Поставки С-400 в Турцию

Ҭырқәтәыла Амшынеиқәатә Синоп араион аҿы ахысразы аҽазыҟанаҵарц агәы иҭоуп

4
Ҭырқәтәыла анапхгара Амшын еиқәаҿы иазԥхьагәаҭоу артиллериатә ҽазыҟаҵарақәа иарбанзаалак хҳәаак рзыҟарҵом.

АҞӘА, жьҭаара 8 - Sputnik. Ҭырқәтәыла жьҭаара 13-16 рзы Амшынеиқәатә Синоп араион аҿы артиллериатә ҽазыҟаҵарақәа шымҩаԥнаго азы жәларбжьаратәи аҳәамҭа НАВТЕКС (Navtex) ҟанаҵеит ҳәа аанацҳауеит РИА Новости, атәыла АМФ аокеанографиа аусбарҭа адыррақәа шьаҭас иҟаҵаны.

Sputnik Ҭырқәтәыла ишаанацҳауа ала, аҩаша, ҭырқәтәылатәи ар урыстәылатәи ЗРК С-400 Амшынеиқәатә провинциа Самсун ахь иианагеит. Амаҵзура иакьыԥхьит акадрқәа арратә транспорт С-400 акомпонентқәа апровинциа Синоп ахь ишымҩаԥнаго.

Ҭырқәтәыла анапхгара иазԥхьагәаҭоу аҽазыҟаҵарақәа иарбанзаалак хҳәаак рзыҟарҵом.

С-400 Ҭырқәтәылаҟа анашьҭразы аиқәшаҳаҭра анапы аҵаҩын 2017 шықәса рзы. Уахь рнагара иалагеит 2019 шықәса рзы. Аилаӡара ахәԥса иартәоит 2,5 миллиард доллар. С-400 "Триумф" иара убасгьы иаархәоит Китаии Индиеи.

С-400 аахәара иахырҟьаны Ҭырқәтәылеи Америкеи еиванагалеит. Вашингтон аилаӡара мап ацәктәуп, уи ацынхәрас америкатәи акомплекс Patriot аашәхә ҳәа иқәгылеит, аха Ҭырқәтәыла уи мап ацәнакит.

Иара убас шәаԥхьар ҟалоит:

4

Аплазма ахархәарала: Урыстәылатәи аҳақьымцәа COVID-19 ахәышәтәра астандарт аус адырулеит

4
Аиммуннтә плазма ала коронавирустә инфекциа ахәышәәтра ахәшьара ҳаракқәа шаанарԥшыз атәы иҳәеит Киров ихьӡ зху Урыстәылатәи Арра-медицинатә академиа аиҳабы и.н. Сергеи Бунин.

АҞӘА, жьҭаара 22 - Sputnik. Урыстәылатәи аҳақьымцәа акоронавирустә инфекциа COVID-19  аплазма ахархәарала адиагностикеи ахәышәтәреи рыстандарт аус адыруылеит ҳәа аанацҳауеит РИА Новости Урыстәыла Атәылахьчара аминистрра арра-медицинатә напхгараҭара Хада аиҳабы Дмитри Тришкин иажәақәа  шьаҭас иганы.

Тришкин абри азы адырра ииҭеит Урыстәыла Атәылахьчара аминистр Сергеи Шоигу.

"COVID-19 змоу апациентцәа рыхәышәтәра еиҳа аиӷьтәра хықәкны иҟаҵаны, Урыстәыла Атәылахьчара аминистр ихаҭыԥуаҩ Тимур Иванов идгыларала, жьҭаара 14 рзы ишьақәырӷәӷәан акоронавирустә инфекциа COVID-19  аплазма ахархәарала адиагностикеи ахәышәтәреи рыстандарт, адунеитә ԥышәа ахархәара аҭаны,  COVID-19 зхызгахьоу реиԥш иараҟынтә алаҵа ҟазҵахьоу рҟынтә антиковидтә плазма ахархәарала. Ари аҩыза макьаназы адунеи аҿы аиԥш зеиԥшу астандарт ыҟам". - иҳәеит Тришкин.

Уи адагьы иара иҳәеит иҟоу амедицинатә цхыраара аҭара алгоритм инақәыршәаны ишынагӡо COVID-19 змаз аруаа 50-ҩык рсанитар-авиациатә қәгара. Уи ианаамҭаз иахәҭаз ацхыраара ҷыда рнаҭеит.

Аиммуннтә плазма ала  коронавирустә инфекциа ахәышәәтра ахәшьара ҳаракқәа шаанарԥшыз атәы иҳәеит Киров ихьӡ зху Урыстәылатәи Арра-медицинатә академиа аиҳабы и.н. Сергеи Бунин.

Иара иҳәеит амедицинатә маҵзура аҟазауаа разыҟаҵараан аметодика ҿыцқәа шаларгало.

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Жәыргьыҭ абанк иақәлаз ацәгьоуҩы дахьыҟоу макьаназ ишьақәыргылам

8
(ирҿыцуп 13:14 22.10.2020)
Идырым ахаҿы жьҭаара 21 рзы Жәыргьыҭ абанк дақәлеит. Шасыс хҩык ауаа згаз ацәгьоуҩы итҟәацәа иманы иҽиӡаразы Аԥсныҟа амҩа дықәлеит ҳәа аарыцҳауеит АИХқәа.

АҞӘА, жьҭаара 22 - Sputnik. Аԥхьанатә шасыс игаз ахаҿқәа рхы иақәиҭтәуп, ацәгьоуҩы ишьҭазаара мҩаԥысуеит ҳәа аанацҳауеит Sputnik Қырҭтәыла, Қырҭтәыла ААР аҳәамҭа шьаҭас иҟаҵаны.

"Аполициаа имҩаԥыргаз ауснагӡатәқәа рылшарала  итҟәоу рхы иақәиҭтәуп. Урҭ рыԥсҭазаареи ргәабзиареи шәарҭа рымам", - аҳәоит адырраҭараҿы.

Қырҭтәыла ауаажәларратә телехәаԥшра актәи аканал адыррала  аҵыхәтәанынӡа итҟәаны иҟаз ашасцәа уажәы  аполициа аҟәшақәа руак аҿы иҟоуп.

Уажәазы ақәылаҩ дахьыҟоу уаҩы издырам.

Абџьар зыҟәныз ахаҵа Жәыргьыҭ абанк аҟны жьҭаара 21 рзы шьыбжьон 40-ҩык иреиҳаны ауаа шасыс игеит, иара миллионбжак доллар ирҭарц адҵа ҟаиҵеит.

Сааҭла имҩаԥысуаз аиҿцәажәарақәа рышьҭахь, асааҭ 22:00 рзеиԥш, хҩык ашасцәа рышьҭахь иҽыҵәахны, ахыбра дыҩныҵит.

АИХқәа рдыррақәа рыла, иара хҩык атҟәацәа иманы Аԥсны аганахь ддәықәлеит.

Аԥсны Аҳәынҭқарратә шәарҭадаратә маҵзура адырра амам Жәыргьыҭ ашасцәа згаз ацәгьоуҩы Аԥсныҟа амҩа дықәуп ҳәа, абри атәы иҳәеит АШәМ аҳәаахьчаратә ҟәша аиҳабы Рустам Латипов.

Аушьҭырҭатә ҭыԥ "Егры" аркуп асааҭ  19:00- 07:00 рзы, абри аамҭазы аҳәаа аӡәгьы дзахысуам иҳәеит иара.

Иара убас шәаԥхьар ҟалоит:

8

Аԥсны 134-ҩык акоронавирус рыдырбалеит, аӡәы лыԥсҭазаара далҵит

8
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау