Ҩыџьа ҭахеит: иҟоузеи Белоруссиа

10
(ирҿыцуп 09:35 18.08.2020)
Белоруссиа аа-мшы ирықәуп аҿагыларатә акциақәа мҩаԥысуеижьҭеи ахада иалхрақәа рышьҭахь. Алхрақәа раан, АКХ аихшьаалақәа рыла, Александр Лукашенко аиааира игеит.

АҞӘА, нанҳәа 18- Sputnik. Белоруссиатәи акциақәа раан ҩыџьа ҭахеит ҳәа аанацҳауеит Sputnik Беларусь, Агәабзиарахьчара аминистр Владимир Караник иажәақәа ҵаҵӷәыс иҟаҵаны.

Аминистр абри атәы реиҳәеит аусбарҭа ахыбра аҿаԥхьа еизаз аҳақьымцәа.

Иара иажәақәа рыла, акциақәа раан ҩыџьа ҭахеит. Ахәышәтәырҭақәа ирҭоу рхыԥхьаӡара 158-ҩык ыҟоуп. Урҭ рҟынтәи аӡәгьы иҭагылазаашьа шәарҭам.

Аԥхьа дҭахеит Александр Тараиковски. Аҩбатәи иҭахаз ахәышәтәырҭахь днаган, аха уа иҭагылазаашьа еицәахан, иԥсҭазаара далҵит.

Иара уаанӡа 10-мш ҳәа даанкыланы дҭакын.

Аҿагыларақәа аабатәи рымш

Ашәахьаҽны Белоруссиа ахада Александр Лукашенко абарбал зҵоу Минсктәи атрактортә зауад ахь днеиит аусуцәа дрыҿцәажәарц.

Белоруссиа ахада иалхразы алхра ҿыцқәа мҩаԥгахар ҟалоит Аконституциа ҿыц анрыдыркылалак ашьҭахь ҳәа иҳәеит Александр Лукашенко.

"Аконституциа ҿыц ҳадаҳкылароуп. Уи зегьы ишәҭахыз ауп, иаҳҿагылоугьы мап ацәыркуам. Иара ареферендум аҿы ирыдыркылароуп, избанзар уаанӡатәи Аконституциагьы ареферендум аҿоуп иахьрыдыркылаз", – ҳәа Лукашенко иажәақәа аанагоит Sputnik Беларусь.

Аԥшьашаахыс атәыла анаплак дуқәа рҟны аҿагыларатә митингқәа ирылагеит.

Асааҭ 17:40 рзы Белоруссиатәи аметаллургиатә зауад аштаттә усура хацнаркит.

Анаплакы аусуцәа анапынҵамҭақәа еизыргоит официалла нанҳәа 20 рзы официалла азабастовкақәа ирылагарц.

Асааҭ 18:38 азы Ахьыԥшымра ашҭаҿы ауаа аизара иалагеит.

Минск, СИЗО №1 аҿгьы ауаа еизеит. Уаҟа Сергеи Тихановски, Светлана Тихановскаиа лхаҵа, дҭакуп ҳәа агәаанагара ыҟоуп.

Белоруссиа ахада иалхра

Нанҳәа 9 рзы Белоруссиа атәыла ахада далырхуан. Атәыла АКХ адыррақәа рыла, аԥыжәара игеит Александр Лукашенко, 80 процент иманы, иара иоппонент хада Светлана Тихановскаиа — 10,12 процент лоуит.

Арҭ арбагақәа ирықәшаҳаҭмыз ауаа нанҳәа 9 ауха ақалақьқәа рымҩадуқәа рахь икылсит. Абри аамҭала Белоруссиа иаанкылоуп быжь-нызқьҩык рҟынӡа, ахәышәтәырҭақәа рахь инагоуп шәҩыла ауаа. Аҩныҵҟатәи аусқәа иҟарҵоз адыррақәа рыла, шәҩыла ауаа аахақәа рымоуп, аӡәы дҭахеит.

10

Урыстәыла иуниверсалтәу аԥсабаратә антибиотик аадырԥшит

7
(ирҿыцуп 13:41 24.09.2020)
Тиументәи аҳәынҭқарратә университет аҵарауаа ргәаанагарала Аемерициллипсин А ԥеиԥш змоу акәны иҟоуп зхала иҟоу хәшәык аҳасабалагьы, апрепаратқәа реилазааралагьы. Атерапиа амҩаԥгара алшоит агәырлаҵаралаеиԥш хьшьралагьы.

АҞӘА, цәыббра 24 – Sputnik. Урыстәыла аҵарауаа иуниверсалтәу аԥсабаратә антибиотик аадырԥшит. Иара ахәшәқәа рахь ачымазара арҵысра аҽацәнахьчоит ҳәа аанацҳауеит РИА Новости аҭҵаарадырратә журнал Applied Biochemistry and Microbiology адыррақәа ҵаҵӷәыс иганы.

Аарԥшымҭа авторцәа, Тиументәи аҳәынҭқарратә университет аҵарауаа, ргәаанагарала – иаарԥшу амаҭәашьар ауаҩытәыҩсеи аԥстәқәеи акәыкәбаақәеи абактериақәеи ирхырҟьаны ирыхьуа аҿкчымазарақәа рҿагылара алшоит.

Тиументәи аҳәынҭқарратә университет аҵарауаа адунеи аҟны раԥхьаӡа акәны акәыкәбаа Emericellopsis alkalina иалҵуа емерициллипсина А апептид аадырԥшит.

Аҵарауаа ишырҳәаз ала, емерициллипсин А рҿагылара алшоит — ачырақәа, абактериатәии акәыкәбаатәии ҿкырақәа.

Аҭҵаарақәа мҩаԥысуан Тиументәи аҳәынҭқарратә университети Гаузе ихьӡ зху антибиотикқәа ҭызҵаауа Аҭҵаарадырратә институти, Роспотребнадзор аепидемиологиатә институти, Шемиакинаи Овчинникови рыхьӡ зху абиоорганикатә химиа Аинститути рҵарауаа русеицурала.

Аҵарауаа ирыгәҭакуп апрепарат алаборатортә ԥышәарақәа рылагара.

7

COVID-19 аҟынтәи алаҵа ацәгьареи абзиареи ирылацәажәеит

3
(ирҿыцуп 10:27 24.09.2020)
Адунеи аҟны акоронавирус иаҿагылоу раԥхьатәи алаҵа Урыстәыла иҭыжьуп. "Спутник V" – авектортә ҟазшьа змоу препаратуп.

АҞӘА, цәыббра 24 – Sputnik. Адунеи зегьы аҿы аус здыруло COVID-19 аҟынтәи алаҵа хә-технологиатә платформак рҟны аус адырулоит. Дара зегьы хазы-хазы аԥыжәарақәа рымоуп, агхақәа шрымоу еиԥш. абри атәы РИА Новости иазеиҭарҳәеит Роспотребнадзор апресс-маҵзураҿы.

Апрепарат ахкқәа:

  • иаку;
  • авирус ҟазшьа змоу ашьаҭалатә;
  • РНКи ДНКи лаҵақәа;
  • Авектортәқәа;
  • иԥсыҽуи иактивуи.

Аиҳарак — иаку роуп. Дара "атехнологиатә шәарҭадара" рымоуп, аус рыдулараан зыԥсы ҭоу авирус ахы иахьархәамыз азы.

Апрепарат иалоу авирустә хӡы ауп. Аха инагӡаҵәҟьоу аиммунитет ашьақәыргыларазы арҭ алаҵақәа изныкымкәа иҟаҵатәхоит ҳәа рҳәоит Роспотребнадзор аҿы.

Авирус еиԥшу ахәҭақәа рыла ишьақәгылоу алаҵақәагьы авирустә хӡы алоуп ишышьақәгылоу, ишәарҭаӡам, аха дара рҭыжьра массала аларҵәаразы аԥаразоужьра ду аҭахуп.

ДНКи РНКи лаҵақәа еиҳа имариоу ҳәа ишьоуп, аха агенетикатә материал ахац аҩныҵҟа анашьҭра атехнологиа инагӡаны аус адулам, убри азы макьаназы аклиникатә ԥышәараҿы ахархәара амам.

"Имаҷымкәа алаҵахкқәа аус рыдулараан ахархәара рыман зҽеиҩызшо авирустә вектори зҽеиҩызымшо авирустә вектори. Арҭ алаҵа хкқәа рҭыжьра атехнологиа еиԥшуп: авирустә вектор агеном иаларгалоит даҽа вируск ахац акод", - еиҭарҳәеит аусбарҭаҿы.

Арҭ рҩызцәа алаҵақәа рхархәара ԥынгылас ирымоу ауаҩы ицәеижь аҿы авирустә вектор ахь ацәеижьҿагылара аҟазаароуп. Убри аан аиммунтә ҭак ҟамлар ауеит ҳәа азгәарҭеит Роспотребнадзор аҿы.

Зыԥсы ҭоу, иԥсыҽу алаҵақәа классикатә технологиатә платформақәоуп, егьырҭ раасҭагьы ахархәара рымоуп. Аинактивациа зызуу апрепарат зыԥсы ҭам авирусқәа рыла ишьақәгылоуп, убри азы акраамҭатәи аиммуннитет аиуразы изныкымкәа адкылара аҭахуп. Зыԥсы ҭоу, иԥсыҽу авирусқәа злоу апрепарат зныктәи адкылара азхоит, аха иҟоуп ашәарҭа иԥсыҽу авирус шьҭахьҟа игьежьны ачымазара арҿиоит ҳәа.

Гамалеиа ихьӡ зху аепидемиологиеи амикробиологиеи рмилаҭтә ҭҵааратә центр аҿы акоронавирус COVID-19 аҟынтәи раԥхьатәи алаҵа "Спутник V" аус адуланы ашәҟәы иҭагалан.

Урыстәыла иара убасгьы аус рыдырулоит аҽа ԥшь-лаҵак ацентр "Вектор", Чумаков и-Центр, китаитәи Sinopharm, англо-шведтәи AstraZeneca рҟны.

3
Кобахьиа Лаврик Амқәаб изы: агәаӷь змаз, пату зқәыз еибашьҩын

Кобахьиа Лаврик Амқәаб изы: агәаӷь змаз, пату зқәыз еибашьҩын

0
(ирҿыцуп 19:44 24.09.2020)
Иԥсҭазаара далҵит Аԥсны Афырхаҵа Лаврик Амқәаб. Аибашьраан Тҟәарчалтәи аполк адҵаҟаҵаҩыс иҟаз аибашьҩы арадио Sputnik аефир аҿы дигәалаиршәоит Аԥсны Афырхаҵа Аслан Кобахьиа.

 

Кобахьиа Лаврик Амқәаб изы: агәаӷь змаз, пату зқәыз еибашьҩын

Атәыла раԥхьатәи ахада Владислав Арӡынба Аԥсны Афырхаҵа ҳәа ахьӡ ду иабалак ириҭомызт ҳәа азгәеиҭеит Кобахьиа аиҿцәажәара алагамҭаз.

"Иара деибашьуан Мрагыларатәи афронт аҿы, Тҟәарчалтәи аполк командирс даман. Тҟәарчалаа ирылшаз рацәоуп аибашьраан, уи баша-маша далырхуамызт аполк еиҳабыс. Аибашьраҿы агәаӷь змаз, пату зқәыз аибашьҩы иакәын. Иареи сареи ҳаибадырит Егры ацҳаҿы Аиааира амш аҽны, убри аахыс аиҩызара ҳабжьан. Аибашьра ашьҭахь акыраамҭа Гал араион аус еицаҳаухьан. Иара аӷьеиҩҳәа иҟаз аԥсуа ҷкәына бзиа иакәын", - ҳәа иҳәеит Кобахьиа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

0