"Россия сегодня" апроектқәа аԥхьахә IPRA Golden World Awards иафиналистхеит

3
(ирҿыцуп 11:52 03.07.2020)
Аконкурс аҿы аиааира зго рыхьӡқәа ԥхынгәымзазы ирылаҳәахоит аха акоронавирустә пандемиа иахырҟьаны сынтәа аԥхьахәнашьара ҟалом.

АҞӘА, ԥхынгәы 3 - Sputnik. ЖәАА "Россия сегодня" апроектқәа "Музей исчезнувших картини", SputnikPro иналукааша жәларбжьаратәи аԥхьахә IPRA Golden World Awards for Excellence in PR 2020 иафиналистхеит.

"Музей исчезнувших картин" — авиртуалтә ҭагылазаашьа аформат ала иуникалу проектуп. Иалнаршоит уаанӡа иӡхьаз, аха VR аҿы еиҭашьақәыргылоу аурыс ҟазара 17 реиуақәа рырбара амобилтә цҵа РИА.Lab iOS иазку App Store, ма Android иазку Google Play  рҿы.  Уа еизгоуп VR- AR-ҭоурыхқәа. ЖәАА "Россия сегодня" – атәылаҿ иакзаҵәу VR-проектқәа ҭзыжьуа информациатә маҵзуроуп.

SputnikPro — ааигәатәи аҳәаанырцә ажурналистцәа рзы имҩаԥырго рккаратә проект ҷыдоуп.

Апроект SputnikPro урыстәылатәии аҳәаанырцәтәии иреиӷьу амедиаменеџьерцәа, ажурналистцәа, апресс-маӡаныҟәгаҩцәа, аблогерцәа, аиҳабыратә курсқәа рыстудентцәа уҳәа имҩаԥырго асеминарқәеи, амастер-классқәеи, алекциақәеи ирсистемоуп. Адунеи атәылақәа 22 рҟны: Ермантәыла инаркны Индианӡа, Бырзентәыла инаркны Китаинӡа имҩаԥыргахьеит. 2018 шықәса раахыс апроект рхы аладырхәхьеит 80 тәыла рҟынтәи 3000-ҩык алахәылацәа.

Апроект ажәаҩбжьқәа рышьклаԥшра ауеит  Facebook адаҟьақәа рҿы.

Аԥхьахә IPRA Golden World Awards (GWA) аҭара мҩаԥнагоит адунеи аҿы  ижәытәӡатәиу ауаажәларратә еимадаразы асоциациа International Public Relations Association (IPRA). Ассоциациа 1955 шықәса раахыс адунеи аҿы  акоммуникациатә стандартқәа еиҿнакаауеит, ООН иазханаҵахьеит.

Жәларбжьаратәи  Аинформациатә маҵзура  "Россия сегодня" — адунеи аҿы имҩаԥысуа ахҭысқәа иаарласны ишәаны-изаны аудиториа ирызназго  жәларбжьаратә медиагәыԥуп. Иахьазы аинформациатә маҵзуратә ресурсқәас иамоуп: РИА НовостиРИА Новости СпортРИА Новости НедвижимостьПрайм, РИА Рейтинг, ИноСМИСоциальный навигатор, ТОККОТBaltnewsУкраина.руArctic.ru Еиднакылоит, аҳәаанырцә аус зуа аинформациатә маҵзуреи арадиои Sputnik аурыс, англыз, аиспан, араб, фарси абызшәақәа рыла.

"Россия сегодня" ажәабжьқәа рдырра алшоит апресс-маҵзура ателеграм-канал аҿы - "Зубовский, 4".

3

Америкатәи аесминец аҟарулразы Амшын еиқәахь ахы археит

1
(ирҿыцуп 15:29 23.11.2020)
Америкатәи аесминец USS Donald Cook DDG-75 2020 шықәса аҩныҵҟала Амшын еиқәа аҵакырахь иҭало Америка абыжьбатәи аӷбоуп.

АҞӘА, абҵара 23 - Sputnik. Америкатәи аракетатә есминец Donald Cook аракетатә бџьар ақәыргыланы Амшын еиқәа акваториахь иҭалеит аҟарулразы ҳәа аанацҳауеит ЕАА АММ Афбатәи рыфлот.

"ЕАА АММ аамҭа-аамҭала арҭ аҭыԥқәа рҿы НАТО ала ҳпартниорцәа адгылара рыҭаразы инеилоит", - аҳәоит Twitter аҿы ЕАА АММ Афбатәи рыфлот адырраҭара.

АА Афбатәи афлот аштаб-квартира Неаполь (Италиа) иҟоуп, имҩаԥнагоит арра-мшынтә операциақәа, аиҳарак рыдгылаҩцәеи рпартниорцәеи алархәны Европеи Африкеи амилаҭтә интересқәеи ашәарҭадареи рыхьчаразы.

1

Урыстәыла аминаҿагыларатә центр аҟазауаа Ҟарабахҟа амҩа иқәлеит

3
(ирҿыцуп 13:19 23.11.2020)
Еревантәи аҳаиртә баӷәазақәа рахь инагоуп шәҩык инареиҳаны аруааи жәаха ак арратә техника ҷыдеи, амина ыҵызхуа аробототехникатә комплексқәеи "Уран-6", акәылӡы транспортиорқәеи акәылӡы машьынақәеи налаҵаны.

АҞӘА, абҵара 23 - Sputnik. Жәларбжьаратәи аминаҿагыларатә центр аҟазауаа Ҟарабахҟа асапиортә усурақәа рымҩаԥгаразы амҩа иқәлеит ҳәа аанацҳауеит Урыстәыла атәылахьчара аминистрра.

"Аҳаир-космостә мчқәа рырра-транспорт авиациа аҳаирпланқәа Ан-124, Ил-76, Ту-154 Москва амҵатәи Чкаловтәи аҳаиртә баӷәазаҟынтә Ереванҟа инаргеит аҟазауаа,  атехника, абџьар, амаҵзуратә минаԥшааҩцәа лақәа аҭынчреиҿкааратә зонаҿы рнапынҵақәа рынагӡаразы", - аҳәоит аусбарҭа аҳәамҭаҿы.

Аруааи атехникеи амаршрут Ереван – Горис – Степанакерт ала имҩаԥгахоит.

Аҟазауаа анџьныртә ԥшыхәра, аминақәа рыҵхра, иԥжәо амаҭәарқәа реиҵыхра мҩаԥыргоит Ҟарабах араионқәа рҿы.

Урыстәыла, Азербаиџьан, Ермантәыла рхадацәа Владимир Путин, Ильхам Алиев, Никол Пашиниан абҵара 10 рзы рнапы аҵарҩит  Ашьха Ҟарабах аибашьра аанкыларазы аицҳәамҭа. Уи инақәыршәаны Ермантәылеи Азербаиџьани иааныркылаз аҭыԥқәа рҿы иаангылоит, Бақәа анапаҵаҟахь ииасуеит Кельбаџьартәи, Лачатәи, Агдамтәи араионқәа, атҟәацәа еимырдоит.

Ҟарабахи Ермантәылеи еимаздо Лачатәи акоридор аҿы аурыс ҭынчреиҿкааҩцәа гылоит.

3

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

0
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0