Открытие Международного военно-технического форума Армия-2020

Шоигу: Аԥсны - Алада Кавказ иҟоу ҳҩызеи ҳастратегиатә партниори ауп

25
(ирҿыцуп 18:08 23.08.2020)
Аԥсны атәылахьчара аминистр Владимир Ануа даҭааит афорум "Арра - 2020", Урыстәыла атәылахьчара аминистр Сергеи Шоигуи иареи реиԥыларагьы мҩаԥыргеит.

АҞӘА, нанҳәа 23 - Sputnik. Урыстәыла атәылахьчара аминистр Сергеи Шоигу Аԥсны Аҳәынҭқарра Урыстәылатәи Афедерациа аҩызеи астратегиатә партниори ауп Кавказ аахыҵ аҿтәи арегион аҿы иҳәеи, абри атәы аанацҳауеит РИА Новости

Урыстәыла атәылахьчара аминистр амҽыша аԥснытәи иколлега Владимир Ануеи иареи аилацәажәара мҩаԥыргеит афорум "Арра-2020" аҳәаа иҭагӡаны. 

Шоигу иазгәеиҭеит Урыстәылатәи Афедерациа Аԥсны Аҳәынҭқарра ганрацәалатәи ацхыраара шанаҭо арратә шәарҭадареи аҳәынҭқарратә ҿиареи рҿы.

"Аԥсны - Алада Кавказ иҟоу ҳҩызеи ҳастратегиатә партниори ауп. Шәтәыла ахадара илнахыз арра-политикатә мҩа Урыстәылеи иареи рырбџьармчқәа рганахьала русеицура амҽхак арҭбаауеит. Ҳара ганрацәалатәи ацхыраара Аԥсны ишаҳҭац иаҳҭоит арратә шәарҭадареи аҳәынҭқарратә ҿиареи рзы", - иҳәеит Урыстәыла атәылахьчара аминистр.

Иара иажәақәа рыла, аҩҳәынҭқаррак еицырзеиԥшу атәылахьчаратә ҵакыра еиҿыркаауеит, уи иахәҭа хаданы иҟоуп Аԥсны иҟоу еицеиԥшу аурыс арратә база. Урыстәыла наҟ-наҟгьы арра иазынархоу анормативтә база еиҳа-еиҳа арҿиара, Аԥсни Урыстәылеи рырратәи рырра-техникатәи усеицура арҭбаара, ирыбжьарҵаз аиқәшаҳаҭрақәа аԥсҭазаара раларҵәара агәы иҭоуп.

Аминистр иаҵишьит Урыстәылеи Аԥсни агәыларатә, аиҩызаратә, апартниортә еизыҟазаашьақәа ишеидырҳәало.

"Ҳара ҳаизыҟазаашьақәа еилкаауп, урҭ зеиԥшроу зегьы ирдыруеит. Ҳара ҳпартниорцәоуп, ҳаигәылацәоуп, ҳаиҩызцәоуп. Убри ҳаԥшны ауп ҳусура шышьақәҳаргыло. Иахьатәи ацәыргақәҵа, арратә хәмаррақәа, зыҟны аруаа рҟазара аадырԥшуа, арегион аҿы ашәарҭадара ашьақәырӷәӷәара иацхраап ҳәа сгәы иаанагоит", - иҳәеит аминистр.

Аҩганк русеицура иахырхарҭа хаданы иҟоуп Аԥсны арбџьармчқәа рзы арратә кадрқәа реиҵааӡара.

Аиҿцәажәарақәа раан иара убас ирылацәажәан Урыстәылеи Аԥсни рырратә усбарҭақәа рыбжьара аусеицура аплан риашарақәак алагалара, урҭ рахьтә усмҩаԥгатәқәак акоронавирустә инфекциа иахҟьаны иаахьаанкылаз инамаданы.

"Аепидемиологиатә ҭагылазаашьа уадаҩ иахҟьаны ҳминистррақәа рыбжьара 2020 шықәсазы иазгәаҭаны иҟаз аусмҩаԥгатәқәа рыхәҭак ҟаҵамызт. Убри азы ҳусеицура аплан риашарақәак алагалатәуп, уи анагӡара аҿҳәара ҿыцқәа ирызхәыцтәуп", - иҳәеит Шоигу.

Аԥсны Арбџьармчқәа ркоманда раԥхьаӡа акәны Урыстәыла имҩаԥысуа Жәларбжьаратәи арратә хәмаррақәа ирылахәуп. Урҭ аицлабрақәа ԥшьба рҟны иқәгылараны иҟоуп: "Атанктә биатлон", "Абџьар азҟаза", "Адәынтәи ахәыҟаҵара", "Ишәарҭоу араион", иара убас амилаҭтә культурқәа рфестиваль "Амилаҭқәа реиҩызара" рҟны.

Иара убас шәаԥхьар ҟалоит:

25

Краснодартәи атәылаҿацә аҿы 92-ҩык COVID-19 рыдбалоуп

1
(ирҿыцуп 16:52 18.09.2020)
Иахьатәи аамҭазы Урыстәыла иахьаҵанакуа 1 091 186 акоронавирус хҭыс шьақәырӷәӷәоуп 85 регион рҿы. Аҵыхәтәантәи уахыки-ҽнаки рыла 5905-ҩык ирыдбалан акоронавирус.

АҞӘА, цәыббра 18 – Sputnik. Краснодартәи атәылаҿацә аҿы иаҳхысыз уахыки-ҽнаки рыла 92-ҩык акоронавирус рыдырбалеит ҳәа аанацҳауеит Краснодартәи атәылаҿацә ахадара.

"Краснодар 35-ҩык COVID-19 рыдбалан, Гориачи Клиуч – 7,  Шәача – 12, Крыловски араион – 6,  Новороссиск – 5, Абинск – 3,  Белоглинск – 3, Апшеронск, Крымск, Красноармеиск, Белореченск, Каневск араионқәа рҿы ҩыџьа-ҩыџьа,  Анапа, Кушьчевск,  Выселковск, Славианск, Калининском, Приморско-Ахтарск, Гулькевичск, Усть-Лабинск араионқәа рҿи Армавири – аӡәаӡәа чмазцәахеит ",  - ҳәа аҳәоит адырраҭараҿы.

Цәыббра 18 азтәи адыррақәа рыла амедицинннатә усҳәарҭақәа рахь идҵаалахьеит COVID-19 агәаҭаразы 43062-ҩык. Аполиклиникақәа рҿи аҩни хылаԥшра рымоуп 4672-ҩык, 966-ҩык хәыҷқәоуп.

Алабораториақәа 965 909 ҭҵаара мҩаԥыргахьеит. Зынӡа 12 843 коронавирус хҭыс азгәаҭоуп.

Акоронавирус иазку ажәабжьқәа шәрыԥхьар ҟалоит абра>>

1
Атемақәа:
Ачымазара ҿкы – акоронавирус Аԥсни адунеи аҿи: иалкаау

Ҟәбан 93 коронавирустә хҭыс ҿыц аарԥшуп

7
(ирҿыцуп 11:52 17.09.2020)
Уахыки-ҽнаки рыла Урыстәыла иазгәаҭоу COVID-19 ахҭысқәа даҽа 5762 ацлеит. Зынӡа апандемиа иалагӡаны атәылаҿы иаарԥшуп 1 085 281 ачымазара ахҭысқәа.

АҞӘА, цәыббра 17 – Sputnik. Краснодартәи атәылаҿацә аҟны иаҳхысыз уахыки-ҽнаки рыла COVID-19 ахҭыс ҿыцқәа 93 шьақәыргылоуп ҳәа аанацҳауеит атәылаҿацә ахадара.

Акоронавирус аарԥшын Ҟәбан амуниципалтә еиҿкаарақәа 18 рҿы.

"Краснодар ақалақь аҿы ачымаза рцәа ишалоу шьақәырӷәӷәахеит 41-ҩык. Гориачи Клиучи Крыловтәи араиони рҟны хәҩык-хәҩык ачымазцәа аарԥшуп. Кушьиовтәи, Кавказтәи, Апшеронтәи, Славиантәи, Каневтәи араионқәеи Новороссииск ақалақьи рҟны ԥшьҩык-ԥшьҩык. Павловтәи, Северсктәи, Калининтәи араионқәа рҟны акоронавирустә хҭысқәа хԥа-хԥа азгәаҭоуп. Анапа, Крымтәи, Белоречентәи араионқәа рҟны ҩба-ҩба. Выселковтәи,  Бриуховецктәи, Тҟәаԥстәи араионқәа рҟны аӡәаӡәа пациент ыҟоуп", - ҳәа азгәаҭоуп аацҳамҭаҿы

Апандемиа ҟалеижьҭеи Ҟәбан зынӡа иаарԥшуп 12 751 коронавирустә хҭысқәа, урҭ рахьтә 862 – ахәыҷқәа рҟны. 10 069-ҩык апациентцәа ргәы бзиахахьеит, аҵыхәтәантәи уахыки-ҽнаки рыла 52-ҩык рыҩныҟақәа иоурышьҭит. Рыԥсҭазаара иалҵит 231, иахьазы 37-ҩык рҭагылазаашьа хьанҭаны иҟоуп.

Акоронавирус иазку аҵыхәтәантәи ажәабжьқәа зегьы шәрыԥхьар ҟалоит абра>>

 

7
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аҟәатәи ашкол адыркит акоронавирус злаз арҵаҩы лыԥсҭазаара даналҵ ашьҭахь

12
(ирҿыцуп 23:25 20.09.2020)
Апандемиа ааҟалеижьҭеи Аԥсны акоронавирус зцәа иалоу 939-ҩык аарԥшын. Цәыббра 20 рызтәи аоперштаб адыррақәа рыла, Гәдоуҭатәи ахәышәтәырҭаҿы ишьҭоуп 97-ҩык апациентцәа.

АҞӘА, цәыббра 20 — Sputnik, Асмаҭ Ҵәыџьԥҳа. Баграт Шьынқәба ихьӡ зху Аҟәатәи абжьаратә школ №1 аҵаҩцәа акарантин ахь аҩныҟа иоушьҭуп ҩымчыбжь ҳәа, ашкол аҿы аепидемиологиатә ҭагылазаашьа ахьеицәахаз инамаданы, абри атәы Sputnik иазеиҭалҳәеит ашкол адиректор Нонна Делԥҳа.

Лара лажәақәа рыла, иахьа ашкол адирекциахь адырра ҟарҵеит акоронавирус зцәа иалаз рырҵаҩцәа руаӡәк, даҽа хроникатә чымазаракгьы зцәа иалаз, лыԥсҭазаара дшалҵыз. Иара убасгьы рышкол аҿы аклассқәа хәба рҟны ари аҿкы чымазара зцәа иалаз ачымазцәа азгәарҭахьан. Уи адагьы аҭаацәа аӡәырҩы  рхәыҷқәа COVID-19 асимптомқәа шрыдырбало адиректор иларҳәарц азы аҭел ишылзасыц илзасуеит.

"Сара аҵара аминистр аҭел сизасит, иҟоу аҭагылазаашьа иеилсыркаарц азы. Иара аҵаҩцәа ҩымчыбжьа ҳәа иоушәышьҭ акарантин ахь иҳәеит, избанзар ҳашкол аҿы актәи, аҩбатәи, ахԥатәи аклассқәа рҿы ада, егьырҭ аклассқәа зегьы рҿы аҿкы злалаз ахәыҷқәа ыҟоуп, урҭ зегьы аишьцәа, аиҳәшьцәа рымоуп егьырҭ аклассқәа рҟны. Иара убас ҳарҵаҩцәа быжьҩык акарантин аҿы иҟоуп, саргьы сыбжьы иахьа исгәаԥхом", - лҳәеит Делԥҳа.

Иара убас лара иазгәалҭеит иахьа Асанитартә епидемиологиатә станциа анапхгара лыҽрымалдарц дшаҿыз, аха аӡәгьы аҭел шьҭимхит ҳәа. Делԥҳа ишылҳәаз ала, уажәы ашкол адирекциа аилкаара иаҿуп шаҟаҩык рҵаҩцәеи рырҵаҩцәеи акоронавирус рыхьыз, макьана урҭ рхыԥхьаӡара рыздыруам.

Аԥсны агәабзиарахьчара аминистрра апресс-маҵзура COVID-19 зыхьны иҟаз арҵаҩы лыԥсҭазаара дшалҵыз азы аинформациа Sputnik иазышьақәнарӷәӷәеит, иагьазгәарҭеит лара Қырҭтәыла дшырхәышәтәуаз, уаҟа шакәу лыԥсҭазаара дахьалҵыз.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау