Ермантәылеи Азербаиџьани рҳәааҿы аиҿагыларақәа ирыхҟьаны аԥсыҭбарақәа ыҟоуп

21
(ирҿыцуп 11:22 13.07.2020)
Аиҿагылара хацыркхеит амҽыша, Азербаиџьан иатәу Товузтәи араиони Ермантәыла иатәу Тавуштәи аобласти рҳәааҿы.

АҞӘА, ԥхынгәы 13 - Sputnik. Азербаиџьантәи аруаа аерман ган аҿы игылоу ар рпункт иалахысит. Аҭагылазаашьа акыр еибарххоуп ҳәа аанацҳауеит РИА Новости Азербаиџьан Атәылахьчара аминистрра апресс-маҵзура адыррақәа шьаҭас иҟаҵаны.

Аиҿагылара хацыркхеит амҽыша. Азербаиџьан Атәылахьчара аминистрра аҳәамҭа ҟанаҵеит Ермантәыла аганахь ала апозициақәа ирылахысын ҳәа. Иазгәаҭан хҩык аррамаҵзурауаа рҭахара. Баку адыррақәа рыла, аерман гангьы ацәыӡқәа амоуп.

Убри аан Ермантәыла Атәылахьчара аминистрра аҳәамҭа ҟанаҵеит азербаиџьантәи аруаа аерман ар ргыларҭа ампыҵахалара рҽазыршәеит ҳәа. Ереван адыррақәа рыла, Азербаиџьан ацәыӡқәа амоуп, Ермантәыла – мап.

РИА Новости Азербаиџьан Атәылахьчара аминистрра апресс-маҵзураҟынтә иаиуз адыррақәа рыла "артиллериа, аминаршәгақәа, атанкқәа рхархәарала уахынланы иҭархан ар ргыларҭа апункт, артиллериатә шьақәгылақәа, автомобилтә техника, аӷа ируаа".  Иара убасгьы иазгәаҭан аерман ган аинформациа ӡырнагом ҳәа.

Еревантәи аҳәамҭақәа рыла, аҳәаа ари ахәҭаҿы ахысрақәа аҭыԥ рыман. Ҩба-хԥа сааҭтәи аҭынчра ашьҭахь шьыжьнаҵы еиҭалагеит. Ермантәыла Атәылахьчара аминистр  аруаа ахынкылара рымазарц рабжьигеит.

Ашьха Ҟарабах азы Ермантәылеи Азербаиџьани рыбжьара аимак ахы цәырнагеит 1988 шықәса жәабранмзазы, Ашьха-Ҟарабахтәи автономтә област Азербаиџьантәи ССР иалҵуеит ҳәа аҳәамҭа аныҟанаҵа ашьҭахь.

1991 шықәса цәыббрамзазы Ашьха-Ҟарабахтәи автономтә област аҳҭнықалақь Степанакерт ирылаҳәан Ашьха-Ҟарабахтәи Ареспублика аԥҵара. 1992 шықәса раахыс аиҿцәажәарақәа мҩаԥысуеит аимак аҭышәныртәаларазы. Аганқәа рыҩбагьы дасу ринтиресқәа рыхьчоит.
Ҟарабахтәи аимак азонаҿ аҵыхәтәан акәны аҭагылазаашьа уадаҩхеит 2016 шықәса мшаԥымзазы.

Азербаиџьани Ашьха Ҟарабахи рырратә усбарҭақәа рдыррақәа рыла, Ермантәыла арратә мчрақәа еиуеиԥшым апровокациақәа мҩаԥыргон аидыларатә цәаҳәа иахьаҵанакуаз аҭыԥқәа рҿы. Ермантәылатәи адыррақәа рыла, апровокациақәа мҩаԥнагон Азербаиџьантәи аган.
Мышқәак рышьҭахь аиҿагылара аԥырҟәҟәаан.

21

Уахыки-ҽнаки рыҩныҵҟа Урыстәыла 17 717 акоронавирус-хҭыс ҿыц азгәаҭоуп

3
(ирҿыцуп 14:27 29.10.2020)
Роспотребнадзор абжьагарала жьҭаара 28 инаркны Урыстәыла иахьаҵанакуа асабрадатә режим алагалоуп.

АҞӘА, жьҭаара 29 - Sputnik. Уахыки-ҽнаки рыҩныҵҟа Урыстәыла 17 717 акоронавирус-хҭыс ҿыц азгәаҭоуп ҳәа аанацҳауеит COVID-19 ауааԥсыра рацәыхьчаразы Москва аоперативтә штаб.

Ари апандемиа иаалагазар иреиҳау рбагоуп.

Уахыки-ҽнаки рыҩныҵҟа Урыстәыла 17 717 акоронавирус-хҭыс ҿыц азгәаҭоуп 85 регион рҿы. 26,5% аклиникатә ҟазшьа аадырԥшуамызт. 366-ҩык рыԥсҭазаара иалҵит. Ргәабзиара шьақәгылеит 14 740-ҩык.

Иахьатәи аамҭазы Урыстәыла 1 581 693 акоронавирус хҭыс 85 регион рҿы иаарԥшуп. Зынӡа иԥсхьеит авирус иахҟьаны 27 301-ҩык, ргәы бзиахеит –  1 186 041-ҩык.

Иара убас шәаԥхьар ҟалоит:

3
Атемақәа:
Ачымазара ҿкы – акоронавирус Аԥсни адунеи аҿи: иалкаау

Роспотребнадзор акоронавирус ашыкьымҭа анылаҟәуа атәы азгәанаҭеит

5
(ирҿыцуп 12:34 27.10.2020)
Акоронавирус апандемиа адунеи атәылақәа зегьы амҽханакит. Ичмазаҩхахьеит 42,7 миллион-ҩык 1,1 миллион рыԥсҭазаара иалҵхьеит.

АҞӘА, жьҭаара 27 — Sputnik. Акоронавирус ианеиҵаха аҽа шықәсыки бжаки рҟынӡа ахы цәырнагалоит ҳәа аанацҳауеит РИА Новости Роспотребнадзор аепидемиологиаз ЦНИИ аклиника-аналитикатә усуразы адиректор ихаҭыԥуаҩ Наталиа Пшеничнаиа лажәақәа ҵаҵӷәыс иганы.

Еиуеиԥшым атәылақәа рҿы COVID-19 аамҭа-аамҭала ахы цәырнагалоит ҳәа аҳәоит адырраҭараҿы.

Урыстәыла  COVID-19 иахҟьаны аҭагылазаашьа аҽарцәгьар ҟалоит жәабран-хәажәкыра рзы. Ашыкьымҭа леир алшоит аԥхынразы ҳәа лҳәеит Пшеничнаиа уаанӡа амаҵзура аинтервиу аҭо.

Акоронавирус апандемиа адунеи атәылақәа зегьы амҽханакит. Ичмазаҩхахьеит 42,7 миллион-ҩык 1,1 миллион рыԥсҭазаара иалҵхьеит.

Урыстәыла миллионки бжаки  ачымазара рыхьхьеит,  1,15 миллион-ҩык ргәы бзиахеит, рыԥсҭазаара иалҵит 17,3 нызқьҩык.

Аԥсны авирус рыдбалоуп  3839-ҩык, ргәабзиара шьақәгылеит 1464-ҩык, рыԥсҭазаара иалҵхьеит 36-ҩык.

5
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны 68-ҩык аҿкы рыдырбалеит, ҩыџьа рыԥсҭазаара иалҵит

11
(ирҿыцуп 20:10 29.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4126-ҩык ыҟоуп. Урҭ рахьтә ргәы бзиахеит 2170-ҩык, рыԥсҭазаара иалҵит 38-ҩык.

АҞӘА, жьҭаара 29 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 427 ҟаҵан, урҭ рахьтә акоронавирус аарԥшын 68 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Аоперштаб иара убас иаанацҳаит жьҭаара 29 рзы Гәдоуҭатәи агоспиталь аҿы лыԥсҭазаара дшалҵыз 1976 шықәсазы ииз апациент. Лара ахәышәтәырҭа дҭашәеит жьҭаарамза 13, лыԥсыԥ лагаҩагара акыр илцәыцәгьаны, ҩганктәи агәыҵәкра лыманы. Иақәнагаз атерапиа шлзымҩаԥыргозгьы, жьҭаара 29 рзы лдунеи лыԥсахит.

Жьҭаара 29 рзы рзы иԥсыԥ лагаҩагара акыр ицәыцәгьаны, ҩганктәи агәыҵәкра иманы аҟәатәи амобильә госпиталь аҟны ишьҭаз апациент иԥсҭазаара далҵит, иақәнагаз атерапиа шизымҩаԥыргозгьы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 135-ҩык ауааԥсыра, урҭ рахьтә 113-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 29-ҩык, ибжьаратәуп - 36-ҩык, илҩаауп 13-ҩык апациентцәа. Гәдоуҭатәи агоспиталь иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 55-ҩык апациентцәа. 51-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

11
Атемақәа:
Ачымазара ҿкы – акоронавирус Аԥсни адунеи аҿи: иалкаау