Sputnik Беларусь акорреспондент Минск даанкылоуп

© Sputnik / Viktor Tolochko / Амедиаҵәахырҭахь аиасраСотрудники правоохранительных органов во время акции протеста на одной из улиц в Минске
Сотрудники правоохранительных органов во время акции протеста на одной из улиц в Минске - Sputnik Аҧсны
Анапаҵаҩра
Нанҳәа 9 рзы Минск алхырҭатә ҭыԥқәа анадыркы ашьҭахь закәаншьаҭддатәи аҿагыларатә акциақәа ирылагеит.

АҞӘА, нанҳәа 10 - Sputnik. Sputnik Беларусь акорреспондент Евгени Олеиник дааныркылеит Минск иҟаз аилаҩеиласрақәәа рышьҭахь ҳәа аанацҳауеит Sputnik Беларусь Telegram-канал.

"Ашьыжь, асааҭ 6 рзы аҩныҟа дцон Ацхыраара ласы аҿы ааха зауз ирызкыз аматериал рхианы. Аредакциеи ажурналисти реимадара уажәоуп ианыҟалаз", - аҳәоит адырраҭараҿы.

Алхрақәа мҩаԥысит нанҳәа 9 рзы. Алхырҭатә ҭыԥқәа шадыркызҵәҟьа, асааҭ 20:00 рзы Минск ауаа аизара иалагеит. Амҽыша ауха зиншьаҭада аҿагыларатә акциақәа ирылагеит Белоруссиа ақалақьқәак рҿы. Асааҭ 22:00 рзы аҿагылара ҟазҵози азинхьчаратә органқәа русзуҩцәеи еиҿанагалеит. Минск агәҭа абаррикадақәа ргылан. Амилициа рхы иадырхәеит аӡыршәгақәа, агаз. Иҟоуп ааха зауны ахәышәтәырҭахь инанагаз.Минск агәҭа еизаз иаанкылоу ауаа амилициаа ирыцрырҟьарц рҽазыршәеит. Азинхьчаҩцәа ражәақәа рыла аӡәы дҭахеит. Уажәтәи аамҭазы аҭагылазаашьа ҭынчроуп.

Атәыла АКХ адыррақәа рыла Лукашенко 80,23% алхыҩцәа рыбжьы ирҭеит. Убри аан Светлана Тихановскаиа лыштаб РИА Новости иазеиҭарҳәеит АКХ алкаақәа шазхарымҵо. Иазгәарҭеит ареспублика араионқәа рҟынтәи адыррақәа рыла лара 70-80% абжьы лоуит ҳәа.

Иара убас шәаԥхьар ҟалоит:

Ажәабжьқәа зегьы
0