Амҩаду Џьубга Шәача аура 119 километра иҟоуп

6
Иахьазы аус зуа амҩаду акыр иҭәуп, ашоурақәа раан амашьынақәа реишьагыла акыр километр инаӡоит.

АҞӘА, ԥхынгәы 6 - Sputnik. Амҩаду ҿыц Џьубга – Шәача аура 119 километра иҟоуп ҳәа аанацҳауеит Краснодартәи атәылаҿацә ахадара.

"Ари амҩа ашьҭаҵара Шәачеиԥш Амшын еиқәа арегион зегьы аҿиара иацхраауеит. Амҩаду ҿыц Џьубга – Шәача аура 119 километра иҟоуп. Иара аиланхарҭақәа ирхыган имҩангоуп. Уи акраҵанакуеит, аиҳарак Тҟәаԥстәи араион азы. Уа амҩақәа машьынала иҭәуп", - ҳәа иҳәеит атәылаҿацә агубернатор Вениамин Кондратьев.

Ари амҩа Шәачеиԥш Амшынеиқәа арегион зегьы аҿиара иацхраауеит ҳәа иҳәеит иара.

Иахьазы аус зуа амҩацәаҳәа Џьубга – Шәача Шәача егьырҭ Урыстәыла арегионқәа ирыдызҳәало мҩа заҵәыкны иҟоуп. Ҩ-цәаҳәакны ишьақәгылоуп. Аԥхынразы акыр ауадаҩрақәа аиуеит атранспорт арацәаразы.

Иара убас шәаԥхьар ҟалоит:

6

Ҭырқәтәыла мраҭашәаратәи ахәҭаҿы адгьылҵысра ҟалеит

12
(ирҿыцуп 18:04 30.10.2020)
Адгьылҵысра аепицентр апровинциа Измир ақалақь Сеферлихисар иаҵанакит.

АҞӘА, жьҭаара 30 — Sputnik. 6,6 змагнитуда ыҟаз адгьылҵысра аҭыԥ аман Ҭырқәтәыла Измир иацәыхарамкәа ҳәа аанацҳауеит Sputnik Турция.

Ирацәоуп ибгаз ахыбрақәа. Хҩык ауаа ааха роуит. Измир ахада Тунч Соиер иажәақәа рыла 20 рҟынӡа хыбра бгеит. Адгьылҵысра авидеоҭыхымҭа РИА Новости аҟны иарбоуп.

Акадыр аҿы иубарҭоуп адгьылҵысра иахҟьаны еилаҳауа ахыбрааа ахәҭак.

6,6 змагнитуда ыҟаз адгьылҵысра аҭыԥ аман Ҭырқәтәыла  Измир иацәыхарамкәа.   Ахыҵхырҭа  — 16,5 километра рҟынӡа адгьыл иҵоуп.

Азербаиџьан ахада Ильхам Алиев аколлега Таип Ердоган аҭел дизасны иҳәеит иахәҭоу ацхыраара дшазыхиоу.

Иара убасгьы ацхыраара ишазыхиоу рҳәеит Азербаиџьан адәныҟатәи аусқәа рминистрреи аҭагылазаашьа ҷыдақәа рминистрреи рхадацәа.

12

Кремль аҳәамҭа ҟанаҵеит урыстәылатәи аҭынчреиҿкааҩцәа Ҟарабах иалагалахар шауазы

4
(ирҿыцуп 15:31 30.10.2020)
Жьҭаара 29 рзы Владимир Путин аҳәамҭа ҟаиҵеит Ашьха Ҟарабах аҭагылазаашьа аҭышәныртәалара анауа аганқәа рыҩбагьы – Ермантәылагьы Азербаиџьангьы ринтересқәа рбаланс аныԥшаахо шакәу.

АҞӘА, жьҭаара 30 - Sputnik. Кремль иазгәарҭеит аҭынчреиҿкааҩцәа Ҟарабах ралагалара шауа аганқәа рыҩбагьы рыцеиқәшаҳаҭрала ҳәа аанацҳауеит РИА Новости Урыстәыла ахада ипресс-маӡаныҟәгаҩ Дмитри Песков иажәақәа шьаҭас иганы.

Уаанӡа Ермантәыла аԥыза-министр Никол Пашиниан иҳәахьан аимак азонаҿы урыстәылатәи аҭынчреиҿкааҩцәа рыҟазаара аҭагылазаашьа арманшәалон ҳәа. Америка, Франциа рахьгьы ааԥхьара ҟаиҵеит  Урыстәыла аҽазышәарақәа ирыдгыларц.

"Ҳара изныкымкәа иаҳҳәахьеит аимак ахьыҟоу аҭыԥқәа рахь аҭынчреиҿкааҩцәа аганқәа рыҩба рақәшаҳаҭрала мацара шакәу рнеира шалшо", - иҳәеит Песков.

Ашьха Ҟарабах аҭагылазаашьа аҽарыцәгьеит цәыббра 27 рзы. Ҟарабах адыррақәа рыла ареспублика ауаа реиланхарҭақәа артиллериала ирылахысуан, аҳҭнықалақь Степанакертгьы налаҵаны. Бақәеи Еревани дара-дара ахара рыдибаҵоит.

Аибашьратә ҭагылазаашьеи амобилизациеи рыларҳәеит Ермантәыла. Бақәа акәзар, амобилизациа ахәҭакахьала ирылаҳәоуп, акоменданттә сааҭ аус ауеит.

Урыстәыла, Америка, Франциа рхадацәа аҳәамҭа еицыҟарҵеит аибашьра аанкыланы аиҿцәажәаратә мҩа иазкылсырц.

4

Аԥсны даҽа 73-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 21:13 31.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4233-ҩык ыҟоуп. Урҭ рахьтә ргәы бзиахеит 2267-ҩык, рыԥсҭазаара иалҵит 42-ҩык.

АҞӘА, жьҭаара 31 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 367 ҟаҵан, урҭ рахьтә акоронавирус аарԥшын 73 тест рҟны ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 132-ҩык ауааԥсыра, урҭ рахьтә 114-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 23-ҩык, ибжьаратәуп - 27-ҩык, илҩаауп жәаҩык апациентцәа. Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 60-ҩык апациентцәа. 57-ҩык рҭагылазаашьа бжьаратәуп ҳәа иԥхьаӡоуп, хҩык рҭагылазаашьа бааԥсуп.

Аоперштаб иара убас иаанацҳаит жьҭаара 31 рзы Аҟәа асасааирҭа "Аиҭар" аҟны иаарту урыстәылатәи хырхарҭарацәалатәи агоспиталь аҟны акоронавирус злаз ҩыџьа рыԥсҭазаара ишалҵыз.

Иԥсҭазаара далҵит COVID-19 ззышьақәырӷәӷәаз 1934 шықәса рзы ииз апациент. Иара ҩганктәи аполисегментартә гәыҵәкра ӷәӷәала илаҽны дыҟан. Иҭагылазаашьа акыр ибааԥсын. Жьҭаара 31 ашьыжь иара иԥсҭазаара далҵит игәы-шьадатәи иԥсыԥлагаҩагаратәи зымхара иахҟьаны.

1942 шықәсазы ииз COVID-19 ззышьақәырӷәӷәаз апациенткагьы жьҭаара 31 рзы лыԥсҭазаара далҵит. Лара ахәышәтәырҭанҭыҵтәи ҩганктәи асубтоталтә полисегментартә гәыҵәкра лыман, иара убас егьырҭ асоматикатә чымазарақәагьы лцәа иалан.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

  • Акоронавирус иазку ажәабжьқәа зегьы шәрыԥхьар ҟалоит абра>>
4
Атемақәа:
Ачымазара ҿкы – акоронавирус Аԥсни адунеи аҿи: иалкаау