Второй этап учений ФСБ России в Крыму

Урыстәыла АШәМ иаԥнарҟәҟәааит Донбасс ар рԥызацәа руаӡәк иӷьычра аҽазышәара

4
(ирҿыцуп 12:25 20.08.2020)
Донбасс ардыԥхьала аԥызацәа руаӡәк иӷьычра аҽазышәаразы Урыстәыла иаанкылоу абандитцәа уажәаԥхьагьы иааныркылахьан Украинатәи аусбарҭа ҷыдақәа аиԥш зеиԥшу ацәгьоурақәа рымҩаԥгара иахьазааргоз азы.

АҞӘА, нанҳәа 20 - Sputnik. Урыстәыла Афедералтә шәарҭадаратә мҵзура иаԥнарҟәҟәааит Украина Ашәарҭадаратә хеилак иаԥшьнагаз Донбасс ардыԥхьала аԥызацәа руаӡәк иӷьычреи мчыла Украина аҵакырахь игара аҽазышәареи ҳәа аанацҳауеит РИА Новости, Урыстәыла АШәМ апресс-маҵзура адыррақәа шьаҭас иҟаҵаны.

"Иҷыдоу аоперациа амҩаԥгара иалҵшәаны Урыстәыла Афедералтә шәарҭадаратә мҵзура ирыҵанадрааит иагьаԥнарҟәҟәааит Украина амаҵура ҷыдақәа имҩаԥыргарц иаҿыз азинеилагаратә акциа – Урыстәыла аҵакыраҿы Урыстәыла иатәылауаҩу, Украина иаҿагыланы еибашьуаз Донбасстәи ар рԥызацәа руаӡәк дӷьычны мчыла Украинаҟа игара", - ҳәа аҳәоит адырраҿы.

Абри акциа аиҿкааҩцәаси аҳәаақәҵаҩцәаси иҟоуп Украина атәылауаа Андреи Баидалеи Игор Мишьенкои. Баидала ДЖәР ашәарҭадаратә усбарҭақәа иӡбахә рдыруеит Украина Атәылахьчара аминистрра аԥшыхәра аусбарҭа хадеи Украина ашәарҭадаратә хеилаки рҟны иштаттәым усзуҩык иаҳасабала, иара убас Украина ашәарҭадаратә хеилак аконтрԥшыхәра адепартамент 5-тәи аҟәша агәрагаратә хаҿык иаҳасабала, хьыӡшьарасгьы имоуп Швед ҳәа, азгәарҭоит арелиз аҟны.

ДЖәР аҟны Баидала ашьауӷатә усқәа иакымкәа-иҩбамкәа дрылахәуп ҳәа дшьоуп Донецк имҩаԥгази иаԥырҟәҟәаази атерактқәа реиҿкааҩ иаҳасабала, Александр Захарченко ишьрагьы уахь иналаҵаны.

Донецк жәлар рардыԥхьала аԥызацәа руа ирӷьычырц ргәы иҭаз далкааны ихьӡ ҳәаӡам. Аусҭҵааратә хеилак аҟны ишырҳәаз ала, иара амашьына дҭартәаны афымца-ааха ирҭеит, аха ииулак дрымпыҵҟьеит.

4

Ҟәыбан уахыки-ҽнаки рыла 96 коронавирус хҭыс ҿыцқәа ыҟоуп

3
(ирҿыцуп 13:05 28.09.2020)
Урыстәылатәи арегионқәа 84 рҟны уахыки-ҽнаки рыла 8135-ҩык COVID-19 рыдбалоуп, 27% ачымазара асимптомқәа рымоуп.

АҞӘА, цәыббра 28 – Sputnik. Ииасыз амши аҵхи рзы Краснодартәи атәылаҿацә аҿы 96 COVID-19 хҭыс азгәаҭан ҳәа аанацҳауеит Ҟәыбан ахадара асаит.

"Краснодар 41-ы чмазцәахеит,  Новороссииск – 13, Шәача – 6, Еисктәи араион - 5, Белореченск - 3, Геленџьик – 3, Гориачи Клиуч - 3, Тҟәаԥси Крыловсктәи араионқәа рҿы хҩык-хҩык. Ҩыџьа-ҩыџьа чмазцәоуп:  Новопокровск, Каневск, Крымск, Северск, Абинск араионқәа рҿы, аӡәаӡәа: Славианск, Усть-Лабинск, Красноармеиск, Тихорецк, Тимашевск араионқәа рҿы", - аҳәоит адырраҭараҿы.

Иахьазы Ҟәыбан ачымазара рыхьхьеит – 13790-ҩык, 1043-ҩык хәыҷқәоуп. Ргәы бзиахахьеит - 10443 пациент, 273-ҩык рыԥсҭазаара иалҵит.

Иахьынхо аҭыԥ ала аполиклиникақәа рҿы ирхылаԥшуеит 5235-ҩык.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

3
Атемақәа:
Ачымазара ҿкы – акоронавирус Аԥсни адунеи аҿи: иалкаау
Twitter

Twitter РИА Новости аганахьала асанкциақәа аланагалеит

5
(ирҿыцуп 11:29 28.09.2020)
Амаҵзура адаҟьаҿ иаҵаҩымыз ахархәаҩцәа Урыстәылеиԥш егьырҭ атәылақәа рҿгьы уи уажәшьҭа ирзыԥшааӡом.

АҞӘА, цәыббра 28 – Sputnik. Twitter аԥшаарҭаҟынтәи урыстәылатәи амаҵзура РИА Новости аккаунт ықәнагеит.

"Ҳара Twitter иҟанаҵаз АИХқәа рзы ицензураны ҳахәаԥшуеит. Уи Урыстәыла Аконституциа иаҿагылоит. Асоциалтә ҳақәа рахь иҟаҳҵо азыҳәақәа рҭак ҟарҵом, рыӡбарагьы акала иҵаҵӷәыркым", - ҳәа рҳәеит МИА "Россия сегодня" апресс-маҵзураҿы.

Нанҳәамзазы асервис анапхгара адырра ҟарҵеит аиҳабыра рнапаҵаҟа иҟоу АИХқәа раккаунтқәа амаркировка рырҭо ишалаго. Аха арахь АИХқәа зегь аҵаркым.

"Голоса Америки" ма "Радио Свобода" рзы уадаҩрак ыҟам. Маргарита Симониан лаккаунт аҿы акәзар, адырга арбоуп "Аҳәынҭқарратә ҭыжьымҭа" ҳәа. Абас ауп ишыҟоу аиҟарареи аиашареи. "Ажәа ахақәиҭра" акәзаргьы, ара ҭыԥ амам. Ҳшәыҳәоит, ҳпост Роскомнадзор ахь ааԥхьарак еиԥш шәахәаԥшырц", - ҳәа ацырҵеит апресс-маҵзураҿы.

Амаҵзура адаҟьаҿ иаҵаҩымыз ахархәаҩцәа Урыстәылеиԥш еигьырҭ атәылақәа рҿгьы уажәшьҭа ирзыԥшааӡом.

Уаанӡа иара убасҵәҟьа Twitter RT-и Sputnik-и рыпрофильқәа адыркхьан.

5

Раионк аԥсҭазаараҟынтә: Гамгьиа авирус змоу Гал рыхәышәтәразы

0
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

0