Архивное фото.

Урыстәыла атәылауаҩра аиура зырмариоу азакәан аус адырулоит

7
(ирҿыцуп 18:03 10.09.2020)
Цәыббра 9 рзы Урыстәыла Ауаажәларратә палатаҿ имҩаԥысит аԥхьанатәтә ԥхьара 2021 шықәсазы ицәыргахар зылшо азакәан ҿыц атекст апроект аганахь ала.

АҞӘА, цәыббра 10 – Sputnik. Урыстәыла атәылауаҩра аиура зырмариоу, аҳәаанырцәуаа аусурҭа ҭыԥқәа роура алзыршо азакәан аус адырулоит ҳәа аанацҳауеит РИА Новости.

Афедералтә закәан ҿыц аконцепциа азнархиеит атәыла Аҩныҵҟатәи аусқәа рминистрра, уажәы аминистрреи анагӡаратә мчра афедералтә усбарҭақәеи ҳәа лҳәеит Урыстәыла ААР амиграциа азҵаарақәа рзы аусбарҭа аиҳабы Валентина Казакова.

Лара лажәақәа рыла азакәан аналагалахалак Урыстәыла аҵакыраҿы аҟазаара арежим аҽеиҭанакуеит иара убасгьы имариахоит адокументқәа реиҿкаара апроцедура.

"Ҳара, уажәы ишыҟоу ала аамҭала анхараз азинҟаҵара аинститут мап ацәкра ҳагәҭакуп. Уи акыр еихачаԥоуп… аԥхьа аамҭала анхараз азин аҭахуп, нас – анхараз алшара узҭо абӷьыц, уи ашьҭахь ауп атәылауаҩра аиура аналшо", - лҳәеит Казакова.

Лара иазгәалҭеит ишырмариахо аҳәаанырцәуаа аусурҭа ҭаԥқәа рыҭара апроцедурагьы.

"Аҳәаанырцәуаҩ Урыстәыла аҵакырахь усура даауазар, идокументқәа хаҭабзиарала реиҿкаара илшо дыҟазароуп. Уи азы иаҭаххоит еиуеиԥшым аелектронтә реестрқәа: аусураҭаҩцәа реестр, аҳәаанырцә тәылауаа-усуҩцәа реестр. Адокументқәа аелектронтә формала реиҿкаарахь амҩа ҳануп", - лҳәоит лара.

2021 шықәса рзы аусура иалагар зылшо Афедералтә закәан ҿыц аконцепциа азнархиеит атәыла Аҩныҵҟатәи аусқәа рминистрра, уажәы аминистрреи анагӡаратә мчра афедералтә усбарҭақәеи.

Уаанӡатәи атәылауаҩра аиура армариаразы азакәан 2020 шықәса мшаԥымзазы Владмир Путин инапы аҵеиҩит. Уи азакәан ала уаанӡатәи атәылауаҩра  мап ацәкра аҭагылазаашьақәа аԥыххон, хышықәсатәи атәылаҿ анхара аҭагылазаашьақәа ыррмариахон иара убасгьы ирмариахон еиуеиԥшым аԥҟарақәа.

7

Урыстәыла Аҳәынҭқарратә Дума Ашьха Ҟарабах азы ааԥхьара ҟанаҵеит

5
Урыстәыла Аҳәынҭқарратә Дума Ашьха Ҟарабах азы ааԥхьара рзынашьҭхоит Урыстәыла ахадеи аиҳабыреи, Азербаиџьани Ермантәылеи рпарламентқәа, ОБСЕ Минсктәи агәыԥ аицхантәаҩцәа, Европа Апарламенттә ассамблеиа ахеилаки егьырҭ жәларбжьаратәи аиҿкаарақәеи.

АҞӘА, цәыббра 29 – Sputnik. Урыстәыла Аҳәынҭқарратә Дума Ашьха Ҟарабах азы ааԥхьарыла ақәҵара аднакылеит ҳәа аанацҳауеит РИА Новости.

"Аҳәынҭқарратә Дума ааԥхьара ҟанаҵоит амца аанкылазарц ԥхьаҟазы иҟалар зылшо аԥсыҭбарақәа алмыршахарц, арегион аҿы мҽхакыҭбаалатәи аибашьра ҟамларазы. Аҳәынҭқарратә Дума адепутатцәа аганқәа рахь ааԥхьара ҟарҵоит аиҿцәажәаратә процесс иазыхынҳәырц, аҭагылазаашьа аҭышәныртәаларазы абжьаҟазара иазыхиоуп", - аҳәоит аҳәамҭаҿы.

Адепутатцәа рааԥхьараҿы агәҭынчымра аадырԥшуеит Ашьха-Ҟарабахтә еимакы азонаҿы иаалырҟьаны аибарххара аҭыԥ ахьаиуз азы, ацәшәара рымоуп аԥсыҭбарақәа ҟалоит ҳәа, амч ахархәара иақәыӡбоит.

"Ақәҵара бжьеицҿакрыла ирыдыркылеит. Леонид Иван-иԥа (Калашников, ИАР атәылақәа рзы аилак аиҳабы), ҳшәыҳәоит Ермантәылеи Азербаиџьани рпарламентқәа рҟынтәи ҳколлегацәа ҳаӡбамҭа дшәырдырырц, инаҵшьны иазгәашәҭарц ҳара иарбанызаалак аимак адипломатиатә мҩала аҭыԥ ақәҵара ҳшадгылаҩцәоу", - иҳәеит Аҳәынҭдума ахантәаҩы Виачеслав Володин апленартә еилатәараҿы.

Цәыббра 27 ашьыжь Азербаиџьан Атәылахьчара аминистрра аҳәамҭа ҟанаҵеит Ермантәыла Арбџьармчқәа Ҟарабах аинырратә цәаҳәала иҟоу анхарҭақәа ирылахысит ҳәа. Дара урҭ адыррақәа рыла, атәылауаа рыбжьара иҭахаз ыҟоуп. Ермантәыла Арбџьармчқәа ишырҳәаз ала, Ҟарабах "аҳауантәи аракетақәа рыла иажәлеит". Ереван ирҳәеит Бақәа "ҳажәло иалагеит" ҳәа, ҟарабахтәи ахырхарҭала. Иазхаҵам Ашьха-Ҟарабахтәи Ареспубликаҿы адырра ҟарҵеит, артиллериала ишреихсыз аҭынч уааԥсыра рынхарҭақәа, аҳҭнықалақь Степанакертгьы уахь иналаҵаны. Аиҳабыра ауааԥсыра рахь ааԥхьара ҟанаҵеит рҽыԥхьаркырц, уи ашьҭахь Ҟарабах аибашьратә ҭагылазаашьеи амобилизациеи рыларҳәеит. Аибашьратә ҭагылазаашьеи амобилизациеи рыларҳәеит иара убас Ермантәылагьы. Бақәа акәзар, амобилизациа аҭахны иҟам рҳәеит, ҳар зегь рыла еиқәшәоуп ҳәа.

Азербаиџьан ахада Ильхам Алиев ареспублика ақалақьқәаки арегионқәаки рҿы арратә ҭагылазаашьеи ареспубликаҿы акоменданттә сааҭи шалагалоу атәы иҳәеит. Иара убасгьы ахәҭаклатәи амобилизациа рылеиҳәеит.

Иара убас шәаԥхьар ҟалоит:

5

Ҟәыбан уахыки-ҽнаки рыла 96 коронавирус хҭыс ҿыцқәа ыҟоуп

4
(ирҿыцуп 13:05 28.09.2020)
Урыстәылатәи арегионқәа 84 рҟны уахыки-ҽнаки рыла 8135-ҩык COVID-19 рыдбалоуп, 27% ачымазара асимптомқәа рымоуп.

АҞӘА, цәыббра 28 – Sputnik. Ииасыз амши аҵхи рзы Краснодартәи атәылаҿацә аҿы 96 COVID-19 хҭыс азгәаҭан ҳәа аанацҳауеит Ҟәыбан ахадара асаит.

"Краснодар 41-ы чмазцәахеит,  Новороссииск – 13, Шәача – 6, Еисктәи араион - 5, Белореченск - 3, Геленџьик – 3, Гориачи Клиуч - 3, Тҟәаԥси Крыловсктәи араионқәа рҿы хҩык-хҩык. Ҩыџьа-ҩыџьа чмазцәоуп:  Новопокровск, Каневск, Крымск, Северск, Абинск араионқәа рҿы, аӡәаӡәа: Славианск, Усть-Лабинск, Красноармеиск, Тихорецк, Тимашевск араионқәа рҿы", - аҳәоит адырраҭараҿы.

Иахьазы Ҟәыбан ачымазара рыхьхьеит – 13790-ҩык, 1043-ҩык хәыҷқәоуп. Ргәы бзиахахьеит - 10443 пациент, 273-ҩык рыԥсҭазаара иалҵит.

Иахьынхо аҭыԥ ала аполиклиникақәа рҿы ирхылаԥшуеит 5235-ҩык.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны иҟоу аерманцәа руаԥшь Ашьха Ҟарабах ацхыраара арҭоит

3
(ирҿыцуп 17:34 30.09.2020)
Ермантәылеи Азербаиџьани Ашьха Ҟарабах еимакны реиҿагылара аҽеибанарххеит цәыббра 27 рзы.

АҞӘА, цәыббра 30 - Sputnik, Асмаҭ Ҵәыџьԥҳа. Аԥсны иҟоу аерманцәа руаԥшь Ашьха Ҟарабах афинанстә цхыраара арҭоит ҳәа Sputnik акорреспондент илеиҳәеит ауаԥшь анапхгаҩы Галуст Трапизониан.

Иара иажәақәа рыла, Аԥсны имҩаԥысраны иҟоуп ареспублика араионқәа руаԥшьқәа рхаҭарнакцәа реиқәшәара.

"Арцах (Ашьха-Ҟарабахтәи Ареспублика - аред.) хатәгәаԥхарала аибашьцәа рҭахны иҟаӡам, дара еизхоит. Аматериалтә цхыраара, ҳәарада, ирҭахуп. Ҳашьцәа аматериалтә цхыраара рыҭара ҳара зегьы иаҳуалԥшьоу акоуп", - иҳәеит иара.

Ашьха Ҟарабах еиҭахгьы бџьаршьҭыхрала еиҿагылеит ииасыз амчыбжь азы. Бақәеи Еревани дара-дара ахара рыдибаҵоит. Аибашьратә ҭагылазаашьеи амобилизациеи рыларҳәеит Ермантәыла. Бақәа акәзар, амобилизациа ахәҭакахьала ирылаҳәоуп, акоменданттә сааҭ аус ауеит.

Аганқәа рыҩбагьы рдыррақәа рыла, аԥсыҭбарақәа ыҟоуп аруаа рганахь аиԥш аҭынчуааԥсыра рганахь алагьы, аха макьаназы заҟаҩ ыҟаҵәҟьоу шьақәыргылам. Ермантәылеи Азербаиџьани дасу ринформациақәа хаз-хазуп.

Иара убас шәаԥхьар ҟалоит:

3