Путин иаалырҟьаны ар разыҟаҵашьа гәаҭатәуп ҳәа рылеиҳәеит

19
(ирҿыцуп 13:16 17.07.2020)
Иазыԥхьагәаҭоуп урыстәылатәи ар Урыстәыла алада-мраҭашәаратәи ахәҭа ашәарҭадара шеиқәдыршәо ахәшьара аҭара.

АҞӘА, ԥхынгәы 17 - Sputnik. Урыстәыла ахада Владимир Путин иаалырҟьаны адҵа ҟаиҵеит Аладатәии Мраҭашәаратәии арратә округқәа разыҟаҵашьа гәаҭазарц ҳәа аанацҳауеит РИА Новости Атәылахьчара аминистрра адыррақәа ҵаҵӷәыс иҟаҵаны.

Агәаҭарақәа раан иазыԥхьагәаҭоуп урыстәылатәи ар Урыстәыла алада-мраҭашәаратәи ахәҭа ашәарҭадара шеиқәдыршәо ахәшьара аҭареи цәыббрамзазы имҩаԥысраны иҟоу аҽазыҟаҵарақәа "Кавказ-2020" ишазыхиоу агәаҭареи.

Урыстәыла атәылахьчара аминистр Сергеи Шоигу аусбарҭа анапхгара реилацәажәараан иҳәеит ауснагӡатә ишадыԥхьалоу 149 нызқьҩык аррамаҵзурауааи, 26,8 нызқь арратә техникеи, 414 ԥрыгеи, 106 ӷбеи.

Иазыԥхьагәаҭоуп 56 ҽазыҟаҵара 35 полигон рҟны рыымҩаԥгара. Иара убасгьы аҽазыҟаҵарақәа мҩаԥысуеит Амшын Еиқәеи Каспитәи амшыни рполигонқәа 17 рҿы.

Аладатәи арратә округ аруаа Аԥсны иҟоуп 2009 шықәса раахыс.

Иара убас шәаԥхьар ҟалоит:

19

Алаҵа "Спутник V" 95% хра аманы ахы аанарԥшит

2
(ирҿыцуп 16:02 24.11.2020)
Асеиԥш шьақәырӷәӷәоуп хатәгәаԥхарала алаҵа ҟазҵаз ма плацебо зырҭаз 18 794-ҩык рыҭҵаара ашьҭахь.

АҞӘА, абҵара 24 - Sputnik. Акоронавирус аҟынтәи урыстәылатәи алаҵа "Спутник V" 95% хра аманы ахы аанарԥшит ианыҟарҵа ашьҭахь 42-тәи амш азы.
28-тәи амш азы ари арбага 91,4% иҟан.

Аҟазауаа ишырҳәо ала  абжьаратә ҩаӡараҳарак рыԥхьаӡоит х-статистикатә гәаҭара рыла: иԥыршәо рҟынтәи 20, 39, 78 чымазара хҭыс разгәаҭарала.

"Аҵак ду аманы иҟоуп аҩбатәи абжьаратә анализ. Уи ишьақәнарӷәӷәеит "Спутник V" актәи аетап аан иазыҟаҵаз ахәшьара. Уажәы ҳара иаҳҳәар ҳалшоит алаҵа 91-92% хра аманы иҟоуп ҳәа", - иҳәеит Гамалеиа ихьӡ зху Амилаҭтә центр адиректор, алаҵа аус адызулоз Александр Гинцбург.

Иара иҳәеит ахԥатәи абжьаратә анализ амҩаԥгара азыԥхьагәаҭоуп хатәгәаԥхарала иҟазҵаз рахьтә 78 COVID-19 хҭыс ҟалар.

"Ҳақәгәыӷуеит алҵшәақәа ҳшырзыԥшыз аиԥш иҟалоит ҳәа. Ахыркәшаратә хәшьара ҳауеит III аклиникатә ҭҵаарақәа рфаза ашьҭахь", - иҳәеит аҵарауаҩ.

Урыстәыла атәылауаа рзы "Спутник V" хәыдаԥсадахоит, ҳәа рҳәеит аинвестициақәа Урыстәылатәи рфонд аҿы. Жәларбжьаратәи аџьармыкь аҿы дозак 20 доллар иаԥсахоит.

Иара убас шәаԥхьар ҟалоит:

2
Атемақәа:
Ачымазара ҿкы – акоронавирус Аԥсни адунеи аҿи: иалкаау
Джефф Безос

Адунеи аҿы реиҳа амал змоу ауаҩ ихьӡ ҳәоуп

4
Амаҵзура Bloomberg аекспертцәа Bloomberg Billionaires Index (BBI) рҿыцны иазгәарҭоит адунеи аҿы реиҳа амал змоу рмал заҟароу.

АҞӘА, абҵара 24 - Sputnik. Bloomberg Billionaires Index (BBI) ареитинг ала адунеи аҿы аԥыжәара игеит Amazon ашьаҭаркҩы Џьефф Безос, аанацҳауеит Блумберг амаҵзура.

Безос имал иартәеит 182 миллиард доллар.

Аилахәыра SpaceXи Tesla анапхгаҩы Илон Масксместил аҩбатәи аҭыԥ ахь днеиит Microsoft ашьаҭаркҩы Билл Геитс иаԥганы. Маска 127,9 миллиард доллар имоуп, шықәсык ала 100,3 миллиард доллар рыла еиҳатәны.

SpaceX ахада ажьырныҳәамзазы 35 аҭыԥ никылозар, уажәы Microsoft ашьаҭаркҩы Билл Геитс иаԥигеит.

Билл Геитс 127,7 миллиард доллар иманы ахԥатәи аҭыԥ ахь днеиит.

Реиҳа ималуаҩу ахәҩык рахь иара убас иаҵанакит: Louis Vuitton Moët Hennessy ахада Бернар Арно, Facebook ашьаҭаркҩы Марк Цукерберг.

4

Аԥсны акоронавирус аламырҵәаразы аԥкра ҿыцқәа ирыцҵоуп ажьырныҳәа 12-нӡа

5
(ирҿыцуп 22:20 24.11.2020)
Аԥсны акоронавирустә чымазара ҿкы аламырҵәаразы иназыцҵоу аԥкрақәа ралагаларазы адҵа инапы аҵаҩын жьҭаара 13 рзы, урҭ рыҿҳәара нҵәон абҵара 24 рзы.

АҞӘА, абҵара 24 - Sputnik. Аԥсны ахада Аслан Бжьаниа аусдҵа инапы аҵеиҩит. Уи инақәыршәаны аԥкырақәа рыҿҳәара инахахоит 2021 шықәса ажьырныҳәа 12 рҟынӡа ҳәа аанацҳауеит ахада исаит.

Аусдҵа анапы аҵаҩуп Акоординациатә штаб 2020 шықәса абҵара 20 азтәи аӡбра шьаҭас иҟаҵаны.

Аусдҵа ҿыц инақәыршәаны ареспубликаҿы 2021 шықәса ажьырныҳәа 12 рҟынӡа азин ыҟам:

  • Ашколқәраҟынӡатәии азеиԥшҵаратәи еиҿкаарақәа русура урҭ реиҿкаара-зинтә формеи рхатәтәратә формеи ирыхьмырԥшыкәа;
  • Амассатә спорттә, агәмырҿыӷьгатә, ацәыргақәҵатә уснагӡатәқәа иарку аҭыԥқәа рҿы рымҩаԥгара;
  • Акультуратә усҳәарҭақәа (атеатрқәа, амузеиқәа, абиблиотекақәа, акультуратә центрқәа, акультура аханқәа, аконцерттәи ацәыргақәҵатәи залқәа) русура;
  • Афитнес-центрқәа, атренажиортә залқәа, аӡсарҭатәбассеинқәа, СПА-салонқәа, асаунақәа русура;
  • Арҵаратә кружокқәа, аспорттә, акәашаратә, арепетициатә секциақәа русура;
  • Акомпиутортә залқәа, абоулингқәа, ахәыҷтәы хәмарырҭатә центрқәа, егьырҭ аԥсшьарҭатә ҭыԥқәа;

Ауааԥсыра ирабыжьгоуп ауаажәларратә ҭыԥқәа рҟны рыҟазаараан ахыхьчаратә хархәагақәа ах рархәара, аԥсрақәеи аԥсхәрақәеи ирылахәу ауааԥсыра рхыԥхьаӡара рырмаҷра, аныҳәақәа раан акульттә обиектқәа (аҵакырақәа) рҟны ауаа рырмаҷра.

Абри аамҭазы икоммерциатәуи иккоммерциатәыми аиҿкаарақәа ирабжьгоуп руалафахәы рызныжьны 60 шықәса ирҭысхьоу, ашколқәраҟынӡатәии алагарҭатә школқәреи (1-4 аклассқәа) ирыҵаркуа ахәыҷқәа змоу русзуҩцәа рхы иақәиҭыртәырц ажьырныҳәа 12 2021 шықәсанӡа рулафахәы рызныжьны.

Аҟәа ақалақьи араионқәеи рҟны афатә, ақыҭанхамҩатә, ацәамаҭәатә џьармыкьақәа рҟны апрофилактикатә рзҩыдара мҩаԥгалатәуп.

Араионқәа рхадарақәа еиҿыркаароуп есыҽнтәи арзҩыдаратә усурақәа ауаажәларратә транспорт аҿы, атранспорт арныҟәцаҩцәа асабрадақәа рҿазароуп, амедицинатә напхаҵақәа ныҟәыргозароуп. Иара убасгьы иҟалом ахыхьчага зхы иазмырхәо апассаџьырцәа рныҟәгара.

Ауаажәларратә крыфарҭақәа ирабыжьгоуп робиектқәа ртәарҭақәа 50 процент рхы иархәаны атәылауаа рымаҵура иазку аишәақәа рыбжьара асоциалтә дистанциа (1,5 метра) рыбжьаҵарац, амаҵ зуа аусуҩцәа хаҭалатәи ахыхьчагақәа (амедицинатә сабрадақәеи амедицинатә напҭарҧақәеи) рхархәаразы аҭаххарақәа ирықәныҟәаларазы.

5
Атемақәа:
Ачымазара ҿкы – акоронавирус Аԥсни адунеи аҿи: иалкаау