Лев Рыжков

Урыстәылатәи "Матрица": Sputnik акорреспондент исценари ала Москва афильм ддырбоит

7
(ирҿыцуп 12:22 02.10.2020)
Афильм афестивальтә программа "Спектр" иаҵаркуп, иарак ауп урыстәылатә ҭыхымҭаны иҟоугьы. Зынӡа "Спектр" афестивальтә программа иалахәуп 21 киносахьа, 17 тәыла рҟынтәи.

АҞӘА, жьҭаара 2 - Sputnik. Жәларбжьаратәи аинформациатә маҵзура Sputnik акорреспондент Лев Рыжков сценаристс дамоуп афантастика аелементқәа злоу акомедиа "Москвы не бывает". Иара ддырбараны иҟоуп 42-тәи Москватәи жәларбжьаратәи акинофестиваль аҿы.

Афильм афестивальтә программа "Спектр" иаҵаркуп, иарак ауп урыстәылатә ҭыхымҭаны иҟоугьы. Зынӡа "Спектр" афестивальтә программа иалахәуп 21 киносахьа, 17 тәыла рҟынтәи.

Асценари ала афырхаҵа хада – қалақь хәыҷык аҿы дынхоит, аха аԥсҭазаара аикәагьежьраҿы ахҭыс бааԥсқәа дрықәшәоит, зымԥан уназмышьҭуа аҭыԥҳа ԥшӡа бзиа дибоит, аҭыԥантәи агангстерцәа ӷас дышьҭырхуеит, афинал аҿы шәымҭақәак рыла адунеи аҿы аҟазаара амаӡақәа еиликаауеит.

"Иуҳәар ауеит ари афильм урыстәылатәи "Матрица" ауп ҳәа", - иҳәоит Лев Рыжков.

Рыжков иажәақәа рыла, афильм ҭыхын Калугатәи аобласт абиуџьет ала, ақалақьқәа Ермолинои Балабановои рҿы.

"Аҭыхрақәа мҩаԥысуан 2017 шықәса рзы. Акраамҭа иҭаҳхуан, зны амш бааԥсын, зны атехника ҳцәыԥҽуан. Аҭыԥантәи ауаа ҳмыцхраазҭгьы, апроект ҳзынамыгӡаргьы ҟаларын", - ҳәа иҳәеит иара.

© Foto / из личного архива Льва Рыжкова
Лев Рыжков и актер Иван Федотов на съемочной площадке

Афильм арежиссиорс дыҟоуп Дмитри Федоров. Лев Рыжков иажәақәа рыла, арежиссиор иалагаламҭақәа зегьы аматериал афилософиатә ҵаулара арҭеит.

Жьҭаара 2 рзы афильм дырбахоит акинотеатр "Юность" аҿы. Жьҭаара 3 рзы "Москвы не бывает" ддырбараны иҟоуп акинотеатр Арбат Ҿыц "Октябрь" аҿы.

Sputnik – иналукааша жәларбжьаратәи амассатә информациатә хархәага, адунеи ақалақьқәа 90 рҟны 33 бызшәа рыла иҟоу аинтернет-саитқәа еидызкыло, амультимедиатә информациатә хабқәа зманы, жәабала атәылақәа рыҟны иҟоу ажәабжьтә маҵзуроуп, арадиоефиргьы амоуп. Sputnik ахь иаҵанакуеит 30 рҟынӡа асаитқәа, аналогтәи, ацифратәи радиодырраҭарақәа, амобилтә хархәагақәеи асоциалтә ҳақәеи рҟны адаҟьақәа. Ажәабжьқәа уахи-ҽни иҭыҵуеит англыз, араб, аиспан, акитаи бызшәақәа рыла. Sputnik аудиториа 80 миллионҩык рҟынӡа инаӡоит, асоциалтә ҳақәа рҿы Sputnik анапаҵаҩцәа 20 миллионҩык рҟынӡа ыҟоуп. Пекин инаркны Монтевидео аҟынӡа аредакциақәа рҿы аус руеит зықьҩыла еиуеиԥшым амилаҭ ирыҵаркуа ауаа. Sputnik амедиагәыԥ "Россия сегодня" иаҵанакуеит. Sputnik аофис хада Москва аус ауеит.

7

Роспотребнадзор ахәыҷқәа акоронавирус еиҭарго еиҭарымго шьақәнаргылеит

6
(ирҿыцуп 15:07 23.10.2020)
Иахьазы Урыстәыла аҵакыраҿы 1 463 306 акоронавирустә инфекциа хҭыс аҭыԥ амоуп, аҵыхәтәантәи уахыки-ҽнаки рыла – 15 971 хҭыс.

АҞӘА, жьҭаара 23 - Sputnik. Ашколхәыҷқәа акоронавирус еиҭаргоит ҳәа иҟаз агәаанагара ашьақәырӷәӷәара амоуит, абри атәы аанацҳауеит РИА Новости, Пастер ихьӡ зху Роспотребнадзор аепидемиологиеи амикробиологиеи ринститут адиректор, РАН академик Арег Тотолиан иажәақәа шьаҭас иҟаҵаны.

Аҵарауаҩ иҳәеит адуцәа роуп ахәыҷқәа аҿкы рызҭо ҳәа.

"Аԥхьа, ахәыҷқәа маҷны ишычмазцәахоз анырдыр иҟан агәаанагара ахәыҷқәа симптомда ачымазара еиҭаргоит ҳәа. Аха скандинавиатәи атәылақәа руак аҿы аҭҵаарақәа мҩаԥган. Урҭ иадырбеит ахәыҷқәа адуцәа ачымазара ишадмырҟьашьуа, адуцәа шракәу ахәыҷқәа зҟьышьуа", - иҳәеит амаҵзура зыҿцәажәоз.

Тотолиан иҳәеит авирус ацәеижь аҿы ишыҿио ахыцқәа изырҭалазар. "Иҭаларҭа" хаданы иҟоу арецептор ACE2 ауп. Уи ахәыҷқәа рҟны ашьҭақәа роуп иҟоу, измоу адуцәа роуп, аиҳарак абыргцәа.

"Ари ачымазара астатистика иадҳәалоуп. Ахәыҷ чымазцәа рхыԥхьаӡара 10 процентк роуп иартәоу COVID-19 змоу рхыԥхьаӡараҿы", - иҳәоит аепидемиолог.

Иара иажәақәа рыла ахәыҷқәа арецептор АСЕ2 рымамзаара иадҳәаланы акоронавирус рыхьыргьы авирус ахыԥхьаӡара маҷӡоуп. Аҿкра зауз ахыцқәа маҷзар, авирус хәҭақәагьы маҷхоит. Убри азоуп аду иаасҭа авирус аиҭагара зизалмыршо ҳәа иҳәоит Тотолиан.

Иахьазы Урыстәыла аҵакыраҿы 1 463 306 акоронавирустә инфекциа хҭыс аҭыԥ амоуп, аҵыхәтәантәи уахи-ҽни рыла – 15 971 хҭыс.

Иара убас шәаԥхьар ҟалоит:

6
Атемақәа:
Ачымазара ҿкы – акоронавирус Аԥсни адунеи аҿи: иалкаау
ФСБ России. Архивное фото

Урыстәыла АШәМ аисламистцәа ргәыԥқәа ҩба аԥырхит

6
(ирҿыцуп 12:36 23.10.2020)
Аоперациа ҷыдаан аисламистцәа ирымхын агранатақәа хԥа, атапанчақәа ПМ хԥа, еиуеиԥшым агәыцә змоу апатронақәа, ашәарыцага шәақь, аекстремист литература.

АҞӘА, жьҭаара 23 - Sputnik. Урыстәыла Афедералтә шәарҭадаратә маҵзура Ҟарачы-Черқьесски Даӷьысҭани жәларбжьаратә атеррористцәа ргәыԥ "Ат-Такфир Валь-Хиджра" иатәу агәыԥқәа ҩба русура ԥыркит ҳәа аанацҳауеит РИА Новости, амаҵзура ҷыдақәа рдыррақәа шьаҭас иҟаҵаны.

"Ҟарачы-Черқьесск, Малокарачаевтәи араиони Даӷьысҭантәи ақалақьқәа Махачкала, Каспииск, Избербаш рҿы жәларбжьаратә атеррористцәа ргәыԥ "Ат-Такфир Валь-Хиджра"* иатәу аиачеикақәа ҩба, 20-ҩык злахәыз нкылан", - аҳәоит адырраҭараҿы.

Урыстәыла Афедералтә шәарҭадаратә маҵзура иаланарҵәаз аинформациа ишаҳәо ала "атакфиритцәа" арадикалтә идеологиа ауаа ирыдыргалон, иадрыԥхьалон, ауаажәларратә еилазаара азакәанқәа мап рцәыркларц рарҳәон, иара убасгьы Нхыҵ Кавказ иахьаҵанакуа атеократиатә исламтә ҳәынҭқарра – ахалифат аԥҵара рабжьыргон.

Аоперациа ҷыдаан аисламистцәа ирымхын агранатақәа хԥа, атапанчақәа ПМ хԥа, еиуеиԥшым агәыцә змоу апатронақәа, ашәарыцага шәақь, аекстремист литература.

Урыстәыла ззин ыҟам агәыԥ*

Иара убас шәаԥхьар ҟалоит:

6
Владислав Габния

Габниа: агәыдкылареи анапеимдареи убаӡом, ауаа рхы рыхьчо иалагеит

0
(ирҿыцуп 16:36 25.10.2020)
Аҟәа араион Баслаҭа ақыҭа ахада Владислав Габниа арадио Sputnik аефир аҿы еиҭеиҳәеит анхацәа аԥкрақәа ишрықәныҟәо атәы.
Раионк аԥсҭазаараҟынтә: Габниа ацәгьеи абзиеи рзы аҿкы чымазара аамҭазы

"Аԥкрақәа шалагалазҵәҟьа адәқьанқәа рҿы аус зуа адырра раҳҭеит, ауаа еилагылартә еиԥш аҭагылзаашьа аԥырымҵарц. Ачарақәа руразы акәзар, амилициа араионтә ҟәша аҟынтә иааны ҳгәы ҳҽанырҵеит, ҳаргьы ауааԥсыра ирылаҳҳәеит, иааиргьы азин ылырхырцаз, ихыргартә еиԥш ирабжьаҳгоит. Анхацәагьы ирықәныҟоит аԥкрақәа, ачымазара иаҳа иацәшәоит, ауаа ак рыхьыр ҳәа иазхәыцуеит. Ацәгьара акәзар, ауаа заа аԥсы анышә дарҭоит, абжьааԥны еиԥш еилагылаӡом. Атәарақәагьы ирҟәаҵит ҳәа иазгәасҭарц сылшоит. Инеит, иаадышшылан ицоит. Агәыдкылареи анапеимдареи убаӡом, ауаа рхы рыхьчо иалагеит", - ҳәа еиҭеиҳәеит Габниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

0
Атемақәа:
Ачымазара ҿкы – акоронавирус Аԥсни адунеи аҿи: иалкаау