Франциатәи асенатор Ашьха Ҟарабах ахьыԥшымра азхаҵазарц ажәалагала ҟаиҵеит

17
(ирҿыцуп 12:52 20.10.2020)
Уаанӡа Франциа адәныҟатәи аусқәа рминистр иҳәахьан Ҟарабах аганахьала Франциа апозициа шыҟоу иаанхар шакәу, избанзар Франциа – минсктәи ОБСЕ агәыԥ иацхантәаҩуп.

АҞӘА, жьҭаара 20 - Sputnik. Франциатәи асенатор Валери Буаие аҳәамҭа ҟаиҵеит абри амчыбжь азы Асенат ахь Ашьха Ҟарабах азхаҵаразы адокумент шынаишьҭуа ҳәа аанацҳауеит РИА Новости.

"Ашьха Ҟарабах аҿы Азербаиџьан ажәыларақәа раанкылара иаанаго аҭырқәа ислам Европа алаҵәара аанкылароуп. Абри амчыбжь азы Асенат ахь Ашьха Ҟарабах азхаҵарази Ҭырқәтәылеи Азербаиџьани рхымҩаԥгашьа ақәыӡбарази адокумент насышьҭуеит", - ҳәа иҩуеит Буаие Twitter аҿы.

Уаанӡа Франциа адәныҟатәи аусқәа рминистр Жан-Ив Ле Дриан Асенат аҿы иқәгылараан иазгәеиҭахьан Ашьха Ҟарабах аҳәаанырцә тәылақәа, хаҭала Ҭырқәтәыла ар рылагалара ҟалашьа амамзароуп ҳәа.

Убри аан Франциа адәныҟатәи аусқәа рминистр Ҟарабах аганахьала Франциа, уи минсктәи ОБСЕ агәыԥ излацхантәаҩу ала, апозициа шыҟоу иаанхар ауп ҳәа азгәеиҭеит.

Ашьха Ҟарабах аинырратә цәаҳәаҿы бџьаршьҭыхрала еиҿагылеит цәыббра 27 азы. Бақәеи Еревани дара-дара ахара рыдибаҵоит. Аибашьратә ҭагылазаашьеи амобилизациеи рыларҳәеит Ермантәыла. Бақәа акәзар, амобилизациа ахәҭакахьала ирылаҳәоуп, акоменданттә сааҭ аус ауеит.

Аганқәа рыҩбагьы рдыррақәа рыла, аԥсыҭбарақәа ыҟоуп аруаа рганахьеиԥш, аҭынч уааԥсыра рганахьалагьы.

Ҟарабах аконфликт ахы акит 1988 шықәса жәабранмзазы, Ашьха-Ҟарабахтәи автономтә област Азербаиџьантәи ССР ишалҵуа азы аҳәамҭа аныҟанаҵа ашьҭахь.

1992-1994 шықәсқәа рызтәи аиҿагылара ашьҭахь Азербаиџьан Ашьха Ҟарабах анапы иҵыҵит иаԥныз араионқәа быжьба налаҵаны. 1992 шықәса раахыс ОБСЕ Минсктәи агәыԥ аҳәаақәа ирҭагӡаны аимак ҭынчрыла аилыргаразы аиҿцәажәарақәа мҩаԥысуеит. Азербаиџьан аҵакыратә акзаара атәы иалацәажәоит, Ермантәыла – иазхаҵам ареспублика аинтересқәа ахьчоит.

Иара убас шәаԥхьар ҟалоит:

17

Алаҵа "Спутник V" 95% хра аманы ахы аанарԥшит

2
(ирҿыцуп 16:02 24.11.2020)
Асеиԥш шьақәырӷәӷәоуп хатәгәаԥхарала алаҵа ҟазҵаз ма плацебо зырҭаз 18 794-ҩык рыҭҵаара ашьҭахь.

АҞӘА, абҵара 24 - Sputnik. Акоронавирус аҟынтәи урыстәылатәи алаҵа "Спутник V" 95% хра аманы ахы аанарԥшит ианыҟарҵа ашьҭахь 42-тәи амш азы.
28-тәи амш азы ари арбага 91,4% иҟан.

Аҟазауаа ишырҳәо ала  абжьаратә ҩаӡараҳарак рыԥхьаӡоит х-статистикатә гәаҭара рыла: иԥыршәо рҟынтәи 20, 39, 78 чымазара хҭыс разгәаҭарала.

"Аҵак ду аманы иҟоуп аҩбатәи абжьаратә анализ. Уи ишьақәнарӷәӷәеит "Спутник V" актәи аетап аан иазыҟаҵаз ахәшьара. Уажәы ҳара иаҳҳәар ҳалшоит алаҵа 91-92% хра аманы иҟоуп ҳәа", - иҳәеит Гамалеиа ихьӡ зху Амилаҭтә центр адиректор, алаҵа аус адызулоз Александр Гинцбург.

Иара иҳәеит ахԥатәи абжьаратә анализ амҩаԥгара азыԥхьагәаҭоуп хатәгәаԥхарала иҟазҵаз рахьтә 78 COVID-19 хҭыс ҟалар.

"Ҳақәгәыӷуеит алҵшәақәа ҳшырзыԥшыз аиԥш иҟалоит ҳәа. Ахыркәшаратә хәшьара ҳауеит III аклиникатә ҭҵаарақәа рфаза ашьҭахь", - иҳәеит аҵарауаҩ.

Урыстәыла атәылауаа рзы "Спутник V" хәыдаԥсадахоит, ҳәа рҳәеит аинвестициақәа Урыстәылатәи рфонд аҿы. Жәларбжьаратәи аџьармыкь аҿы дозак 20 доллар иаԥсахоит.

Иара убас шәаԥхьар ҟалоит:

2
Атемақәа:
Ачымазара ҿкы – акоронавирус Аԥсни адунеи аҿи: иалкаау
Джефф Безос

Адунеи аҿы реиҳа амал змоу ауаҩ ихьӡ ҳәоуп

4
Амаҵзура Bloomberg аекспертцәа Bloomberg Billionaires Index (BBI) рҿыцны иазгәарҭоит адунеи аҿы реиҳа амал змоу рмал заҟароу.

АҞӘА, абҵара 24 - Sputnik. Bloomberg Billionaires Index (BBI) ареитинг ала адунеи аҿы аԥыжәара игеит Amazon ашьаҭаркҩы Џьефф Безос, аанацҳауеит Блумберг амаҵзура.

Безос имал иартәеит 182 миллиард доллар.

Аилахәыра SpaceXи Tesla анапхгаҩы Илон Масксместил аҩбатәи аҭыԥ ахь днеиит Microsoft ашьаҭаркҩы Билл Геитс иаԥганы. Маска 127,9 миллиард доллар имоуп, шықәсык ала 100,3 миллиард доллар рыла еиҳатәны.

SpaceX ахада ажьырныҳәамзазы 35 аҭыԥ никылозар, уажәы Microsoft ашьаҭаркҩы Билл Геитс иаԥигеит.

Билл Геитс 127,7 миллиард доллар иманы ахԥатәи аҭыԥ ахь днеиит.

Реиҳа ималуаҩу ахәҩык рахь иара убас иаҵанакит: Louis Vuitton Moët Hennessy ахада Бернар Арно, Facebook ашьаҭаркҩы Марк Цукерберг.

4

Абҵарамза 25 рзы Аҟәа ахәҭак ӡыда иаанхоит

2
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

2