Петербург акультуратә форум акоронавирус иахырҟьаны 2021 шықәсахь ииаргеит

8
(ирҿыцуп 15:18 15.10.2020)
Ииасыз ашықәс азы Аԥснытәи аделегациа VIII Санкт-Петербургтәи афорум иалахәын. Усҟан 2020 шықәсазтәи акультураҿы аусеицура аплан нап аҵаҩын.

АҞӘА, жьҭаара 15 - Sputnik. Абҵарамзазы имҩаԥгахараны иҟаз Санкт-Петербургтәи акультуратә форум акоронавирус иахырҟьаны 2021 шықәсахь ииаргеит ҳәа аанацҳауеит РИА Новости, афорум аиҿкааҩцәа рыпресс-маҵзура адыррақәа шьаҭас иҟаҵаны.

"Урыстәыла акультура аминистрреи Урыстәыла аиҳабыреи реиқәшаҳаҭрала ирыдыркылеит аӡбамҭа IX Санкт-Петербургтәи жәларбжьаратә акультуратә форум-2020 ииагахарц 2021 шықәсахьы. Афорум амҩаԥгара арыцхәқәа ҳәа ишьақәырӷәӷәан абҵара 11-13", - аҳәоит адырраҭараҿы.

Аиҿкааҩцәа иазгәарҭоит афорум алахәылацәеи асасцәеи ршәарҭадара хадара злоу акәны ишахәаԥшуа. Иахьатәи аҭагылазаашьазы дара афорум уаанӡатәи аформат ала амҩаԥгара алахәылацәа ргәабзиара цәшәара амамкәа иалымшоны ирбоит.

2019 шықәсазы Аԥснытәи аделегациа VIII Санкт-Петербургтәи афорум иалахәын. Афорум аҳәаақәа ирҭагӡаны Аԥсни Урыстәылеи акультура аминистррақәа рнапы аҵарҩит 2020 шықәсазтәи аусеицуратә план. Афорум Аԥсны фынтәны аҽаланархәхьеит.

Петербург афорум иаҭаауеит адунеи зегь аҟынтәи акультура аекспертцәа, атеатр, аопера, абалет рартистцәа, арежиссиорцәа, амузыкантцәа, ауаажәларратә усзуҩцәа, абизнесуаа.

Арсалиаԥҳа еиҭалҳәеит Петербург анапы зҵаҩыз акультура аплан иаҵанакуа>>

Афорум аиҿкааҩцәа: Урыстәыла акультура аминистрра, Урыстәыла аиҳабыра, Санкт-Петербург аиҳабыра.

Иара убас шәаԥхьар ҟалоит:

8

Аплазма ахархәарала: Урыстәылатәи аҳақьымцәа COVID-19 ахәышәтәра астандарт аус адырулеит

3
Аиммуннтә плазма ала коронавирустә инфекциа ахәышәәтра ахәшьара ҳаракқәа шаанарԥшыз атәы иҳәеит Киров ихьӡ зху Урыстәылатәи Арра-медицинатә академиа аиҳабы и.н. Сергеи Бунин.

АҞӘА, жьҭаара 22 - Sputnik. Урыстәылатәи аҳақьымцәа акоронавирустә инфекциа COVID-19  аплазма ахархәарала адиагностикеи ахәышәтәреи рыстандарт аус адыруылеит ҳәа аанацҳауеит РИА Новости Урыстәыла Атәылахьчара аминистрра арра-медицинатә напхгараҭара Хада аиҳабы Дмитри Тришкин иажәақәа  шьаҭас иганы.

Тришкин абри азы адырра ииҭеит Урыстәыла Атәылахьчара аминистр Сергеи Шоигу.

"COVID-19 змоу апациентцәа рыхәышәтәра еиҳа аиӷьтәра хықәкны иҟаҵаны, Урыстәыла Атәылахьчара аминистр ихаҭыԥуаҩ Тимур Иванов идгыларала, жьҭаара 14 рзы ишьақәырӷәӷәан акоронавирустә инфекциа COVID-19  аплазма ахархәарала адиагностикеи ахәышәтәреи рыстандарт, адунеитә ԥышәа ахархәара аҭаны,  COVID-19 зхызгахьоу реиԥш иараҟынтә алаҵа ҟазҵахьоу рҟынтә антиковидтә плазма ахархәарала. Ари аҩыза макьаназы адунеи аҿы аиԥш зеиԥшу астандарт ыҟам". - иҳәеит Тришкин.

