16 шықәса рҟынӡа: Урыстәыла афинансқәа рминистрра ашәарақәа рымҩаԥгашьа азгәанаҭоит

18
(ирҿыцуп 11:57 18.08.2020)
Урыстәыла Аџьазы аминистрра адыррақәа рыла, ԥхынгәымзазы 16 шықәса рҟынӡа зхыҵуа ахәыҷқәа рыхьӡала аԥарашәара мҩаԥган 26 миллионҩык рзы.

АҞӘА, нанҳәа 18 - Sputnik. Нанҳәатәи ашәарақәа мҩаԥгахоит атәыла аиҳабыра асоциалтә блок аиԥш иҟоу аусбарҭақәа рақәшаҳаҭхарала ҳәа аанацҳауеит РИА Новости, Афедерациатә хеилак асоциалтә еилакы ахада ихаҭыԥуаҩ Валери Риазански иажәақәа шьаҭас иааганы.

Риазански ишиҳәо ала, аӡбра рыдкылахоит аԥыза-министр Михаил Мишустин Мрагылара харантәи даныгьежьлак ашьҭахь.

"Аԥарашәара мҩаԥгахо имҩаԥгамхо, ма аҽа уснагӡатәқәак еиҿкаахо шьақәыргылахоит. Ашәарақәа миллиардла инаӡоит", - ҳәа иҳәеит Риазански Nation News аинтервиу аҭо.

Аҵыхәтәантәи ажәа змоу Афинансқәа рминистрроуп ҳәа азиԥхьаӡоит асенатор, избанзар 2020 шықәсазтәи абиуџьет аҿы арҭ ашәарақәа арбамызт.

Рашәарамзеи ԥхынгәымзеи рзы ашәарақәа роуразы арзаҳалқәа жьҭаарамзанӡа рыдкылара алшоит аҳәынҭмаҵзуратә портал, УАФ асаит ахь инашьҭны. Арзаҳал ахәаԥшра хәымш иадхалоит.

Зныктәи аԥараиура алшоит Урыстәыла иатәылауааны иара аҵакыраҿы инхо, Урыстәыла атәылауаҩра змоу ахәыҷқәа рзы.

Иара убас шәаԥхьар ҟалоит:

  • Урыстәыла аиҳабыра ахәыҷқәа змоу аҭаацәарақәа аԥаратә шәарацҵа рзышьақәнарӷәӷәеит
18
Студенты Московского Государственного педагогического университета

Россотрудничество урыстәылатәи аҵараиурҭақәа рахь аквотақәа рсистема ареформа азнауеит

9
(ирҿыцуп 15:02 25.09.2020)
Аҳәынҭдума адепутат Евгени Примаков Россотрудничество анапхгаҩыс дҟаҵан рашәарамза анҵәамҭазы. Россотрудничество ахада ҿыц иусура ахырхарҭа хадақәа ракәны аӡбахә иҳәеит аҳәаанырцәуаа урыстәылатәи аҵараиурҭақәа рҿы аквотақәа рзоужьра асистема ареформа азура.

АҞӘА, цәыббра 25 – Sputnik, Алексеи Стефанов. Мрагылара ааигәа атәылақәеи Балтиа атәылақәеи рабитуриентцәа рзы урыстәылатәи аҵараиурҭақәа рҿы хәыдаԥсадатәи аҭыԥқәа роужьра аформат ареформақәа азухоит ҳәа иҳәеит Россотрудничество анапхгаҩы Евгени Примаков.

"Аквотақәа рхыԥхьаӡара иацҵахоит - убас ахада (Владимир Путин – аред.) иҳәахьеит. 2023 шықәса рзы аквотақәа рхыԥхьаӡара ҩынтә еиҳахароуп. Аха Аҵара аминистрреи Аҳәынҭдумеи рҟынтәи ҳколлегацәеи ҳареи ҳаицәажәара ашьҭахь иазаҳаԥхьаӡеит дара аквотақәа рхаҭа хра рыманы ишыҟам", - ҳәа Sputnik иазеиҭеиҳәеит Россотрудничество ахада Евгени Примаков.

Ҿырԥштәыс иааигеит Белоруссиа. Уи иазоужьын абиуџьеттә ҭыԥқәа рацәаны, аха Урыстәыла Польшаҵәҟьа иацнанамгеит.

"Аполиакцәа аҵараз алшара адагьы астудентцәа рзы астипендиақәа, агрантқәа аунашьҭуеит. Ҳара ирыдаагало аҵараҵара заҵәык ауп. Асистема рҿыцтәуп. Шәааи, аҵара шәҵа адагьы, абар шәызлааша-шәызлацаша абилеҭ, абар шәынхарҭа ахәԥса ҳәа роуҳәароуп", - иҳәеит Примаков.

Россотрудничество аинтересқәа ирыҵаркуеит аҳәаанырцәуаа, Урыстәылаҟа аҵараз иаауа зыҩаӡара ҳараку ҟазауааны иҟаларц, рҵара ашьҭахь рыҩныҟақәа ианыгьыжьлак ирықәнагахаша аусурҭа ҭыԥқәа роурц ҳәа иҳәеит амаҵзура ахада. Аха иҟоу асистемала арҭ апланқәа аԥсҭазаара раларҵәара мариам.

"Иҟоуп Урыстәыла аҵараз иааз, нас еиуеиԥшым аҭагылазаашьақәа ирхырҟьаны ԥссаҩыс, машьынарныҟәцаҩыс аусура иалагоит рҵара гәыгәҭажьны", - иҳәеит иара.

Иара убасгьы иазгәеиҭеит макьаназы планк шыҟам асистема ареформа азуразы, апроблема алацәажәара шакәу изҿу. Аха ареформақәа рыда ԥсыхәа ыҟам ҳәа иҳәеит Евгени Примаков.

Аквотақәа 15 нызқь инаркны 30 нызқь рҟынӡа реизырҳара иалацәажәан Аҳәынҭдумаҿ 2020 шықәса алагамҭаз. Усҟан ИАР атәылақәа русқәеи, евразиатәи аинтеграциеи аџьынџьуаа рнырреи рзы аилак ахантәаҩы Леонид Калашников 15 нызқь ҭыԥ азхом ҳәа. Ҿырԥштәны Польша ааигеит. Уа 10 нызқь ҭыԥ Белоруссиа иазоужьуп, иара убасгьы Румыниа Молдова абитуриентцәа рзы 5 нызқь ҭыԥ амоуп. Убри аан Урыстәыла аҵараҵараз азыҳәақәа рхыԥхьаӡара 100 нызқь инархысуеит. Аҵара аминистрра абарҭ зегьы инарыдҳәаланы аҳәаанырцә студентцәа рзы 30 000 ҭыԥ азырхиара агәҭакуп.

Иара убас шәаԥхьар ҟалоит:

9

Шәачеи Ҟрыми 8,5 миллионҩык атуристцәа рыԥсы ршьахьеит

6
Сынтәа акурорттә сезон каоронавирустә ԥкрақәа ирхырҟьаны акыр ихьшәаны иаатит. Урыстәылаа реиҳараҩык аҳәаақәа раартра иазымԥшкәа аҭыԥантәи акурортқәа рҿы рыԥсы ршьеит.

АҞӘА, цәыббра 25 – Sputnik. Шәачеи Ҟрыми 8,5 миллионҩык атуристцәа рыԥсы ршьахьеит акурорттә сезон иаалагазар.

"Заанаҵтәи ҳаԥхьаӡарақәа рыла аԥхынтәи амзақәа инадыркны иахьанӡа Шәача рыԥсы ршьеит 2,9 миллионҩык, ашықәс иалагазар – 4 миллионҩык. Ари иалнаршоит ақалақь аекономика аиҭашьақәыргылара", - иҳәеит ақалақь ахада Алексей Копаигородски.

Сынтәатәи асезон ала 21 плиаж жәларбжьаратәи аекологиатә сертификат "Голубой Флаг" ранашьахеит.

Ицәырҵит иҿыцу атуристтә обиектқәеи амаршрутқәеи. Уажәазы Шәача аус руеит 1400 дкыларатә обиект.

Ҟрым акурортқәеи атуризми рминистр Вадим Волченко "Вести.Крым" иазеиҭеиҳәеит ареспублика акурорттә сезон иалагазар 4,5 миллионҩык атуристцәа шаҭааз.

Аминистр иажәақәа рыла, 2020 шықәса жьҭаарамзазы аԥсшьаҩцәа рацәаны ишырзыԥшу.

Иара убас шәаԥхьар ҟалоит:

6

"Аԥшӡа" насыԥда дшаанхаз: арԥыс изку ажәабжьк

0
(ирҿыцуп 14:20 26.09.2020)
Анасыԥдара иазку аҭоурых иадыруа ахҭысқәа аиҳарак аҭыԥҳацәа роуп изыхҳәаау, аха уи иаанагаӡом арԥарцәа рразҟы арыцҳара акьысуам ҳәа. Иахьа ишәзеиҭаҳҳәо ажәабжь зызку, қыҭак аҟны "Аԥшӡа" ҳәа жәаҩыла аҭыԥҳацәа илаԥшықәҵаны ирымаз, аԥсҭазаара "злахәмарыз" аҷкәын иоуп.

Саида Жьиԥҳа, Sputnik

"Аԥшӡа" - ари ахьыӡ ҷыда ауп акәымзар, ихьӡ хаҭа аӡәгьы иҳәомызт, уи аҟазшьарбада ари аҷкәын иоура, иҭбаара, ибла иаҵәа, иччаԥшь ихнаххьаз рхаҿы дырзаагомызт азы.

"Аԥшӡа" ажәеизатәи акласс аҿы дтәан, Асовет Еидгыла аррахь иаанаԥхьараны иҟаз арԥарцәа дрыцны амедицинатә гәаҭарақәа данырхысуаз. Убасҟан аҳақьым иабжьеигеит аурологиа аганахьала ихы гәеиҭарц, аха иԥхашьаз, 18 шықәса ирықәыз аҷкәын иҭаацәа рҿы иӡеит ари апроблема атәы.

"Аԥшӡа" Украина арра анихигоз ӡынрак азы ӷәӷәала дычмазаҩхеит. Ишоура акраамҭа имтәо ианалага, арратә ҳақьымцәа агәаҭарақәа жәпакы дырхыжьны, ипроблема аҽшарцәгьаз, наҟ-наҟ ахшара дшимоуа атәы рҳәеит. Хымԥада, ақәыԥшра иҭагылаз арԥыс, арҭ ажәақәа ирыҵаз аразҟыдара ихахьы иаразнак иааимгеит. Аамҭа анца ауп данрызхәыц.

"Аԥшӡа" аишьцәа дреиҵбан азы, аб игәараҭа иазынхоз иара иакәын. Хәҩык ахшара рахьтә иара ида аҭаацәарақәа аԥырҵахьан. "Уқәра цоит, уԥшӡарагьы наӡаӡа иаанхаӡом, аԥҳәыс даага", - ҳәа аӡәаӡәала дыхҭаркуа иалагеит рашьа 35 шықәса рҟынӡа даннеи.

"Бареи сареи ҳаибагар ҟалаӡом, аха бзиа бсамхабеит, ишԥаҟасҵари?" - ҳәа лаиҳәалон "Аԥшӡа" иаҳәшьа ланхәыԥҳа, дара рахь аангылара данцалоз. Аҿар рымаӡақәа анрыҵырх, ирылабжьеит "ари маҳагьароуп" ҳәа раҳәауа. Уи аахыс 20 шықәса ҵит, анхәыԥҳа хаҵа дцеит, ҩыџьа аԥҳацәа лоуит, аха лыԥшәма инапы шьҭихуан азы лычҳара анхыжжыла, лҭаацәагьы "ҳаԥҳа даҳшьума" рҳәан ддәылганы аҩныҟа дааргеит.

"Аԥшӡа" лара лахь хымԥада уажәшьҭа акагьы дақәгәыӷуамызт, аха даҽаӡәгьы длыхәаԥшӡомызт аиҳарак ипроблема иахырҟьаны.

Ныҳәак аҽны, "Аԥшӡа" иаҳәшьаԥа дицны днанагеит ихәыҷреи, иқәыԥшреи ахьихыигоз агәараҭахь.

Аишәа рхианы, "иуҭахыу акыр ыҟоума" ҳәа ивагьежьуаз "анкьатәи ибзиабара" зегь акоуп игәаӷьны ила дҭаԥшуамызт, иаргьы ихы ларҟәны, акәын аҭак шлиҭоз, аха убасҟан илашәыз иоуп изымбаз рҩыџьагьы рцәаныррақәа шҿыхаз.

Аҿыҵгақәа ҟаҵо, зны имашьына акы агушәа, ҽазны акы ихашҭызшәа иблахкыга дибарц азы "Аԥшӡа" лассы-лассы амҩа дықәлон уахь.

Шықәсыбжак ааҵуаны, ацәаныррақәа ирзымиааиз "Аԥшӡеи" анхәыԥҳаи маӡала еиқәшәо иалагеит. "Аԥҳәыс дааугар, агәра усыргоит ҳаизыҟазаашьақәа рҵыхәа шыԥҵәо" ҳәа иалҳәалон лара, иахькылнаго еилылкаауан азы. Арҭ ажәақәа "Аԥшӡа" рҭак ҟаиҵомызт, игәалаҟазаара бжьырхуан ауп…

Ҽнак "Аԥшӡа" ибзиабаҩ рымаӡаҭыԥ ахь дымнеиӡеит. Уи акырӡа игәнигеит, машәырк лыхьзар ҳәа дшәан, еиҭа ҿыҵгак ԥшааны дрызцеит. Асас абжьааԥнеиԥш аишәа издырхиеит, аха "иуҭаху акыр ыҟоума" ҳәа уажәтәила ивагьежьуаз иаҳәшьаԥҳа ҳәыҷы лакәын. Аӡәгьы ианимаҳауаз "баҳәшьаду дабаҟоу" ҳәа данлазҵаа, "лгәы бзиам, диоуп" ҳәа иаҭалкит. Арҭ ажәақәа ишоура харгалеит, игәы идырхьит, аха дахьышьҭаз ауадахь дызлаҩналози…

Анхәыԥҳа ақалақьтә џьармыкьа аԥхьа лыԥсы лылшәшәаны данкаҳа, дызбаз ауаа атакси ала ахәшәтәырҭахь дрышьҭит. "Ишакәым бкыдҟьеит, сыӡӷаб, ахәыҷы деиқәымхеит" ҳәа аҳәса рҳақьым зыԥсы ааиз лахь лҿанаалха, анхәыԥҳа еиҭа ахчы лхы нылаҳаит. Ахәылбыҽхан, аԥҳәыс лхьаақәа анеиқәтәа аҩныҟа дааит.

"Сара аҭаацәара сзаламлоз ахшара дсоуӡом, џьоукы рыӡӷаб лыгәнаҳа сықәсымҵап ҳәа акәын, бызлацәажәо схаҿы исзаагом, иҵабыргыцәҟьоума?" - ҳәа ибзиабаҩ лахь изҵаарақәа ҵыхәаԥҵәара рмоуит ианеибаба. Иажәақәа идыргәааз аԥҳәыс, ихаимҵозар дзызҵаашаз аҳақьым дазусҭоу аалырԥшит.

"Нан, угәынамӡара еилыскаауеит, аха аԥҳәыс ус анлыхьуа ыҟоуп, амала алаҳәара сахьымӡеит лцәа ҩыџьа асабицәа шалаз, дыццакцәаны дцеит", - ҳәа ахаҵа ихы иаднамкылоз ажәақәа иалҳәеит.

Хара имгакәа, "Аԥшӡа" иқәыԥшраан изықәгылаз адиагноз аҭҵаара далагеит. Москваҟа дахьцаз: "Ауаҩы ахьҭа илаланы даныҟоу егьа проблема изцәырҵуеит, аха уи иаанагаӡом ачымазарақәа зегьы хәышәтәышьа рымам ҳәа. Уара угәы бзиоуп", - ҳәа иарҳәеит уаатәи аҳақьымцәа.

Ибзиабаҩ лҿаԥхьа ишьамхы арсны аҭамзаара шьҭеиҵеит "Аԥшӡа", аҳақьымцәа ирҭахьаз ақьаадқәагьы лнапы инаиркит. Аха изхәарҭоузеи…

"Аԥшӡа" ибзиабаҩ машәырла лыԥсҭазаара ҿахҵәеит. Иара иахьагьы иԥсы ҭоуп, лара дшиџьабоз уаҳа аҭаацәара даламлеит. Ишьапы дахьынӡананагоз аҿыҵгақәа ԥшааны иаҳәшьаԥацәа рахь дцалон, абаҳча дҭысуашәа ҟаҵаны раҳәшьаду лҳаҭгәын аԥхьа днатәалон…

Илашәыз иакәын урҭ ацәаныррақәа зымбоз…

0