COVID-19 аҟынтәи алаҵа уаанӡатәи СССР атәылақәа рахь анашьҭра азҵаара иалацәажәеит

14
(ирҿыцуп 15:36 23.09.2020)
Гамалеиа ихьӡ зху Аҭҵааратә центр аҿы аус зыдулоу акоронавирус аҟынтәи алаҵа "Спутник V" агәаҭаратә партиақәа Урыстәыла арегионқәа зегьы ироуит.

АҞӘА, цәыббра 23 – Sputnik, Лев Рыжков. Гамалеиа ихьӡ зху аепидемиологиеи амикробиологиеи рмилаҭтә ҭҵааратә центр адиректор Александр Гинцбург иазиԥхьаӡоит Урыстәыла алшарақәа шаԥшаауа акоронавирус COVID-19 аҟынтәи алаҵа "Спутник V" уаанӡатәи СССР атәылақәа рзынашьҭразы. Убри аан массала алаҵа рзынашьҭуам, избанзар зназы иарала урыстәылатәи ауааԥсыра еиқәыршәатәуп.

Аха Урыстәыла азыхиоуп алаҵа атехнологиа рыҭара. Убри азы изауа атәыла ааглыхратә мчрақәа иахәҭаны иамазароуп.

Адиректор Гинцбург игәаанагарала, Урыстәыла ауааԥсыра лаҵала реиқәыршәаразы 9-12 мзы аамҭа аҭахуп.

"Гамалеиа ихьӡ зху аинститут аҵакыраҿ иҟоу анаплакы х-сменакны аус ауеит, аха ҳтәыла ауааԥсыра зегьы лаҵала реиқәыршәаразы алшара амам, - ҳәа иҳәеит Александр Гинцбург. – Иахьазы атехнологиақәа рытрансфер 3-4 ааглыхратә плошьчадка рымоуп. Иҟалап абҵарамзазы арҭ аплошьчадкақәа рҿы 5-6 миллион доза ҭрыжьуа иҟаларгьы. Уи иалнаршон 9-12 мзы рыла алаҵа аҭыжьра 70-80% рҟынӡа анагара".

Аҵарауаҩ иажәақәа рыла, алаҵа аҭыжьразы иаҭахуп атехнологиа ҷыдақәа.

"Сара сгәы иаанагом уа (СССР атәылақәа) атехнологиатә плошьчадкақәа хиоуп ҳәа. Дара рҽаздырхиар, атрансфер Анцәагь дахәон. Аха уаҟагь Белоруссиатәи аҭагылазаашьа акәхап иҟоу. Асеиԥш аан ҳара иҳалшо ацхыраароуп. Уажәы ицоит аицәажәарақәа ареспубликақәа (уаанӡатәи СССР ареспубликақәа) реинырразы".

Массала алаҵа алагалара зыҟалом ҳәа иҳәеит Гинцбург. Аха анаплак дуқәа ахьыҟоу атәылақәа рҿы аҭыжьра еиҿкаахар алшоит. Иаҳҳәап, Индиа.

Александр Гинцбург иажәақәа рыла, Урыстәыла инхо аҳәаанырцәуаагьы ирылшоит алаҵа аԥышәара рхы аладырхәыр.

"Ҳлабораториаҿ аԥкырақәа ыҟам. Азакәанԥҵара адискриминациа аныԥшуам", - ҳәа Sputnik иазеиҭеиҳәеит Александр Гинцбург.

Иара убас шәаԥхьар ҟалоит:

 

14
Атемақәа:
Ачымазара ҿкы – акоронавирус Аԥсни адунеи аҿи: иалкаау (772)

Ермантәыла Апарламент адепутат Ҟарабах дырхәит

6
(ирҿыцуп 13:11 19.10.2020)
Ермантәыла Амилаҭтә еизара - Апарламент адепутат Сасун Микаелиан Ашьха Ҟарабах имҩаԥысуаз актәи аибашьраан деибашьуан.

АҞӘА, жьҭаара 19 — Sputnik. Ермантәыла Амилаҭтә еизара - Апарламент адепутат (афракциа "Сара сшьаҿа") Сасун Микаелиан Ашьха Ҟарабах дырхәит.

Адепутат Микаелиан – Ҟарабах аԥхьатәи аибашьрагьы далахәылан. Иара иԥсҭазаара ашәарҭара иҭагылам.

Уажәазы Ереван агоспиталь дҭоуп.

Ауаажәларра-политикатә еиҿкаара "Союз добровольцев "Еркрапа" – арратә еиҿкаароуп, ишьаҭаркуп 1993 шықәса рзы. Иара алахәылацәа Ҟарабах аибашьра иалахәын. Аидгыла иалахәуп 10 000-ҩык рҟынӡа ауааԥсыра.

Ҟарабах аҭагылазаашьа еицәахеит цәыббра 27, 2020 шықәса рзы. Уижьҭеи аибашьраҵәҟьа мҩаԥысуеит. Ермантәылеи Ҟарабахи арратә ҭагылазаашьа аԥҵоуп.

6

Урыстәыла уахыки-ҽнаки рыла 15 нызқьҩык иреиҳаны акоронавирус рыдырбалеит

3
Аепидемиа алаҵәара иалагеижьҭеи Урыстәыла 1 399 334 коронавирус хҭыс ҟалахьеит. Урҭ рахьтә 24 нызқьҩык рыԥсҭазаара иалҵит 1,1 миллионҩык ргәы бзиахеит.

АҞӘА, жьҭаара 18 — Sputnik. Иҳаҩсыз уахыки-ҽнаки рыла урыстәылатәи арегионқәа 84 рҿы 15 099 коронавирус хҭыс ҟалеит, урҭ рахьтә 3996-ҩык симптомада ирхыргоит ҳәа аанацҳауеит РИА Новости, Акоронавирус аламырҵәаразы Москва аоперативтә штаб адыррақәа шьаҭас иҟаҵаны.

Иацы 14 922 хҭыс ҿыц ыҟан. Ачымазцәа рхыԥхьаӡара 1,1 процент рыла иацлеит.

Зегь реиҳа ачымазцәа рацәаҩны иазгәаҭоуп Москва — 4610, Санкт-Петербург (674), Подмосковье (460). Чукотка уажәазы аӡәгьы дазгәаҭам.

Аепидемиа алаҵәара иалагеижьҭеи Урыстәыла 1 399 334 коронавирус хҭыс ҟалахьеит. Урҭ рахьтә 24 нызқьҩык рыԥсҭазаара иалҵит 1,1 миллионҩык ргәы бзиахеит.

Зегь реиҳа аҭагылазаашьа уадаҩуп Москва, уа аԥкрақәа алагалоуп: 65 шықәса иреиҳабу, ахроникатә чымазарақәа змоу аҩны иаангылароуп, аилазаарақәеи аиҿкаарақәеи 30% русзуҩцәа онлаинла аусурахь ииаргароуп. Ҩымчыбжьа ҳәа ԥсшьара иоужьыз ашколхәыҷқәа рканикулқәа жьҭаара 18 рзы инҵәоит, аха аиҳабыратә классқәа рҵаҩцәа адистанциатә ҵарахьы ииаргоит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы 39,1 миллионҩык акоронавирус рыхьхьеит, 1,1 миллионҩык рыԥсҭазаара иалҵит. Зегь реиҳа аҭагылазаашьа уадаҩуп Еиду Америкатә аштатқәа, Индиа, Бразилиа. Урыстәыла аԥшьбатәи аҭыԥ аҿы игылоуп.

Акоронавирус иадҳәалоу ажәабжьқәа шәрыԥхьар ҟалоит абра>>

3

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

0
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

0