Киргизиа ахада Жеенбеков ԥхьатәара дцеит

4
Жьҭаарамзазы Киргизиа Апарламент ахь алхрақәа шымҩаԥысызҵәҟьа аилаҩеиласрақәа ҟалеит.

АҞӘА, жьҭаара 15 - Sputnik. Киргизиа ахада Сооронбаи Жеенбеков аԥшьаша ажәлар рахь аҳәамҭа ҟаиҵеит, иҳәеит ԥхьатәара дцарц аӡбра шидикылаз ҳәа аанацҳауеит РИА Новости.

"Сара амчра сымпыҵакны стәаӡам. Исҭахым Кыргызсҭан аҭоурых аҿы ашьа казҭәаз, зыжәлар иреихсуаз хаданы саанхар. Убри азы исыӡбеит – снапынҵақәа аансыжьуеит", - ҳәа иҳәеит иара иҳәамҭаҿы.

Иара убасгьы ареспублика аԥыза-министр ҿыц Садыр Жапаров иахьи егьырҭ аполитикцәа рахьи ааԥхьара ҟаиҵеит рыдгылаҩцәа Бишкек иалганы аҭынч ԥсҭазаара иаздырхынҳәырц.

Киргизиа Апарламент ахь алхрақәа шымҩаԥысызҵәҟьа аилаҩеиласрақәа ҟалеит. Заанаҵтәи аихшьаалақәа рыла азакәанԥҵаратә усбарҭахь инеираны иҟан аиҳабыратә партиақәа "Биримдик" (24,52% бжьы), "Мекеним Кыргызстан" (23,89%), иара убасгьы ацентристстәқәа "Кыргызстан" (8,73%), "Бутун Кыргызстан" (7,11%). Егьырҭ апартиақәа быжьпроцентктәи ацәаҳәа изахымсит. Урҭ аилагарақәа ыҟан ҳәа иқәгылеит.

Иаҵахаз апартиақәа рыдгылаҩцәа иара убри амш азы амҩадуқәеи ашҭақәеи рҿы аизара иалагеит. Урҭ руак — "Социал-демократы Кыргызстана" — ахадараҿы дыҟоуп Сеитбек Атамбаев, уаанӡатәи ахада Алмазбек Атамбаев иԥа.

Аҿагылара ҟазҵоз аиҳабыра Рыҩны иақәлеит. Уоуп Апарламенти аҳәынҭқарра ахада Иусбарҭеи ахьыҟоу, уи ашьҭахь Аҳәынҭқарра амилаҭтә шәарҭадара аилак иақәланы ихы дақәиҭыртәит уа иаанкылаз уаанӡатәи ахада Алмазбек Атамбаев. Аиҿагыларақәа раан 900-ҩык рҟынӡа аахақәа роуит.

Хара имгақәа атәыла АКХ алхрақәа иашамызт ҳәа рыларҳәеит. Жеенбеков дақәшаҳаҭхеит алхрақәа раан абжьқәа раахәара аҭыԥ шамаз. Атәыла аԥыза-министр, Апарламент аиҳабы, областқәак ргубернаторцәа, Бишкек ахада рнапынҵақәа аанрыжьит.

4

Роспотребнадзор акоронавирус ашыкьымҭа анылаҟәуа атәы азгәанаҭеит

4
(ирҿыцуп 12:34 27.10.2020)
Акоронавирус апандемиа адунеи атәылақәа зегьы амҽханакит. Ичмазаҩхахьеит 42,7 миллион-ҩык 1,1 миллион рыԥсҭазаара иалҵхьеит.

АҞӘА, жьҭаара 27 — Sputnik. Акоронавирус ианеиҵаха аҽа шықәсыки бжаки рҟынӡа ахы цәырнагалоит ҳәа аанацҳауеит РИА Новости Роспотребнадзор аепидемиологиаз ЦНИИ аклиника-аналитикатә усуразы адиректор ихаҭыԥуаҩ Наталиа Пшеничнаиа лажәақәа ҵаҵӷәыс иганы.

Еиуеиԥшым атәылақәа рҿы COVID-19 аамҭа-аамҭала ахы цәырнагалоит ҳәа аҳәоит адырраҭараҿы.

Урыстәыла  COVID-19 иахҟьаны аҭагылазаашьа аҽарцәгьар ҟалоит жәабран-хәажәкыра рзы. Ашыкьымҭа леир алшоит аԥхынразы ҳәа лҳәеит Пшеничнаиа уаанӡа амаҵзура аинтервиу аҭо.

Акоронавирус апандемиа адунеи атәылақәа зегьы амҽханакит. Ичмазаҩхахьеит 42,7 миллион-ҩык 1,1 миллион рыԥсҭазаара иалҵхьеит.

Урыстәыла миллионки бжаки  ачымазара рыхьхьеит,  1,15 миллион-ҩык ргәы бзиахеит, рыԥсҭазаара иалҵит 17,3 нызқьҩык.

Аԥсны авирус рыдбалоуп  3839-ҩык, ргәабзиара шьақәгылеит 1464-ҩык, рыԥсҭазаара иалҵхьеит 36-ҩык.

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Ермантәылеи Азербаиџьани аинышәара арежим аилагаразы ахара рыдибаҵоит

7
(ирҿыцуп 12:55 26.10.2020)
Ашьха Ҟарабах ахымца нкылахоит ашәахьа, жьҭаара 26 асааҭ 7.00 (8.00) рзы Ермантәылеи Азербаиџьани адәныҟатәи русқәа рминистрцәа реиԥылара ашьҭахь ҳәа Аҳәамҭа рыланарҵәеит ЕАА Аҳәынҭдепартамент

АҞӘА, жьҭаара 26 — Sputnik. Ереван Бақәа ахара аднаҵеит аинышәара арежим иқәныҟәом ҳәа. Абри атәы аанацҳауеит РИА Новости Ермантәыла Атәылахьчара аминистрра адыррақәа шьаҭас иҟаҵаны.

"Еиду Аштатқәа рҟны иалыршаз аиқәшаҳаҭра еилаганы азерррбаааиџьантәи аган асааҭ 08:45 (07:45 мск) рзы артиллериала Арцах аҩада-мрагыларатәи  аинырратә цәаҳәаҿы алахысра иалагеит", - лыҩуеит Facebook аҿы Ермантәыла Атәылахьчара аминистрра апресс-маӡаныҟәгаҩ Шушан Степаниан.

Уаанӡа Азербаиџьан Ермантәыла ахара аднаҵахьан аиқәшаҳаҭрақәа еиланагеит ҳәа.

Уи аԥхьа Ашьха Ҟарабах ахымца нкылахоит ашәахьа, жьҭаара 26 асааҭ 7.00 (8.00) рзы Ермантәылеи Азербаиџьани адәныҟатәи русқәа рминистрцәа Зограб Мнацаканиаи Џьеихун Баирамови реиԥылара ашьҭахь ҳәа Аҳәамҭа рыланарҵәахьан ЕАА Аҳәынҭдепартамент

Ашьха Ҟарабах аҭагылазаашьа аҽарыцәгьеит цәыббра 27 рзы. Ермантәылеи Азербаиџьаниии арратә ҭагылазаашьа рыларҳәеит. Ҟарабах адыррақәа рыла  ареспублика ауаа реиланхарҭақәа артиллериала ирылахысуан, аҳҭнықалақь Степанакертгьы налаҵаны.

7

Уахыки-ҽнаки рыла 106-ҩык акоронавирус шрылаз аадырԥшит Аԥсны

9
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Ачымазара ҿкы – акоронавирус Аԥсни адунеи аҿи: иалкаау