Урыстәылатәи аҵараиурҭақәа рахь аԥышәарақәа рыҭира арыцхәқәа шьақәыргылоуп

12
(ирҿыцуп 19:58 24.07.2020)
Аԥснытәи абитуриентцәа урыстәылатәи аҵараиурҭақәа рахь рыдкылара мҩаԥысуеит адистанциатә формала.

АҞӘА, ԥхынгәы 24 - Sputnik. Урыстәылатәи аҵараиурҭақәа рахь аԥснытәи абитуриентцәа рзы аԥышәарақәа рыҭира арыцхәқәа шьақәыргылоуп ҳәа аанацҳауеит Аԥсны иҟоу Россотрудничество ахаҭарнакра Telegram канал аҿы.

Иазгәаҭоуп онлаин семинар амҩаԥгашьа иазку аинструкциақәеи аилыркаарақәеи хара имгакәа икьыԥхьхоит ҳәа. Уи аҳәаақәа ирҭагӡаны азҵаарақәа руҭар ҟалоит аҵараиурҭақәа рхаҭарнакцәа.

Аурыс бызшәа, ахимиа, ауаажәларрадырра рзы Урыстәыла аиҳабыра рнапаҵаҟа иҟоу афинансқәа руниверситет аҿы:

  • Аурыс бызшәа – нанҳәа 1,
  • Ахимиа, ауаажәларрадырра – нанҳәа 1.

Аматематиказы атестқәа мҩаԥгахоит Москватәи афизика-техникатә институт (МФТИ) аҿы:

  • аматематика – нанҳәа 9.

2020 шықәса рзы аԥсуа студентцәа урыстәылатәи аҵараиурҭақәа рҿы рҵараҵаразы 50 квота рзалхуп.

Иара убас шәаԥхьар ҟалоит:

  • Урыстәылатәи аҵараиурҭақәа рҭаларазы аԥышәарақәа рыҿҳәара нықәырԥшны еилкаауп
12

Медведев Урыстәылеи Америкеи реизыҟазаашьа ахәшьара аиҭеит

1
Медведев иажәақәа рыла, аҵыхәтәантәи аамҭақәа рзы Урыстәылеи Америкеи аконфронтациа мҩа, "аибашьра хьшәашәа" аамҭа иазыхынҳәит.

АҞӘА, мшаԥы 23 - Sputnik. Дмитри Медведев Урыстәылеи Америкеи реизыҟазаашьа ахәшьара аҭео иҳәеит акризис ҟазшьа амоуп ҳәа. Абри атәы аанацҳауеит РИА Новости.

Иара игәаанагарала, арҭ рҩызцәа аҭагылазаашьақәа иҵегь еибарххар зылшо аҭагылазаашьақәа, бџьаршьҭыхла аиҿагылараҟынӡа инанагар алшоит.

"Аҳәынҭқаррақәа ҩба рыбжьара аамҭарацәала асеиԥш иҟоу аизыҟазаашьақәа аныҟоу акризис ауп иахьӡу", - ҳәа иҳәеит иара.

Медведев абри аконтекст ала игәалаиршәеит 1962 шықәсазтәи Карибтәи акризис. "Усҟантәи аамҭақәа даҽакала ишыҟазгьы, аҭагылазаашьақәа акыр еиԥшуп", - ҳәа иҳәоит иара.

Иазгәеиҭеит ЕАА адәныҟатә политика Асовет еидгыла асеиԥш аҭак аҟаҵарахь ишагәыҵасуаз.

1950-1960-тәи ашықәсқәа раан ас шакәыз ҿырԥштәыс иҟоуп америкатәи аракетақәа Ҭырқәтәыла, Аладатәи Виетнам, Ливан рықәыргылара.

"Иахьа – уи иаҿырԥштәәны иҟоуп асанкциақәа, НАТО Урыстәыла аҳәаақәа рзааигәахара, "Северный поток 2" аҿагылара, украинатәи азҵаара уҳәа егьырҭгьы. Асеиԥштәи аполитика есыҽны иаабо ауп" ҳәа иҳәеит Медведев.

1

Шоигу урыстәылатәи архәҭақәа рҿы аҽазыҟаҵара агәаҭара шхыркәшоу иҳәеит

2
(ирҿыцуп 11:13 23.04.2021)
Ҟрымтәи аполигон Опук аҟны имҩаԥысит Урыстәыла ар рҽазыҟаҵарақәа. Урҭ ирылахәын жәанызқьҩык инареиҳаны ар, 1,2 нызқь арратә техника, 40 еибашьыга ӷба.

АҞӘА, мшаԥы 23 - Sputnik. Урыстәыла атәылахьчара аминистр Сергеи Шоигу Ҟрым имҩаԥысуаз аилацәажәараҿы аҳәамҭа ҟаиҵеит Аладатәии Мраҭашәаратәии арратә округқәа рыруаа разыҟаҵара агәаҭара хыркәшаны мшаԥы 23 рзы аруаа ргыларҭа ҭыԥқәа рахь ишыхынҳәуа. Абри атәы аанацҳауеит РИА Новости.

Шоигу иҳәеит Аладатәии Мраҭашәаратәии арратә округқәа рыруаа разыҟаҵараан рҿаԥхьа иқәгылаз ауснагӡатәқәа зегьы шьахәны инарыгӡеит ҳәа.

"Иахьа (мшаԥы 22 рзы - аред.) аполигон "Опук" аҿы имҩаԥысит Аладатәи арратә округи Аҳаир-десанттә ари реицҽазыҟаҵара ахыркәшаратә етап. Ар қәҿиарала рнапынҵатә комплекс нарыгӡеит Урыстәыла аладатәи аҳәаақәа рыхьчаразы", - иҳәеит иара мшаԥы 22 рзы.

Аминистр иазгәеиҭеит Аҩадаатлантикатә алианс Урыстәыла аҳәаақәа рааигәара активла ахы шымҩаԥнаго.

"Ари арегион аҿы НАТО аруаа активла рхы аадырԥшуа иалагеит. Аԥшыхәратә усқәа мҩаԥыргоит", -  иҳәеит Шоигу.

Ҟрымтәи аполигон Опук аҟны имҩаԥысит Урыстәыла ар рҽазыҟаҵарақәа. Урҭ ирылахәын жәанызқьҩык инареиҳаны ар, 1,2 нызқь арратә техника, 40 еибашьыга ӷба.

Иара убас шәаԥхьар ҟалоит:

2

Ҷкотуа: аиҳабацәа рхымҩаԥгашьала ҳрааӡон ҳаныхәыҷыз

0
(ирҿыцуп 16:51 23.04.2021)
Амилаҭтә культура иадҳәалоу абзиарақәа реиқәырхашьа, аҭаацәареи ахшареи реимадара, ааӡараҟны иҟоу ахьысҳарақәа зыхҟьо ирылацәажәеит арадио Sputnik аефир аҟны ауаажәларратә усзуҩ Октаи Ҷкотуеи аетнограф, аҭоурыхтә ҭҵаарадыррақәа ркандидат Виктор Аҩӡбеи.
Ҷкотуа: аиҳабацәа рхымҩаԥгашьала ҳрааӡон ҳаныхәыҷыз

"…Сара сазхәыцуеит саныхәыҷыз сани, саби, сандуи ҷыдала ҳрааӡозма ҳәа. Мамоу. Абри ҳқыҭаҟны иҟаз зегьы рхымҩаԥгашьала ҳрааӡон. Абри абри ауп ҳәа ҳарҳәаӡомызт. Ус ишыҟоу иаҳдырбон рыԥсҭазаашьала, рныҟәашьала, ртәашьа-ргылашьала, реизыҟазаашьала. Урҭ уахьрыхәаԥшуаз ухы уааӡон, убри аҩыза аҭагылазаашьа ыҟан", - иҳәеит Ҷкотуа.

Аиҿцәажәара инарҭбааны шәазыӡырҩы аудиофаил аҟны.

0