Израильтәи аиммунолог COVID-19 азы урыстәылатәи алаҵа ахә ҳаракны ишьеит

9
Ииасыз амчыбжь азы Урыстәыла Агәабзиарахьчара аминистрра ашәҟәы иҭанагалеит адунеи аҟны ираԥхьатәиу акоронавирустә инфекциазы алаҵа.

АҞӘА, нанҳәа 17 - Sputnik. Акоронавирустә инфекциазы урыстәылатәи алаҵа егьырҭ атәылақәа рҿы аус зыдулоу алаҵақәа раасҭа акыр хра амоуп, акритика акәзар, аполитикатә ҟазшьа амоуп ҳәа РИА Новости иазеиҭалҳәеит аиммунолог, Хадасс ауниверситеттә клиника атрансплантациеи аиммунотерапиеи рыҟәша аиҳабы, апрофессор Полина Степенскаиа.

"Урыстәылатәи аҵарауааи урыстәылатәи амедикцәеи ирзуҳәар ауеит "браво!". Иаԥырҵаз алаҵа рыҳаҭыр акыр ишьҭнахит. Ҵарауаҩык, ҳақьымк иаҳасаб ала исҳәоит аҭҵаарадырра акыр ԥхьаҟа иргеит ҳәа", - лҳәеит Степенскаиа.

Лара лажәақәа рыла, урыстәылатәи алаҵа аԥҵан уаанӡа ибзианы зхы аазырԥшхьаз атехнологиа ала – шьаҭас ауаҩытәыҩса иаденовирус аҭаны.

Степенскаиа ишылҳәо ала, алаҵа иазыҟарҵо акритика иахьырзеилымкаау ауп изыхҟьо.

Апрофессор-иммунолог излалыԥхьаӡо ала, алаҵа ашәҟәы аҭагалареи излаҵоу еиҳа инарҭбааны рыҭҵаареи еиқәыршәаны рымҩаԥгара акгьы иаԥырхагам. Алаҵа рзыҟаҵахоит аиҳарак авирус иадҳәалахар ауа – арҵаҩцәеи амедицинатә усзуҩцәеи.

Алаҵа аҳәаанырцәтә прессаҿы иазыҟарҵо акритика аполитикатә ҟазшьа амоуп. Иара авторцәа ирыздырам алаҵа зхәыцыз, урҭ русумҭақәа ҳәа азылыԥхьаӡоит апрофессор.

"Акритика политикоуп. Иахьынӡазбо ала, алаҵа акритика азызуа урыстәылатәи апресса иаԥхьом, амедицинатә усумҭақәа рыздырам. Алаҵа хәыцуп Н.Ф. Гамалеи ихьӡ зху аинститут аҿы. Аинститут аԥҵоуп 1891 шықәса рзы. Аҭоурых ду амоуп. Сара аус адызулаз ринтервиуқәа срыԥхьеит. Урҭ ҟазауааҵәҟьоуп. Иарбанызаалак аҵараиурҭа урҭ рызцәа апрофессионалцәа иреигәырӷьаны иаднакылоит", - лҳәеит Степенскаиа.

Апрофессор РИА Новости акорреспондент иалҳәеит лхаҭа акы дацәымшәо алаҵа ҟалҵар шлылшо, амедицинатә центр "Хадасс" РФПИ анапхгаҩы К. Дмитриев иахь аҳәара шыҟанаҵахьоу алаҵа аҭҵаара алахәхаразы.

Аденовирустә вектор шьаҭас измоу алаҵа нанҳәа 11 рзы Урыстәыла агәабзиарахьчара аминистрра ашәҟәы иҭанагалеит. Абас ала иара адунеи аҿы ираԥхьатәиу акоронавирус SARS-COV-2 иаҿагыло лаҵоуп.

Адунеи аҟны раԥхьатәи ашәҟәы иҭагалоу акоронавирус азы алаҵа "Спутник V" ахьыӡҵоуп, 1957 шықәса рзы аҳауа иалаҵаз Адгьыл иԥсабаратәым аспутник аналогиала.

Агәабзиарахьчара аминистр Михаил Мурашко иҳәеит алаҵа аҭыжьра ишалаго Гамалеи ацентри аилахәыра "Биннофарми".

Алаҵа аҭирҭахь инаргоит 2021 шықәса ажьырныҳәа 1 инаркны.

Иара убас шәаԥхьар ҟалоит:

9
Атемақәа:
Ачымазара ҿкы – акоронавирус Аԥсни адунеи аҿи: иалкаау (707)

Краснодартәи атәылаҿацә аҿы 92-ҩык COVID-19 рыдбалоуп

4
(ирҿыцуп 16:52 18.09.2020)
Иахьатәи аамҭазы Урыстәыла иахьаҵанакуа 1 091 186 акоронавирус хҭыс шьақәырӷәӷәоуп 85 регион рҿы. Аҵыхәтәантәи уахыки-ҽнаки рыла 5905-ҩык ирыдбалан акоронавирус.

АҞӘА, цәыббра 18 – Sputnik. Краснодартәи атәылаҿацә аҿы иаҳхысыз уахыки-ҽнаки рыла 92-ҩык акоронавирус рыдырбалеит ҳәа аанацҳауеит Краснодартәи атәылаҿацә ахадара.

"Краснодар 35-ҩык COVID-19 рыдбалан, Гориачи Клиуч – 7,  Шәача – 12, Крыловски араион – 6,  Новороссиск – 5, Абинск – 3,  Белоглинск – 3, Апшеронск, Крымск, Красноармеиск, Белореченск, Каневск араионқәа рҿы ҩыџьа-ҩыџьа,  Анапа, Кушьчевск,  Выселковск, Славианск, Калининском, Приморско-Ахтарск, Гулькевичск, Усть-Лабинск араионқәа рҿи Армавири – аӡәаӡәа чмазцәахеит ",  - ҳәа аҳәоит адырраҭараҿы.

Цәыббра 18 азтәи адыррақәа рыла амедицинннатә усҳәарҭақәа рахь идҵаалахьеит COVID-19 агәаҭаразы 43062-ҩык. Аполиклиникақәа рҿи аҩни хылаԥшра рымоуп 4672-ҩык, 966-ҩык хәыҷқәоуп.

Алабораториақәа 965 909 ҭҵаара мҩаԥыргахьеит. Зынӡа 12 843 коронавирус хҭыс азгәаҭоуп.

Акоронавирус иазку ажәабжьқәа шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау (707)

Ҟәбан 93 коронавирустә хҭыс ҿыц аарԥшуп

8
(ирҿыцуп 21:59 22.09.2020)
Уахыки-ҽнаки рыла Урыстәыла иазгәаҭоу COVID-19 ахҭысқәа даҽа 5762 ацлеит. Зынӡа апандемиа иалагӡаны атәылаҿы иаарԥшуп 1 085 281 ачымазара ахҭысқәа.

АҞӘА, цәыббра 17 – Sputnik. Краснодартәи атәылаҿацә аҟны иаҳхысыз уахыки-ҽнаки рыла COVID-19 ахҭыс ҿыцқәа 93 шьақәыргылоуп ҳәа аанацҳауеит атәылаҿацә ахадара.

Акоронавирус аарԥшын Ҟәбан амуниципалтә еиҿкаарақәа 18 рҿы.

"Краснодар ақалақь аҿы ачымаза рцәа ишалоу шьақәырӷәӷәахеит 41-ҩык. Гориачи Клиучи Крыловтәи араиони рҟны хәҩык-хәҩык ачымазцәа аарԥшуп. Кушьиовтәи, Кавказтәи, Апшеронтәи, Славиантәи, Каневтәи араионқәеи Новороссииск ақалақьи рҟны ԥшьҩык-ԥшьҩык. Павловтәи, Северсктәи, Калининтәи араионқәа рҟны акоронавирустә хҭысқәа хԥа-хԥа азгәаҭоуп. Анапа, Крымтәи, Белоречентәи араионқәа рҟны ҩба-ҩба. Выселковтәи,  Бриуховецктәи, Тҟәаԥстәи араионқәа рҟны аӡәаӡәа пациент ыҟоуп", - ҳәа азгәаҭоуп аацҳамҭаҿы

Апандемиа ҟалеижьҭеи Ҟәбан зынӡа иаарԥшуп 12 751 коронавирустә хҭысқәа, урҭ рахьтә 862 – ахәыҷқәа рҟны. 10 069-ҩык апациентцәа ргәы бзиахахьеит, аҵыхәтәантәи уахыки-ҽнаки рыла 52-ҩык рыҩныҟақәа иоурышьҭит. Рыԥсҭазаара иалҵит 231, иахьазы 37-ҩык рҭагылазаашьа хьанҭаны иҟоуп.

Акоронавирус иазку аҵыхәтәантәи ажәабжьқәа зегьы шәрыԥхьар ҟалоит абра>>

 

8
Атемақәа:
Ачымазара ҿкы – акоронавирус Аԥсни адунеи аҿи: иалкаау (707)

Sputnik аҿы иалацәажәоит самбо азы Афон ҿыц имҩаԥысуа XVII Жәларбжьаратәи атурнир

3
(ирҿыцуп 09:29 23.09.2020)
Цәыббра 23 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Афон ҿыц имҩаԥысуа XVII-тәи Жәларбжьаратәи атурнир иазку апресс-конференциа.

Апресс-конференциа иалахәхоит:

  • Михаил Чалмаз - дзиудои самбои рзы Аԥсны Афедерациа ахада
  • Михаил Пиканин - дзиудои самбои рзы Аԥсны Афедерациа ахантәаҩы
  • Андреи Погосов - дзиудои самбои рзы Аԥсны Афедерациа ахада ихаҭыԥуаҩ
  • Роберт Новоиан - дзиудои самбои рзы Аԥсны Афедерациа ахада ихаҭыԥуаҩ

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

3