Всероссийская акция Большой этнографический диктант

Урыстәыла иреиҳау аҵараиурҭақәа рҟны аҵарашықәс ианаамҭоу иалагоит

11
(ирҿыцуп 11:36 21.08.2020)
2019-2020-тәи аҵарашықәс азы Урыстәыла аҵара рҵон хышә нызқьҩык инареиҳаны аҳәаанырцәтәи астудентцәа, урҭ зегьы адистанциатә ҵара аформат ахь ииасыр акәхеит акоронавирус апандемиа иахҟьаны.

АҞӘА, нанҳәа 21 - Sputnik. Урыстәыла иреиҳау аҵараиурҭақәа рҟны аҵарашықәс анахара ргәы иҭам ҳәа аанацҳауеит Урыстәыла аҭҵаарадырреи иреиҳау аҵареи рминистрра.

Убри аан иазгәаҭоуп анаҩс ирыдыркыло аӡбамҭақәа Урыстәылатәи Афедерациа субиектцыԥхьаӡа ишьақәгыло аепидемиологиатә ҭагылазашьа иаҿырԥшхоит ҳәа.

Аҳәаанырцәтәи астудентцәа аӡәырҩы ртәылақәа рахь ихынҳәыр акәхеит акоронавирус апандемиа иахҟьаны.

Иахьатәи аамҭазы Урыстәылаҟа ихынҳәыр рылшоит абарҭ атәылақәа ртәылауаа:

  • Аԥсны,
  • Ҭырқәтәыла,
  • Британиа ду,
  • Танзаниа,
  • Швеицариа,
  • иара убас хыхь еиқәыԥхьаӡоу атәылақәа рҿы анхара азин змоу ауаа.

Урыстәылаҟа ихынҳәуа астудентцәа рҵарахьы инеир рылшоит Роспотребнадзор абжьгарақәа зегьы анынарыгӡалак ашьҭахь. Дара ҩымчыбжьа акарантин иахысроуп, уи ашьҭахь акоронавирус амазааразы атест арҭароуп.

Аҵара алагара иахьӡаны изымаауа аҳәаанырцәтәи астудентцәа рзы Урыстәыла аҭҵаарадырреи иреиҳау аҵареи рминистрра урыстәылатәи иреиҳау аҵараиурҭақәа алархәны еиуеиԥшым аҵаратә форматқәа аус рыдырулоит. Урҭ ируакуп арҵаратә программа адистанциатә формат ала агәынкылара, аԥкырақәа зегьы ахырхаанӡа.

Иара убас шәаԥхьар ҟалоит:

11

Урыстәыла, Америка, Франциа Ашьха Ҟарабах аҭагылазаашьазы аҳәамҭа еицыҟарҵоит

4
(ирҿыцуп 19:15 01.10.2020)
Цәыббра 27 рзы Ермантәылеи Азербаиџьани рыбжьара аҭагылазаашьа еицәахеит.

АҞӘА, жьҭаара 1 - Sputnik. Урыстәыла ахада Владимир Путин аҳәамҭа ҟаиҵеит Ашәарҭадаратә хеилак аилатәараҿы Ашьха Ҟарабах аҭагылазаашьа азы Урыстәыла, Америка, Франциа рхадацәа аҳәамҭа еицыҟарҵоит ҳәа. Абри азы адырра ҟаиҵеит ахада ипресс-маӡаныҟәгаҩ Дмитри Песков.

Песков иажәақәа рыла, аилацәажәараҿы агәҭынчымра аарԥшын Ашьха Ҟарабах имҩаԥысуа азы.

"Ҷыдала азхьаԥшра аҭан аинырратә цәаҳәаҿы ицо аидысларақәа рызҵаара",- иҳәеит Песков.

Ашьха Ҟарабах еиҭахгьы бџьаршьҭыхрала еиҿагылеит ииасыз амчыбжь азы. Бақәеи Еревани дара-дара ахара рыдибаҵоит. Аибашьратә ҭагылазаашьеи амобилизациеи рыларҳәеит Ермантәыла. Бақәа акәзар, амобилизациа ахәҭакахьала ирылаҳәоуп, акоменданттә сааҭ аус ауеит.

Аганқәа рыҩбагьы рдыррақәа рыла, аԥсыҭбарақәа ыҟоуп аруаа рганахь аиԥш аҭынчуааԥсыра рганахь алагьы, аха макьаназы заҟаҩ ыҟаҵәҟьоу шьақәыргылам. Ермантәылеи Азербаиџьани дасу ринформациақәа хаз-хазуп.

Иара убас шәаԥхьар ҟалоит:

4

Урыстәыла уахыки-ҽнаки рыла 8 945 коронавирус хҭыс ҿыц аарԥшуп

4
(ирҿыцуп 16:28 01.10.2020)
Зынӡа иахьазы Урыстәыла 85 регион рҿы ачымазара ҿкы рыдбалоуп 1 185 231-ҩык.

АҞӘА, жьҭаара 1 - Sputnik. Урыстәыла аҵыхәтәантәи уахыки-ҽнаки рыла  8 945 коронавирус хҭыс ҿыц аарԥшуп ҳәа аанацҳауеит COVID-19 аҽацәыхьчаразы Москва ақалақь аоперштаб.

Урҭ рҟынтәи 27,1% ачымазара аклиникатә ҟазшьа рыдбаламызт.

169-ҩык рыԥсҭазаара иалҵит, 5 985-ҩык ргәы бзиахеит. Зынӡа иԥсхьоу рхыԥхьаӡара 20 891-ҩык инаӡоит, згәы бзиахахьоу – 964 242-ҩык.

Иахьазы Аԥсны авирус рыдбалоуп 1458-ҩык. Ргәабзиара шьақәгылахьеит 530-ҩык, 11 ԥсыҭбара ыҟоуп.

Акоронавирус иазку ажәабжьқәа шәрыԥхьар ҟалоит абра>>

4

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

11
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

11