Шәача иӡыз атуристцәа рхабар ҟарҵеит

11
Аиқәырхаратә операциа иалахәуп 60-ҩык инареиҳаны ауаа, шьыжьнаҵы аԥшаарақәа ирылагеит авертолиот Ми-8 алагьы. Уи адагьы иадԥхьалоуп аҽтәы-кинологтә гәыԥ хә-ҽык ирықәтәаны.

АҞӘА, цәыббра 7 – Sputnik. Амҽыша аахижьҭеи аиқәырхаҩцәа Шәача ашьхақәа рҿы изышьҭаз хҩык адуцәеи ааҩык ахәыҷқәеи рхабар ҟарҵеит, абри атәы РИА Новости иазеиҭарҳәеит Краснодартәи атәылаҿацәа апрокуратура.

Атуристцәа адырра ҟарҵеит дара зегьы рыԥсы шҭоу. Урҭ ахьыҟоу аҭыԥ ахь аиқәырхаҩцәа рышьҭит ҳәа иазгәарҭоит апрокуратураҿы.

11-ҩык злоу агәыԥ Шәача ашьхараҿы иҟоуп, урҭ рыуацәа рыҽрызрымадаӡом ҳәа АҶА ахь адырра ҟалеит цәыббра 6 асааҭ 23:25 рзы.

Зхыԥхьаӡараҿы ааҩык ахәыҷқәа (қәрала жәба инаркны 16 рҟынӡа зхыҵуа) ыҟоу 11-ҩык злоу зыҽҭазымҩыз агәыԥ ашьыжь, цәыббра 6 рзы Шәача ақалақь Адлертәи араион аҳабла Есто-Садок аҟынтәи идәықәлеит Роза Пик араион аҿы ашьхара иаԥну аӡиахь (аҳаракыра 2320 метра) Роза Хутор аладатәи анаараҿы. Анаҩс дара аимадарахь уаҳа ицәырымҵит.

Акурорт "Роза Хутор" адыррақәа рыла, атуристцәа дара ротельқәа рҿы рыԥсы ршьаӡомызт, агәаанагара ыҟоуп дара акурорт иаҵанакуа амҩахәасҭақәа рыла акәӡам ашьха ишцаз

11

Ҭырқәтәыла алаҵа "Спутник V" аҭыжьра иалагоит

5
(ирҿыцуп 14:41 23.01.2021)
Акоронавирус аҟынтәи раԥхьатәи урыстәылатәи алаҵа "Спутник V" 90% хра шамаз аанарԥшит.

АҞӘА, ажьырныҳәа 23-Sputnik. Ҭырқәтәыла алаҵа "Спутник V" аҭыжьра иалагоит, абри атәы РИА Новости иазеиҭарҳәеит аинвестициақәа рзы Урыстәылатәи афонд аҟны.

Афонди ҭырқәтәылатәи афармацевтцзеи аиқәшаҳатра рыбжьарҵеит.

Иазгәаҭоуп, шықәсык "Спутник V" миллион доза рҟынӡа иҭрыжьлоит ҳәа.

Нанҳәамзазы Урыстәыла Агәабзиарахьчара аминистрра ашәҟәы иҭанагалеит COVID-19 аҟынтәи адунеи аҿы ираԥхьатәиу алаҵа. Алаҵа аус адулан Гамалеи ихьӡ зху НИЦЕМ аҿы аинвестициақәа рзы Урыстәылатәи афонд ацхыраарала. Хьӡыс иаҭан "Спутник V". Алаҵа ҩ-хкыкны еилоуп, хымчыбжь бжьаҵаны ҩынтәны иудукылароуп.

"Спутник V" Аԥсныҟа иааргараны иҟоуп 2021 шықәса ажьырныҳәа анҵәамҭеи жәабран алагамҭеи рзы ҳәа ателеканал RT иазеиҭеиҳәеит ареспублика ахада Аслан Бжьаниа.

2020 шықәса цәыббрамзазы Аԥсны аҳәара ҟанаҵеит "Спутник-V" 20 нызқь доза Аԥсныҟа иаашьҭызарц.

Иара убас шәаԥхьар ҟалоит:

5
Атемақәа:
Ачымазара ҿкы – акоронавирус Аԥсни адунеи аҿи: иалкаау

НАТО ҩаԥхьа Урыстәыла Аԥсни Аахыҵ Уаԥстәылеи разхаҵара мап ацәнакырц иаанаԥхьеит

10
Урыстәыла Аԥсни Аахыҵ Уаԥстәылеи рхьыԥшымра азханаҵеит 2008 шықәса нанҳәамзазы амч ахархәарала уаанӡатәи автономиақәа архынҳәырц азы иаԥшьнагаз ахҭысқәа рышьҭахь.

АҞӘА, ажьырныҳәа 22 – Sputnik. НАТО Урыстәыла Аԥсни Аахыҵ Уаԥстәылеи разхаҵара мап ацәнакырц ишаанаԥхьац иаанаԥхьоит иҳәеит НАТО аҳәынҭмаӡаныҟәгаҩ Иенс Столтенберг Бриуссель Қырҭтәыла ахада Саломе Зурабишвили дылԥылаанӡа имҩаԥигоз апресс-конференциаҿы. Абри атәы аанацҳауеит РИА Новости.

"Ҳара Урыстәыла Аԥсни Аахыҵ Уаԥстәылеи ррегионқәа разхаҵара мап ацәнакырц ишааҳаԥхьац иааҳаԥхьоит", - иҳәеит иара.

Столтенберг иара убас иациҵеит Урыстәыла "Қырҭтәыла аҵакыра акзаара ҳасаб азнауларц, жәларбжьаратә азин пату ақәнаҵаларц".

Уаанӡа адырра ҟарҵахьан Қырҭтәыла ахада Саломе Зурабишвили ажьырныҳәа 22 рзы Бриуссель иҟоу НАТО аштаб-квартира дшаҭаауа, иара убас НАТО-Қырҭтәыла еицырзеиԥшу акомиссиа аилатәара дшалахәхо.

Урыстәыла Аԥсни Аахыҵ Уаԥстәыла рхьыԥшымра азханаҵеит нанҳәа 26 2008 шықәсазы. Урыстәыла аиҳабыра изныкымкәа ирҳәахьан арҭ аҩтәылак рхьыԥшымра азхаҵара аиҭахәаԥшра ргәы ишҭам, уи аӡбамҭа иахьатәи аамҭа ишақәшәо. Қарҭ акәзар, урҭ рхьыԥшымра азханаҵарц агәы иҭам.

Нанҳәа 8 ауха 2008 шықәса рзы ақырҭуа ар "Градқәа", атанкқәа, авиациа рыла ихысуа аахыҵ Уаԥстәыла иажәлеит, аҳҭнықалақь Цхинвал абжа еилаԥырыххааит. Урыстәыла ауаԥс жәлар аӡәреи-аԥсреи ирцәыхьчо, ақырҭуа ир ирҿагылеит. Хәымш ицоз аибашьра ашьҭахь Аахыҵ Уаԥстәыла ахы иақәиҭтәын.

Ауаҩы изинқәа рзы Европатәи аӡбарҭа иацы ҵаҵӷәык аҵам ҳәа иаԥхьаӡеит 2008 шықәса нанҳәамзазтәи ахҭысқәа рзы Қырҭтәыла Урыстәыла иаднаҵо ахара.

Иара убас шәаԥхьар ҟалоит:

10

Атәылауаҩи аиҳабыреи: Џьопуа "Аԥсныбылтәы" 2020-тәи ашықәс азы аусура иазкны

0
(ирҿыцуп 15:18 23.01.2021)
Аҳәынҭқарратә наплакы "Аԥсныбылтәы" аиҳабы Рамаз Џьопуа арадио Sputnik аефир аҿы еиҭеиҳәеит 2020-тәи ашықәс ишҭысыз атәы.
Атәылауаҩи аиҳабыреи: Џьопуа "Аԥсныбылтәы" 2020-тәи ашықәс азы аусура иазкны

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

 

0