Аруаа рыхәмаррақәеи афоруми: Шоигу Жәларбжьаратәи арратә проект хациркит

25
(ирҿыцуп 12:52 24.08.2020)
Аконгресс-цәыргақәҵатә центр "Патриот", аҳаирдром Кубинкеи Алабинои рҟны иааиуа амчыбжьқәа рзы ишоурахоит - жәларбжьаратәи арратә усмҩаԥгатәқәа ҩба ҟалоит.

Алексеи Стефанов

Традициала ишаԥу еиԥш, жәларбжьаратәи арратә хәмаррақәеи арра-техникатә форум "Арреи" мҩаԥысуан хаз-хазы, аха апандемиа иахҟьаны сынтәа аҩусмҩаԥгатәык еицымҩаԥыргеит. Амала афорум нҵәоит нанҳәа 29 рзы, ахәмаррақәа - цәыббра 5 рзы.

Раԥхьатәи амш азы аҳәаанырцәтәи аделегациақәа 92 аахьан, 18 ҳәынҭқарра рҟынтәи ртәылахьчара рминистррцәеи урҭ рхаҭыԥуааи аарышьҭит.

"Сынтәа аусмҩаԥгатә дуқәа ҩба ҳаицрылагоит. Уи азы апрограмма еиҳагьы ауаҩы дыхнахыртә, ихамышҭыртә иҟалоит", - иҳәеит Урыстәыла ахада Владимир Путин, афорум алахәцәа рахь ихы нарханы. Иара иқәгылара ашьҭахь асценахь инеит Урыстәыла аԥыза-министр Михаил Мишустини атәылахьчара аминистр Сергеи Шоигуи.

"Агәра ганы сыҟоуп ахәмаррақәа ирылахәу, урҭ ирыхәаԥшуа зегьы рзы иланарԥшыгахоит ҳәа. Ара иалшоит хәарҭара злоу еиуеиԥшым апроектқәа, аиқәшаҳаҭрақәа раԥҵара, ԥхьаҟа узго аԥшьгамҭақәа рылацәажәара, зегь реиҳа ихадоу - арра-техникатә усхкаҿы жәларбжьаратәи аусеицуразы аҿиарамҩа анылара", - иҳәеит Михаил Мишустин.

Сергеи Шоигу аҳәаанырцәтәи аделегациақәа ҭабуп ҳәа реиҳәеит аамҭа ԥшааны ари имариам аамҭазы урыстәылатәи абџьар азҟазацәа рылшамҭақәа ирыхәаԥшырц иахьааз.

Урыстәыла атәылахьчара аминистр иазгәеиҭеит ари арра-техникатә форум "Арра" адунеи аҟны "зегь реиҳа зымҽхак ҭбаау аџьаԥҳани арратә техникеи рфорум акәхеит" ҳәа. Алахәцәа зегьы ақәҿиарақәа рзеиӷьеишьеит, аха алафагьы иҳәеит - "аҩбатәи нахыс аҭыԥқәа зегьы шәара ишәтәуп" ҳәа.

Анаҩс ахҭысқәа ыиасит аполигон Алабино ахь. Уа ахәаԥшцәа рзы иқәгылеит иреиҳаӡоу апилотаж аекипажқәа "Ажәҵарақәа", "Аурыс витиазқәа", "Аберкутқәа", 16 тәыла ртанктә бригадақәа. Урҭ ирылан Аԥсны, Азербаиџьан, Белоруссиа, Ҟазахсҭан, Кырӷызсҭан, Ҭаџьықисҭан, Узбеқисҭан, Аахыҵ Уаԥстәыла рыруаа.

Уи аҽны раԥхьатәи реиҳа иӷәӷәоу адивизион аицлабра мҩаԥысит. Уи иалахәын ԥшь-тәылак ркомандақәа: Беларусь, Азербаиџьан, Китаи, Сербиа. Аиааира агеит Китаи акоманда (19:20 рыла), уи еснагь еиԥш иара иҭнажьыз атанк ала иааит, аҩбатәи аҭыԥ ааннакылеит Беларусь (21:57 рыла), ахԥатәи - Азербаиџьан (22:31 рыла), аԥшьбатәи - Сербиа (29:59 рыла).

Актәи амш хыркәшан аныҳәатә концерт ду ала, уи рызкын Урыстәылатәи Афедерациа Арбџьармчқәа ирызку Ауахәама хадеи "Агәалашәара амҩа" акомплекси аԥызҵази изыргылази ауаа.

Иара убас шәаԥхьар ҟалоит:

25

Краснодартәи атәылаҿацә аҿы 92-ҩык COVID-19 рыдбалоуп

1
(ирҿыцуп 16:52 18.09.2020)
Иахьатәи аамҭазы Урыстәыла иахьаҵанакуа 1 091 186 акоронавирус хҭыс шьақәырӷәӷәоуп 85 регион рҿы. Аҵыхәтәантәи уахыки-ҽнаки рыла 5905-ҩык ирыдбалан акоронавирус.

АҞӘА, цәыббра 18 – Sputnik. Краснодартәи атәылаҿацә аҿы иаҳхысыз уахыки-ҽнаки рыла 92-ҩык акоронавирус рыдырбалеит ҳәа аанацҳауеит Краснодартәи атәылаҿацә ахадара.

"Краснодар 35-ҩык COVID-19 рыдбалан, Гориачи Клиуч – 7,  Шәача – 12, Крыловски араион – 6,  Новороссиск – 5, Абинск – 3,  Белоглинск – 3, Апшеронск, Крымск, Красноармеиск, Белореченск, Каневск араионқәа рҿы ҩыџьа-ҩыџьа,  Анапа, Кушьчевск,  Выселковск, Славианск, Калининском, Приморско-Ахтарск, Гулькевичск, Усть-Лабинск араионқәа рҿи Армавири – аӡәаӡәа чмазцәахеит ",  - ҳәа аҳәоит адырраҭараҿы.

Цәыббра 18 азтәи адыррақәа рыла амедицинннатә усҳәарҭақәа рахь идҵаалахьеит COVID-19 агәаҭаразы 43062-ҩык. Аполиклиникақәа рҿи аҩни хылаԥшра рымоуп 4672-ҩык, 966-ҩык хәыҷқәоуп.

Алабораториақәа 965 909 ҭҵаара мҩаԥыргахьеит. Зынӡа 12 843 коронавирус хҭыс азгәаҭоуп.

Акоронавирус иазку ажәабжьқәа шәрыԥхьар ҟалоит абра>>

1
Атемақәа:
Ачымазара ҿкы – акоронавирус Аԥсни адунеи аҿи: иалкаау

Ҟәбан 93 коронавирустә хҭыс ҿыц аарԥшуп

7
(ирҿыцуп 11:52 17.09.2020)
Уахыки-ҽнаки рыла Урыстәыла иазгәаҭоу COVID-19 ахҭысқәа даҽа 5762 ацлеит. Зынӡа апандемиа иалагӡаны атәылаҿы иаарԥшуп 1 085 281 ачымазара ахҭысқәа.

АҞӘА, цәыббра 17 – Sputnik. Краснодартәи атәылаҿацә аҟны иаҳхысыз уахыки-ҽнаки рыла COVID-19 ахҭыс ҿыцқәа 93 шьақәыргылоуп ҳәа аанацҳауеит атәылаҿацә ахадара.

Акоронавирус аарԥшын Ҟәбан амуниципалтә еиҿкаарақәа 18 рҿы.

"Краснодар ақалақь аҿы ачымаза рцәа ишалоу шьақәырӷәӷәахеит 41-ҩык. Гориачи Клиучи Крыловтәи араиони рҟны хәҩык-хәҩык ачымазцәа аарԥшуп. Кушьиовтәи, Кавказтәи, Апшеронтәи, Славиантәи, Каневтәи араионқәеи Новороссииск ақалақьи рҟны ԥшьҩык-ԥшьҩык. Павловтәи, Северсктәи, Калининтәи араионқәа рҟны акоронавирустә хҭысқәа хԥа-хԥа азгәаҭоуп. Анапа, Крымтәи, Белоречентәи араионқәа рҟны ҩба-ҩба. Выселковтәи,  Бриуховецктәи, Тҟәаԥстәи араионқәа рҟны аӡәаӡәа пациент ыҟоуп", - ҳәа азгәаҭоуп аацҳамҭаҿы

Апандемиа ҟалеижьҭеи Ҟәбан зынӡа иаарԥшуп 12 751 коронавирустә хҭысқәа, урҭ рахьтә 862 – ахәыҷқәа рҟны. 10 069-ҩык апациентцәа ргәы бзиахахьеит, аҵыхәтәантәи уахыки-ҽнаки рыла 52-ҩык рыҩныҟақәа иоурышьҭит. Рыԥсҭазаара иалҵит 231, иахьазы 37-ҩык рҭагылазаашьа хьанҭаны иҟоуп.

Акоронавирус иазку аҵыхәтәантәи ажәабжьқәа зегьы шәрыԥхьар ҟалоит абра>>

 

7
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аҟәатәи ашкол адыркит акоронавирус злаз арҵаҩы лыԥсҭазаара даналҵ ашьҭахь

11
(ирҿыцуп 23:25 20.09.2020)
Апандемиа ааҟалеижьҭеи Аԥсны акоронавирус зцәа иалоу 939-ҩык аарԥшын. Цәыббра 20 рызтәи аоперштаб адыррақәа рыла, Гәдоуҭатәи ахәышәтәырҭаҿы ишьҭоуп 97-ҩык апациентцәа.

АҞӘА, цәыббра 20 — Sputnik, Асмаҭ Ҵәыџьԥҳа. Баграт Шьынқәба ихьӡ зху Аҟәатәи абжьаратә школ №1 аҵаҩцәа акарантин ахь аҩныҟа иоушьҭуп ҩымчыбжь ҳәа, ашкол аҿы аепидемиологиатә ҭагылазаашьа ахьеицәахаз инамаданы, абри атәы Sputnik иазеиҭалҳәеит ашкол адиректор Нонна Делԥҳа.

Лара лажәақәа рыла, иахьа ашкол адирекциахь адырра ҟарҵеит акоронавирус зцәа иалаз рырҵаҩцәа руаӡәк, даҽа хроникатә чымазаракгьы зцәа иалаз, лыԥсҭазаара дшалҵыз. Иара убасгьы рышкол аҿы аклассқәа хәба рҟны ари аҿкы чымазара зцәа иалаз ачымазцәа азгәарҭахьан. Уи адагьы аҭаацәа аӡәырҩы  рхәыҷқәа COVID-19 асимптомқәа шрыдырбало адиректор иларҳәарц азы аҭел ишылзасыц илзасуеит.

"Сара аҵара аминистр аҭел сизасит, иҟоу аҭагылазаашьа иеилсыркаарц азы. Иара аҵаҩцәа ҩымчыбжьа ҳәа иоушәышьҭ акарантин ахь иҳәеит, избанзар ҳашкол аҿы актәи, аҩбатәи, ахԥатәи аклассқәа рҿы ада, егьырҭ аклассқәа зегьы рҿы аҿкы злалаз ахәыҷқәа ыҟоуп, урҭ зегьы аишьцәа, аиҳәшьцәа рымоуп егьырҭ аклассқәа рҟны. Иара убас ҳарҵаҩцәа быжьҩык акарантин аҿы иҟоуп, саргьы сыбжьы иахьа исгәаԥхом", - лҳәеит Делԥҳа.

Иара убас лара иазгәалҭеит иахьа Асанитартә епидемиологиатә станциа анапхгара лыҽрымалдарц дшаҿыз, аха аӡәгьы аҭел шьҭимхит ҳәа. Делԥҳа ишылҳәаз ала, уажәы ашкол адирекциа аилкаара иаҿуп шаҟаҩык рҵаҩцәеи рырҵаҩцәеи акоронавирус рыхьыз, макьана урҭ рхыԥхьаӡара рыздыруам.

Аԥсны агәабзиарахьчара аминистрра апресс-маҵзура COVID-19 зыхьны иҟаз арҵаҩы лыԥсҭазаара дшалҵыз азы аинформациа Sputnik иазышьақәнарӷәӷәеит, иагьазгәарҭеит лара Қырҭтәыла дшырхәышәтәуаз, уаҟа шакәу лыԥсҭазаара дахьалҵыз.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

11
Атемақәа:
Ачымазара ҿкы – акоронавирус Аԥсни адунеи аҿи: иалкаау