп 8 246 коронавирустә хҭыс ҿыц 83 регион рҿы ҳәа аанацҳауеит COVID-19 аҿагыларазы Москва аоперштаб.

Уахыки-ҽнаки ирылагӡаны рыԥсҭазаара иалҵит 143-ҩык, ргәы бзиахеит 4 489-ҩык. Зынӡа иааидкыланы иԥсхьеит 7 091-ҩык, ргәы бзиахахьеит  284 539-ҩык.

Краснодартәи атәылаҿацә аҿы аҵыхәтәантәи уахи-ҽни рыла авирус рыдбалан 72-ҩык.

Аԥсны COVID-19 рцәа иалоуп 37-ҩык. Жәҩык Гәдоуҭатәи ахәышәтәырҭа иҭоуп, 27-ҩык ргәы бзиахахьеит, аӡәы дыԥсит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

4
Атемақәа:
Ачымазара ҿкы – акоронавирус Аԥсни адунеи аҿи: иалкаау (726)

Урыстәыла, Америка, Франциа Ашьха Ҟарабах аҭагылазаашьазы аҳәамҭа еицыҟарҵоит

4
(ирҿыцуп 19:15 01.10.2020)
Цәыббра 27 рзы Ермантәылеи Азербаиџьани рыбжьара аҭагылазаашьа еицәахеит.

АҞӘА, жьҭаара 1 - Sputnik. Урыстәыла ахада Владимир Путин аҳәамҭа ҟаиҵеит Ашәарҭадаратә хеилак аилатәараҿы Ашьха Ҟарабах аҭагылазаашьа азы Урыстәыла, Америка, Франциа рхадацәа аҳәамҭа еицыҟарҵоит ҳәа. Абри азы адырра ҟаиҵеит ахада ипресс-маӡаныҟәгаҩ Дмитри Песков.

Песков иажәақәа рыла, аилацәажәараҿы агәҭынчымра аарԥшын Ашьха Ҟарабах имҩаԥысуа азы.

"Ҷыдала азхьаԥшра аҭан аинырратә цәаҳәаҿы ицо аидысларақәа рызҵаара",- иҳәеит Песков.

Ашьха Ҟарабах еиҭахгьы бџьаршьҭыхрала еиҿагылеит ииасыз амчыбжь азы. Бақәеи Еревани дара-дара ахара рыдибаҵоит. Аибашьратә ҭагылазаашьеи амобилизациеи рыларҳәеит Ермантәыла. Бақәа акәзар, амобилизациа ахәҭакахьала ирылаҳәоуп, акоменданттә сааҭ аус ауеит.

Аганқәа рыҩбагьы рдыррақәа рыла, аԥсыҭбарақәа ыҟоуп аруаа рганахь аиԥш аҭынчуааԥсыра рганахь алагьы, аха макьаназы заҟаҩ ыҟаҵәҟьоу шьақәыргылам. Ермантәылеи Азербаиџьани дасу ринформациақәа хаз-хазуп.

Иара убас шәаԥхьар ҟалоит:

4

Урыстәыла уахыки-ҽнаки рыла 8 945 коронавирус хҭыс ҿыц аарԥшуп

4
(ирҿыцуп 16:28 01.10.2020)
Зынӡа иахьазы Урыстәыла 85 регион рҿы ачымазара ҿкы рыдбалоуп 1 185 231-ҩык.

АҞӘА, жьҭаара 1 - Sputnik. Урыстәыла аҵыхәтәантәи уахыки-ҽнаки рыла  8 945 коронавирус хҭыс ҿыц аарԥшуп ҳәа аанацҳауеит COVID-19 аҽацәыхьчаразы Москва ақалақь аоперштаб.

Урҭ рҟынтәи 27,1% ачымазара аклиникатә ҟазшьа рыдбаламызт.

169-ҩык рыԥсҭазаара иалҵит, 5 985-ҩык ргәы бзиахеит. Зынӡа иԥсхьоу рхыԥхьаӡара 20 891-ҩык инаӡоит, згәы бзиахахьоу – 964 242-ҩык.

Иахьазы Аԥсны авирус рыдбалоуп 1458-ҩык. Ргәабзиара шьақәгылахьеит 530-ҩык, 11 ԥсыҭбара ыҟоуп.

Акоронавирус иазку ажәабжьқәа шәрыԥхьар ҟалоит абра>>

4

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

11
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

11