Начало учебного года в Москве

Урыстәыла агәабзиарахьчара аминистрраҿы ахәыҷқәа ашкол ишазыҟаҵатәу рҳәеит

9
(ирҿыцуп 11:22 31.08.2020)
COVID-19 ауаа ирыхьуеит ҳәа макьана ашәарҭара ыҟоуп, убри азы аҭаацәа рхәыҷқәа ашкол ахь ианырышьҭуа азҿлымҳара ду аадырԥшыроуп.

АҞӘА, нанҳәа 31 - Sputnik. Аҭаацәа рхәыҷқәа ирзеиҭарҳәалароуп акоронавирус ашәарҭарақәа ртәы, иара убас аҽрыцқьара аԥҟарақәа зегьы гәарҭалароуп, рҳәеит Урыстәыла агәабзиарахьчара аминистрра апресс-маҵзураҿы.

Ахәыҷы еиликаартә изеиҭаҳәатәуп акоронавирус ашәарҭара шаҵоу, иара убас апрофилактикатә усмҩаԥгатәқәагьы ҟаҵатәуп, рҳәеит апресс-маҵзураҿы.

Уи адагьы рхаҭа иддырбароуп асабрадақәа, анапҭарԥақәа шныҟәгатәу, рнапқәа рыӡәӡәалар шакәу, иааигәаны ауаа ирыдгылар шаҭахым.

Иара убас ахәыҷы инапқәа арзҩыдақәа рыла ирыцқьалароуп ҳәа азгәарҭеит Агәабзиарахьчара аминистрраҟны. Уи адагьы, COVID-19 асимптомақәа арбақәан рдырроуп аҭаацәа, ианаҭаххалак, рҳақьыми дареи еимадазароуп.

Ашкол аҟны ахәыҷы иоур илшо ахьаақәа, иаҳҳәап, абла хьаа, абаҩ-жьышәа хьаақәа уҳәа егьырҭгьы ахәыҷы изцәырымҵырц азы ианахәҭоу иԥсы иршьо, ианахәҭоу аҵара иҵо иҟарҵалароуп, аблақәа ргимнастикеи аҭаалыми идырҟаҵалароуп рҳәеит Агәабзиарахьчара аминистрраҟны.

Аԥсны аҵарашықәс алагамҭазы атәыла Асанепидемстанциа акоронавирустә инфекциа алаҵәареи уи амырҭбаареи рзы аҵара-ааӡаратә усбарҭақәа зықәныҟәаша абжьгарақәа ҟанаҵеит.

Аҵара аминистр Инал Габлиа аԥсуаа рхәыҷқәа аԥсуа школқәа рахь мацара ирышьҭыроуп ҳәа зҳәо адҵа ҟаиҵеит. Аха мышқәак рышьҭахь уи адҵа аԥыхын.

9
Атемақәа:
Ачымазара ҿкы – акоронавирус Аԥсни адунеи аҿи: иалкаау (700)

Краснодартәи атәылаҿацә аҿы 92-ҩык COVID-19 рыдбалоуп

1
(ирҿыцуп 16:52 18.09.2020)
Иахьатәи аамҭазы Урыстәыла иахьаҵанакуа 1 091 186 акоронавирус хҭыс шьақәырӷәӷәоуп 85 регион рҿы. Аҵыхәтәантәи уахыки-ҽнаки рыла 5905-ҩык ирыдбалан акоронавирус.

АҞӘА, цәыббра 18 – Sputnik. Краснодартәи атәылаҿацә аҿы иаҳхысыз уахыки-ҽнаки рыла 92-ҩык акоронавирус рыдырбалеит ҳәа аанацҳауеит Краснодартәи атәылаҿацә ахадара.

"Краснодар 35-ҩык COVID-19 рыдбалан, Гориачи Клиуч – 7,  Шәача – 12, Крыловски араион – 6,  Новороссиск – 5, Абинск – 3,  Белоглинск – 3, Апшеронск, Крымск, Красноармеиск, Белореченск, Каневск араионқәа рҿы ҩыџьа-ҩыџьа,  Анапа, Кушьчевск,  Выселковск, Славианск, Калининском, Приморско-Ахтарск, Гулькевичск, Усть-Лабинск араионқәа рҿи Армавири – аӡәаӡәа чмазцәахеит ",  - ҳәа аҳәоит адырраҭараҿы.

Цәыббра 18 азтәи адыррақәа рыла амедицинннатә усҳәарҭақәа рахь идҵаалахьеит COVID-19 агәаҭаразы 43062-ҩык. Аполиклиникақәа рҿи аҩни хылаԥшра рымоуп 4672-ҩык, 966-ҩык хәыҷқәоуп.

Алабораториақәа 965 909 ҭҵаара мҩаԥыргахьеит. Зынӡа 12 843 коронавирус хҭыс азгәаҭоуп.

Акоронавирус иазку ажәабжьқәа шәрыԥхьар ҟалоит абра>>

1
Атемақәа:
Ачымазара ҿкы – акоронавирус Аԥсни адунеи аҿи: иалкаау (700)

Ҟәбан 93 коронавирустә хҭыс ҿыц аарԥшуп

7
(ирҿыцуп 11:52 17.09.2020)
Уахыки-ҽнаки рыла Урыстәыла иазгәаҭоу COVID-19 ахҭысқәа даҽа 5762 ацлеит. Зынӡа апандемиа иалагӡаны атәылаҿы иаарԥшуп 1 085 281 ачымазара ахҭысқәа.

АҞӘА, цәыббра 17 – Sputnik. Краснодартәи атәылаҿацә аҟны иаҳхысыз уахыки-ҽнаки рыла COVID-19 ахҭыс ҿыцқәа 93 шьақәыргылоуп ҳәа аанацҳауеит атәылаҿацә ахадара.

Акоронавирус аарԥшын Ҟәбан амуниципалтә еиҿкаарақәа 18 рҿы.

"Краснодар ақалақь аҿы ачымаза рцәа ишалоу шьақәырӷәӷәахеит 41-ҩык. Гориачи Клиучи Крыловтәи араиони рҟны хәҩык-хәҩык ачымазцәа аарԥшуп. Кушьиовтәи, Кавказтәи, Апшеронтәи, Славиантәи, Каневтәи араионқәеи Новороссииск ақалақьи рҟны ԥшьҩык-ԥшьҩык. Павловтәи, Северсктәи, Калининтәи араионқәа рҟны акоронавирустә хҭысқәа хԥа-хԥа азгәаҭоуп. Анапа, Крымтәи, Белоречентәи араионқәа рҟны ҩба-ҩба. Выселковтәи,  Бриуховецктәи, Тҟәаԥстәи араионқәа рҟны аӡәаӡәа пациент ыҟоуп", - ҳәа азгәаҭоуп аацҳамҭаҿы

Апандемиа ҟалеижьҭеи Ҟәбан зынӡа иаарԥшуп 12 751 коронавирустә хҭысқәа, урҭ рахьтә 862 – ахәыҷқәа рҟны. 10 069-ҩык апациентцәа ргәы бзиахахьеит, аҵыхәтәантәи уахыки-ҽнаки рыла 52-ҩык рыҩныҟақәа иоурышьҭит. Рыԥсҭазаара иалҵит 231, иахьазы 37-ҩык рҭагылазаашьа хьанҭаны иҟоуп.

Акоронавирус иазку аҵыхәтәантәи ажәабжьқәа зегьы шәрыԥхьар ҟалоит абра>>

 

7
Атемақәа:
Ачымазара ҿкы – акоронавирус Аԥсни адунеи аҿи: иалкаау (700)

Аҟәатәи ашкол адыркит акоронавирус злаз арҵаҩы лыԥсҭазаара даналҵ ашьҭахь

11
(ирҿыцуп 23:25 20.09.2020)
Апандемиа ааҟалеижьҭеи Аԥсны акоронавирус зцәа иалоу 939-ҩык аарԥшын. Цәыббра 20 рызтәи аоперштаб адыррақәа рыла, Гәдоуҭатәи ахәышәтәырҭаҿы ишьҭоуп 97-ҩык апациентцәа.

АҞӘА, цәыббра 20 — Sputnik, Асмаҭ Ҵәыџьԥҳа. Баграт Шьынқәба ихьӡ зху Аҟәатәи абжьаратә школ №1 аҵаҩцәа акарантин ахь аҩныҟа иоушьҭуп ҩымчыбжь ҳәа, ашкол аҿы аепидемиологиатә ҭагылазаашьа ахьеицәахаз инамаданы, абри атәы Sputnik иазеиҭалҳәеит ашкол адиректор Нонна Делԥҳа.

Лара лажәақәа рыла, иахьа ашкол адирекциахь адырра ҟарҵеит акоронавирус зцәа иалаз рырҵаҩцәа руаӡәк, даҽа хроникатә чымазаракгьы зцәа иалаз, лыԥсҭазаара дшалҵыз. Иара убасгьы рышкол аҿы аклассқәа хәба рҟны ари аҿкы чымазара зцәа иалаз ачымазцәа азгәарҭахьан. Уи адагьы аҭаацәа аӡәырҩы  рхәыҷқәа COVID-19 асимптомқәа шрыдырбало адиректор иларҳәарц азы аҭел ишылзасыц илзасуеит.

"Сара аҵара аминистр аҭел сизасит, иҟоу аҭагылазаашьа иеилсыркаарц азы. Иара аҵаҩцәа ҩымчыбжьа ҳәа иоушәышьҭ акарантин ахь иҳәеит, избанзар ҳашкол аҿы актәи, аҩбатәи, ахԥатәи аклассқәа рҿы ада, егьырҭ аклассқәа зегьы рҿы аҿкы злалаз ахәыҷқәа ыҟоуп, урҭ зегьы аишьцәа, аиҳәшьцәа рымоуп егьырҭ аклассқәа рҟны. Иара убас ҳарҵаҩцәа быжьҩык акарантин аҿы иҟоуп, саргьы сыбжьы иахьа исгәаԥхом", - лҳәеит Делԥҳа.

Иара убас лара иазгәалҭеит иахьа Асанитартә епидемиологиатә станциа анапхгара лыҽрымалдарц дшаҿыз, аха аӡәгьы аҭел шьҭимхит ҳәа. Делԥҳа ишылҳәаз ала, уажәы ашкол адирекциа аилкаара иаҿуп шаҟаҩык рҵаҩцәеи рырҵаҩцәеи акоронавирус рыхьыз, макьана урҭ рхыԥхьаӡара рыздыруам.

Аԥсны агәабзиарахьчара аминистрра апресс-маҵзура COVID-19 зыхьны иҟаз арҵаҩы лыԥсҭазаара дшалҵыз азы аинформациа Sputnik иазышьақәнарӷәӷәеит, иагьазгәарҭеит лара Қырҭтәыла дшырхәышәтәуаз, уаҟа шакәу лыԥсҭазаара дахьалҵыз.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

11
Атемақәа:
Ачымазара ҿкы – акоронавирус Аԥсни адунеи аҿи: иалкаау (700)