Уи адагьы иара иҳәеит иҟоу амедицинатә цхыраара аҭара алгоритм инақәыршәаны ишынагӡо COVID-19 змаз аруаа 50-ҩык рсанитар-авиациатә қәгара. Уи ианаамҭаз иахәҭаз ацхыраара ҷыда рнаҭеит.

Аиммуннтә плазма ала  коронавирустә инфекциа ахәышәәтра ахәшьара ҳаракқәа шаанарԥшыз атәы иҳәеит Киров ихьӡ зху Урыстәылатәи Арра-медицинатә академиа аиҳабы и.н. Сергеи Бунин.

Иара иҳәеит амедицинатә маҵзура аҟазауаа разыҟаҵараан аметодика ҿыцқәа шаларгало.

3
Атемақәа:
Ачымазара ҿкы – акоронавирус Аԥсни адунеи аҿи: иалкаау

Жәыргьыҭ абанк иақәлаз ацәгьоуҩы дахьыҟоу макьаназ ишьақәыргылам

8
(ирҿыцуп 13:14 22.10.2020)
Идырым ахаҿы жьҭаара 21 рзы Жәыргьыҭ абанк дақәлеит. Шасыс хҩык ауаа згаз ацәгьоуҩы итҟәацәа иманы иҽиӡаразы Аԥсныҟа амҩа дықәлеит ҳәа аарыцҳауеит АИХқәа.

АҞӘА, жьҭаара 22 - Sputnik. Аԥхьанатә шасыс игаз ахаҿқәа рхы иақәиҭтәуп, ацәгьоуҩы ишьҭазаара мҩаԥысуеит ҳәа аанацҳауеит Sputnik Қырҭтәыла, Қырҭтәыла ААР аҳәамҭа шьаҭас иҟаҵаны.

"Аполициаа имҩаԥыргаз ауснагӡатәқәа рылшарала  итҟәоу рхы иақәиҭтәуп. Урҭ рыԥсҭазаареи ргәабзиареи шәарҭа рымам", - аҳәоит адырраҭараҿы.

Қырҭтәыла ауаажәларратә телехәаԥшра актәи аканал адыррала  аҵыхәтәанынӡа итҟәаны иҟаз ашасцәа уажәы  аполициа аҟәшақәа руак аҿы иҟоуп.

Уажәазы ақәылаҩ дахьыҟоу уаҩы издырам.

Абџьар зыҟәныз ахаҵа Жәыргьыҭ абанк аҟны жьҭаара 21 рзы шьыбжьон 40-ҩык иреиҳаны ауаа шасыс игеит, иара миллионбжак доллар ирҭарц адҵа ҟаиҵеит.

Сааҭла имҩаԥысуаз аиҿцәажәарақәа рышьҭахь, асааҭ 22:00 рзеиԥш, хҩык ашасцәа рышьҭахь иҽыҵәахны, ахыбра дыҩныҵит.

АИХқәа рдыррақәа рыла, иара хҩык атҟәацәа иманы Аԥсны аганахь ддәықәлеит.

Аԥсны Аҳәынҭқарратә шәарҭадаратә маҵзура адырра амам Жәыргьыҭ ашасцәа згаз ацәгьоуҩы Аԥсныҟа амҩа дықәуп ҳәа, абри атәы иҳәеит АШәМ аҳәаахьчаратә ҟәша аиҳабы Рустам Латипов.

Аушьҭырҭатә ҭыԥ "Егры" аркуп асааҭ  19:00- 07:00 рзы, абри аамҭазы аҳәаа аӡәгьы дзахысуам иҳәеит иара.

Иара убас шәаԥхьар ҟалоит:

8

Аԥсны 134-ҩык акоронавирус рыдырбалеит, аӡәы лыԥсҭазаара далҵит

5
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау